Category: Showbiz

Iftuar special në emisionin “Ndryshe” me Elona Duro dhe Salsano Rapi ka qenë artisti i mirënjohur, Noizy. Gjatë intervistës, ai ka folur për projektet e tij më të fundit muzikore, jetën personale dhe rrugëtimin e gjatë në skenën shqiptare. Me stilin e tij të drejtpërdrejtë dhe energjinë karakteristike, Noizy ka ndarë edhe momente të veçanta nga karriera, bashkëpunimet ndërkombëtare dhe planet që ka për të ardhmen, duke sjellë një bisedë të sinqertë dhe plot dinamizëm me dy moderatorët.

Kohët e fundit, ai ka realizuar edhe “Troubleshooters”, një film aksion, i cili pati një sukses ndërkombëtar. A ka filluar që aktrimi të jetë profesioni i tij i preferuar?

“Me thënë të drejtën, ëndrra ime e parë përpara se të bëhesha muzikant, ka qenë se e mendoja një ëndërr të parealizueshme, thjesht se kanë qenë ato gjërat që nuk dije çfarë të mendoje përpara gjumit dhe mendoje veten si aktor. Kur të kthehem në Shqipëri do bëhem aktor dhe do jem më i miri”.

Gjithmonë me mendimin ‘kur të kthehem në Shqipëri’, Noizy u shpreh se gjithmonë e ka ëndërruar ta zhvillojë karrierën e tij në atdhe.

“Kur të kthehem në Shqipëri. Asnjëherë nuk e kam pasur në mendje të jetoja diku. Aq shumë më pati vrarë ai fakti, që thashë shparë që ma vodhën fëmijërinë, dhe përherë unë isha ai fëmija me peng në zemër. E thoja kur të kthehem në Shqipëri ‘do bëj këtë, do bëj këtë, do bëj atë’ . Ishte aktrimi, por muzika ishte degë e artit”.

A ka për të ndodhur ndonjëherë që aktrimin ta ketë përpara muzikës?

“Nëse unë do vendos që mos ndalem, të rri larg ekraneve, besoj ajo do ndodhi”.

Noizy zbuloi se së shpejti do të realizojë një film të ri titulluar “The Blood Money” të zhanrit dramë dhe aksion.

“Skenaristi është shqiptaro-gjerman. Është Enkelejdi, është super talent për dramat. Filmat e tij kanë arritur super sukses në Gjermani. Është dramë dhe aksion, por nuk ka armë. Ka më shumë boks. Historia e dikujt që u bë ‘street fighter’ që jam unë. Nis filmi dhe unë jam në burg. Kuptohet që në burg nuk jam për fajin tim. Historia ime bëhet automatikisht se unë kam qenë ‘street fighter’ në Angli. Kam qenë pjesë e kësaj jete, por nuk është plotësisht historia e jetës sime”.

Vëmendja ndaj Egli Takos ka qenë gjithmonë e madhe, veçanërisht për jetën e saj private, e cila ka qenë shpesh kryefjala e mediave për shkak të raportit që ajo kishte me Gjestin. Sidoqoftë, pak kohë më parë, këngëtarja pranoi publikisht se marrëdhënia mes tyre kishte përfunduar.

Së fundmi, në rrjetet sociale kanë nisur thashetheme për një mashkull të ri që shoqëron Egli në disa raste. Në disa postime, ajo shfaqet pranë një personi enigmatik, por ende nuk dihet nëse bëhet fjalë për një lidhje të re, apo për një mik apo të afërm të saj. Egli ka zgjedhur të mos zbulojë asnjë detaj nga jeta private, duke preferuar të përqendrohet tek karriera e saj në muzikë dhe televizion.

Vetëm pak ditë më parë, ajo ka ndarë në rrjet disa buqeta me lule që ka marrë në ambientet e punës, të cilat ishin surprizë nga fansat. Megjithatë, disa ndjekës kanë spekuluar se ndonjë prej tyre mund të ketë qenë nga një partner i mundshëm. Për shkak të natyrës hermetike të Eglit, veçanërisht për jetën private muajt e fundit, është e vështirë që ajo të zbulojë diçka.

