Aktori i famshëm Liam Neeson duket se do të tërhiqet nga filmat aksion.
72-vjeçari ka konfirmuar lajmet se ka në plan të largohet pasi të shijojë një ringjallje emocionuese të karrierës në role si Taken, Star Wars dhe The Grey.
Ai pranon se ka hequr dorë nga disa punë, të cilat janë përtej mundësive të tij.
“Unë jam 72-vjeç, duhet të ndalem në këtë fazë”, deklaroi ai.
Harry Styles thotë se ai është vërtet i shkatërruar nga vdekja e shokut të tij të grupit “One Direction” dhe do t’i mungojë gjithmonë.
Në një postim në Instagram, këngëtari i “Watermelon Sugar” tha: “Gëzimi i tij më i madh ishte të bënte të tjerët të lumtur dhe ishte një nder të isha përkrah tij ashtu siç e bëri”.
“Liam jetoi hapur, me zemrën në mëngë, ai kishte një energji për jetën që ishte infektive.”
Deklarata vazhdoi: “Ai ishte i ngrohtë, mbështetës dhe tepër i dashur. Vitet që kaluam së bashku do të mbeten përgjithmonë ndër vitet më të dashura të jetës sime. Do të më mungojë gjithmonë, miku im i dashur”.
“Zemra ime thyhet për Karen, Geoff, Nicola dhe Ruth, djalin e tij Bear, dhe të gjithë ata në mbarë botën që e njohën dhe e donin atë, ashtu si unë.”
Liam Payne, ish-ylli i grupit One Direction, ka vdekur në moshën 31-vjeçare në Argjentinë, pas një rënieje nga kati i tretë i një hoteli në Buenos Aires, sipas policisë. /Telegrafi/
Vdes Liam Payne, ish anëtari i grupit “One Direction”, dyshohet se ra nga ballkoni i një hoteli
Margot Robbie ka dikë që e inspiron.
Bukuroshja përmendi një person të famshëm si idhull, pasi u shpall si fytyra e re e “Chanel No 5” të hënën.
Biondja tha se gjithmonë i është drejtuar shoqes australiane Nicole Kidman, e cila gjithashtu ka luajtur dikur në “Chanel”, reklamat e parfumeve të ‘No 5’, shkruan DailyMail.
“Kujtimi im i parë i “Chanel No 5” është reklama e Nicole Kidman e drejtuar nga Baz Luhrmann”, ndau ajo me revistën “Vogue”.
“Unë ndoshta isha 14 vjeçe dhe filmi i Luhrmann Moulin Rouge ishte kaq i madh.
“Më kujtohet reklama kaq gjallërisht. Dhe për shkak se Nicole është australiane, më dha atë dritën e parë të vogël si: “Oh, ndoshta këto ëndrra janë të arritshme. Dikush tjetër nga vendi im e bëri këtë. Ndoshta edhe unë mundem”.
Ajo vazhdoi të fliste për përdorimin e ngjyrës së kuqe në reklamën e saj ‘No5’ të “Chanel”, në të cilën ajo luan përballë shokut të saj Aussie Jacob Elordi.
Margot tha: “Ka diçka në thelb pasionante dhe të fortë në ngjyrën e kuqe”.
“Ka një forcë të vërtetë edhe në këtë aromë. Kur mendoj për llojin e gruas që mund të veshë “Chanel No 5”, mendoj se ajo është e fuqishme, ka dëshira”.
Margot më parë pranoi se ishte e emocionuar që do t’i bashkohej familjes “Chanel” duke u bërë fytyra e aromës ikonë.
Ajo tha për WWD: “Thjesht kam ditur gjithmonë për “Chanel No.5”… Është ikonë dhe një markë ikonë. Është ajo gjë që gjithmonë e lidhni me lartësinë absolute të luksit”.
“Të paktën kështu jam ndjerë gjithmonë për “Chanel”. Tani jam në familjen “Chanel”. Unë shoqërohem me më shumë kujtime personale dhe gjëra që kam marrë për të bërë”.
Dhe ka thënë këto ditë se përpiqet të arrijë ‘bukurinë e vajzës franceze’.
Aktorja e “Barbie” ka pranuar se ajo përpiqet të krijojë një pamje ‘të bashkuar’ dhe në vend të kësaj anon në tendencat nga vendlindja e saj Australia, të cilat janë më ‘rastësore’.
Ajo tha për “Vogue”: “Në Australi na pëlqen bukuria pa mundim, në një mënyrë të rastësishme.
“Unë mendoj se ‘bukuria e vajzës franceze’ është gjithashtu e lehtë, por në një mënyrë më të bashkuar. Është e vështirë për t’u arritur, por mendoj se është gjëja për të cilën të gjithë po përpiqemi”. /Telegrafi/
Hailey Bieber është një nga modelet më të mira të “Victoria’s Secret”, pasi ajo është shfaqur në disa nga reklamat e tyre të fundit, të shtypura vitin e kaluar.
