Category: SHOWBIZ

Këngëtarja dhe aktorja me famë botërore, Miley Cyrus, po rikthehet aty ku nisi rrugëtimi i saj drejt suksesit global. Disney ka njoftuar realizimin e një episodi special për 20-vjetorin e serialit “Hannah Montana”, një prodhim që shënoi një epokë për një brez të tërë.

Episodi do të xhirohet para një audience të drejtpërdrejtë dhe do të shënojë dy dekada nga debutimi i serialit në Disney Channel. Në këtë homazh, Miley Cyrus do të zhvillojë një intervistë ekskluzive me Alex Cooper, prezantuesen e podkastit Call Her Daddy.

Biseda pritet të ofrojë një vështrim më personal mbi krijimin e një prej personazheve më ikonike të kulturës pop dhe ndikimin që seriali ka pasur te fansat në mbarë botën. Gjatë episodit, Cyrus do të rikujtojë muzikën dhe momentet më të paharrueshme të serialit, ndërsa produksioni do të rikrijojë disa nga ambientet më ikonike të shfaqjes, përfshirë dollapin e Hannah Montana dhe dhomën e ndenjes së familjes Stewart.

Po ashtu, fansat do të kenë mundësi të shohin pamje arkivore të papublikuara më parë nga prapaskenat e serialit.

Në një deklaratë emocionale, Miley Cyrus u shpreh se “Hannah Montana” do të mbetet gjithmonë një pjesë e rëndësishme e identitetit të saj. Ndërkohë, presidentja e Disney Branded Television, Ayo Davis, e cilësoi këtë projekt si një “letër dashurie” për fansat që vazhdojnë ta ndjekin serialin me të njëjtin pasion.

Seriali, i cili debutoi dy dekada më parë, rrëfen jetën e dyfishtë të një adoleshenteje që jeton si nxënëse e zakonshme dhe njëkohësisht si yll i muzikës pop, duke shënuar fillimin e karrierës së Cyrus dhe duke arritur sukses të jashtëzakonshëm global.

“Hannah Montana 20th Anniversary Special” do të jetë i disponueshëm në Disney+ duke filluar nga 24 marsi, duke sjellë nostalgji dhe emocione për fansat e vjetër dhe brezat e rinj.

AURON në botën e muzikës ka hyrë fuqishëm dhe po vazhdon të sjell këngë te bukura ku se fundmi ka sjell edhe këngën e re e cila titullohet GJYNAH me bashkëpunëtorë : Produced by: Beat/Instrumental by: Lyrics by: Video by:

AURON ka filluar te merret me muzikë qe nga femëria, ai deri me tani numëron katër këngë dhe videoklipe ku ka bashkëpunuar me emra te njohur te muzikës sonë dhe këngët janë pritur mirë nga publiku dhe është shumë i kërkuar neper mbrëmje rinore.

Ai premton se do të sjell hite te reja dhe bashkëpunime me artist te njohur, ku thotë se nuk do te ndalet duke krijuar këngë te raja.

Këngën e re mund te n ‘dëgjoni ne linkun me poshtë:

Artistët njoftuan se Antigone Ramosaj ka përmbyllur trajtimin me kimioterapi dhe terapi me rreze, ndërsa në mars e pret kontrolli i parë pas terapive.

Pas një periudhe të vështirë për familjen, Beatrix dhe Alban Ramosaj kanë ndarë me ndjekësit një lajm emocionues në rrjetet sociale: nëna e tyre, Antigone Ramosaj, ka përfunduar zyrtarisht kimioterapinë dhe terapinë me rreze.

Dyshja e përshkroi këtë rrugëtim si jashtëzakonisht sfidues, por të mbushur me shpresë, mirënjohje dhe optimizëm. Në një postim prekës, ata publikuan edhe një video ku shihen duke e përqafuar të ëmën, në një moment simbolik që shënon përmbylljen e një beteje të rëndë.

“Përqafimi për të cilin jemi lutur. Ka qenë një udhëtim i vështirë, i vështirë për t’u përshkruar me fjalë, por mirënjohja dhe optimizmi mbizotërojnë. Edhe pse kjo sfidë është afër përfundimit, na kujtohet se jeta është e shkurtër dhe se të jetuarit çdo moment pranë më të dashurve tanë është dhuratë dhe privilegj. Nëna ka përfunduar zyrtarisht kimioterapinë dhe terapinë me rreze, ndaj sot festojmë këtë arritje; nesër dhe çdo ditë që kemi mundësinë të jemi pranë teje. Në mes të marsit ajo do të kryejë skanimin e parë kontrollues pas terapive, dhe ne shpresojmë e lutemi që rezultati të jetë rikuperim i plotë nga kjo sfidë. Të duam shumë, nënë, Antigone Ramosaj”, kanë shkruar ata.

