Category: Lajme

Disa iranianë kanë paralajmëruar se të kesh djalin e Ajatollahut të vrarë si udhëheqës të tyre të ri nuk do të ndryshojë asgjë pasi ai është ‘aq i keq sa babai i tij’.

Mojtaba Khamenei u zgjodh si Udhëheqësi i ri Suprem i Iranit të dielën pas vrasjes së Ajatollah Ali Khameneit në një sulm me raketa në ditën e parë të luftës.

Mojtaba, 56 vjeç, i linjës së ashpër, është një nga figurat më me ndikim në establishmentin klerikal të Iranit dhe për vite me radhë është parë si një nga kandidatët kryesorë për të pasuar të atin, shkruan DailyMail.

E Izraeli u zotua në fundjavë se do të ndjekë dhe vrasë këdo që Asambleja e Ekspertëve të Iranit vendosi të zgjedhë si udhëheqësin e saj të ri.

Ndërkohë ka pasur raportime se Mojtaba u plagos në një shpërthim bombe, por nuk është e qartë nëse ishte e njëjta që vrau të atin.

Të dielën, një ministër i Ministrisë së Jashtme të Britanisë paralajmëroi se emërimi i tij ‘nuk sugjeron asnjë ndryshim në drejtim nga Irani’.

Dhe komenti i tij u pasqyrua nga shumë iranianë në vend.

Njëri prej tyre, i quajtur Muhamed, tha: “Jemi të lodhur nga Mullahët që na kontrollojnë dhe shpresojmë vërtet që Izraeli dhe Amerika ta vrasin edhe atë së shpejti”.

“Nuk jemi të lumtur për këtë udhëheqës të ri, ai është po aq i keq sa babai i tij”, citohet të ketë thënë më tej ai.

Siç vë në pah mediumi britanik, Teherani ka vendosur një ndërprerje pothuajse të plotë të komunikimit, duke e bërë jashtëzakonisht të vështirë të flasësh me banorët brenda Iranit.

Ata që e bëjnë këtë rrezikojnë arrestimin nga autoritetet.

Një tjetër banor, një berber, shtoi: “Njerëzit po punojnë. Ata po vazhdojnë jetën e tyre normale. Dhe po, IRGC (Korpusi i Gardës Revolucionare Islamike) ende po arreston njerëz”.

Vetëm disa orë pas emërimit të Mojtabës, televizioni shtetëror iranian e quajti atë një “jaanbaaz” – një term që përdoret për të përshkruar një person shumë trim, të guximshëm dhe të gatshëm të rrezikojë jetën për të tjerët ose për një kauzë.

Detajet e sakta të lëndimeve të tij nuk u zbuluan dhe ai nuk është parë në publik që nga fillimi i luftës nga frika e një vrasjeje të synuar nga SHBA-të dhe Izraeli.

Një burrë tjetër i tha BBC-së: “Edhe shanset më të vogla për një ndryshim nuk janë më brenda sistemit. Pra, gjithçka do të mbetet pak a shumë e njëjtë…”.

Megjithatë, mijëra njerëz u mblodhën në një shesh në Teheran për t’i premtuar besnikëri Mojtabas.

Një person është therur me thikë mbrëmjen e së hënës në Kaçanik.

Policia ka bërë të ditur se viktimë është SH.K, rreth 21 vjeç.

Nga informatat e para të policisë dhe veprimet hetimore në terren është bërë e ditur se ngjarja ka ndodhur në fillim të bulevardit “Ismajl Raka”, tek ura e qytetit në Kaçanik, ku viktima dyshohet se është sulmuar dhe therur me thikë nga një personi i dyshuar, J.SH., 17 vjeç.

Viktima fillimisht ka marrë trajtim mjekësor në Emergjencën e Kaçanikut, më pas është transferuar në Qendrën Emergjente në Ferizaj, ndërsa për trajtim të mëtejshëm është dërguar në Qendrën Klinike Universitare të Kosovës në Prishtinë.

Nga ana tjetër, 17 vjeçari, rreth orës 23:50 të së hënës është arrestuar nga policia dhe në prani të prindit dhe avokatit mbrojtës, është intervistuar nga hetuesit policorë.

Me vendim të prokurorit të shtetit, i dyshuari është ndaluar në mbajtje për 24 orë, për procedura të mëtejshme hetimore, ndërsa hetuesit policorë vazhdojnë hetimet dhe grumbullimin e informatave edhe për persona tjerë të implikuar në këtë rast.

Janë bërë 16 vite nga zhdukja e 6-vjeçares Bleona Mata, më 22 maj 2010.

Nëna e saj, Bukurie Mata, rikujtoi në një intervistë me gazetarin Blendi Fevziu, momentet e fundit para se e bija të zhdukej pa lënë gjurmë.

