Category: SHOWBIZ

Këngëtarja me famë botërore, Mariah Carey ka vizituar Shtëpinë e Bardhë dhe është takuar me presidentin e Shteteve të Bashkuara të Amerikës, Joe Biden.

Këtë e ka bërë të ditur ajo përmes një postimi në rrjetin social Instagram ajo ka ndarë disa foto nga vizita ku shihet bashkë me binjakët e saj, me Presidentin Biden dhe Zëvendëspresidenten Harris.

Po ashtu ajo ka ndarë disa pamje nga rregullimet festive që i janë bërë shtëpisë më të madhe në Amerikë.

“Javën e kaluar pata kënaqësinë të takoj Presidentin Biden dhe Zëvendëspresidenten Harris në Shtëpinë e Bardhë për të ftuar sezonin e festave! Ndërsa ishim atje, pamë të gjithë dekorin festiv dhe shpërndamë pak gëzim!”, ka shkruar Carey në Instagram.

View this post on Instagram

A post shared by Mariah Carey (@mariahcarey)

Për Jada Pinkett Smith çuditërisht shuplaka famëkeqe në Oscar e bashkëshortit të saj Will Smith kundër Chris Rock pati pasoja pozitive për të.

Aktorja e tha këtë për “Daily Mail”, pothuajse dy vjet pas incidentit.

“Nuk doja të shkoja në Oscar atë vit, por jam e lumtur që shkova”, tha Pinkett Smith për gazetën britanike.

Ajo e përshkroi si një goditje e shenjtë sepse ajo solli shumë të mira me të.

Komediani bëri një shaka për Jada Pinkett Smith. Aktorja kishte rruar kokën për shkak të rënies së flokëve.

“Mos e vendos emrin e gruas sime në gojën tënde të mallkuar,” bërtiti Smith pas shuplakës.

Menjëherë pas skandalit, Will Smith mori çmimin Oscar për rolin e tij kryesor në “King Richard”.

Më vonë ai u përjashtua nga Akademia e Arteve dhe Shkencave të Filmit, e cila jep çmimin më të rëndësishëm të filmit në botë.

“Pas gjithë këtyre viteve që u përpoqa të kuptoja nëse do të largohesha krejtësisht nga Will, më duhej kjo goditje për të kuptuar se nuk do ta lë kurrë atë”, Sepse ajo që publiku nuk e dinte në kohën e shuplakës së Oscarit: Jada Pinkett Smith dhe Will Smith nuk ishin më çift ‘’,vazhdoi ajo.

Ata ishin ndarë tashmë në vitin 2016, sipas biografisë së Pinkett Smith të publikuar së fundmi “Worthy”.

Sic tha aktorja, kur Wll Smith e quajti atë “gruaja” e tij gjatë skandalit në Oscar, kjo shkaktoi diçka tek ajo./ATVLIVE.TV/

Barbra Streisand ka pasur një karrierë të shkëlqyer. Ajo ka arritur shumë suksese gjatë dekadave të fundit si këngëtare, aktore dhe regjisore.

Megjithatë, mund të mos ketë kurrë një film tjetër në të cilin Barbra luan një rol kryesor.

Ajo u shfaq për herë të fundit në një film në vitin 2012. Në një intervistë për revistën amerikane ‘’People’’, Barbra shpjegon se nuk dëshiron të bëjë më filma.

‘’Kam pasur filma kaq të mirë, domethënë kanë të bëjnë me gjëra që i kam pasur për zemër, tema shumë interesante. Shpesh pyes veten pse kam bërë vetëm 19 filma në jetën time?”.

Barbra Streisand tha se kishte dëshirë të bënte shumë filma, por me kohë, u bë dembele.

“Nuk e di. Është e komplikuar, por unë jam e komplikuar, mendoj. Më pëlqen koha e lirë”, shpjegon aktorja 81 vjecare.

Ajo aktualisht është në një turne promovues për librin e saj “My Name Is Barbra”, i cili u botua në nëntor./atvlive.tv/

Katër muaj pas ndarjes nga Sam Asghari, Britney Spears zbulon mendimet e para për sic e quan ajo, beqarinë e “çuditshme”. Ajo ndihet e mërzitur dhe e frikësuar, por gjithashtu mund të shijojë lirinë e saj.

Britney Spears reflekton në Instagram për jetën e saj pas ndarjes nga Sam Asghari “Është kaq e çuditshme të jesh single”, nis këngëtarja një tekst të gjatë në Instagram.

Britney Spears shkruan se ajo kishte shumë kohë “për të parë të gjitha të mirat dhe të këqijat”. Ajo vuri re se nuk po fliste me vete “aq bukur”. Ajo gjithashtu arrin në përfundimin se “manipulohet lehtë” .

Por tani Spears tha se është në procesin e ndryshimit të gjithë kësaj. Për ta bërë këtë, ajo tha se duhet “të marrë kohë për të ndaluar dhe për të parë përreth, për të rivlerësuar veten”.