Beatrix dhe Alban falënderuan gjithashtu të gjithë ata që i kanë mbështetur gjatë kësaj periudhe, duke theksuar se mendimet dhe lutjet e tyre shkojnë për çdo familje që po përballet me sfida të ngjashme shëndetësore.

Këngëtari i njohur dhe shumë i dashur për publikun, Gjesti, ka bërë të ditur se do të agjërojë gjatë muajit të shenjtë të Ramazanit.

Këtë e bëri të ditur përmes një postimi në llogarinë e tij zyrtare në Instagram, ku gjithashtu inkurajoi edhe të tjerët të ndjekin shembullin e tij.

Ai potencoi gjithashtu se po përmbush edhe obligimin tjetër fetar, faljen e namazit, duke deklaruar se do të kryejë lutjen e mëngjesit.

“Dola këtu me prit sabahun, me falë edhe me flejtë. Edhe me kismet me ndihmën e Zotit, kismet me e kry këtë muaj të shenjtë qysh duhet, ishalla na lehtëson Zoti, ishalla ‘krejtve’ na i falë gjynahet. Duhet me bo [agjëru] duhet me bo për Zotin këtë muaj, tana këto të mira edhe ‘po pritoj’ jo! Ma mirë vonë se kurrë”, ka thënë ai.

Gjesti kohëve të fundit është rikthyer në rrjetet sociale dhe në paraqitjet publike pas një periudhe pushimi larg vëmendjes së publikut.

Ai, para disa javësh, publikoi këngën “Memories”, e cila është dedikuar vëllait të tij të ndjerë.

Adhurues të “Upper East Side”, kapni shiritat e flokëve dhe martinitë me espresso, yjet më në fund folën!

Pas viteve me debate mes fansave, Leighton Meester (Blair) dhe Penn Badly (Dan) ndanë mendimet e tyre nëse personazhet e tyre në Gossip Girl përfunduan me partnerët e duhur në finalen e serialit.

A ishte Dan & Serena përshtatje perfekte… apo thjesht kompromis?

Penn, i njohur si Dan Humphrey, djali “intelektual” nga Brooklyn, nuk u përmbajt dhe tregoi që sipas tij, Dan përfundoi me atë me të cilën ishte i destinuar të ishte, Serena van der Woodsen. Edhe Leighton u shpreh se, nga këndvështrimi i historisë së serialit, sipas saj, përfundimi kishte kuptim.

Por fansat kanë qenë gjithmonë të ndarë! Disa besojnë se Dan nuk e harroi kurrë plotësisht Blair-in dhe se fundi ishte paksa i nxituar, ndërsa të tjerë mendojnë se rikthimi me Serenën solli mbylljen e duhur.

Po Blair & Chuck, një përrallë romantike apo dashuri toksike?

Mbretëresha e “Upper East Side”, Blair Waldorf, përfundon me djalin “bad boy” që në fund duket se ndryshoi, Chuck Bass dhe sipas aktorëve, kimia e tyre në ekran e bëri këtë fund të dukej i pashmangshëm.

Megjithatë, fansat vazhdojnë të diskutojnë sepse disa do ta kishin dashur Blair-in me Nate-in ose edhe me Dan-in, por shumica mbesin besnik ndaj çiftit legjendar “Chair”.

KUJDES! – SPOILER!

Çfarë mendojnë aktorët për Dan si Gossip Girl?!

Një nga kthesat më të bujshme të serialit ishte zbulimi se vetë Dan ishte “Gossip Girl”. Penn ka pranuar se edhe ai vetë u befasua nga ky vendim i skenaristëve, një sekret që tronditi jo vetëm personazhet, por edhe publikun.

Biseda përfshiu edhe detaje nga prapaskenat dhe reagimet e kastit për finalen. Edhe vite pas përfundimit të serialit, emocionet dhe debatet mbeten po aq të forta.

Sipas Leighton dhe Penn, po, Blair & Chuck dhe Dan & Serena përfunduan me personat me të cilët ishin të destinuar të ishin.

Por në Upper East Side… thashethemet nuk vdesin kurrë.

