Category: SHOWBIZ

Autoritetet australiane kanë njoftuar se kanë nisur një hetim për një incident të vitit 2010 që përfshin aktoren e serialit Orange Is the New Black, Ruby Rose. Në fillim të kësaj jave, ajo akuzoi këngëtaren Katy Perry për sulm seksual në rrjetet sociale.

Akuza lidhet me një incident që, sipas Rose, ka ndodhur në një klub nate në Melburn në vitin 2010, gjë që Perry e ka mohuar. Policia e Victorias konfirmoi për CNN në një deklaratë se zyrtarët nga Njësia për Hetimin e Krimeve Seksuale dhe Abuzimit me Fëmijët në Melburn (SOCIT) po hetojnë pretendimin e Rose, që dyshohet se ka ndodhur në zonën qendrore të biznesit të qytetit. Ata refuzuan të japin detaje të tjera pasi hetimi është në vazhdim.

Perry i ka mohuar akuzat përmes përfaqësuesit të saj, i cili tha për CNN përpara se të njoftohej hetimi se pretendimet e Rose janë “plotësisht të pavërteta” dhe “gënjeshtra të rrezikshme dhe të pamenduara”. Përfaqësuesi nuk i është përgjigjur një kërkese për koment pas nisjes së hetimit.

Ndërkohë, një përfaqësues i Rose nuk iu është përgjigjur kërkesave të shumta të CNN për koment. Rose bëri fillimisht akuzën më herët këtë javë në rrjetet sociale, duke iu përgjigjur një artikulli për Perry të publikuar nga Complex. Artikulli kishte një ton të lehtë dhe trajtonte reagimin viral të Perry ndaj performancës së Justin Bieber në festivalin Coachella, ku ajo mori pjesë së bashku me ish-kryeministrin kanadez Justin Trudeau, me të cilin është përfolur për një lidhje romantike që prej vitit të kaluar.

“Katy Perry më ka sulmuar seksualisht në klubin Spice Market në Melburn. Kujt i intereson çfarë mendon ajo”, shkroi Rose në postimin që më pas u fshi.

CNN ka kontaktuar edhe përfaqësues të Trudeau për koment. Fillimisht, Rose kishte shkruar në rrjetet sociale se “nuk ishte e interesuar” të bënte kallëzim në polici për këtë çështje. Megjithatë, të martën ajo tha se kishte vendosur të bënte një kallëzim dhe nuk mund të fliste më publikisht për këtë çështje.

Perry publikoi albumin e saj të shtatë në studio, 143, në vitin 2024 dhe më pas nisi një turne botëror, i cili përfundoi në dhjetor. Në prill 2025, Perry ishte ndër gjashtë gratë, përfshirë Gayle King dhe Lauren Sánchez, që udhëtuan me kompaninë Blue Origin të Jeff Bezos, e cila i çoi ato në kufirin e hapësirës gjatë një misioni turistik 10-minutësh.

Një histori e thjeshtë, por me një mesazh të fortë, po qarkullon gjerësisht në rrjetet sociale dhe lidhet me jetën e Rihanna-s.

Vite më parë, kur ajo ishte ende një vajzë e vogël që rritej në kushte të vështira në Barbados, një mësuese i bleu një palë këpucë në një moment kur ajo nuk kishte. Vitet kaluan dhe Rihanna u kthye në një nga artistet më të suksesshme në botë. Bashkë me famën dhe pasurinë, ajo u dallua edhe për angazhimin e saj në ndihmë të komuniteteve përmes nismave bamirëse dhe fondacionit që mban emrin e saj.

Duket se nuk e harroi kurrë gjestin e dikurshëm dhe vite më vonë, i dhuroi mësueses së saj një shtëpi, si një mënyrë për të kthyer mirësinë që kishte marrë. Edhe pse jo çdo detaj i kësaj historie është konfirmuar zyrtarisht, ka prekur miliona njerëz. Ndërkaq, një ngjarje e rëndë ka tronditur disa ditë më parë rezidencën e Rihanna në Los Angeles, ku këngëtarja ka përjetuar momente paniku gjatë një sulmi me armë zjarri. Sipas dëshmisë së saj, ajo ndodhej në një rimorkio në oborrin e shtëpisë kur dëgjoi zhurma të forta metalike, që më pas kuptoi se ishin të shtëna arme.

Ivanna Lisette Ortiz, 35 vjeçe, dyshohet se qëlloi me një armë gjysmëautomatike drejt shtëpisë së artistes në Beverly Crest, duke vënë në rrezik jetën e saj, partnerit A$AP Rocky, tre fëmijëve të tyre të vegjël dhe personave të tjerë që ndodheshin në pronë. Fatmirësisht, nga incidenti nuk pati të lënduar, shkruan tar.

