Category: Sport

Mesfushori spanjoll Martin Zubimendi ka deklaruar se është tejet i lumtur tek gjiganti londinez Arsenal.

Zubimendi ka dhënë komente për një transferim tek Real Madrid në verën e ardhshme,duke thënë se një gjë e tillë është e pamundur.

Përndryshe Zubimendi shton se për momentin është i fokusuar tek ekipi londinez,ku synon që të fitoj të gjitha trofetë e mundshme këtë sezon me Arsenalin.

Kujtojmë që Martin Zubimendi është bërë lider kyç në mesfushën e Arsenalit,ku në 32 ndeshje ka shënuar 5 gola e bëri 1 asistim.

Kombëtarja e Kosovës ne futboll nga ky vit pritet të vishet nga kompania gjermane e veshjeve sportive Adidas.

Marrëveshjen e ka konfirmuar presidenti i FFK-së Agim Ademi në Kuvendin Zgjedhor,duke bërë të ditur se edhe fanellat e ekipeve të grupmoshave pritet të vishen nga kompania e njohur sportive.

Përndryshe Ademi më tutje shprehet  se më fanellat e prodhuara nga Adidas Kombëtarja e Kosovës do të prezantohet në Kupën e Botës në qershor,në rast se “Dardanët”arrijnë të kalojnë fazën e play-off-it në mars.

Kujtojmë që Kombëtarja e Kosovës pritet të zhvillojë ndeshjen gjysmëfinale të play-off-it për botërorin e vitit 2026 kundër Sllovakisë,dhe në rast të kalimiit në finale e pret fituesin nga takimi Turqi-Rumani.

Jean-Philippe Mateta mund të ndryshojë skuadër në verë, pavarësisht se mbetet nën kontratë me Crystal Palace deri në vitin 2027.

Sulmuesi francez, autor i 9 golave dhe 2 asistimeve këtë sezon, ishte pranë largimit në janar, por transferimi te Milani dështoi në momentet e fundit.

Sipas Daily Mirror, në garë për 28-vjeçarin ka hyrë tashmë Manchester United, i cili po e monitoron nga afër situatën dhe e sheh Matetan si përforcim për repartin ofensiv në sezonin e ardhshëm.

Mesfushori spanjoll Gavi pritet që t’i rikthehet në fushat e gjelbërta për Barcelonën pas një lëndimi që e la një kohë të gjatë.

Mediumi spanjoll Mundo Deportivo bën të ditur se Gavi mund të kthehet në fund të shkurtit,dhe atë në rast se nuk ndodhë ndonjë pengesë në fazën e rikuperimit.

Përndryshe tek Barca besojnë se Gavi me rikthimin e tij mund të jetë një ndër lojtarët që mund të kontibuojë një fazën vendimtare të sezonit,ku katalunasit po luftojnë në tre fronte në La Liga,Kupën e Mbretit dhe Ligën e Kampionëve.

Kujtojmë që Gavi pësoi lëndim në gju në ndeshjen kundër Levantes në La Ligam,dhe që nga atëherë humbi një pjesë të rëndësishme të sezonit me blaugranasit.

Marcus Rashford, i huazuar te Barcelona nga Manchester United, ka folur pozitivisht për kohën e tij në klub që nga ardhja gjatë verës  largimi i tij i dytë nga “Old Trafford” pas huazimit te Aston Villa sezonin e kaluar dhe hera e parë që luan jashtë Anglisë. Megjithatë, me Michael Carrick në krye të Manchester United, situata duket se po ndryshon.

Nën drejtimin e Ruben Amorim, Rashford u la jashtë planeve kryesore, duke luajtur vetëm minuta sporadike si zëvendësues, para se të dërgohej te Aston Villa në janarin e kaluar. Ishte e qartë se ai do të largohej në verë dhe lojtari priti një transferim te Barcelona. Tani, me Carrick në krye, është sugjeruar se ai mund të përpiqet ta riintegrojë Rashfordin në “Old Trafford”, nëse e merr përfundimisht postin e trajnerit.

Megjithatë, sipas The Mirror, në mendjen e Rashfordit një gjë është e sigurt: ai nuk do të rikthehet te Manchester United verën e ardhshme. Barcelona thuhet se synon ta mbajë lojtarin dhe ka një opsion blerjeje prej 30 milionë eurosh në marrëveshje, por edhe nëse nuk arrihet një marrëveshje, 28-vjeçari do të kërkojë transferim në një klub tjetër.

I njëjti raport thotë se Rashford i atribuon kalimit te Barcelona meritën për faktin që “e ka ndihmuar të dashurohet sërish me futbollin”. Sport shpjegon se Rashford po e shijon jetën në Castelldefels, ku ai dhe disa lojtarë të tjerë jetojnë në periferi të Barcelonës. Ai frekuenton restorante në zonë dhe ka bërë disa udhëtime për peshkim. Gjithashtu, ai po përmirëson spanjishten me mësime të rregullta — një shenjë se dëshiron të qëndrojë.

Te Roony Bardghji, një tjetër përforcim i verës që flet anglisht, Rashford ka gjetur një mik të afërt në dhomat e zhveshjes. Trajneri Hansi Flick ka folur pozitivisht për ndikimin e Rashfordit te Barcelona dhe, edhe pse jo gjithmonë me paraqitje të shkëlqyera, golat dhe asistimet e tij kanë qenë një faktor i rëndësishëm që “Blaugranat” janë në krye të La Ligës dhe janë kualifikuar në fazën e 1/8-ës së Ligës së Kampionëve.

