Category: SHOWBIZ

Artistja shqiptare me famë botërore, Rita Ora, ka publikuar një video në TikTok, e cila është bërë virale në rrjetet sociale.

Ajo këndoi një pjesë të këngës së njohur Jump nga Tyla, Gunna dhe Skillibeng, por bëri një modifikim të vogël të tekstit.

Si gjithmonë, artisja që nuk lë vend pa përmendur Kosovën, vendosi që pikërisht tek kjo këngë të përmend emrin e vendlindjes.

“Nuk kanë pasur kurrë një vajzë të bukur nga Kosova, më shohin mua dhe tani kjo është ajo që preferojnë”, këndonte Rita Ora, por në anglisht.

Prej kur publikoi këtë video në TikTok, kjo videos e artistes shqiptare të hitit “Anywhere” është bërë virale kudo në rrjetet sociale.

Kënga Jump, nga artistët Tyla, Gunna dhe Skillibeng numëron miliona klikime në YouTube.

@ritaoraI said what i said… 🇽🇰

♬ original sound – Rita Ora

Këngëtarja e muzikës pop, Dua Lipa, ka reflektuar për ndikimin që ka pasur lufta në Kosovë tek ajo dhe ka thënë se komunikimi me njerëzit që e kanë përjetuar hapi “një botë krejtësisht të re”.

Duke folur për Elle USA për numrin e saj vjetor muzikor, ajo tha: “Kam dëgjuar histori nga miqtë (në Kosovë) që kanë humbur anëtarët e familjes dhe shtëpitë e djegura”.

“I pashë ata. Kur ke atë komunikim të drejtpërdrejtë me njerëz që kanë kaluar nëpër (luftë), kjo hap një botë krejtësisht të re, dhe kjo ndodhi për mua. “Ndihem shumë afër (atyre që vuajnë) padrejtësitë në botë, apo pabarazitë.

“Pavarësisht nëse kjo është luftë, apo të dalësh me familjen tënde, të gjithë kanë një përvojë të ndryshme… Ka të bëjë me mbështetjen dhe të mësuarit së bashku.”

Fituesja e çmimit Brit dhe familja e saj u kthyen në Kosovë kur ishte 11 vjeç. Ajo u kthye në Londër e vetme në moshën 15-vjeçare.

Duke reflektuar për lëvizjen, ajo tha: «U thashë prindërve të mi ‘Nuk e di se si më lejuat ta bëj këtë.’

“Por e dija që nuk i kisha të njëjtat mundësi që do t’i kisha në Kosovë.

“Isha shumë e vendosur. Mendoj se prindërit e mi panë pjesë të tyre tek unë dhe kjo i lejoi ata të ishin kaq zemërhapur dhe bujarë me atë besim.” Duke reflektuar se si ia doli në industrinë e muzikës, ajo i tha Elle: “Kur fillova (të bëja këngë), punoja në La Bodega Negra, një restorant meksikan që dukej si një dyqan seksi.

“Unë do të mbaroja punën, pastaj do të dilja në çdo klub nate që ndodhte deri në tre të mëngjesit.

“Pastaj zgjohesha dhe shkoja në studio derisa të kisha përsëri turnin tim, si në orën 20:00.

“Muzika që unë (bëra) reflektonte çdo ditë, ose çdo natë timen”.

Çfarë festimi për ditëlindjen e pesëdhjetë të Victoria Beckham!, shkruan vanityfair.it.

Ish këngëtarja e Spice Girls dhe stiliste Viktoria e lindur më 17 Prill 1974 organizoi një festë ekskluzive dhe të paharrueshme për të gjithë të pranishmit.

“Mezi pres të festoj me miqtë dhe familjen time”, shkroi ajo në rrjetet sociale, duke publikuar një seri fotosh të bukura të realizuara në shtëpinë e saj në Londër së bashku me bashkëshortin e saj David, të martuar në vitin 1999 dhe katër fëmijët e tyre: Brooklyn, Cruz, Romeo dhe Harper.

Festa u mbajt në Oswald’s, një klub ekskluziv në Mayfair, Londër, ku u mblodhën rreth njëqind të ftuar të zgjedhur.

Mes të ftuarve, Eva Longoria, Gordon Ramsay, Tom Cruise, të gjitha ish vajzat Spice, Emma Bunton, Mel C, Mel B dhe Geri Halliwell. /atsh

Këngëtarja me origjinë nga Kosova, Dua Lipa ka ndarë me ndjekësit librin e saj të fundit që ua rekomandon për ta lexuar.

Përmes Klubit të Librit në buletinin e saj Service95, Lipa sugjeroi audiencën që ta lexojnë “Swimming in the Dark” të autorit Tomasz Jedrowski.

