Category: SHOWBIZ

Vetëm 19 vjeçe, por me një zë që rrëmben vëmendjen që në notën e parë. Hana Orllati nga Kosova ka ndezur emocionet në skenën e “The Voice of Finland”, duke mahnitur jurinë dhe publikun me interpretimin e saj fantastikë.

Me këngën “How i was supposed to live without you”, Hana Orllati arriti të kalojë me sukses fazën e parë të kësaj gare prestigjioze këndimi, duke dëshmuar se talenti i saj nuk njeh kufij.

Zëri i saj i fuqishëm, u prit me reagime entuziaste nga publiku dhe juria.

Rruga e Hanës me muzikën ka nisur herët. Që në fëmijëri ajo ka qenë e lidhur ngushtë me artin, ndërsa në moshën vetëm 10-vjeçare ka marrë pjesë në “The Voice of Albania”. Përveç kësaj, ajo ka performuar në shumë koncerte për fëmijë në Kosovë.

Hana Orllati ka përfunduar shkollën e mesme të muzikës “Prenk Jakova” në Prishtinë. Tash e një vit, ajo jeton në Finlandë me prindërit dhe tre vëllezërit, të cilët u shpërngulën atje vite më parë për të ndjekur studimet.

“Që kur isha e vogël kam ëndërruar të këndoj në skena të mëdha dhe të bëhem një artiste profesionale. Kjo ëndërr tani ka nisur të bëhet realitet,” shprehet Hana.

Historia e saj është dëshmi se talenti, puna dhe ëndrra e madhe mund ta çojnë zërin e Kosovës në skenat ndërkombëtare.

Një situatë shqetësuese ka përfshirë së fundmi rrethin familjar të legjendës së rock-ut Mick Jagger, pasi partneri i mbesës së tij është raportuar i zhdukur në zonën e Cornwall-it, në jugperëndim të Anglisë. Lajmi ka tërhequr vëmendjen e mediave britanike dhe ka ngritur alarmin tek autoritetet lokale.

Sipas raportimeve, personi në fjalë është parë për herë të fundit në Cornwall, një zonë bregdetare e njohur për peizazhet e saj, por edhe për terrenin e vështirë në disa pjesë. Familjarët kanë humbur kontaktin me të, çka ka shtyrë autoritetet të nisin kërkimet për ta lokalizuar sa më shpejt.

Policia ka konfirmuar se janë angazhuar ekipet e kërkim-shpëtimit dhe se po bashkëpunon ngushtë me shërbimet lokale, ndërsa apelon për çdo informacion që mund të ndihmojë në zbardhjen e rastit. Deri më tani, nuk janë dhënë detaje shtesë mbi rrethanat e zhdukjes.

Familja Jagger nuk ka reaguar publikisht, duke zgjedhur të ruajë privatësinë në këtë periudhë të vështirë. Burime pranë tyre bëjnë të ditur se prioriteti kryesor mbetet siguria dhe gjetja e personit të zhdukur.

Ngjarja ka ngjallur interes të madh publik, jo vetëm për shkak të lidhjes me familjen e ikonës së Rolling Stones, por edhe për natyrën e paqartë të zhdukjes. Autoritetet kanë bërë thirrje që çdo informacion i mundshëm të raportohet menjëherë, ndërsa hetimet dhe kërkimet vijojnë.

Reperi i njohur kanadez Drake ka tërhequr vëmendjen e publikut shqiptar me një postim të fundit në rrjetet sociale.

Në InstaStory-n e tij, Drake ka publikuar një fotografi ku shfaqet me një kapele që mban flamurin kombëtar shqiptar kuqezi, duke nxitur reagime të shumta nga fansat shqiptarë në mbarë botën.

Kjo nuk është hera e parë që artisti ndërkombëtar shfaqet me simbolin e shqiponjës dykrenare. Edhe më herët, Drake është parë i veshur me një xhaketë që mbante të njëjtin simbol kombëtar, gjë që është interpretuar nga ndjekësit si një shenjë respekti dhe vlerësimi ndaj kulturës shqiptare.

Postimi është shpërndarë gjerësisht në rrjetet sociale, duke u komentuar si një moment krenarie për shqiptarët.

Keisi, motra e Mateos, ka reaguar sot në emisionin “Shqipëria Live” lidhur me rrugëtimin e vëllait të saj në “Big Brother VIP”, duke u ndalur veçanërisht te raporti i tij me Brikenën – një temë që ka ngjallur debat të gjerë në publik.

Ajo komentoi edhe qëndrimin e familjes së Brikenës pas deklaratave që Mateo bëri brenda shtëpisë për marrëdhënien e tyre. Sipas Keisit, bëhet fjalë për një histori që u përket të dyve dhe secili ka të drejtë të shprehet, sidomos kur ndaj njërës palë hidhen akuza. Ajo theksoi se familja e Mateos nuk është ndjerë e shqetësuar nga reagimet e palës tjetër, duke nënvizuar se çdo prind ka të drejtë të mbrojë fëmijën e vet.