Por vajza e kopertinës nuk u pa në sfilatën e modës në New York të martën, ku miqtë e saj Gigi dhe Bella Hadid sunduan në pistë.
Kjo është për shkak se ajo ka shumë punë në këtë moment dhe unë mendoj se të gjithë mund ta kuptojnë këtë” tha një burim për DailyMail.
Konkretisht, janë tre arsye shumë të mëdha pse ajo i tha jo spektaklit më të madh të të brendshmeve të vitit.
Një arsye – e cila është më e dukshme – është se ajo është një nënë e re.
“Hailey po bën fole me fëmijën e saj të ri Jack dhe nuk dëshiron të punojë tani”, ka thënë burimi. “Fëmija i saj është vetëm shtatëjavësh”.
Jack është djali që ka me bashkëshortin Justin Bieber. Jack Blues Bieber ka lindur më 22 gusht 2024.
Por, ka edhe arsye të tjera që Hailey po qëndron në shtëpi.
Dy arsyet e tjera janë thashethemet e Diddy-t dhe marrëdhënia e saj e vështirë me babain e saj Stephen Baldwin.
“Hailey është shumë e vetëdijshme se duhet të shmangë stresin, gjatë epokës së saj pas lindjes, sepse është në një vend delikat dhe shëndeti i saj është një prioritet kryesor”, tha burimi. /Telegrafi/
Tyra Banks mbylli të martën me stil shfaqjen e “Victoria’s Secret” Fashion Show” 2024, teksa u kthye në event pas gati 20 vitesh.
Modelja, 50 vjeçe, i ndau fansat e saj teksa doli në pistën e New York e veshur me një korse të zezë, të bashkuar me dollakë dhe taka shkëlqyese.
Superylli e kompletoi pamjen e guximshme të modës me një pallto argjendi, të gjatë deri në fund të këmbëve, shkruan DailyMail.
Në fund të shfaqjes – e cila u cilësua si “më e mërzitshmja ndonjëherë” nga fansat – Banks iu bashkua në skenë nga engjëjt e saj të “Victoria’s Secret”.
Fansat e saj shkuan në Twitter pas shfaqjes për të vënë në pikëpyetje veshjen e pistës, me njërin që shkruante: “Dollakët??????? Pse do të vendosnin Tyra Banks në dollakë? Ajo është e bukur… por cila ishte pamja përfundimtare?”.
“E ndoqa të gjithë shfaqjen e “Victoria’s Secret” për Tyra vetëm që ajo të dilte në fund me dollakë…” shtoi një tjetër.
“Pse nuk kishte shkëlqim në pistë??? Ku është sytjena e fantazisë? Kush e futi TYRA BANKS në dollakë?! Pse këto krahë këndorë janë prej kartoni?!#VSFashionShow2024.”
Tyra më vonë realizoi disa nga pozat e saj ikonike në prapaskenë, ku iu bashkua motra e Gigi Hadid, Bella Hadid.
“Victoria’s Secret” njoftoi në gusht se Banks do t’i bashkohej shfaqjes së modës të mbushur me yje. /Telegrafi/
Këshilla kryesore për bukurinë e Kylie Jenner është aplikimi i SPF (mbrojtës nga dielli) në fytyrën e saj çdo ditë.
Ylli televiziv – e cila drejton linjën e saj të suksesshme të bukurisë “Kylie Cosmetics” – ka pranuar se është ‘religjioze’ për mbrojtjen nga dielli.
Ajo vlerëson motrën e saj Khloe Kardashian që i mësoi se SPF, gjithashtu duhet të aplikohet në duart e saj, shkruan DailyMail.
Ajo tha për Elle.com: “Khloe është ajo që më mësoi të vendos krem kundër diellit në duart e mia”.
“Unë jam e përkushtuar në lidhje me aplikimin e tij (SPF) dhe kurrë nuk dal nga shtëpia pa e vënë atë në fytyrë”.
Ylli i “Kardashians” vazhdoi të tregojë se kohët e fundit ka përqafuar një pamje më natyrale dhe tani përpiqet të mbajë një grim minimal.
Në vend të kësaj, Jenner bën deklarata të guximshme përmes flokëve ose thonjve.
Ajo shpjegoi: “Kohët e fundit kam përqafuar një filozofi “më pak është më shumë” kur bëhet fjalë për glam-in – më pëlqen që lëkura dhe njollat e mia të shfaqen”.
“Por, gjithmonë e kam parë grimin si një mënyrë për të treguar vetëshprehjen dhe jam i frymëzuar nga disponimi im apo dizajnet e lezetshme vizuale, kështu që më pëlqen ta ndryshoj atë me flokët dhe thonjtë e mi”.
Kylie theksoi gjithashtu rëndësinë e ‘kujdesit për veten’ dhe zbuloi se ndihet mirë kur ushqehet shëndetshëm dhe stërvitet.