XoXo Gossip Girl

Loredana Zefi ka bërë deklarata të forta, duke folur për marrëdhënien me ish partnerin e saj, Mozzik. Në podcastin e Arbana Osmanit, artistja u shpreh se ka duruar shumë për hir të fëmijës, duke theksuar se prioriteti i saj mbetet mirëqenia e vajzës.

Në deklaratën e saj, Loredana u shpreh se ka toleruar situata të vështira për shkak të dobësisë që ka për vajzën e saj.

“Unë e kam duruar shumë, e kam duruar maksimalisht për shkak të pikës sime të dobët, vajzës. Më bëj dëm mua, por jo vajzës”, është shprehur reperja.

Loredana shkoi edhe më tej me deklaratat e saj, duke ngritur akuza se për interesa personale apo për famë, mund të lihen mënjanë edhe përgjegjësitë ndaj vajzës. Sipas saj, urrejtja e Mozzik ndaj saj mund të jetë aq e madhe sa të ndikojë edhe në raportin me fëmijën, duke shtuar se një sjellje e tillë është e papranueshme për të.

Unë e kam duru shumë, e kam duru maksimalisht, e kam duru shumë, për shkak të pikës së dobët, vajzës. Më bëj dëm mua, po jo vajzës. Ndoshta mua më urren kaq shumë, sa nuk do që të më shohë sytë, ka mundësi dhe ajo, por është okay. Për famë, për personalitetin e vet, është në gjendje me harru edhe vajzën.

Bebe Rexha, këngëtarja shqiptare me famë botërore, ka njoftuar se kënga e saj në gjuhën shqipe nga albumi i saj më i ri do të publikohet së shpejti.

Kënga, e titulluar “Çike, Çike”, po pritet me padurim nga audienca shqiptare dhe tashmë ka një datë lansimi: ajo do të publikohet nesër në orën 06:00 të mëngjesit me orën e Kosovës.

Artistja me famë ndërkombëtare sjell për herë të parë një këngë në gjuhën shqipe, ndërsa këngët e tjera të albumit të saj të ri, “Dirty Blonde”, do të jenë në gjuhën angleze.

View this post on Instagram

A post shared by Bebe Rexha (@beberexha)

Publikimi i plotë i albumit nuk pritet të ndodhë edhe për disa muaj, por se projektet do t’i publikojë hap pas hapi.

Që nga momenti kur u zbulua se artistja do të sillte një këngë në shqip, publiku shqiptar është entuziazmuar tej mase, duke pasur parasysh se ajo, përveç fansave shqiptarë, gëzon edhe një audiencë të gjerë ndërkombëtare.

Deri më tani, ajo ka zbuluar vetëm disa sekuenca të shkurtra të këngës, të cilat duken mjaft premtuese.

Vedat Bajrami, gjatë pjesëmarrjes së saj në “Shok Podcast” me ish-kolegun e saj nga Big Brother VIP Kosova 1, Fisnik Juniku.

Ajo dhe Vedati ishin kundërshtarë të fortë në edicionin e parë të Big Brother VIP Kosova 1, teksa është pyetur nëse ka ndonjë shans që ndonjëherë ajo dhe ish-aktori i “Stupcave” të ulen për kafe dhe t’ia zgjasin dorën njëri-tjetrit, ajo e përjashtoi si mundësi.

Në intervistë, Nura tha se nuk ka ndër mend të takohet ose të pijë kafe me Bajramin për të sqaruar marrëdhënien e tyre, përveç rastit kur ai kërkon publikisht falje. “Unë sqarohem me të dhe pi kafe vetëm kur ai i bie pishman për atë që ka thënë dhe kërkon publikisht falje, sepse është baba i dy vajzave vet”.

Ajo shtoi: “Edhe tani, për atë që kam dëgjuar për të, që jeton jashtë, kam edhe fakte. Unë s’kam nevojë as të ulem me të. Një njeri aq i ulët, që i ka letrat me një rumune në Itali, që e rrah gruan e vet. Këto nuk janë aludime por janë të vërteta, që i kam parë me letra”.

Juliana nuk kurseu as akuza serioze për sjelljet e Bajramit: “Një njeri që përdor gjëra narkotike, një njeri që vjedh dhe i ka lënë shokët e ekipës së tij pa para, ua ka vjedhur paratë, për mua ai nuk është njeri”.

Ajo nënvizoi gjithashtu sigurinë e saj mbi informacionet që kishte: “Të vërteta sepse i kam parë me fakte, sepse po të mos ishin faktet, nuk do të flisja publikisht, sepse duhet të jesh i kujdesshëm kur flet publikisht sepse mund të të vijë padia, e kur të vjen padia, ja vendos letrat: ‘ja ku i ke me fakte’”.

