Category: Sport

Qendërmbrojtësi francez Dayot Upamecano do të mbetet tek gjiganti gjerman Bayern Munich edhe në sezonet e ardhshme.

Upamecano ka nënshkruar më në fund kontratën e re me bavarezët,dhe francezi do të mbetet në Allianz Arena deri më 2030.

Përndryshe Upamecano u shpreh mjaft i lumtur për arritjen e marrëveshjes së re me Bayernin,dhe thotë se synon të fitoj trofe me bavarezët.

“Jam shumë i lumtur që qëndroj te Bayern Munich dhe që vazhdoj të luaj në këtë skuadër. Kemi një ekip të shkëlqyer dhe një trajner shumë të mirë, ndërsa së bashku kemi objektiva të mëdha”.

“Në jetë gjithçka lidhet me mentalitetin, unë jap maksimumin për shokët e skuadrës në çdo seancë stërvitore, dua të mbaj portën e paprekur në çdo ndeshje dhe të fitoj sa më shumë trofe me Bayernin”

Kujtojmë që Dayot Upamecano është pjesë e gjigantit gjerman Bayern Munich që nga viti 2021,duke bërë 180 paraqitje për bavarezët ku shënoi 6 gola e bëri 11 asistime.

Trajneri i Barcelonës Hansi Flick ka shprehur zhgënjimin e tij pas humbjes së thellë 4:0 kundër Atletico Madrid-it në Kupën e Mbretit.

Tekniku gjerman ka deklaruar se ndaj madrilienëve skuadra e tij luajti shumë keq në pjesën e parë,teksa në të dytin ishte më pozitive sipas tij dhe shton se ende nuk ka përfunduar sa i përket çështjes së kualfikimit në finale.

“Në pjesën e parë, dhe pa justifikime, luajtëm shumë keq. Nuk luajtëm si ekip, siç duam ta shohim veten dhe siç duan të na shohin njerëzit. Pjesa e dytë ishte më e mirë, po, por një 4-0 është shumë e ashpër. Megjithatë, nuk ka mbaruar ende.”

Përndryshe Flick shton se kjo ishte një natë tejet e vështirë,por thotë se është edhe një takim tjetër në Camp Nou dhe se dëshirojnë ta fitojnë patjetër.

Kujtojmë që Barcelona pësoi humbje të thellë 4:0 kundër Atletico Madrid në ndeshjen e parë gjysmëfinale të Kupës së Mbretit.

Sulmuesi amerikan Christian Pulisic mund të largohet nga gjiganti italian Milan në fund të sezonit.

Pulisic është vënë në radarin e shumë klubeve në Evropë,ku vlen të theksohet interesimi nga gjigantët e njohur nga Premierliga angleze.

Përndryshe mediumi anglez TeamTALK bën të ditur se Tottenham, Liverpool, Arsenal dhe Manchester United kanë hyrë në garë për shërbimet e amerikanit,teksa në anë tjetër tek rossonerët nuk e përjashtojnë mundësinë që Pulisic të largohet nga San Siro,megjithatë Milan do ta lejonte vetëm në rast se do të vinte një ofertë që të kompensojë me fitim investimin prej mbi 20 milionë eurosh të bërë për transferimin e tij.

Kujtojmë që Christian Pulisic në 20 ndeshje të zhvilluara për Milanin në të gjitha garat ka realizuar 10 gola e bëri 2 asistime.

Vasteras SK ka zyrtarizuar nënshkrimin e mesfushorit kosovar Ismet Lushaku, i cili do t’i bashkohet klubit si një përforcim i rëndësishëm për mesfushën.

Lushaku ka firmosur një kontratë që do të zgjasë deri në sezonin 2027.

Mesfushori vjen nga kampionati suedez, ku ka luajtur dy sezonet e fundit me Norrkopingun.

Përpara kësaj periudhe, ai ka përfaqësuar edhe skuadrën e Varbergs BoIS për dy sezone në elitën suedeze, ku ka grumbulluar gjithsej 96 paraqitje.

