Category: Sport

Skuadra e Ballkanit ka bërë të ditur për një transferim të ri në këtë afat kalimtar. Bëhet fjalë për mesfushorin nga Bullgaria, Stanislav Petkov, i cili do të përforcojë kampionin vjeshtor.

Petkov vjen tek Ballkani nga ekipi Tabor Sezana dhe pritet të luajë si mesfushor defensiv, duke sjellë agresivitet dhe aftësi mbrojtëse në repartin e mesfushës së ekipit.

“̈ ̈ ! FC Ballkani vazhdon të përforcohet në afatin kalimtar, tani duke transferuar mesfushorin bullgar Stanislav Petkov. 21 vjeçari, i cili vjen me një përvojë të rëndësishme nga kampionatet si ai bullgar dhe slloven, do të jetë një lojtar i ri i rëndësishëm në ekipin tonë.”, thuhet në njoftim.

Sport Club Gjilani dhe FC Prishtina kanë arritur marrëveshje për huazimin e sulmuesit 24-vjeçar Agron Kolaj, i cili do t’i bashkohet Gjilanit për pjesën e dytë të sezonit.

Kolaj ka një përvojë të pasur në futbollin kosovar, duke përfshirë paraqitjet me Besën nga Peja, ku debutoi në elitën e futbollit, dhe më pas me Prishtinën, ku regjistroi 54 ndeshje zyrtare në kampionat.

SC Gjilani i uron mirëseardhje Agron Kolajt dhe shpreh besimin se ai do të japë një kontribut të rëndësishëm për skuadrën në vazhdim të sezonit.

Zyra për Informim dhe Komunikim e klubit ka bërë të ditur se huazimi është pjesë e strategjisë për forcimin e sulmit dhe objektivat e klubit në kampionat.

Federata e Futbollit e Kosovës ka zyrtarizuar Adidasin si sponsorin e ri teknik të Kombëtares së Kosovës në futboll.

Ky bashkëpunim me kompaninë gjigante ndërkombëtare shënon një hap të rëndësishëm për Kombëtaren “Dardane”, duke e vendosur atë në një nivel më të lartë profesional.

Fanellat e reja janë zbuluar sot dhe janë të dizajnuara nga Adidas, duke ruajtur ngjyrat tradicionale të Kosovës, por me elemente moderne që e bëjnë uniformën të dallueshme dhe bashkëkohore.

Ylli norvegjez Martin Odegaard ka folur për ambiciet e skuadrës së Arsenalit këtë sezon.

Odegaard ka thënë se beson që Arsenal do të fitoj trofe në fund të sezonit,dhe thotë se londinezët do të arrijnë ta bëjnë këtë.

“Unë vërtet besoj se kjo është mënyra e duhur për ta bërë këtë. Ky do të jetë viti ynë,” tha Odegaard, duke nënvizuar vrullin në rritje të Arsenalit pas paraqitjeve të forta në Ligën e Kampionëve dhe në ndeshjet vendase.”

Përndryshe ylli norvegjez thotë se skuadra po punon shumë që të përmirësohet,dhe se detajet pritet të jenë vendimtare në fund të këtij sezoni.

Kujtojmë që Martin Odegaard në 25 ndeshje të zhvilluara ka shënuar 1 gol dhe dhuroi 5 asistime në të gjitha garat.

Futbollisti kosovar Granit Xhaka nuk do të jetë i gatshëm për ndeshjen e fundjavës ndaj Arsenalit, pasi ende nuk e ka kaluar plotësisht lëndimin në kyçin e këmbës që e pësoi javën e kaluar.

Lajmin e konfirmoi trajneri i Sunderlandit, Régis Le Bris, gjatë konferencës për media:

“Nuk ka ndonjë përditësim të madh për momentin, por prania e tij në ekip është ende shumë e fortë. Presim me padurim të kemi versionin më të mirë të tij përsëri së shpejti.”