“Leximi im mujor i majit është ‘Swimming in the Dark’, një histori e bukur dashurie e moshës, e vendosur në sfondin brutal politik të Polonisë komuniste në vitin 1980”, shkroi ajo.

“Të dashuruarit e rinj Ludwik dhe Janusz kalojnë një verë idilike duke kampuar dhe notuar në liqene, por kur të vijë koha për t’u kthyer në Varshavë, kompromiset morale që ata do të duhet të bëjnë për të vazhduar romancën e tyre të ndaluar, bëhen të dukshme. Në të njëjtën kohë, vendi po vuan krizën e vet të identifikimit – komunizmi ka filluar të shkërmoqet dhe Ludwik dhe Janusz zbulojnë se nuk janë të vetmit që jetojnë një gënjeshtër”, shtoi Dua duke përshkruar historinë e librit.

“Është një histori e bukur, dhe shpresoj të iu pëlqejë po aq sa mua”, përfundoi postimi.

View this post on Instagram

A post shared by SERVICE95 (@service95)

Këngëtarët shqiptarë Soni Malaj, Don Phenom dhe Sinan Vllasaliu janë arrestuar nga policia zvicerane.

Sipas raportimeve të mediave, artistët do të performonin në një “BajramParty” që ishte planifikuar të mbahej me 13 prill në Zvicër.

Eventi dështoi, pasi policia zvicerane ka hyrë në kontroll duke arrestuar këngëtarët e njohur të skenës muzikore, të cilët janë mbajtur për 48 orë nga policia zvicerane.

Këngëtari Labinot Rexha, i cili parashikohej të këndonte, ka treguar se kishte nënshtetësi zvicerane prandaj për të policia nuk ka paraqitur problem, duke e lënë të lirë.

Ai shpjegoi se kjo gjë ndodhi për shkak se nuk duhen përdorur vizat turistike për të punuar sepse do ndëshkohen me ndalesë për 10 vjet që të shkojnë në Zvicër për të performuar.

“Kam nënshtetësi zvicerane, ka qenë një kontroll e përgjithshme e policisë së Zvicrës edhe në klube të tjera. Pas orës 23:00 ka hyrë kontrolla. Kur kam dal jashtë kam pa afro 150 policë që kontrollonin. Më kontrolluan edhe mu, unë kam të drejtë të punës. Të Tjerët Sinan Vllasaliu, Soni Malaj, Don Phenom, Eugena Aliu, ata i kanë marrë mbajtur për 48 orë së bashku me pronarin. Diskoteka është duke vazhdu me punë…

Ata që po mendojnë liberalizimi i vizave është edhe me punu janë gabim. Nuk ke drejtë me punu në Zvicër. Aty duhet një muaj më parë të merrni leje për vizë punë dhe ta paguani tatimin. Nëse hasin në kontroll ata më nuk kanë drejtë të performojnë edhe për 10 vite tjera…”/Oranews/

Stuhia që ka përfshirë Emiratet e Bashkuara Arabe, vazhdon ta kërcënojë vendin edhe më shumë duke shkaktuar përmbytje masive. Fluturimet ajrore janë anuluar për shkak se aeroporti është përfshirë tërësisht nga uji.

Ndërkohë rrjetet sociale janë mbushur me pamje tronditëse nga Dubai, ku vendi që jemi mësuar ta shohim mbi luks, shfaqet i zhytur nën ujë.

Në Dubai momentalisht ndodhet edhe këngëtarja shqiptare, Adelina Tahiri e cila ka ndarë gjithashtu në InstaStoy disa pamje nga përmbytjet.

Nga postimet e pak ditëve më parë, Adelina ka treguar se në Dubai ndodhet me familjen dhe ka publikuar edhe foto me të birin. Prandaj gjendja mund të jetë më e rënduar për këngëtaren.

Artistja shqiptare me famë botërore, Dua Lipa, u nderua së fundmi me një statujë prej dylli nga muzeu “Madame Tussauds Istanbul” në qytetin e Stambollit në Turqi.

Në këtë skulpturë, artistja e hitit “Levitating” shihet me një nga veshjet skenike të tourit “Future Nostalgia”.

Kjo veshje ikonike e saj, përcolli Dua Lipën në të gjitha koncertet ku promovoi albumin e saj tejet të suksesshëm.

Të gjithë adhuruesit e këtij arti, mund të vizitojnë muzeun për të parë skulpturën prej dylli të artistet së famshme; ky lloj arti është tejet i njohur anembanë botës.

Muzeu “Madame Tussauds Istanbul” është një atraksion turistik që gjendet në Avenue Istiklal në Stamboll. /Telegrafi/

Një person i afërt me Justin dhe Hailey Bieber, ka folur për marrëdhënien e çiftit disa javë pas thashethemeve për një ndarje të mundshme ose një lloj mosmarrëveshjeje martesore.

