Category: Lajme

Kryeministrja italiane, Giorgia Meloni, ka theksuar sërish se Italia nuk është dhe nuk dëshiron të hyjë në një konflikt ushtarak, duke komentuar mbi tensionet në Lindjen e Mesme dhe përdorimin e bazave ushtarake nga Shtetet e Bashkuara në Evropë.

Duke dënuar masakrën në një shkollë për vajza, Meloni theksoi se Italia do të koordinohet me partnerët evropianë për një strategji të përbashkët dhe nuk do të ndryshojë nga qëndrimi i Spanjës, e cila aktualisht ndalon përdorimin e bazave amerikane.

“Më duket se të gjithë partnerët evropianë po i përmbahen marrëveshjeve të tyre për këtë çështje,” tha Meloni. “Edhe qeveria spanjolle ka bërë të qartë se ekziston një marrëveshje dypalëshe midis Spanjës dhe SHBA-së, dhe jashtë asaj marrëveshjeje nuk do të ketë përdorim të bazave spanjolle. Kjo do të thotë që marrëveshja nuk po vihet në dyshim. Kjo është ajo që po bën edhe Italia.”

Meloni shtoi se është e habitshme që ky vendim po dënohet në Itali dhe po duartrokitet në Spanjë nga të njëjtët njerëz. “Pak logjikë nga kjo pikëpamje nuk do të na bënte keq,” tha ajo.

Ajo kujtoi gjithashtu historikun e bazave në Itali: “Bazat në Itali datojnë që nga marrëveshjet e vitit 1954. Sipas këtyre marrëveshjeve, autorizimet duhet të jepen për operacione logjistike, dhe çdo kërkesë për përdorim tjetër do të varet nga Parlamenti. Deri më sot, nuk është marrë asnjë kërkesë e tillë, dhe unë përsëris: ne nuk jemi në luftë dhe nuk duam të shkojmë në luftë.”

Analisti dhe publicisti Shenoll Muharremi ka paralajmëruar se Kosova po përballet me një “bombë të kurdisur” për shkak të krizave politike, rritjes së çmimit të rrymës dhe naftës, inflacionit të lartë dhe keqmenaxhimit institucional.

Sipas Muharremit, situata e vështirë ekonomike dhe sociale mund të çojë në pakënaqësi të madhe dhe protesta sociale. Ai thekson se politika vazhdon të merret kryesisht me pushtet personal dhe kontrollin e institucioneve, duke neglizhuar qytetarët dhe bizneset.

Muharremi paralajmëron se nëse nuk adresohen këto probleme në kohë, situata mund të dalë jashtë kontrollit, duke rrezikuar jo vetëm qytetarët dhe ekonominë, por edhe stabilitetin dhe sovranitetin e Kosovës.

Ambasadori i Francës në Kosovë, Oliver Guerot ka thënë se nuk ka koment rreth deklaratave të deputetit të Vetëvendosje Adnan Rrustemi, i cili në një shkrim pretendoi se vizitat e disa ambasadorëve shkatërrojnë Gjykatën Kushtetues.

“Nuk kam asnjë koment. Faleminderit. Dhe të mos kesh një koment, është një koment”, tha ai.

Ndërkaq i pyetur rreth takimit me kryeministrin Albun Kurti të premten pasi presidentja Vjosa Osmani shpalli dekretin për shpërndarjen e Kuvendit, tha se do ta mbajë për vete atë që është diskutuar në takim.

“Do ta mbaj atë për ne për momentin”, tha shkurt Guerot pas një ngjarje që pati me komunën e Prishtinës e ku u nënshkrua një marrëveshje bashkëpunimi për mbrojtjen e grave që janë viktima të dhunës.

Rrustemin e VV’së e ‘‘pengojnë’’ vizitat e ambasadorëve në Kushtetuese, aludon se po e ‘‘shkatërrojnë’’ Gjykatën

Kryeministri hungarez, Viktor Orban, ka urdhëruar të martën që një dërgesë parash dhe ari nga Ukraina, e sekuestruar javën e kaluar nga autoritetet hungareze, të mbahet nga autoritetet për deri në 60 ditë, ndërsa autoriteti tatimor i vendit heton rastin. Ari dhe paratë po transportoheshin nëpër rrugë përmes Hungarisë kur u sekuestruan të enjten e kaluar, me dyshime për pastrim parash.

Dërgesa përfshinte 40 milionë dollarë dhe 35 milionë euro në para të gatshme, si dhe 9 kilogramë ari, me vlerë rreth 82 milionë dollarë sipas çmimeve aktuale.