Xhaka ka munguar në dy ndeshjet e fundit të Sunderlandit, kundër West Ham dhe Burnley, dhe situata e tij do të monitorohet gjatë ditëve në vijim për rikthimin në stërvitje dhe lojë.

Gjiganti gjerman Bayern Munich ka zyrtarizuar marrëveshjen e re me sulmuesin anësor Serge Gnabry.

Gnabry ka nënshkruar kontratë të re me bavarezët deri në vitin 2028,ku përfshihet këtu edhe një ulje në pagën e futbollistit gjerman.

Përndryshe Gnabry pritet të fitoj rreth 15 milionë euro në sezon,nga 18 milionë sa fitonte në sezonet e kaluara.

Ndërkohë gjermani u shpreh mjaft i lumtur që do të luaj edhe për disa sezone të tjera tek Bayern.

“Jam i kënaqur që do të luaj për Bayernin për disa vite të tjera. Diskutimet ishin gjithmonë pozitive. Qëllimi im është të vazhdoj në këtë mënyrë: Ne jemi një njësi e vërtetë dhe mund të arrijmë gjëra të mëdha. Arsyet për zgjatjen e kontratës janë ekipi, stafi i trajnerëve, i gjithë klubi, tifozët, qyteti, ndihem shumë rehat te FC Bayern”

KF Llapi ka zyrtarizuar një përforcim të rëndësishëm në repartin ofensiv, duke njoftuar transferimin e sulmuesit qendror Fiton Ademi.

23-vjeçari i bashkohet skuadrës nga klubi kampion i Maqedonisë së Veriut, KF Shkëndija Tetovë, duke sjellë me vete përvojë të vlefshme pavarësisht moshës së re.

Ademi ka ndërtuar një CV solide, me paraqitje në garat evropiane dhe me titullin kampion të fituar me Shkëndijën në edicionin e kaluar, çka e bën një përforcim të rëndësishëm për ambiciet e Llapit në këtë sezon.

Sulmuesi pritet të ketë rol kyç në objektivat e klubit, ndërsa afrimi i tij shihet si një nga lëvizjet më të rëndësishme të afatit kalimtar.

Njoftimi i klubit:

Klubi Futbollistik Llapi ka njoftuar se Fiton Ademi ka nënshkruar kontratë të vlefshme deri në verën e vitit 2028, duke u bërë zyrtarisht pjesë e familjes bardhekaltër.

Ademi vjen te Llapi nga Shkëndija Tetovë, me të cilën sezonin e kaluar u shpall kampion. Gjatë qëndrimit te klubi nga Tetova, ai ka zhvilluar 69 paraqitje zyrtare, duke realizuar 16 gola dhe 9 asistime.

Në sezonin e fundit, Fiton Ademi ka zhvilluar paraqitje në garat evropiane, duke luajtur në kualifikimet e UEFA Champions League, Europa League dhe Conference League – arritje të rëndësishme për një futbollist vetëm 23-vjeçar. Me këtë përvojë, Ademi vjen në klubin tonë si një përforcim me vlera të larta, i gatshëm të kontribuojë menjëherë në realizimin e objektivave tona.

KF Llapi i uron Fiton Ademit mirëseardhje dhe shumë suksese me fanellën bardhekaltër.

Ylli i Kombëtares së Kosovës Milot Rashica mund të mbetet në Superligën e Turqisë por jo tek gjiganti turk Besiktas.

Mediat turke bëjnë të ditur se Trabzonspor synon ta transferoj Rashicën,dhe atë në ditët e fundit të afatit kalimtar të janarit në Turqi.

Përndryshe Rashica po shihet si një përforcim tejet i rëndësishëm për repartin e sulmit tek Trabzonspor,dhe transferimi i tij do të ishte e rëndësishme sidomos kur ekipi i Fatih Tekke po lufton për titull në kampionatin turk.

Mbetet të shihet se nëse do të realizohet ky transferim në formë blerjeje,apo si huazim deri në fund të sezonit.

