Category: SHOWBIZ

Këngëtari Labinot Rexha, i cili doli pak ditë më parë nga Big Brother VIP Kosova 4, ka paralajmëruar ndjekësit.

Në një postim të ri në rrjete sociale, ai njofton se ka diçka tjetër bombastike për të publikuar.

Duket se ka të bëjë me Big Brother, në formatin ku doli, e për të cilin ka shprehur pakënaqësi.

“Miqtë e mi, ende nuk keni parë asgjë. Nesër në 8:30 publiku do të tronditet nga bomba e radhës”, ka shkruar ai.

Tutje në postimin në Facebook vazhdoi: “Kësaj here do të jetë shkatërruese”.

Se për çfarë bëhet fjalë e çka do të na sjellë, mbetet për t’u parë në vazhdim.

Labi mendon se i është bërë e padrejtë dalja nga Big Brother, edhe për këtë ka paralajmëruar shumë gjëra.

Aktori Naser Rafuna, ka humbur një të afërm të tij nga një aksident trafiku.

Rafuna ka bërë të ditur se i ndjeri jetonte në Zvicër dhe se ka lënë pas vetë gruan me dy djem.

Postimi:

Të Allahut Jemi dhe te Ai do të kthehemi .

Ngadhënjim,djali i tezës, pas një aksidenti komunikacioni ndërroj jetë duke lënë pas vehtës gruan me dy djemtë e vegjël dhe neve familjarjëve.

Na e ka kputë shpirtin Mimi jem.

Për të pame dhe procedurat e varrimit , do të ju lajmërojmë me kohë meqë i ndjeri jetonte në Zvicërr.

Këngëtarja shqiptare me famë botërore, Bebe Rexha, pak ditë më parë solli këngën e re “Çike çike”, ku një varg i saj është në gjuhën shqipe.

Ajo mori reagime të shumta pozitive, duke u pritur ngrohtë nga publiku shqiptar.

Ky projekt u promovua mjaft shumë edhe nga të famshmit shqiptar, po edhe nga vetë artistja nëpër rrjete sociale.

Ylli me origjinë nga Dibra solli së fundmi një kolazh fotografish në rrjete sociale, në mesin e tyre shfaqet edhe përkrah Dhurata Dorës.

“Ka qenë një javë shumë shumë e mirë dhe është falë jush njerëz”, ka shkruar ajo.

Bebe ka lënë të kuptohet se kënga është pëlqyer dhe se ka marrë shumë dashuri.

Kënga për vetëm dy ditë ka grumbulluar mbi 400 mijë shikime në platformën YouTube.

Këngëtarja shqiptaro-britanike Rita Ora ka tërhequr vëmendjen e ndjekësve me disa fotografi provokuese nga udhëtimi i saj i fundit në Australi, ku shfaqet me bikini minimaliste duke shijuar diellin dhe detin.

Artistja 35-vjeçare dukej në humor të shkëlqyer teksa ndau pamje nga pushimet në InstaStory, ku pozonte e buzëqeshur në pjesën e pasme të një jahti luksoz, shkruan DailyMail.

Në disa prej imazheve, ajo ekspozonte barkun e tonifikuar ndërsa sfidonte dallgët dhe zhytej në oqean, ndërsa në një tjetër fotografi mahniti me një bikini trekëndëshe ngjyrë kafe të kombinuar me një fund boho.

Së fundmi, Rita ka folur edhe për jetën personale, duke zbuluar se përvoja si njerkë për fëmijët e bashkëshortit të saj, regjisorin Taika Waititi, ka qenë një “hapje e madhe sysh” për të.

Pas martesës së tyre katër vite më parë, ajo u bë njerkë e vajzave të tij, Te Kāinga o te Hinekāhu, 13 vjeç, dhe Matewa Kiritapu, nëntë.

Në një intervistë të mëparshme, këngëtarja tregoi se miqësia e fortë ka qenë elementi kyç i marrëdhënies së tyre romantike. “Taika dhe unë në thelb jemi thjesht shokë të ngushtë dhe donim të jetonim gjithmonë në atë frymë”, është shprehur ajo.

Çifti u martua në një ceremoni sekrete në gusht të vitit 2022, pasi ishte Rita ajo që theu traditën dhe bëri propozimin. Ceremonia e tyre e thjeshtë në Los Anxhelos u konfirmua publikisht vetëm një vit më vonë, ndërsa këngëtarja ka treguar se gjithçka u organizua spontanisht dhe pa planifikim.

Artistja ka rrëfyer gjithashtu se pas viteve kur nuk kishte qenë në lidhjen e duhur gjatë të njëzetave të saj “të rrëmujshme”, marrëdhënia me Taikën iu duk “e drejtë dhe e sigurt”.

Dyshja nisën lidhjen në mars 2021 dhe e bënë publike romancën në gusht të po atij viti, ndonëse kishin qenë miq të afërt për pesë vite përpara se të bëheshin çift.