Në fund të shkurtit, babai i Hailey, Stephen Baldwin, kërkoi “lutje” për çiftin, duke shkaktuar shqetësime se diçka po ndodhte prapa skenave. Themeluesja e Rhode Skin thuhet se ishte “jo e kënaqur” me kërkesën, e cila e vendosi marrëdhënien e saj me Justin në qendër të vëmendjes.

Ajo adresoi thashethemet rreth tyre në një postim muajin e kaluar. Tani, një burim i afërt me ta po zbulon se si po vazhdon marrëdhënia e Hailey dhe Justin.

Një burim i tha People se Justin dhe Hailey “janë shumë mirë”.

“Nuk ka asnjë divorc dhe asnjë të vërtetë për këtë”, theksoi burimi, duke shtuar, “Ata janë shumë, shumë të lumtur”.

Këngëtarja amerikane Taylor Swift i është bashkuar Elon Muskut në listën e personave më të pasur në botë.

Ylli amerikan ka hyrë në Listën e Miliarderëve, të përpiluar prej revistës Forbes, për herë të parë, pas regjistrimit të një pasurie prej 1.1 miliard dollarësh.

Në listë këtë vit ka hyrë edhe Sam Altman, krijuesi i aplikacionit ChatGPT të kompanisë AI, me një pasuri prej 1 miliard dollarësh.

Mirëpo Bernard Arnault dhe familja e tij, që qëndrojnë mbrapa kompanisë franceze të mallrave luksoze LVMH, e kryesojnë listën e revistës Forbes me një pasuri prej 233 miliardë dollarëve.

Forbes ka thënë se në vitin 2024 është regjistruar një rekord i miliarderëve – 2.781.

Forbes ka thënë se elita botërore është më pasur se kurrë dhe e ka një pasuri kolektive prej 14.2 trilionë dollarëve.

Swift, këngëtare dhe tekst shkruese, ka hyrë këtë vit në listën e personave më të pasur, pasi e ka fituar statusin e megayllit.

Këtë vit ajo është bërë performuesja e parë që e ka fituar çmimin për albumin më të mirë për herë të katërt.

Përveç muzikës, emri i saj është shumë i përfolur edhe për lidhjen e dashurisë që ka me yllin e futbollit amerikan Travis Kelce.

Sa u përket 10 personave më të pasur në planet, tetë janë prej SHBA-së dhe gjashtë prej tyre janë pasuruar në industrinë e teknologjisë.

Pas Arnaultit dhe familjes së tij, Musk, pronari i kompanive Tesla dhe X – i njohur më parë si Twitter – është renditur i dyti, me një pasuri prej 195 miliardë dollarësh.

Në vendin e tretë është pronari i kompanisë Amazon, Jeff Bezos.

Forbes ka thënë se klasa e miliarderëve më 2024 është 255 për qind më e pasur sesa një dekadë më parë, që nënkupton se 0.5 për qind e 2.781 miliarderëve të botës gëzojnë 14 për qind të pasurisë së të gjithë miliarderëve.

Në aspektin gjeografik, SHBA-ja ka më shumë miliarderë sesa çdo shtet – 813 – e përcjellë nga Kina dhe India. /REL

Rrëfimi i Albano Bogdos në “Ferma VIP” ka përlotur të gjithë të pranishmit në fermë, por dhe në studio. Ai tregoi historinë e trishtë të jetës së tij, ndërsa shprehu dashurinë dhe falënderimin për nënën e tij.

Pas Albanos ishte radha e Bes Kallakut që të bënte fermerët e tjerë por edhe moderatoren Fjoralba Ponari që të shpërthejë në lot, ndërsa po interpretonte poezinë “Sa shpejt më harroi nana”, të poetit Lulzim Tafa.

Emocionet kanë qenë shumë të forta, aq sa moderatorja u detyrua të ndërpresë për pak çaste spektaklin dhe të kalojë në publicitet.

View this post on Instagram

A post shared by Vizion Plus (@vizionplustv)

Lulzim Tafa, njëri ndër poetët kosovar më të njohur në botë, dy muaj më parë ishte i ftuar në emisionin LIBERO në ATV, ku bëri një rrëfim më ndryshe për jetën e tij private, rrugëtimin profesional si dhe pasionin për poezi.

Në këtë emision interpretoi poezinë “Sa shpejt më harroi nana”, vargjet e së cilës përlotën të gjithë të pranishmit mbrëmë në “Ferma VIP”, dhe e cila është një nga poezitë më të bukura të poetit Lulzim Tafa.