Tutje, Britney Spears zbuloi se ndjehet e mërzitur, por gjithashtu ka frikë nga shumë gjëra.

Pavarësisht gjithë mërzisë dhe frikës, Britney Spears shprehet: “Mënyra se si e jetoj jetën time varet nga unë”.

Në të kaluarën, kaq shumë njerëz ndërhynë në jetën time. Por të dish se është në rregull të jesh egoiste dhe të shijosh jetën është e mahnitshme”, përfundon ajo./atvlive.tv/

Filmi “Barbie” është në krye të listës së nominimeve për çmimet e Globit të Artë të Hollivudit (Golden Globe), pasi u nominua në nëntë kategori, duke e lënë mbrapa dramën historike “Oppenheimer” me tetë nominime.

Këta dy filma do të garojnë në kategori të ndryshme në Globin e Artë, në ceremoninë me tepih të kuq e cila e nis sezonin e ndarjes së çmimeve të Hollivudit në janar.

“Barbie”, e regjisores Greta Gerwing, do të garojë për komedinë apo filmin më të mirë muzikor kundër filmave “American Fiction”, “The Holdovers” dhe të tjerëve.

“Oppenheimer” është në garë për filmin më të mirë dramë.

“Killers of the Flower Moon” dhe “Poor Things” janë në mesin e favoritëve me nga shtatë nominime secili.

Emma Stone, Leonardo DiCaprio, Cillian Murphy dhe Da’Vine Joy Randolph janë në mesin e aktorëve të nominuar.

Fituesit do të shpallet në një ceremoni më 7 janar.

Filmat më të nominuar:

9 nominime – Barbie
8 – Oppenheimer
7- Killers of the Flower Moon
7- Poor Things
5 – Past Lives
4 – May December
4 – Anatomy of a Fall
4 – Maestro

Charlie Sheen: Kam qenë ‘esëll’ për gjashtë vjet, ky moment më bëri të ndryshoj
Charlie Sheen u mburr në një intervistë të fundit për revistën “People” se ka qenë i matur qe nga viti 2017.

“Muajin tjetër do t’i mbush gjashtë vjeç që jam esëll. Tani kam një mënyrë jetese shumë të qëndrueshme. Jam baba beqar dhe gjithçka ka të bëjë rreth rritjes së djemve të mi binjakë 14-vjeçarë, Max dhe Bob,” tha ai.

Përveç djemve të tij me ish-in e tij Brooke Mueller, aktori 58-vjeçar ka vajzat Sam, 19, dhe Loli, 18, me ish-bashkëshorten tjetër Denise Richards, dhe ishte një moment me një nga vajzat e tij që e shtyu atë që më në fund të ndryshojë në jetë.

“Një mëngjes harrova që vajza ime kishte një takim ku i premtova se do ta çoja dhe nuk isha esëll. Kështu që mu desh të telefonoja shokun tim Tonin që të na merrte. E arritëm atje në kohë, por më theu zemrën sepse ajo ishte në ulësen e pasme dhe e dija që ajo po mendonte: ‘Pse nuk po vozit babi?’ Kështu që u ktheva në shtëpi dhe mendova për këtë për pjesën tjetër të ditës. Dhe të nesërmen në mëngjes sapo u ndala”, tregoi ai.

Ishte një ndryshim që ai e arriti duke u fokusuar në qëllime të vogla.

“Në fillim, mendova se do të përpiqesha të jem esëll për një muaj, vetëm për të parë nëse ndihesha më mirë dhe nëse ndërveprimet e mia me njerëzit më të afërt do të përmirësoheshin. Kështu ndodhi. Vendosa të provoja një muaj tjetër dhe më pas kam marrë vrullin”.

“Tani zgjohem herët, rreth orës 4:30 ose 5 të mëngjesit, shikoj lajmet, ushtrohem, u përgjigjem e-maileve, pastaj zgjoj fëmijët dhe i ndihmoj me rutinën e tyre të mëngjesit”, shpjegoi ai.

Sheen së fundmi ishte i ftuar në serinë e re “Bookie” të regjisorit Chuck Lorre. Për të kujtuar, 12 vjet më parë regjisori i serisë “Two and a Half Men” pati një përleshje publike me aktorin për tiradën e ashpër të Charlie kundër Chuck, e cila rezultoi në shkarkimin e tij nga CBS.

Ishte një moment që aktori pendohet thellë, siç ka treguar edhe në intervistat e mëparshme.

“Kishte 55 mënyra të ndryshme se si mund ta kisha trajtuar atë situatë, dhe zgjodha numrin 56. Dhe kështu mendoj se ngritja për mua pas rënies duhet të fillojë me mua që të marr përgjegjësinë për të gjithë atë. Dhe kjo ishte fëmijërore. Mendoj se ishte për shkak të drogës”, zbuloi ai.