Sipas dokumenteve të gjykatës, Ortiz dyshohet se ka qëlluar rreth 20 herë me armë të tipit AR, ndërsa prokuroria pretendon se ajo kishte planifikuar sulmin, duke përdorur edhe një paruke për t’u maskuar. E akuzuara u paraqit në Los Angeles County Superior Court përmes avokatit të saj, ku deklaroi pafajësinë. Ndërkohë, kërkesa për uljen e masës së sigurisë u kundërshtua nga prokuroria, e cila e konsideron rastin jashtëzakonisht të rrezikshëm.

Këngëtarja amerikane, Taylor Momsen, ka përfunduar në spital pasi u pickua nga një merimangë helmuese gjatë turneut të saj në Meksikë.

Momsen ndodhet aktualisht në turne me grupin e saj The Pretty Reckless, i cili po performon si grup mbështetës për legjendarët AC/DC.

Ngjarja ndodhi gjatë qëndrimit të saj në Meksikë, ndërsa vetë këngëtarja tregoi në rrjetet sociale se ishte detyruar të kërkonte ndihmë mjekësore pas pickimit.

View this post on Instagram

A post shared by Taylor Momsen (@taylormomsen)

Ajo publikoi në Instagram foto të këmbës së dëmtuar dhe bëri të ditur se, pavarësisht dhimbjeve dhe qëndrimit në spital, kishte planifikuar të vazhdonte me koncertet.

Një ditë më vonë konfirmoi se kishte kaluar natën në spital, ku mori trajtimin e nevojshëm nga mjekët.

Sipas saj, pickimi i merimangës shkaktoi një reagim të fortë në organizëm, duke e detyruar të merrte një injeksion para një performance në Mexico City.

Megjithatë, ajo arriti të ngjitet në skenë dhe të vazhdojë turneun pavarësisht gjendjes shëndetësore.

View this post on Instagram

A post shared by Taylor Momsen (@taylormomsen)

Kjo nuk është hera e parë që Momsen përballet me incidente të pazakonta.

Më herët, gjatë një koncerti në Spanjë, ajo u pickua nga një lakuriq nate, çka tërhoqi vëmendje të madhe mediatike.

Nëna e këngëtares shqiptare Beatrix Ramosaj, Antigona Ramosaj, ka fituar betejën me kancerin, duke ndarë një lajm të jashtëzakonshëm dhe shumë emocionues me publikun.

Përmes një postimi prekës në rrjetet sociale, ajo bëri të ditur se tashmë ka fituar betejën me kancerin, duke e cilësuar këtë si “lajmin më të bukur të jetës së saj”.

Në mesazhin e saj, Antigona shpreh mirënjohje të thellë për të gjithë ata që i kanë qëndruar pranë gjatë kësaj sfide të vështirë.

View this post on Instagram

A post shared by Antigone Ramosaj (@antigoneramosaj)

Ajo shkruan: “Sot mora lajmin më të bukur të jetës sime: Kam kaluar betejën me kancerin”.

“Zemra ime është plot mirënjohje – për fëmijët e mi, motrën time, nënën time dhe gjithë familjen time që qëndruan pranë meje në çdo hap. Për miqtë e mi dhe për të gjithë ju që më mbështetët, u lutët për mua dhe më dhatë forcë kur kisha më shumë nevojë… ju falënderoj nga thellësia e zemrës sime”.

“Kjo rrugë nuk ishte e lehtë, por më kujtoi sa e çmuar është jeta. Sot festoj jetën, forcën dhe një fillim të ri. Përjetësisht mirënjohëse”, theksoi mes tjerash.

Ky rrëfim i sinqertë dhe plot ndjenjë ka prekur ndjekësit, duke u shndërruar në një mesazh shprese dhe force për të gjithë ata që po përballen me sfida të ngjashme.

Këngëtari Ilir Shaqiri është nderuar në Shqipëri.

Shaqiri është shfaqur i emocionuar në fjalën e tij, përderisa ka thënë se këtë mirënjohje e ndan me çlirimtarët, duke aluduar me krerët e UÇK-së në Hagë për të cilët ka dedikuar edhe këngë.

“Para tri dekadash në këtë skenë kam interpretuar një këngë të titulluar jam Evropë. Sot e shoh çdo ditë e më shumë Shqipërinë, ajo bëhet zonjë e vërtetë në sytë e Evropës dhe botës. Ndihem shumë i nderuar. Këtë mirënjohje, nderim, dua që ta ndajë me brezin që formësoi dhe e bëri lirinë dhe pavarësinë e republikës së Kosovës. Dua ta ndaj me çlirimtarët e Kosovës”, tha Shaqiri.