Drejtori sportiv i klubit, Billy Magnusson, ka shprehur entuziazmin për këtë transferim.

“ Ismeti është një mesfushor qendror me shumë dëshirë për t’u rikthyer fuqishëm pas rënies nga kategoria me Norrkopingun”.

“Ai vjen me përvojën e nevojshme nga Allsvenskan dhe e di saktësisht çfarë kërkohet në këtë nivel”.

“Faktori që është nga Eskilstuna është gjithashtu shumë pozitiv për ne, sepse duam të ndërtojmë një ekip me rrënjë të forta lokale dhe lojtarë që kanë lidhje me rajonin”.

“Me Ismetin në skuadër, po rrisim konkurrencën në mesfushë dhe po sjellim cilësi dhe eksperiencë shtesë”, ka deklaruar Magnusson.

Federata e Basketbollit e Kosovës ka marrë vendim për vendin se ku do të mbahet finalja e Kupës së Kosovës ndërmjet Trepçës dhe Bashkimit.

Finalja pritet të zhvillohet në palestrën e qytetit në Rahovec,dhe kjo u bë pas shqyrtimit të kërkesave dhe sigurimin e standardeve të caktuara për oragnizimin e ndeshjeve të mëdha,në myënyrë që finalja e Kupës të zhvillohet pa më të voglin incident.

Përndryshe bordi i FBK-së miratoi edhe fillimin e shitjes së biletave online për ndeshjet e play-off-it të Procredit Superligës së Kosovës,teksa bëri edhe emërimet e stafeve teknike për ekipet e Kosovës në të gjitha grupmoshat.

Kujtojmë që ndeshja finale e Kupës së Kosovës Trepça-Bashkimi prite të zhvillohet më 18 shkurt.

Kjo fundjavë pritet të sjellë xhiron e 20-të në Albi Mall Superligën e Kosovës në futboll,ku në program pritet të ketë ndeshje tejet interesante.

Vëmendja pritet të jetë në stadiumin “Fadil Vokrri”,ku Prishtina e pret skuadrën e Llapit në derbin e kësaj fundjave.

Kryeqytetasit në xhiron e kaluar iu rikthyen fitoreve në ligë por më pas u eliminuan në Kupën e Kosovës në mesjavë nga Ballkani,dhe synojnë që ndaj Llapit ta harrojnë këtë humbje ndaj nënkampionit të Kosovës.

Në anën tjetër Llapi e cila eliminoi Dritën nga Kupa e Kosovës vjen me motivim të plotë në këtë ndeshje,dhe do të tentoj që nga kjo ndeshje të dal me 3 pikë të plota.

Ndeshja Prishtina-Llapi pritet të zhvillohet të dielën me fillim nga ora 18:00.

Të shtunën pritet të zhvillohet vetëm një ndeshje,ku kampioni aktual Drita e pret Drenicën ku gjilanasit synojnë të sigurojnë 3 pikë,teksa Drenica do të tentoj të nxjerrë pikë.

Të dielën pritet të zhvillohen edhe dy takime të tjera ku Dukagjini e pret Gjilanin si dhe Ferizaj do të jetë mysafir i Prishtinës së Re,kurse xhiroja e 20-të do të mbyllet me ndeshjen Ballkani-Malisheva.

UEFA ka publikuar të premten orarin zyrtar të ndeshjeve për edicionin e ri të Ligës së Kombeve, ku Kosova tashmë ka mësuar kalendarin e plotë të përballjeve në grup.

“Dardanët” do ta nisin fushatën më 24 shtator me një ndeshje në shtëpi ndaj Republikës së Irlandës, në një përballje që pritet të jetë vendimtare për tonin e fillimit të garës.

Vetëm tri ditë më vonë, më 27 shtator, Kosova do të udhëtojë për t’u përballur me Austrinë.

Muaji tetor sjell dy sfida të tjera të rëndësishme. Më 1 tetor zhvillohet takimi Izrael – Kosovë, ndërsa më 4 tetor, të besuarit e Franco Fodës rikthehen në shtëpi për përballjen Kosovë – Austri.