Në një intervistë për emisionin “The Dalina Show”, Egli foli për raportin e saj me Gjestin, duke sqaruar se marrëdhënia e tyre nuk kishte asnjë komponent romantik, por ishte një lidhje shoqërore që e ndihmonte të kalonte kohën më lehtë brenda katër mureve të shtëpisë.

“Brenda shtëpisë ndjeva afeksion për disa persona dhe këtë e shpreha gjithmonë. Me kalimin e javëve, njerëzit bëhen më egoistë dhe mendojnë vetëm për lojën e tyre, por unë kurrë nuk kam qenë e tillë. Për Gjestin, kam thënë disa herë: ‘të dua shumë si njeri’. Dhe kjo është më e rëndësishme se gjithçka tjetër,” tregoi ajo.

Aktorja shtoi se ndjenjat dhe lidhjet brenda shtëpisë shpesh dukeshin më intensive se sa ishin në realitet. “Je aty 24 orë në ditë, gjithçka bëhet më intensive, por nuk ka të bëjë me ndjenja të thella romantike. Ishte më shumë lojë, një person i duhur në momentin e duhur. Unë isha personazhi i gabuar në vendin e duhur.”

Egli pranoi se edhe ajo vetë kishte përjetuar një kohë të tillë ‘deluzive’. “Ndoshta edhe unë e kam përjetuar këtë, por sot e shoh ndryshe. Ai nuk më frymëzonte në kuptimin e madh, thjesht kalonim mirë dhe qeshnim. Dua ta kujtoj si një mik të asaj kohe.”

Duke folur për të ardhmen, këngëtarja ishte e qartë: “Jam beqare dhe kam vendosur të mbyll këtë kapitull. Më vjen keq nëse zhgënjej disa njerëz që i dua shumë, por nuk dua të jetoj më në deluzion. Dua ta kujtoj këtë eksperiencë si diçka të bukur dhe të mbaj mend vetëm gjërat e mira.”

Pas kësaj interviste, ende nuk dihet nëse Egli ka një lidhje të re, dhe ndjekësit e saj vazhdojnë të spekulojnë.

Gjykata e Tiranës ka vendosur se Egla Ceno është fajtore për shpifje ndaj Saimir Kodrës. Në një intervistë për emisionin “Goca dhe Gra”, Ceno deklaroi se nuk do të komentojë vendimin deri në zbardhjen e tij zyrtare dhe se ka ndërmend ta apelojë çështjen, duke e ndjekur deri në fund në të gjitha hapat ligjorë.

Aktorja u shpreh se qëndron pas deklaratës së saj të mëparshme, në të cilën pretendonte se ishte ngacmuar seksualisht në vendin e punës nga Kodra.

“Nuk marr përsipër të flas për vendimin e gjykatës, ende nuk është zbardhur. Avokati më ka informuar se jam dënuar si fajtore dhe detyrohem të publikoj një përgënjeshtrim në media. Por arsyetimi i vendimit ende nuk është i qartë,” tha Ceno.

Ajo shtoi se videoja e saj në Instagram, ku shpreh fjalën e fundit në seancë, është përshtypja e saktë e asaj që ka thënë, pa asnjë ndryshim. “Unë nuk do tërhiqem. Me mjete ligjore do ta vazhdoj këtë betejë, dhe do ta bëja këtë edhe dy herë, nëse do të duhej,” theksoi ajo.

Egla Ceno vuri në dukje rëndësinë e diskutimit publik të çështjes: “Më gëzon që kjo kauzë po diskutohet hapur. Është e rëndësishme që njerëzit të jenë të kujdesshëm në interpretimin e fjalëve të mia, sepse kjo është një çështje që kërkon durim, dhe unë kam gjithë durimin për ta ndjekur deri në fund.”

Aktorja shpjegoi se rrëfimi i saj ishte personal dhe i lidhur me një kauzë me rëndësi sociale, dhe jo rezultat i emocioneve të momentit. “Do ta ankimoj vendimin dhe do të shkoj deri në fund. Nuk ka pasur mundësi të flisja më herët, por tani kushtet janë të përshtatshme,” tha Ceno.