Deklaratat e Julianës kanë shkaktuar reagime të shumta në rrjetet sociale, duke hapur një debat të ri mbi raportin e saj me Vedat Bajramin dhe tensionet e vërejtura gjatë pjesëmarrjes së tyre në Big Brother VIP Kosova 1.

Në një sërë dokumentesh të publikuara nga Departamenti i Drejtësisë i SHBA, është përfshirë emri i supermodelës Naomi Campbell, e cila dyshohet se ka pasur lidhje me Jeffrey Epstein dhe mund të ketë kontribuar në rekrutim të vajzave të reja. Dokumentet zbulojnë shkëmbime email-esh dhe informacione që tregojnë se Campbell ka udhëtuar me avionin privat të Epstein dhe ka marrë pjesë në ngjarje shoqërore me të.

Një viktimë anonime në vitin 2020 pretendoi se Epstein i kishte premtuar një punë në Victoria’s Secret dhe e kishte përmendur emrin e Campbell si referencë. Dëshmitarë të tjerë raportuan se kanë takuar Campbell në rezidencën e Epstein dhe në ishullin e tij privat. Sipas viktimave, Epstein e përdorte emrin e Campbell për të bindur vajzat që të mendonin për mundësi në karrierën e modelimit.

Avokati i Campbell, Martin Singer, e mohoi se supermodelja kishte dijeni për aktivitetet kriminale të Epstein dhe theksoi se ajo nuk kishte pasur asnjë kontakt me të pas arrestimit të tij në vitin 2019. Singer përmendi se nëse Campbell do të kishte vënë re ndonjë viktimë, ajo do të kishte ndërmarrë masa për ta ndihmuar.

Dokumentet përfshijnë një listë emrash për dërgimin e letrave në burgun ku Epstein po vuante dënimin, dhe emri i Campbell ishte i pranishëm. Avokati i saj tha se ajo nuk e dinte se kush e kishte përpiluar këtë listë.

Megjithëse emri i Campbell shfaqet në këto dokumente që përfshijnë figura të njohura, ajo nuk është akuzuar për ndonjë shkelje ligjore. Hetime të mëtejshme kanë zbuluar kontakte të drejtpërdrejta të Campbell me Epstein, përfshirë komunikime përmes asistentes së tij, Leslie Groff, por Singer thekson se çdo ndërveprim i Campbell ndodhi pa njohuri për aktivitetet kriminale të Epstein.

Një ngjarje e lidhur me Campbell ishte festa e saj për 40-vjetorin në Kanë, ku Epstein ishte ftuar, ndonëse ai nuk mori pjesë në organizimin e eventit. Ai gjithashtu mori pjesë në një tjetër ngjarje në Paris për të festuar 25-vjetorin e saj me Dolce & Gabbana. Në vitin 2016, një bashkëpunëtor i Epstein kishte pyetur nëse Campbell mund të përdorte avionin e tij, por Singer pohon se ajo nuk ka vënë re sjellje të papërshtatshme gjatë këtyre udhëtimeve.

Këngëtarja shqiptare me famë ndërkombëtare, Dua Lipa, ka uruar të gjithë shqiptarët për Pavarësinë e Kosovës përmes një postimi të veçantë në rrjetet sociale.

Edhe pse urimi erdhi një ditë pas festës zyrtare, mesazhi i saj është përshëndetur nga fansat dhe komuniteti shqiptar, duke theksuar lidhjen e saj të fortë me vendin e lindjes.

Më 17 shkurt 2026, Kosova shënoi 18 vjetorin e Pavarësisë, duke organizuar një sërë aktivitetesh në Prishtinë.

Po ashtu u mbajt edhe një protestë “Drejtësi, jo politikë”, në mbështetje për ish-krerët e UÇK-së që ndodhen në Hagë.

Lipa ka qenë gjithmonë aktive në promovimin e Kosovës në skenën ndërkombëtare, duke e përmendur vendin e saj të lindjes në intervista, koncertet dhe projektet muzikore.

Ajo shpesh shpreh krenarinë për rrënjët e saj shqiptare dhe e sheh këtë lidhje si pjesë të rëndësishme të identitetit personal dhe profesional.

Mesazhi i saj për 18-vjetorin e Pavarësisë është një reflektim i respektit dhe dashurisë që këngëtarja ka për vendin e saj.