Sekuestrimi ka ndodhur pas një mosmarrëveshjeje për furnizimet me gaz, ku Hungaria dhe Sllovakia akuzuan Kievin zyrtar se po vononte qëllimisht riparimet në një tubacion nafte pas një sulmi të dyshuar me dron rus.

Videoja e sekuestrimit e publikuar nga Qendra Kundër Terrorizmit e Hungarisë tregon komando të maskuar duke arrestuar shtatë punonjës të bankës shtetërore ukrainase Oschadbank, të cilët po udhëtonin me dy vetura të blinduara nga Austria për në Ukrainë.

Kievi zyrtar ka thënë se bëhej fjalë për një transferim rutinë të aseteve midis bankave shtetërore. Punonjësit e bankës janë mbajtur për më shumë se 24 orë dhe më pas janë dëbuar nga Hungaria të premten vonë.

Sekuestrimi ka shkaktuar zemërim në Ukrainë, ku autoritetet akuzuan qeverinë hungareze, e cila shihet si miqësore me Rusinë, për veprim të paligjshëm.

Presidenti ukrainas, Volodymyr Zelensky, e ka quajtur veprimin e Budapestit “banditizëm” për sekuestrimin e transportit bankar dhe ndalimin e përkohshëm të ekuipazhit ukrainas, duke i bërë thirrje liderëve evropianë të mos heshtin për veprimet e Hungarisë.

Gjykata Kushtetuese është duke e proceduar kërkesën e kryeministrit Albin Kurti ndaj dekretit të presidentes Vjosa Osmani për shpërndarjen e Kuvendit. Pas vendosjes së masës së përkohshme nga Gjykata Kushtetuese, zëdhënësi i këtij institucioni Veton Dula bëri të ditur se sot përfundon afati për dorëzimin e komenteve nga palët e interest.

“Kjo lëndë është duke u proceduar. Afati për dorëzimin e komenteve nga palët e interesit në këtë rast, përfundon më 11 mars 2026.”, tha ai për rtv21.

Ish ministri i Jashtëm, Petrit Selimi, përmes një postimi në rrjetin social ‘’X’’, ka ndarë disa fotografi të ish-presidentit Hashim Thaçi, pas kthimit të tij në Kosovë nga Rambujeja.

Selimi në postimin e tij ndan edhe foto nga takimi i Thaçit me ish me ish-Sekretarin e Jashtëm britanik Robin Cook.

‘’Rrallë të publikuara, fotografi të udhëheqësit politik fitimtar të UÇK-së, Hashim Thaçi, gjatë kthimit në Kosovë në fillim të verës së vitit 1999. Fotografitë nga ditët e para përfshijnë edhe takimin e tij me ish-Sekretarin e Jashtëm, Robin Cook. Fotot nga Christopher Morris. Ne presim që Thaçi të kthehet përsëri fitimtar’’, ka shkruar Selimi.

Rarely seen photos of the victorious political leader of KLA Hashim Thaçi return to Kosovo in early summer 1999. Photos of first days, including his meeting with the late foreign Secretary Robin Cook. Photos by Christopher Morris. We wait for Thaçi to return again victorious. pic.twitter.com/25m0iMarIB

— Petrit Selimi (@Petrit) March 11, 2026

Këto foto janë ndarë edhe nga Morris në një postim në rrjetin social Instagram, ku shkruan për ish-presidentin.

‘‘Hashim Thaçi duke mbërritur në Prishtinë në qershor 1999, i sjellë nga amerikanët dhe nga NATO në përpjekjen e tyre për të zbatuar Marrëveshjen e Rambujesë.

Thaçi është nga rajoni i Drenica Valley në Kosovë, vendi ku u formua Ushtria Çlirimtare e Kosovës (UÇK). Ai studioi filozofi në Prishtinë para se të shkonte në Switzerland, ku iu bashkua UÇK-së në vitin 1993. Një nacionalist shqiptar, ai u ngjit në hierarkinë e UÇK-së dhe deri në vitin 1999 u bë udhëheqës i fraksionit më të fuqishëm gjatë negociatave të Rambujesë. Më pas ai iu bashkua administratës së përkohshme të Kosovës pas luftës.

Marrëveshjet parashikonin autonomi të konsiderueshme për Kosovën; vendosjen e deri në 30,000 trupave paqeruajtëse të NATO-s në Kosovë; të drejtën e kalimit pa pengesa për trupat e NATO-s në territorin jugosllav; si dhe imunitet për NATO-n dhe përfaqësuesit e saj nga ligji jugosllav. Pala shqiptare e Kosovës e nënshkroi marrëveshjen më 18 mars 1999, megjithatë refuzimi i palës jugosllave dhe serbe për ta nënshkruar atë çoi në Bombardimin e Jugosllavisë nga NATO (1999)’’, ka shkruar ai.