Sipas saj, ngjarja ndodhi rreth orës 17:40 të pasdites së 22 majit, kur Bleona po luante me bashkëmoshataret pranë një dyqani në fshat. Ajo rrëfen se vajza e xhaxhait të Bleonës, Qamilja, e mori me vete me pretekstin për të shkuar në mal.

“22 maj, ditë e shtunë, edhe me orë e mbaj mend. Ishte ora 5:40 e pasdites, kur vajza luante me shoqet para dyqanit. Qamilja ishte organizuar të merrte një grep dhe ai ‘grep’ u bë shkaku për zhdukjen e Bleonës,” kujton Bukurie Mata me sytë e përlotur.

Sipas dëshmisë së nënës, Qamilja, e cila në atë kohë ishte 17 vjeçe, ishte e afërme e familjes (vajza e xhaxhait të Bleonës) dhe e mori Bleonën së bashku me pesë vajza të tjera më të rritura, për t’u ngjitur në mal pa dijeninë e saj.

Bukurie Mata thotë se vajzat, pasi u kthyen nga mali, pretenduan se kishin qenë duke ngrënë drekë, edhe pse në fakt ishte pasdite.

Sipas saj, ato ishin ngjitur rreth 20 minuta më lart në mal së bashku me vajzën e vogël.

Ajo kujton gjithashtu momentin kur familjarët nisën të kuptonin se diçka nuk shkonte. Ishte halla e Bleonës e cila e kishte telefonuar për ta pyetur nëse mbesa ishte kthyer në shtëpi.

Menjëherë ata i ishin futur kërkimeve.

“800 veta kemi qenë në mal, i tërë fshati. Gra, burra, fëmijë… të gjithë”, kujton mamaja e Bleonës, por policinë e kishin telefonuar vetëm pas orës 23:00, kur vetë nuk mundën ta gjenin të voglën.

Megjithatë, pavarësisht kërkimeve, Bleona nuk u gjet kurrë. Nëna e saj shprehet se pas 16 vitesh ende nuk ka hequr dorë nga kërkimi për të bijën, ndërsa frika e saj është se vajza mund të jetë nxjerrë jashtë vendit.

Sipas saj, në të njëjtën ditë inaugurohej edhe Tuneli i Kalimashit, çka mund të ketë lehtësuar lëvizjen drejt kufirit.

Profesori dhe ish-kryetari i Gjykatës Kushtetuese, Enver Hasani, ka komentuar zhvillimet e fundit rreth procesit të zgjedhjes së presidentit të Kosovës, duke theksuar se kërkesa për të detyruar deputetët të qëndrojnë në sallë dhe të sigurojnë 80 vota nuk mund të zbatohet.

Hasani në Kanal 10 u shpreh se një kërkesë e tillë, e paraqitur nga Albulena Haxhiu dhe një grup deputetësh, nuk mund të imponohet nga Gjykata.

“Gjykata nuk mund ta kërkojë një gjë të tillë, për shumë arsye. E para është se ekziston një aktgjykim i vitit 2015, i cili përcakton se deputetët nuk mund të detyrohen të kryejnë një veprim të tillë,” ka deklaruar Hasani.

Ai shtoi se seanca e thirrur nga Haxhiu duket të jetë fiktive, pasi sipas tij bazohet në një interpretim të gabuar të Kushtetutës dhe të standardeve të gjyqësorit kosovar.

Sipas Hasanit, praktika dhe jurisprudenca kushtetuese në Kosovë e bëjnë të qartë se deputetët nuk mund të detyrohen me vendim gjyqësor të marrin pjesë apo të votojnë në një mënyrë të caktuar gjatë procedurave parlamentare.

Gjykata Kushtetuese ka vendosur masë të përkohshme ndaj dekretit të presidentes së Kosovës, Vjosa Osmani, për të shpërndarë Kuvendin e Kosovës.

Sipas masës së përkohshme e cila vlen deri më 31 mars, ndalohet “çdo veprim i Presidentes së Republikës Kosovës në lidhje me Dekretin [nr. 24/2026] të 6 marsit 2026, si dhe të ndalojë çdo veprim të Kuvendit të Republikës së Kosovës, në kohëzgjatjen e përcaktuar sipas pikës II të këtij Vendimi; (ii) të urdhërojë që masa e përkohshme hyn në fuqi më 9 mars 2026, në kohëzgjatje deri më 31 mars 2026”.

Kryeministri i Shqipërisë, Edi Rama thekson se zhvillimi i rrjetit hekurudhor në vendin e tij është një nga prioritetet kryesore të qeverisë.

Mes linjave të ndryshme që po rikonstruktohen ose ndërtohen, Rama veçoi projektin ambicioz të hekurudhës Durrës–Prishtinë, që sipas tij, po ecën drejt fazave të zbatimit konkret.

“Ka përfunduar studimi i fizibilitetit dhe projekti paraprak për hekurudhën e kombit, Durrës–Prishtinë. Në takimin e fundit me kryeministrin Kurti kemi diskutuar për mundësinë e dy financimeve të huaja që do ta mundësojnë avancimin e projektit,” tha Rama, transmeton Oranews Albania.