Nespresso ka prezantuar fytyrën e saj më të re: këngëtarja me famë botërore Dua Lipa. Prodhuesi zviceran i kapsulave të kafesë, që është pjesë e kompanisë Nestlé, e angazhoi atë në mes të muajit mars si ambasadore të re të markës, ndërsa tani ka nisur zyrtarisht fushatën e madhe promovuese me të.

Së fundmi është publikuar edhe spot-i i parë reklamues, me kohëzgjatje rreth 30 sekonda, ku Dua Lipa shfaqet duke provuar lloje të ndryshme të kafesë dhe duke udhëtuar simbolikisht në vende të ndryshme të botës. Reklama e çon atë në një “udhëtim” përmes kulturave dhe atmosferave të ndryshme, nga New Yorku, në Itali, e deri në Francë.

Mesazhi kryesor i fushatës së re është se çdo filxhan kafeje është një ftesë për të zbuluar diçka të re.

Në një moment të spotit, Dua Lipa me humor “ia merr” sloganin e famshëm të George Clooney-t: “What else?”, i cili për vite me radhë ishte sinonim i reklamave të Nespresso. Megjithatë, Clooney mbetet ende pjesë e markës dhe shfaqet gjithashtu në reklamë me një paraqitje të shkurtër si mysafir.

Nespresso synon që përmes kësaj fushate të re dhe trendeve moderne të kafesë, të tërheqë sidomos audiencën më të re. Dua Lipa, e cila ka fituar tre çmime Grammy dhe është ndër artistet më të dëgjuara në botë, pritet të sjellë një imazh më bashkëkohor për markën.

Në këtë mënyrë, Nespresso po e rinovon strategjinë e saj të marketingut duke bashkuar një ikonë të vjetër si George Clooney me një yll të ri global si Dua Lipa./Albinfo

Pritjes i erdhi fundi dhe lajmi i bukur u konfirmua zyrtarisht: këngëtari Blero dhe partnerja e tij Eronita janë në pritje të fëmijës së tyre të parë së bashku.

Çifti e ndau lajmin me ndjekësit përmes një postimi tejet të ëmbël në rrjetet sociale.

Në fotografinë e publikuar shihen duart e tyre duke mbajtur një palë atlete të vogla të kuqe, ndërsa emocionin e shoqëruan me mbishkrimin: “Fëmija po vjen… Ai tingull i vogël ndryshoi botën tonë përgjithmonë”.

View this post on Instagram

A post shared by .. (@eronita__)

Ky lajm vjen vetëm disa muaj pasi dyshja kurorëzoi dashurinë me martesë, në fillim të këtij viti, duke e bërë këtë periudhë edhe më të veçantë për ta.

Ndërkohë, surprizat nuk ndalen me kaq, pasi sipas burimeve tashmë është zbuluar edhe gjinia e foshnjës: bëhet e ditur se çifti po pret djalë.

View this post on Instagram

A post shared by .. (@eronita__)

Për Eronitën, kjo është një përvojë e re, pasi do të bëhet nënë për herë të parë. Ndërsa për Bleron, ky do të jetë fëmija i dytë, pasi ai është tashmë baba i vajzës Tara, nga martesa e tij e mëparshme me aktoren e njohur Teuta Krasniqi.

Këngëtarja kolumbiane, Shakira, ka folur gjerësisht për mesazhet që po promovon në turneun e saj botëror “Las Mujeres Ya No Lloran”, gjatë një paraqitjeje në emisionin “Al Cielo Con Ella”.

Në këtë turne ajo prezanton një koncept simbolik që lidhet me forcën, vetë-dashurinë dhe solidaritetin mes grave.

Gjatë intervistës, Shakira u ndal veçanërisht te mesazhi i bashkëpunimit dhe mbështetjes mes grave, duke theksuar se nuk duhet të ekzistojë rivalitet, por ndihmë dhe respekt i ndërsjellë.

Sipas saj, gratë duhet të funksionojnë si një “tufë” që mbështet njëra-tjetrën, në vend që të konkurrojnë mes vete.

Ajo iu referua edhe një thënieje të ish-sekretares amerikane të Shtetit, Madeleine Albright, e cila ka thënë se “ka një vend të veçantë në ferr për gratë që nuk mbështesin gratë e tjera”.

Shakira tha se ky parim është një nga shtyllat kryesore të filozofisë duke e lidhur atë me mesazhin e fuqizimit dhe solidaritetit femëror që ajo promovon në skenë.

Edhe pse nuk bëri deklarata të drejtpërdrejta për jetën e saj private, ajo la të nënkuptohej një referencë e tërthortë për ndarjen nga futbollisti Gerard Pique.

Ajo u shpreh se “ujkonjat nuk dëshirojnë pasurinë e fqinjëve të tyre”, një koment që u interpretua gjerësisht nga mediat si një mesazh i koduar për periudhën e saj personale dhe përvojat e fundit në jetën private.