Ajo theksoi gjithashtu se nuk ka pasur asnjë kontakt apo marrëdhënie me Kodrën pas deklaratës dhe se çdo gjë që ka për të thënë do të zhvillohet brenda institucioneve përkatëse.

Dy emra të njohur të skenës muzikore, Fifi dhe Tiri Gjoci, duket se po përgatisin një bashkëpunim të ri.

Të paktën kjo vihet re nga një fotografi misterioze që ata ndanë në Instagram, e shoqëruar vetëm me përshkrimin “Shhh”, pa dhënë detaje të tjera mbi projektin e mundshëm.

Qeveria kineze ka miratuar rregulla të reja që prekin influencuesit dhe krijuesit e përmbajtjeve në rrjetet sociale, duke kërkuar që ata që trajtojnë tema si mjekësia, ligji, financat, arsimi apo shëndetësia të kenë diploma ose kualifikime përkatëse.

Sipas njoftimit, platformat si Douyin (versioni kinez i TikTok-ut) dhe Weibo do të kenë detyrimin të verifikojnë këto kredenciale.

Në rast shkeljesh, dënimet mund të arrijnë deri në 100,000 juanë (rreth 13,000 euro), përfshirë pezullimin ose mbylljen e llogarisë.

Autoritetet thonë se qëllimi është të luftohet dezinformimi online dhe të rritet cilësia e përmbajtjes, por masa ka shkaktuar debat të gjerë në rrjetet sociale, mes atyre që e konsiderojnë të nevojshme dhe atyre që paralajmërojnë për kufizime të reja të lirisë së shprehjes.

Seriali “Boots” ndjek historinë e Cameron Cope (luajtur nga Miles Heizer)…

ëdhënësja e Pentagonit, Kingsley Wilson, ka shprehur pakënaqësinë e saj ndaj serialit të ri të Netflix-it me temë ushtarake dhe LGBTQ+, “Boots”, i cili është shfaqur javën e fundit dhe ka hyrë menjëherë në listat e shikueshmërisë në platformë. Në një deklaratë për Entertainment Weekly, Wilson e quajti serialin “një përpjekje për të shtyrë agjendën ideologjike të Netflix-it për ushtrinë amerikane”.

“Nën udhëheqjen e Presidentit Trump dhe Sekretarit Pete Hegseth, ushtria amerikane po rikthehet në thelbin e saj luftarak”, tha Wilson. “Standardet tona janë të larta, të unifikuara dhe të paanshme ndaj gjinisë, sepse pesha e një çante ose e një trupi njerëzor nuk pyet nëse je burrë apo grua, homoseksual apo heteroseksual”.

Seriali “Boots” ndjek historinë e Cameron Cope (luajtur nga Miles Heizer), një adoleshent homoseksual i fshehtë, dhe mikut të tij më të ngushtë Ray McAffey (Liam Oh), të cilët bashkohen me Marinsat Amerikanë gjatë periudhës së politikës “Mos pyet, mos trego”.

Wilson shtoi se standardet e ushtrisë amerikane do të mbeten të pandryshuara, pavarësisht mënyrës se si paraqiten në serialin e Netflix-it: “Ne nuk do t’i ulim standardet tona për të kënaqur ndonjë agjendë ideologjike, ndryshe nga Netflix, i cili vazhdimisht prodhon dhe shpërndan ‘mbeturina të zgjura’ për publikun dhe fëmijët”, tha ajo.

Netflix nuk ka dhënë ende një koment lidhur me deklaratat e Pentagonit. Sekretari i Mbrojtjes, Pete Hegseth, është kritikuar prej kohësh për veprimet e tij kundër komunitetit LGBTQ+ në radhët e ushtrisë. Ai ka hequr emrat e aktivistëve homoseksualë nga anijet e Marinës dhe ka tentuar të përjashtojë personat transgjinorë nga shërbimi aktiv.

Hegseth ka qenë një kundërshtar i ashpër i kulturës “woke”, duke premtuar ta eliminojë atë nga forcat e armatosura dhe duke kundërshtuar politikat që promovojnë standarde fizike neutrale ndaj gjinisë apo përdorimin e përemrave gjinorë.