Kujtojmë që Milot Rashica ka shënuar 1 gol e bëri 2 asistime në 19 ndeshje për Besiktasin në të gjitha garat.

Superylli portugez Cristiano Ronaldo është gati t’i japë fund grevës së tij në futbollin saudit, megjithatë pakënaqësia ndaj mënyrës se si po trajtohet klubi i tij, Al-Nassr, vazhdon të mbetet e pranishme.

Ronaldo kishte refuzuar të luante për Al-Nassr si formë proteste ndaj Fondit të Investimeve Publike (PIF) të Arabisë Saudite, duke pretenduar se klubet nuk po trajtohen në mënyrë të barabartë. Klubet kryesore në Arabinë Saudite janë në pronësi të shtetit, ndërsa PIF ka një rol kyç në transferime, përfshirë edhe përcaktimin e klubit ku do të transferohen lojtarët.

Sipas burimeve pranë lojtarit, ylli portugez është i pakënaqur me faktin se shumica e futbollistëve elitë po përfundojnë te Al-Hilal, klub që së fundmi ka transferuar edhe Karim Benzema, çka ka rritur më tej pakënaqësinë e tij.

Për këtë arsye, Ronaldo nuk u aktivizua në ndeshjen ndaj Al-Riyadh më herët gjatë javës. Megjithatë, sipas raportimeve të Sky Sports, ai ka vendosur t’i japë fund grevës, ndonëse situata mbetet e tensionuar.

Cristiano Ronaldo është rikthyer së fundmi në stërvitje me Al-Nassr, duke dhënë sinjale pozitive për rikthimin e tij në fushë. Sipas raportimeve, ai pritet të luajë në derbin e nesërm ndaj Al-Ittihad.

Ndërkohë, situata ka shkuar deri aty sa portugezi po shqyrton seriozisht edhe mundësinë e largimit nga Al-Nassr dhe Arabia Saudite. Aktualisht, Al-Nassr ndodhet vetëm një pikë pas liderit Al-Hilal, ndërsa drejtuesit e klubit shpresojnë që rikthimi i Ronaldos të jetë vendimtar në garën për titullin kampion.

Trajneri i Manchester City-t, Pep Guardiola, ka kërkuar ndryshimin e rregullores së Carabao Cup, në mënyrë që mbrojtësi Marc Guehi të lejohet të luajë në finalen ndaj Arsenalit.

Tekniku spanjoll beson se klubi duhet t’u drejtohet organizatorëve të kompeticionit për të rishqyrtuar rregullat e kualifikimit, të cilat aktualisht e përjashtojnë Guehin nga finalja e Wembley.

Manchester City siguroi kualifikimin në finale pas fitores 3-1 ndaj Newcastle në ndeshjen e dytë gjysmëfinale, duke e mbyllur çiftin me rezultatin e përgjithshëm 5-1.

Sipas rregullores së Kupës së Ligës, Marc Guehi nuk ka të drejtë të aktivizohet në finale, pasi ai ka luajtur më herët në këtë edicion të turneut me Crystal Palace dhe iu bashkua City-t vetëm pas ndeshjes së parë gjysmëfinale.

Guardiola nuk e fshehu pakënaqësinë e tij ndaj këtij rregulli, duke theksuar se lojtari është tashmë pjesë e skuadrës dhe duhet të ketë të drejtë të luajë.

“Pse të mos luajë Guehi? Pse jo? Ne i paguajmë rrogën, ai është lojtari ynë. E blen një lojtar për shumë para dhe ai nuk lejohet të luajë për shkak të një rregulli që nuk e kuptoj. Shpresoj që ta ndryshojnë. I thashë klubit se duhet të kërkojmë. Shpresojmë të bindim drejtuesit e Kupës Carabao që Marc të luajë në finale”, u shpreh Guardiola.

Finalja e Carabao Cup mes Manchester City-t dhe Arsenalit është planifikuar të zhvillohet më 22 mars në stadiumin Wembley.