Sipas tij, kjo linjë pritet të integrohet me rrjetet hekurudhore europiane, duke respektuar standardet bashkëkohore dhe duke synuar elektrifikimin e shtrirjes prej 530 kilometrash të planifikuara.

Rama nënvizoi se projekti është pjesë e një vizioni më të gjerë për modernizimin e transportit hekurudhor, që synon të lidhë Shqipërinë me rajonin dhe të përmirësojë lidhjet ndërkombëtare.

Ndërtimi i kësaj hekurudhe, tha ai, kërkon durim dhe përpjekje të jashtëzakonshme, por edhe reputacion ndërkombëtar dhe stabilitet ekonomik që Shqipëria tashmë e ka fituar.

Rama siguroi se qeveria ka një plan të qartë dhe të strukturuar për realizimin e këtij projekti strategjik, i cili do të ndryshojë rrënjësisht lëvizshmërinë dhe transportin rajonal.

Një burrë është arrestuar në Prishtinë, nën dyshimin se ka sulmuar seksualisht një të mitur.

Sipas njoftimit zyrtar, rasti ka ndodhur më 18 shkurt të këtij viti, ndërsa arrestimi i tij u bë në mars.

Pas intervistimit dhe me vendim të prokurorit, i dyshuari është dërguar në mbajtje.

“Lidhur me rastin është arrestuar i dyshuari mashkull kosovar nën dyshimin për kryerje të veprës së lartcekur ndaj viktimës së mitur femër kosovare, i njëjti pas intervistimit me vendim të prokurorit është dërguar në mbajtje”, thuhet në raportin e policisë.

Njëri nga hartuesit e Kushtetutës së Kosovës, Ismet Salihu, ka deklaruar se veprimi i presidentes Vjosa Osmani për shpërndarjen e Kuvendit është i plotë kushtetues dhe në përputhje me ligjin themelor të vendit.

‘’Nuk besoj se kushtetuesja e hedh poshtë vendimin për shpërndarjen e Kuvendit sepse presidentes i ka skaduar mandati mirë ka bërë që ka vepru kështu’’, tha Salihu për FrontOnline.

Sipas Salihut, zgjedhja e presidentit duhet të kishte filluar 30 ditë para përfundimit të mandatit të presidentit aktual, por pasi ky proces nuk u realizua brenda afatit, veprimi i presidentes për shpërndarjen e Kuvendit ishte i nevojshëm dhe i drejtë. Ai ka thënë se Kushtetuesja nuk ka arsye ta hedhë poshtë vendimin, dhe se veprimi i Osmanit është në përputhje të plotë me Kushtetutën.

‘’Në Kushtetutë shkruan që zgjedhja e presidentet duhet të fillojë 30 ditë para se ti skadojë mandati në orën 24:00 ka kaluar një muaj dhe nuk është zgjedhur presidenti dhe kjo e ka shpërndarë Kuvendin unë mendoj që veprimi i saj është plotësisht kushtetues’’, përfundon Salihu.

Lëvizja Vetëvendosje, disa herë e ka akuzuar Lidhjen Demokratike të Kosovës se nuk e ka propozuar asnjë kandidat për President.

Kjo temë mjaft me rëndësi, dekreti i Presidentes Vjosa Osmani, shpërndarja e Kuvendit por edhe shumë tema tjera me rëndësi u diskutuan sonte në emisionin Rubikon në Klan Kosova me deputeten e LDK-së Jehona Lushaku-Sadriun.

Ajo deklaroi se subjekti që përfaqëson nuk ka refuzuar asnjë emër të përveçëm, vetëm se kanë kërkuar një kandidat konsensual.

“Të jetë mbi partiak, vërtetë të ketë cilësimet të cilat definohen me Kushtetutë dhe të garantojë një person që garanton unitetin ashtu që siç definohet në Kushtetutë dhe kjo ka qenë e mundur është dashur veç të ketë një lloj vullneti politik nga partitë politik”, u shpreh ajo.

Presidentja Vjosa Osmani, të premten e kaluar e ka shpërndarë Kuvendi pasi nuk u arrit zgjedhja e Presidentit të ri.

Me këtë rast, Lëvizja Vetëvendosje e ka dërguar në Gjykatën Kushtetuese dekretin e Osmanit, derisa sot Kushtetuesja solli vendimin mbi këtë duke pezulluar veprimin për zgjedhjen e shefit të ri të Shtetit nga sot 9 mars e deri më 31 mars.

Sot në Kosovë pritet të mbajë mot me stabilitet atmosferik. Parashihen kthjellime dhe rreze diellore me shumë pak vranësira lokale.

Temperaturat ditore do të shënojnë rritje kurse ato të mëngjesit ulje.

Minimalja rreth -1 gradë Celsius, kurse maksimale deri në 16 apo 17 gradë Celsius.