No wonder those who covet neighbor’s possessions ain’t shewolves, they merely are rats instead. pic.twitter.com/T8tv815aed

— 💎Hindi Silencio💎 (@hindisilencio) February 12, 2025

Gjykata Themelore në Ferizaj, Departamenti i Përgjithshëm – Divizioni Penal, ka vendosur një muaj paraburgim për reperin Butrint Januzi i njohur si Buta, për shkak të dyshimit të bazuar se ka kryer veprën penale shkaktim i rrezikut të përgjithshëm dhe mbajtja në pronësi, kontroll ose posedim të paautoriz të armëve nga neni 366 paragrafi 1 të Kodit Penal të Republikës së Kosovës (KPRK).

Sipas njoftimit, pas mbajtjes së seancës dëgjimore dhe analizimit të shkresave të lëndës, gjyqtarja e procedurës paraprake në Departamentin e Përgjithshëm – Divizioni Penal, Alba Makolli, ka vlerësuar se:

I

Ndaj të pandehurit E.H., ekziston dyshimi i bazuar, se me 11 prill 2026, rreth orës 20:15, në një rrugë në Ferizaj, saktësisht në parkingu afer lokalit E., pas një fjalosje të atëçasshme i ka shkaktuar lëndime trupore të dëmtuarit/pandehurit B.J., ashtu që derisa i dëmtuari parkon veturën e tij mbrenda parkingut dhe derisa del nga vetura i pandehuri i drejtohet me fjalët se “ku je o B. mangupi”, pastaj e ka sulmuar me një thikë duke e goditur me dorëz të thikës në nofullën e majtë, pastaj ka tentuar ta godas me thikë në kokë, ndërsa duke u mbrojtue i dëmtuari me dorë e kap tehun e thikës me ç’rast e pren dorën dhe gjatë përleshjes rrezohet në tokë dhe lëndohet edhe në krahun e majtë me ç’rast i shkakton lëndime trupore për te cilat posedon raport mjekësor.

II

Ndaj të pandehurit B.J., ekziston dyshimi i bazuar se me datë, kohë dhe vend të njëjtë si në piken I, ka shkaktuar rrezik të madh për pasurinë dhe jetën e njerëzve, në një rrugë në Ferizaj, saktësisht në parkingu afer lokalit E., në atë mënyrë që derisa ishin duke u përleshur me të E.H., nga qanta e tij nxjerr një pistolet e llojit VD-9 4.0 gjuan/shkrep dy herë në drejtim të tokës dhe pasiqë vazhdon rrahja mes tyre, kjo pistolet i bei në tokë.

III

Gjithashtu, ekziston dyshimi i bazuar se nga data e pacaktuar e deri me datë 11 prill 2026, ka poseduar armë në mënyrë të paautorizuar dhe në kundërshtim me Ligjin e zbatueshëm për armët, ashtuqë ka poseduar një pistolet e llojit VD-9 4.0 Made in USA, nr.serik GM., cal 9 mm si dhe 13 fishek për të cilen nuk kishte autorizim dhe leje nga organet kompetente dhe e njëjta i sekuestrohet.

Gjyqtarja e procedurës paraprake, kërkesën e prokurorit të shtetit për caktimin e masës së paraburgimit kundër të pandehurve e ka aprovuar si të bazuar konform dispozitave të KPPRK-së, dhe të njëjtëve i`u është caktuar masa e paraburgimit në kohëzgjatje prej një (1) muaj.

Me këtë rast palët njoftohen se ankesa kundër këtij aktvendimi nuk e shtynë ekzekutimin e tij.

Këngëtari Blero Muharremi ka qenë së fundmi ka folur hapur për jetën e tij personale dhe përvojat e së kaluarës.

Gjatë bisedës, ai është përballur me pyetje të drejtpërdrejta rreth lidhjeve të mëparshme, përfshirë edhe nëse ka pasur ndonjë marrëdhënie që sot e konsideron gabim.

“Po, shumë gabim bile”, tha në “The Elite Way”.

Artisti pranoi se vëmendja e mediave ndaj jetës së tij private e ka lodhur ndër vite, duke e bërë shpesh që çdo lidhje e tij të kthehet në tituj lajmesh dhe spekulime publike.

Megjithatë, theksoi se sot ndodhet në një fazë më të qetë të jetës dhe se ka nisur një kapitull të ri, më të qëndrueshëm emocionalisht.

I pyetur nëse këtë herë ka zgjedhur ndryshe në dashuri, Blero u shpreh me bindje se po, duke shtuar se nuk ka frikë nga përsëritja e gabimeve të së kaluarës.

Në fund, la të kuptohet se marrëdhënia e tij aktuale është shumë më e qetë dhe stabile, duke e përshkruar si një periudhë ku ka gjetur më shumë paqe dhe ekuilibër në jetën personale.