Category: Lajme

Kjo javë parashihet të vazhdoj me mot të mirë, intervale të gjata me diell dhe me riga të pakta shiu.

Instituti Hidrometeorologjik i Kosovës bën të ditur se temperaturat minimale gjatë javës pritet të lëvizin ndërmjet -4°C dhe 4°C, ndërsa maksimalet e ditës do të sillen nga 6°C deri në 14°C.

Do të fryjë erë e lehtë deri mesatare nga drejtime të ndryshme.

Të hënën moti do të jetë i vranët dhe me intervale me diell. Temperaturat minimale: -4 deri -1°C dhe ato maksimale 12- 17°C. Do të fryjë erë drejtimesh të ndryshme me shpejtësi 1-8m/s.

Të martën moti do të mbanë me vranësira të shpërndara dhe me diell. Temperaturat minimale: -1 deri 2°C dhe ato maksimale: 13-17°C.

Të mërkurën moti do të jetë i vranët dhe me interval me diell. Temperaturat minimale: 0 deri 2°C dhe ato maksimale: 14 – 17°C.

Të enjten, moti do të jetë i vranët dhe me interval me diell. Vranësirat vende-vende mund të sjellin riga të dobëta shiu. Temperaturat minimale: 1 deri 4°C dhe ato maksimale: 12 deri 15°C.

Të premten moti do të jetë i vranët dhe me intervale me diell. Temperaturat minimale: 0 deri 2°C dhe ato maksimale: 15 deri 17°C.

Milan ka arritur një fitore tejet të rëndësishme,por mjaft të vështirë ndaj Cremoneses me rezultat 2:0.

Pjesa e parë ishte e barabartë sa i përket mënyrës së lojës,dhe 45 minutat e parë përfunduan pa gola 0:0.

Në pjesën e dytë rossonerët shtuan edhe më shumë presionin në portën vendase,dhe të dy golat erdhën në minutat e fundit të ndeshjes.

Luka Modric në minutën e 90-të asistoi tek Pavlovic për 1:0,teksa katër minuta më vonë Rafael Leao shënoi për 2:0 që ishte edhe rezultati përfundimtar i kësaj ndeshjeje.

Milan vazhdon të jetë në pozitën e dytë në Serie A me 57 pikë të grumbulluara,10 më pak se lideri aktual Inter që dje mundi në shtëpi skuadrën e Genoas.

Ish-vila e diktatorit Enver Hoxha në zonën e ish-Bllokut në Tirana u përfshi nga flakët mbrëmjen e së premtes, pasi protestues të opozitës hodhën dhjetëra molotovë drejt godinës.

Zjarri u shua brenda pak minutash, ndërsa raportohet se në momentin e sulmit kishte persona brenda objektit, të cilët u zhvendosën në zona më të sigurta.

Forcat e Policisë ndërhynë me autobotë uji dhe gaz lotsjellës për të shpërndarë turmën, pasi protestuesit tentuan të marshojnë edhe drejt Drejtorisë së Përgjithshme të Policisë. Një person humbi ndjenjat dhe u dërgua me ambulancë në spital.

Kreu i Partia Demokratike e Shqipërisë, Sali Berisha, e cilësoi protestën si “fitore të opozitës”, duke akuzuar qeverinë për provokime. Ndërkohë, kryeministri Edi Rama reagoi në rrjetet sociale, duke kritikuar ashpër protestën dhe aktet e dhunës në kryeqytet.

Presidenti amerikan Donald Trump deklaroi në rrjetet sociale se lideri suprem i Iran, Ali Khamenei, ka vdekur si rezultat i një operacioni të koordinuar me Izrael.

Trump e përshkroi Khamenein si “një nga njerëzit më të këqij në histori” dhe tha se operacioni u realizua falë sistemeve të avancuara të inteligjencës amerikane.

Ai njoftoi se disa drejtues të tjerë janë vrarë dhe se bombardimet “të rënda dhe të sakta” do të vazhdojnë për të siguruar “paqe në Lindjen e Mesme dhe në botë”.

Ky është postimi i plotë i Trumpit:

Khamenei, një nga njerëzit më të këqij në histori, ka vdekur. Kjo nuk është vetëm drejtësi për popullin e Iranit, por për të gjithë amerikanët e mëdhenj dhe për ata njerëz nga shumë vende të botës që janë vrarë ose gjymtuar nga Khamenei dhe banda e tij e horrave të etur për gjak. Ai nuk ishte në gjendje t’u shmangej sistemeve tona të inteligjencës dhe gjurmimit shumë të sofistikuar dhe, duke punuar ngushtë me Izraelin, nuk kishte asgjë që ai, apo liderët e tjerë që janë vrarë bashkë me të, mund të bënin.

Kjo është mundësia më e madhe e vetme për popullin iranian që të rimarrë vendin e tij. Po dëgjojmë se shumë nga IRGC-ja e tyre, ushtria dhe forcat e tjera të sigurisë e policisë, nuk duan më të luftojnë dhe po kërkojnë imunitet nga ne. Siç thashë mbrëmë, “Tani mund të kenë imunitet, më vonë do të kenë vetëm vdekje!”