View this post on Instagram

A post shared by Christopher Morris (@christopher_morris_vii)

Kryetari i Prishtinës, Përparim Rama ka njoftuar se kamerat e instaluara në kryeqytet kanë ndikuar në rënien e rasteve kriminale.

Kështu ka bërë të ditur ai nga takimi me drejtuesit e Policisë së Kosovës për rajonin e Prishtinës.

Rama ka thënë se projekti i instalimit të kamerave do të zgjerohet edhe gjatë këtij viti, me synim që të rritet siguria në kryeqytet.

“KAMERAT E INSTALUARA NË KRYEQYTET KANË NDIKUAR NË RËNIEN E RASTEVE KRIMINALE. Sot në takimin e rregullt me drejtuesit e Policisë së Kosovës për rajonin e Prishtinës, u informuam për rënie të veprave kriminale gjatë dy muajve të parë të këtij viti, duke theksuar se një rol të rëndësishëm në këtë trend pozitiv ka pasur edhe projekti i vendosjes së kamerave të sigurisë, bashkëpunim mes Kryeqyteti Prishtina dhe Policisë së Kosovës, i cili ka nisur të implementohet nga nëntori i vitit 2025. Projekti i instalimit të kamerave do të zgjerohet edhe gjatë këtij viti, me synimin që të rritet siguria në Kryeqytet”, ka shkruar Rama në Facebook.

Kjo është 25-vjeçarja Xhuana Nikolli nga Lezha, e cila një ditë më parë ndërroi jetë në QSUT, si pasojë e vetëhelmimit me ftokinë.

Pas ngjarjes, familjarët e saj kanë bërë kallëzim në Komisariatin nr. 2 në Tiranë ndaj bashkëshortit të saj, shtetasit E.F duke pretenduar se ai ushtronte dhunë ndaj të resë.

Sipas burimeve, në trupin e 25-vjeçares janë konstatuar edhe shenja dhune. Në lidhje me këtë rast, Policia e Tiranës e ka shpallur bashkëshortin në kërkim për veprat penale “dhunë në familje” dhe “shkaktim i vetëvrasjes”.

Uniformat blu, kanë ushtruar kontrolle edhe në banesën e tij në Lezhë, por ai nuk është gjetur.

Ndërkohë, vijojnë kërkimet për lokalizimin e tij, pasi pritet të merret në pyetje lidhur me pretendimet e ngritura nga familjarët e të ndjerës.

Xhuana Nikolli jetonte në Shëngjin dhe kishte përfunduar studimet për drejtësi. Po ashtu, nuk kanë munguar reagimet në rrjetet sociale për vdekjen e parakohshme të 25-vjeçares, ku miq të saj kanë shprehur dhimbjen dhe ngushëllimet për ndarjen e saj nga jeta.

Papa Leo të mërkurën shprehu keqardhje për vdekjen e shumë civilëve në luftën e vazhdueshme në Iran dhe gjithashtu shprehu afërsi me njerëzit në Liban, duke thënë se vendi, i shënjestruar nga sulmet izraelite, po kalonte një “sprovë të madhe”.

Leo, papa i parë amerikan, u bëri thirrje pelegrinëve në audiencën e tij javore në Sheshin e Shën Pjetrit të luten për paqe, shkruan Reuters.

“Le të vazhdojmë të lutemi për paqen në Iran dhe në të gjithë Lindjen e Mesme, veçanërisht për shumë viktima civile, përfshirë shumë fëmijë të pafajshëm”, tha Papa.

Një ngjarje e rëndë ka ndodhur mëngjesin e sotëm në Maqedoninë e Veriut, ku një zjarr shpërtheu në një shtëpi në Tetovë.

Ngjarja ka ndodhur në rrugën “Von Vardarska”, kështu zjarri është lokalizuar, por brenda është gjetur një person i vdekur.

Autoritetet po hetojnë ngjarjen.

“Më 11.03.2026 në orën 08:56, në Sektorin për Punë të Brendshme në Tetovë është raportuar nga Njësia Territoriale e Mbrojtjes nga Zjarri – Tetovë se në rrugën ‘Von Vardarska’ në Tetovë ka shpërthyer zjarr në një shtëpi. Zjarri është lokalizuar, pas çka është vërejtur se brenda gjendej një person i vdekur. Po merren masa për hetimin dhe zbardhjen e rastit,” bëjnë të ditur nga MPB-ja e Maqedonisë së Veriut.