Agim Ademi sërish është zgjedhur në krye të Federatës së Futbollit të Kosovës, raporton Ekonomia Online.

Ai në votim të hapur mori 52 vota, pa asnjë kundër dhe asnjë abstenim.

Ademi nuk kishte asnjë kundërkandidat.

Ylli i Ligës Premier refuzon të jetë pjesë e fushatës LGBTQ+, shkakton përplasje me klubin

Një lojtar i njohur nga Liga Premier, emri i të cilit nuk është bërë i ditur, thuhet se është ankuar në klubin e tij se është portretizuar si homoseksual, pasi drejtoi për dy vite rresht programin e ndeshjeve të klubit për fushatën LGBTQ+.

Lajmi i Daily Mail vjen në kohën kur Liga Premier nis një fushatë të re për të mbështetur komunitetin LGBTQ+, të quajtur “Me Krenari”, që do të zgjasë nga nesër deri më 13 shkurt.

Sezonin e kaluar, Premier League i dha fund partneritetit të saj me bamirësinë LGBTQ+ Stonewall, me të cilën kishte punuar që nga viti 2014, duke i dhënë fund iniciativës “Rainbow Laces”.

Në sezonin e ri, kapitenët nuk do të jenë të detyruar të mbajnë shirita në krahë me ngjyrat e ylberit, dhe lojtarët nuk do të jenë të detyruar të veshin bluza ngrohjeje ose lidhëse me ngjyrat e ylberit gjatë ndeshjeve Pride.

Mesazhet e mbështetjes do të shfaqen në stadiume, tabela reklamash, tabela me prekje para ndeshjes dhe tribuna topash, me shpresën për të ulur tensionet me lojtarët individualë.

Ndryshimet vijnë pas një sërë polemikash sezonin e kaluar. Mes tyre, kur kapiteni i Ipswich, Sam Morsy, i cili është mysliman, refuzoi të mbante shiritin e kapitenit me ngjyrat e ylberit.

Gjithashtu, Manchester United hoqi dorë nga një plan që skuadra të vishte xhaketa me ngjyrat e ylberit gjatë nxehmjeve, pasi Noussair Mazraoui, gjithashtu mysliman, refuzoi t’i vishte ato.

Ka nisur tashmë kuvendi zgjedhor i Federatës së Futbollit të Kosovës, ku pritet të zgjidhet presidenti për mandatin 2026–2030, KosovaPress.

Kandidat i vetëm është kryetari aktual, Agim Ademi, i cili synon mandatin e tij të tretë në krye të federatës, që e udhëheq që nga viti 2018 pas ndarjes nga jeta të legjendës Fadil Vokrri.

Përveç zgjedhjes së presidentit, në rend dite është edhe votimi i anëtarëve të rinj të Komitetit Ekzekutiv dhe miratimi i buxhetit për vitin 2025, i cili pritet të arrijë rreth 25 milionë euro.

Në Kuvend marrin pjesë përfaqësues të UEFA-s, FIFA-s dhe institucione vendore, ndërsa procesi zgjedhor është konfirmuar si legjitim nga organizatat ndërkombëtare.

Janë zhvilluar ndeshje inteesante në ligën më të fortë të basketbollit në botë NBA.

Houston Rockets pësoi humbje nga Boston Celtics me rezultat të bthellë 114:93.

Derrick White me 28 pikë e 8 asistime si dhe Payton Pritchard me 27 pikë e 7 asistime,kurse për Rockets ishte Kevin Durant me 15 pikë teksa Jabari Smith Jr dhe Alperen Sengun shënuan 13 pikë secili.

Në anën tjetër kampioni Oklahoma City Thunder u mund nga San Antonio Spurs me rezultat 116:110.

Keldon Johnson me 25 pikë e 6 kërcime si dhe Victor Ëembanyama me 22 pikë e 14 kërcime ishin më efikasët për Spurs,teksa në anën tjetër për Thunder ishte Kennrich Williams me 25 pikë e 9 kërcime teksa kontribut dha dhe Jaylin Williams me 24 pikë e 12 kërcime.

Juljan Shehu është i bindur se përballja mes Polonisë dhe Shqipërisë, e vlefshme për “Play Off”-in e Botërorit, do të jetë shumë e balancuar.

Mesfushori kuqezi analizoi sfidën në një intervistë për mediat polake. Ai tha se “do të vendoset nga detajet. Është një ndeshje e vështirë, pavarësisht se Polonia ka avantazhin që luan përballë tifozëve të saj. Kombëtarja shqiptare ka luajtur tre herë në dy vitet e fundit me Poloninë dhe e njohim mirë njëri-tjetrin. Polonia ka një skuadër shumë të fortë.”

I pyetur për pikën më të fortë të kuqezinjve të Silvinjos, Shehu tha se nuk është vetëm mesfusha. “Ne nuk kemi vetëm futbollistë të mirë në mesfushë, por në të gjitha repartet. Filozofia jonë është pak a shumë si Italia, duke qenë se shumë lojtarë luajnë aty dhe Sylvinho ka punuar me Mançinin. Sa i përket rolit tim, është ndryshe në Kombëtare dhe në skuadër. Trajneri më kërkon më shumë detyra mbrojtëse.”

Në fund, nuk munguan batutat mes tij dhe gazetarëve në studio. “Ti mos më uro fat, por unë i uroj fat vetes time dhe Kombëtares shqiptare,” tha mesfushori.

Ndeshja mes Polonisë dhe Shqipërisë do të luhet më 26 mars në Varshavë. Në rast kualifikimi, kuqezinjtë do të përballen me fituesin e çiftit Suedi–Ukrainë.