Ajo shtoi: “Kujdesi për veten është kaq i rëndësishëm – pavarësisht se sa e zënë jam, duhet të sigurohem që të marr kohë për veten time. Unë me të vërtetë e konsideroj stërvitjen si një pjesë të madhe të rutinës sime të kujdesit për veten, përpiqem ta bëj të paktën 4-5 herë në javë”.
“Kam stërvitur rregullisht dhe jam ushqyer shëndetshëm dhe ndihem mahnitëse”. /Telegrafi/
Këngëtarja shqiptare me famë botërore, Rita Ora, ka reaguar për vdekjen e këngëtarit Liam Payne, i cili dyshohet se ra nga ballkoni i dhomës së hotelit ku po qëndronte në Argjentinë.
Ora ka thënë se është e merzitur nga lajmi për vdekjen e Payne, me të cilin kishte realizuar edhe një këngë, për të cilën ka deklaruar se tash merr krejtësisht kuptim të ri për të.
“Jam e shkatërruar. Ai kishte shpirtin më të mirë, nuk do ta harroj kurrë. Më pëlqente shumë të punoja me të – ishte gëzim i madh ta kishe në skenë dhe jashtë saj. Ky lajm tragjik më thyen zemrën. Duke dërguar gjithë dashurinë dhe lutjet e mia për familjen dhe të dashurit e tij. Kënga jonë “Për ty” merr një kuptim krejtësisht të ri për mua tani. R.I.P”, ka shkruar Rita.
Ora dhe Payne kishin bashkëpunuar për hitin “For You”.
Vdes Liam Payne, ish anëtari i grupit “One Direction”, dyshohet se ra nga ballkoni i një hoteli
Ish-anëtari i One Direction, Liam Payne, ka vdekur tragjikisht në moshën 31-vjeçare.
Ai raportohet se ka vdekur pasi ka rënë nga kati i tretë i hotelit ku po qëndronte në Buenos Aries të Argjentinës.
Britaniku kishte marrë famë botërore si pjesë e bendit me çuna, One Direction, duke shitur dhjetëra miliona incizime.
Ende nuk ka detaje nga rrethanat e vdekjes së këngëtarit, dhe se pse ndodhej në kryeqytetin argjentinas.
Ajo është njëra prej artisteve shqiptare që ka pushtuar tregun muzikor ndërkombëtar.
Dhe Rita Ora pavarësisht sukseseve në botë, nuk ka hezituar asnjëherë të flasë për rrënjët e saj dhe të krenohet me to.
Së fundmi, kënga “Anywhere” është interpretuar në shqip nga një artiste, e cila e ka përkthyer këngën.
Një gjë e tillë nuk i ka shpëtuar 33-vjeçares, gjë që të njëjtën e ka shpërndarë në InstaStory.
“Çka nëse Rita do këndonte në gjuhën e saj?”, thuhet në shkrim.
E për këtë menjëherë pati një replikë: “Ide e mirë, rrini gati”.
Një interpretim i Ritës në shqip do të ishte bukur, marrë parasysh vokalin e veçantë të saj. /Telegrafi/
Al Pacino është duke promovuar librin e tij të kujtimeve me titull “Sonny Boy”, një pseudonim që ia kishte dhënë e ëma.
Në këto kujtime, ai përshkruan jetën dhe karrierën e tij. Aktori 84-vjeçar shpjegoi për BBC se vendosi të shkruante kujtimet pjesërisht edhe për shkak se u bë baba i një djali, Roman, në moshën 83-vjeçare. Përmes këtyre kujtimeve, ai shpreson që djali i tij të ketë mundësi të mësojë diçka për të në të ardhmen.
“Unë dua të jem pranë këtij fëmije. Shpresoj që të jem. Shpresoj të mbetem i shëndetshëm, dhe ai ta dijë se kush është babai i tij, natyrisht”, shpjegoi aktori, i cili i dha fund lidhjes me nënën e Romanit, producenten e filmit Noor Alfallah. Pacino shpjegoi se pjesa më e madhe e ndërveprimit të tij me djalin 16-muajsh bëhet nëpërmjet internetit.
“Më intrigon çdo gjë që bën. Pra, ne flasim. I bie harmonikës kur jemi në video-thirrje dhe kemi krijuar një kontakt të tillë. Kjo është argëtuese”, shtoi ai.
Pacino dhe Alfallah u takuan në fund të viteve 2010 dhe e konfirmuan lidhjen e tyre në vitin 2022. Në qershorin e vitit të kaluar, lindi djali i tyre Roman, për të cilin aktori kërkoi testin e atësisë. Nuk dihet saktësisht kur çifti u nda, por sipas përfaqësuesit të Al Pacinos, ata kanë mbetur miq të mirë dhe po e rrisin bashkë djalin.
Përndryshe, aktori nuk është martuar kurrë, por ka qenë në lidhje me shumë gra të famshme, si Beverly D’Angelo dhe Diane Keaton, dhe nga tri lidhje ka katër fëmijë. /Telegrafi/