Xheneta rrëfeu se në moshën 23 vjeçare e ka takuar për herë të parë nënën…

Xheneta Fetahu ka folur për herë të parë për nënën e saj biologjike, e cila e kishte braktisur që në fëmijëri.

Në një intervistë në emisionin “Se luan topi” në Top Channel, Xheneta rrëfeu se në moshën 23 vjeçare e ka takuar për herë të parë nënën, pas këmbënguljes së vëllait dhe njerkës së saj.

“Më mungon, kur të bëhem nënë, ajo mungesë nuk do të mbushet kurrë. Do të jetoj deri sa të vdes me atë mungesë brenda në shpirt, por mendoj që është e shkruar kështu.

Pas një kohe, kur kam qenë në moshën 23-24 vjeç, kanë qenë vitet më të këqija të jetës sime. Erdhi koha që unë ta takoja për herë të parë. I thashë: ‘Si ke jetuar gjithë këto vite, pa na kërkuar asnjëherë?’ dhe ajo më tha: ‘Kam menduar se keni qenë të vdekur”, u shpreh Xheneta./gazeta-shqip

Kylie Jenner tërhoqi gjithë vëmendjen të premten mbrëma në Los Angeles, teksa u shfaq me vajzën e saj Stormi në një event madhështor për markën e saj të bukurisë Kylie Cosmetics.

28-vjeçarja, e cila kohët e fundit ka zbuluar se ëndrra e saj e kahmotshme është të bëhet një “yll popi”, mori pjesë në hapjen e pop-up-it special që shënon 10-vjetorin e brandit dhe lansimin e koleksionit të ri të kufizuar “King Kylie”, që do të dalë zyrtarisht në shitje më 18 tetor.

Kylie u mbështet nga familja dhe miqtë e afërt – përfshirë motrat e saj të famshme Kim Kardashian dhe Kendall Jenner, të cilat u panë në mesin e të ftuarve, shkruan DailyMail.

Ylli i “The Kardashians” mbërriti në event me një fustan ngjitur pas trupit në ngjyrë rozë të çelët, me një dekolte të hapur përpara që theksonte linjat e saj elegante.

Ajo e kompletoi pamjen me këpucë me taka rozë dhe një paruke të gjatë në ngjyrë rozë pastel, duke bërë një deklaratë të guximshme stili.

Kylie zgjodhi aksesorë minimalë, me vathë të vegjël dhe disa unaza të shndritshme, duke i lënë veshjes së saj të marrë gjithë vëmendjen.

Grimimi i saj ishte i rafinuar — me qerpikë të theksuar, hije të ndritshme në sy dhe një blush rozë për një shkëlqim natyral. Në buzë mbante një ngjyrë neutrale, për të ruajtur ekuilibrin e pamjes.

Në krah të saj ishte vajza 7-vjeçare Stormi, e cila kishte veshur një fund dhe xhaketë rozë që përputheshin me look-un e nënës. Ajo kishte kombinuar veshjen me një bluzë të printuar dhe këpucë të sheshta rozë.

Eventi u mbajt në Melrose Avenue për të festuar dekadën e parë të suksesit të “Kylie Cosmetics” dhe për të prezantuar koleksionin e ri “King Kylie”, që përmban produkte me formula të reja dhe nuanca ikonike, në edicion të kufizuar, sipas faqes zyrtare të markës.

Emri “King Kylie” i referohet periudhës së saj ikonike të vitit 2015, kur Kylie njihej për ngjyrat e guximshme të flokëve dhe make-up-et e veçanta.

Sipas përshkrimit zyrtar, koleksioni është “një homazh i guximshëm për një dekadë bukurie ikonike, inovacioni dhe trashëgimie që ka përcaktuar një epokë”.

Në të përfshihen produkte si paleta e syve në formë targe kaliforniane, frymëzuar nga ngjyrat e flokëve të Kylie-t ndër vite, si dhe setet e famshme Matte Lip Kit, të rikthyera me paketim dhe nuanca që kujtojnë debutimin e brandit në vitin 2015.