Shpresojmë që IRGC-ja dhe policia të bashkohen paqësisht me patriotët iranianë dhe të punojnë së bashku si një njësi për ta rikthyer vendin në madhështinë që meriton. Ai proces duhet të fillojë së shpejti, pasi jo vetëm që ka ndodhur vdekja e Khameneit, por vendi është, brenda vetëm një dite, shkatërruar rëndë dhe madje është bërë hi.

Megjithatë, bombardimet e rënda dhe të sakta do të vazhdojnë, pa ndërprerje gjatë gjithë javës ose për aq kohë sa të jetë e nevojshme për të arritur objektivin tonë të PAQES NË TË GJITHË LINDJEN E MESME DHE, NË TË VËRTETË, NË BOTË.’

Deputetja e Kuvendit të Kosovës nga Partia Demokratike e Kosovës, Ganimete Musliu, ka përkujtuar sot Betejën e Çirezit dhe Likoshanit, duke e cilësuar atë si një nga ngjarjet më të rëndësishme në historinë e luftës për liri dhe pavarësi.

“Sot me përulje nderojmë betejën e lavdishme të Çirezit dhe Likoshanit. Beteja e Çirezit dhe Likoshanit është një ngjarje e rëndësishme në historinë e luftës së popullit shqiptar për liri dhe pavarësi”, ka shkruar Musliu.

Ajo ka theksuar se kjo betejë pati ndikim të madh në forcimin e unitetit dhe të luftës së armatosur, duke e konsideruar si një moment kyç të qëndresës.

“Në Çirez dhe Likoshan djemtë më të mirë, bashkë me popullatën e kësaj treve, luftuan me guxim dhe vendosmëri kundër hordhive serbe, duke dëshmuar se aspiratat tona për liri janë më të forta se çdo sulm ushtarak dhe policor”, ka deklaruar ajo.

Sipas Musliut, beteja e këtyre fshatrave mbetet një shembull i qëndresës, guximit dhe sakrificës për atdhe. “Është një moment që mbetet i paharruar në kujtesën kolektive të shqiptarëve si jehona e parë lajmëtare e lirisë”, është shprehur ajo.

Deputetja ka përmendur edhe familjet Rexhepi, Sejdiu, Ahmeti, Nebihu, Xheli, Rama dhe Behrami, duke theksuar se ato “qëndrojnë krenare për familjarët e tyre që u bënë themel i lirisë që ne e gëzojmë sot”.

Presidenti i Francës, Emmanuel Macron ka reaguar ndaj zhvillimeve në Lindje të Mesme, duke thënë se “shpërthimi i luftës mes Shteteve të Bashkuara, Izraelit dhe Iranit, bart pasoja të thella për paqen dhe sigurinë ndërkombëtare”.

Duke e përshkruar përshkallëzimin si “të rrezikshëm për të gjithë”, ai ka thënë se regjimi iranian “duhet ta kuptojë se nuk ka mundësi tjetër përveç angazhimit me bindje të mira në negociata, për t’iu dhënë fund programeve bërthamore dhe të raketave balistike, si dhe aktiviteteve rajonale destabilizuese”.

“Populli iranian duhet të ketë mundësi të ndërtojë të ardhme të lirë”, ka thënë ai në një postim të X, duke bërë të ditur se kërkon takim urgjent të Këshillit të Sigurimit të Kombeve të Bashkuara, teksa do të konsultohet me aleatë evropianë dhe rajonalë.

Kryeministri kanadez Mark Carney thotë se mbështet Shtetet e Bashkuara që veprojnë për të parandaluar Iranin të pajiset me armë bërthamore dhe për të parandaluar qeverinë e saj nga kërcënimi i mëtejshëm i paqes dhe sigurisë ndërkombëtare.

Ai tha se Kanadaja është e qartë në qëndrimin e saj se “Republika Islamike e Iranit është burimi kryesor i paqëndrueshmërisë dhe terrorit në të gjithë Lindjen e Mesme”, raporton Associated Press.

Carney gjithashtu po u bën thirrje kanadezëve të strehohen në Iran pasi vendi u sulmua këtë mëngjes nga Shtetet e Bashkuara dhe Izraeli.

Zyrtarë izraelitë besojnë se komandanti i Korpusit të Gardës Revolucionare Islamike të Iranit (IRGC), gjeneral Mohammad Pakpour, ka të ngjarë të jetë vrarë në sulmet amerikano-izraelite.

Pakpour u bë kreu i IRGC-së pasi Izraeli vrau paraardhësin e tij, Hossein Salami, në fillim të luftës së qershorit të vitit 2025.

Përveç kësaj, zyrtarët vlerësojnë se ministri i Mbrojtjes i Iranit, Amir Hatami dhe shefi i inteligjencës gjithashtu ka të ngjarë të jenë vrarë, shkruan timesofisrael.

Këto vlerësime ende nuk janë konfirmuar nga Irani apo nga Forcat e Mbrojtjes së Izraelit (IDF).

Disa drejtues të lartë të regjimit dhe komandantë ushtarakë iranianë u shënjestruan në sulmet e mëngjesit, përfshirë Udhëheqësin Suprem, Ali Khamenei dhe presidentin, Masoud Pezeshkian. Megjithatë, rezultatet e sulmeve aktualisht mbeten të paqarta.

Ndryshe, Irani ka realizuar disa sulme si kundërpërgjigje duke bombarduar bazat ushtarake amerikane në vendet e Lindjes së Mesme.