Dy ndeshjet e fundit të fazës në grupe do të luhen në muajin nëntor.

Më 14 nëntor, Kosova pret Izraelin, ndërsa më 17 nëntor e mbyll ciklin me transfertën ndaj Irlandës.

Me një kalendar të ngjeshur dhe përballje sfiduese brenda pak javësh, kombëtarja e Kosovës do të synojë paraqitje sa më pozitive për të arritur objektivat në këtë edicion të Ligës së Kombeve.

Olimpiada Dimërore 2026 duhej të ishte vetëm për lavdi, ar dhe momente historike në podium por tani vetë medaljet po bëhen pjesë e debatit.

Pasi disa atletë publikuan foto ku dukeshin gërvishtje, çarje apo dëmtime sipërfaqësore në medaljet e tyre, rrjetet sociale shpërthyen me një pyetje të vetme “Si është e mundur që një medalje olimpike të dëmtohet?”

Për shumë fansa, ideja dukej e pabesueshme. Këto nuk janë suvenire të zakonshme, janë simbol i viteve sakrifice dhe pune të palodhur. Por ekspertët rikujtojnë një fakt të rëndësishëm, medaljet e arta olimpike nuk janë prej ari të pastër.

Në realitet, ato janë kryesisht prej argjendi, të veshura me një shtresë ari. Kjo shtresë, megjithëse e bukur dhe simbolike, mund të jetë më e ndjeshme ndaj goditjeve, rënieve apo presionit të tepërt.

Zyrtarët kanë theksuar se rastet e raportuara janë të izoluara dhe se medaljet kanë kaluar kontrolle cilësie para shpërndarjes. Megjithatë, imazhet që qarkulluan online ndezën spekulime për mundësi kursimi kostosh, probleme me materialet apo edhe dobësi në dizajn, veçanërisht në pjesën ku lidhet shiriti, që zakonisht mban më shumë peshë dhe presion gjatë festimeve.

Ekspertët e metalurgjisë sugjerojnë se dëmtimet mund të kenë ardhur nga goditjet gjatë festimeve apo rëniet, shtresë tejet e hollë e veshjes me ar, pika strukturore më të dobëta në dizajn.

Aktualisht nuk ka prova për një problem të përhapur strukturor, por organizatorët thuhet se po shqyrtojnë rastet e publikuara për të garantuar që standardet të respektohen.

Sepse kur stërvitesh gjithë jetën për një medalje… gjëja e fundit që dëshiron është që ajo të mos rezistojë si rezistove ti!

Kombëtarja e Kosovës ka mësuar kundërshtarët në Ligën B për edicionin 2026/27 të Ligës së Kombeve.

Dardanët në shortin e hedhur  në Bruksel u vendos në grupin B3,ku pritet të takohet me kombëtare si Izraeli,Austria dhe Iranda.

Sa i përket bilancit me kundërshtarët në fjalë Kosova ka zhvilluar ndeshje vetëm me Izraelin,ku në eliminatoret për EURO 2024 Dardanët kanë nga 1 fitore e një barazim teksa me Austrinë dhe Irlandën pritet që të takohet për herë të parë.

Në anën tjetër edhe Kombëtarja Shqiptare i ka mësuar kundërshtarët e saj në Ligën C.

Kuqezinjët u vendosën në grupin C1,ku pritet të ketë kombëtare si Finlanda,Bjellorusia dhe San Marino.

Përndryshe fituesit e grupeve në secilin ligë edicionin e ardhshëm do të ngjiten në një ligë më lartë,teksa ato të vendit të fundit do të bien një ligë më poshtë,kurse në anën tjetër vendet e dyta dhe të treta nga secili grup do të avancojnë në ‘play-off’-et e ngjitjes apo rënies nga kategoria, të cilat luhen në dy ndeshje, në shtëpi dhe jashtë  .

Kujtojmë që edicioni 2026/27 pritet të nis më 26 shtator,teksa faza e grupeve do të përfundoj më 17 nëntor.