“Reagimet e familjes së Brikenës nuk na kanë shqetësuar. Është normale që ata të reagojnë për vajzën e tyre. Por kjo është një histori e përbashkët dhe të dy kanë të drejtë ta tregojnë. Mateo u vu përballë akuzave dhe u detyrua të fliste më hapur, pasi po etiketohej si mashtrues. Ai gjithmonë ka thënë se Brikena duhej ta tregonte e para, por në mungesë të reagimit të saj, ai ndjeu nevojën të sqarohej. Nuk është dinjitoze të ngrish veten duke drejtuar gishtin nga tjetri. Me familjarët e Brikenës nuk kemi pasur komunikim, dhe nëse do të kishte ndonjë shqetësim real, ata do të na kishin kontaktuar. Marrëdhënia mes Mateos dhe Brikenës i përket vetëm atyre dhe mbetet për t’u parë si do të zhvillohet më tej,” u shpreh Keisi.

Ish-ylli i pornografisë Mia Khalifa ka mohuar thashethemet se është në një lidhje me aktorin Rowan Atkinson, i njohur më mirë si Mr. Bean.

Ajo reagoi pasi fotot e rreme, të krijuara me siguri me ndihmën e inteligjencës artificiale, u përhapën në rrjetet sociale, duke bërë që shumë njerëz të besonin se të dy janë çift.

Historia filloi javën e kaluar, kur një llogari satirike në Instagram postoi një postim duke pretenduar se Khalifa dhe Atkinson ishin në lidhje që nga viti i kaluar. Postimi, i cili u bë shpejt viral, shoqërohej nga një foto e rreme e çiftit në një jaht dhe një referencë për “burime të paidentifikuara”.

Edhe pse e gjitha ishte menduar si shaka, shumë në komente e besuan ose shkruan se do të donin të ishte e vërtetë.

Në X, një ish-llogari në Twitter, Khalifa, 33 vjeç, komentoi në fotot që supozohej se e tregonin duke kaluar pushimet në Francë me komedianin britanik 71-vjeçar.

“Djema, unë po dal me një budalla, por ai nuk është Z. Bean”, shkroi Khalifa, e cila nuk dëshiron të flasë publikisht për marrëdhënien e saj aktuale.

Rowan Atkinson është në lidhje me Louise Ford, me të cilën ka një fëmijë, që nga viti 2013. Ai ka dy fëmijë nga martesa e tij e mëparshme me Sunetra Sastry. Atkinson nuk ka komentuar për përhapjen e fotove të rreme.

Megjithatë, Mia Khalifa nuk e ka zbuluar se kush është partneri i saj aktual.

Bes Kallaku duket se po përjeton një fazë të re dhe të lumtur në jetën e tij personale, të cilën këtë herë ka vendosur ta ndajë pa rezerva me publikun. Aktori i njohur i humorit, shpeshherë në qendër të vëmendjes për jetën private, ka dhënë së fundmi një sinjal të qartë se zemra e tij nuk është më vetëm.

Përmes një InstaStory që u komentua gjerësisht, Besi publikoi një imazh simbolik ku shfaqen dy duar të kapura fort, një detaj i thjeshtë, por me mesazh të fuqishëm emocional. Vëmendjen e ndjekësve e tërhoqi menjëherë tatuazhi në parakrahun e tij, ku është gdhendur emri “Ejona”, së bashku me datën “25.12.2025”, e cila duket se shënon një moment të rëndësishëm për çiftin.

Atmosfera romantike u plotësua edhe nga kënga në sfond “I’ll Love You Forever”, ndërsa nën tatuazh, aktori kishte shtuar frazën poetike “Trëndafil në kohë lufte”, një dedikim që sugjeron se kjo lidhje ka lindur mes sfidash dhe ndryshimesh të mëdha personale.

Sipas burimeve të “Prive by Liberta Spahiu”, kjo romancë nuk ka nisur së fundmi. Bes Kallaku dhe partnerja e tij janë në një lidhje të qëndrueshme prej disa muajsh, por kanë zgjedhur ta mbajnë larg syrit të publikut deri në këtë moment.

Me këtë postim, Besi duket se jo vetëm konfirmon lidhjen, por edhe tregon se është gati ta jetojë këtë dashuri pa fshehje.

Djali i Bekim Jasharit, Hamëz Jashari, është fejuar.

Ai ka kurorëzuar dashurinë e tij me fejesë me partneren Enesa, në një ceremoni familjare të mbajtur në një atmosferë të ngrohtë dhe festive.

Pamjet e publikuara në rrjetet sociale tregojnë momente nga kjo ditë tejet e rëndësishme për çiftin, teksa ata vendosën unazat në prani të familjes Jashari dhe njerëzve të afërt.

Ceremonia e unazave u shoqërua me duartrokitje dhe emocione, duke reflektuar gëzimin e familjarëve për këtë hap të ri në jetën e tyre.

Fotografitë dhe videot nga fejesa kanë marrë vëmendje të madhe dhe kanë qarkulluar gjerësisht në rrjetet sociale, ku janë pritur me urime të shumta për çiftin.

Hamëz Jashari është nipi i Hamëz Jasharit, njëri prej luftëtarëve që luftoi kundër forcave serbe në Prekaz.

Familja Jashari është e njohur dhe e respektuar për kontributin dhe sakrificën për lirinë e Kosovës.

Më 22 janar u shënua edhe 28-vjetori i sulmit të dytë të forcave serbe ndaj familjes Jashari.