Në komunikatën zyrtare, Kylie shprehu mirënjohjen e saj: “Jam jashtëzakonisht krenare që po festoj 10 vite të Kylie Cosmetics. E kam dashur make-up-in qëkur mbaj mend, dhe jam shumë falënderuese që kam mundësinë të krijoj dhe ndaj produkte që i përdor çdo ditë me fansat e mi në mbarë botën”.

Ajo shtoi: “Jam shumë e emocionuar të prezantoj koleksionin ‘King Kylie’ – ka qenë e mrekullueshme të kthehem pas në kohë dhe të reflektoj se ku nisi gjithçka”.

Në mesin e të ftuarve, Kim Kardashian mori gjithashtu vëmendjen me një fustan latex rozë me dekolte të thellë, të kombinuar me sandale me platformë dhe flokë të kapur në një stil të lëmuar elegant. /Telegrafi/

Këngëtarja e njohur shqiptare, Era Istrefi, ka ndarë me ndjekësit e saj në rrjete sociale disa fotografi të mrekullueshme nga prapaskenat e dy projekteve të saj më të reja muzikore, të titulluara “Ama do love” x “Hajde”.

Me një stil unik dhe tejet sensual, Era shfaqet në veshje që pasqyrojnë identitetin e saj artistik dhe energjinë e projekteve muzikore që ka sjellë së fundmi.

Fotografië e publikuara ofrojnë një vështrim më të afërt në atmosferën kreative dhe punën pas skenave të videoklipeve, që tashmë kanë tërhequr vëmendje të madhe nga fansat e saj dhe publiku më i gjerë.

Era Istrefi/Instagram

Projekti “Ama do love” x “Hajde” vjen i shoqëruar me një videoklip zyrtar, i cili sjell jo vetëm një melodi ritmike që fton në kërcim, por edhe një vizual tërheqës dhe estetikisht të kuruar në detaje.

Ky kombinim i muzikës dhe imazhit e sjell Erën në një dimension të ri, duke ndërthurur elemente bashkëkohore me frymëzime të dukshme nga stili i dekadave të kaluara, veçanërisht nga vitet tetëdhjetë dhe nëntëdhjetë.

Me këtë paraqitje të re, Era jo vetëm që konfirmon statusin e saj si ikonë stili dhe zëri në skenën ndërkombëtare, por gjithashtu dëshmon se është gjithmonë e gatshme të eksperimentojë dhe të sjellë risi. /Telegrafi/

Supermodelja Kendall Jenner ka munguar këtë vit në Victoria’s Secret Fashion Show 2025, një nga ngjarjet më të mëdha të modës që riktheu shumë prej fytyrave ikonike të pasarelës. Mungesa e saj nuk kaloi pa u vënë re, duke ngritur pyetje mes fansave dhe mediave botërore.

Edhe pse vetë Kendall nuk ka dhënë një deklaratë zyrtare, burime pranë saj kanë zbuluar disa nga arsyet që qëndrojnë pas këtij vendimi. Sipas raportimeve të Elle dhe Hello Magazine, modelja 29-vjeçare po përqendrohet gjithnjë e më shumë tek bizneset personale, përfshirë markën e njohur të tekilës “818 Tequila”, si dhe projektet e saj në dizajnin e brendshëm dhe sipërmarrje të tjera jashtë modës.

Përveç angazhimeve të shumta, thuhet se Kendall ka vendosur të bëjë një pushim nga pasarelat, për shkak të ankthit që i shkaktojnë shfaqjet live dhe dëshirës për të ruajtur ekuilibrin personal. Një tjetër arsye e përfolur është kontrata me markën Calvin Klein, e cila mund të përfshijë klauzola që ndalojnë pjesëmarrjen e saj në shfaqje të tjera të brandeve të brendshme.

Megjithatë, pavarësisht mungesës, Kendall mbetet një prej ikonave më të mëdha të modës moderne dhe një prej emrave më të kërkuar në industrinë e bukurisë dhe luksit.

Pasarela e Victoria’s Secret 2025 shënoi një rikthim madhështor, por për fansat, mungesa e Kendall Jenner ishte padyshim një prej detajeve më të ndjeshme të mbrëmjes.