Duke folur për jetën familjare, Rita ka treguar se rolin e njerkës e sheh si të lehtë. “Është shumë e thjeshtë. Zgjohemi, stërvitemi bashkë ndërsa fëmijët vrapojnë në tapetin e vrapimit – është një aktivitet familjar”, tha ajo, duke shtuar se kjo përvojë e ka bërë të kuptojë se jeta ka shumë më tepër sesa shqetësimet e momentit.

Regjisori ndan dy vajzat me ish-bashkëshorten e tij, Chelsea Winstanley, nga e cila u nda në vitin 2018 pas shtatë vitesh martesë. /Telegrafi/

Ish-banori i “BBVK”, Toney, u dallua në shtëpi për afrimitetin me disa prej banoreve, përfshirë Bia Khalifen, Benitën dhe Elijonën.

Pas daljes nga formati, ai ka folur për disa detaje që nuk ishin bërë publike gjatë qëndrimit të tij në shtëpi.

Në emisionin “The Elite Way”në ATV, përballë Elita Rudit, Toney tregoi se gjatë kohës sa ishte në “BBVK”, babai i tij dhe babai i Elijonës kishin zhvilluar një bisedë. Sipas tij, babai i Elijonës ishte shprehur i hapur ndaj mundësisë së një lidhjeje mes tyre.

Deklarata ka hedhur dritë mbi një aspekt familjar të raportit që u krijua brenda shtëpisë.

Megjithatë, Toney nuk dha detaje të tjera mbi zhvillimet e mëvonshme mes tij dhe Elijonës.

Për më shumë ndiqni videon e mëposhtme:

Modelja e njohur amerikane, Emily Ratajkowski ka konfirmuar zyrtarisht lidhjen e saj të re me regjisorin francez Romain Gavras, përmes një postimi në Instagram më 19 shkurt.

Ajo publikoi një seri fotosh ku shfaqet pranë partnerit të saj të ri, duke e bërë publike romancën.

Në njërën prej tyre, çifti shihet duke u puthur, ndërsa në imazhe të tjera ata pozojnë së bashku në ambientet e një restoranti dhe në rrugët me borë të New York City.

Emily dhe Romain u panë për herë të parë bashkë në nëntor të vitit të kaluar në New York, ku u fotografuan duke shkëmbyer puthje.

Romain Gavras ka qenë më herët në një lidhje me këngëtaren me origjinë shqiptare Dua Lipa.

Ish-çifti u shfaq disa herë bashkë në evente të rëndësishme ndërkombëtare, përfshirë edhe tapetin e kuq të Cannes Film Festival në vitin 2023, si dhe gjatë Paris Fashion Week. Lidhja e tyre zgjati rreth një vit.

Nga ana tjetër, Emily Ratajkowski ka qenë më parë e martuar me producentin e filmave Sebastian Bear-McClard, me të cilin ka një djalë katërvjeçar. Pas divorcit, ajo është përfolur për lidhje me këngëtarin Harry Styles dhe komedianin Pete Davidson.

Regjisori Gavras njihet për filmat Athena dhe Sacrifice, si dhe për bashkëpunime në videoklipe muzikore me artistë ndërkombëtarë si Jay-Z dhe M.I.A.. Ai ka drejtuar gjithashtu fushata për marka të njohura si Dior dhe Louis Vuitton.

Këngëtarja me origjinë shqiptare dhe me famë ndërkombëtare, Bebe Rexha, ka ndezur pritshmëritë e fansave me njoftimin e këngës së dytë nga albumi i saj të ardhshëm, “Dirty Blonde”, i cili do të publikohet këtë të premte.

Projekti i ri mban titullin “Çike Çike” dhe ka tërhequr vëmendjen e veçantë të audiencës shqiptare për shkak të vargjeve në shqip që po bëhen virale në rrjetet sociale: “Çike çike luje belin çike, ti je një bombë, bombë atomike.”

Kënga do të shoqërohet me videoklip, duke e bërë albumin “Dirty Blonde” një projekt vizual, ku secila nga 13 këngët do të ketë klipin e vet. Trailer-i i publikuar në Instagram shfaq Bebe Rexhën në një skenar provokues dhe flirtues me një burrë më të moshuar, duke e puthur atë dhe duke treguar tatuazhin me emrin “Bebe” në barkun e tij. Videon Rexha e shoqëroi me mbishkrimin provokues: “Ku janë të gjithë k* e mia shqiptare.”*

Fansat po presin me padurim publikimin e plotë, ndërsa pritshmëritë janë që “Çike Çike” të bëhet një nga hitet më të diskutuara të sezonit dhe një moment i veçantë që lidhet me rrënjët shqiptare të artistes.

 

View this post on Instagram

 

A post shared by Bebe Rexha (@beberexha)