Category: Lajme

Ministri i Mbrojtjes, Ejup Maqedonci, ka njoftuar se Kosova do të nisë prodhimin e municioneve ushtarake me standard NATO-je në dhjetor të këtij viti.

Ai në emisionin “Info Nata” në Tëvë1, ka thënë se kjo është një arritje historike për Kosovën e pasluftës dhe shënon një hap të rëndësishëm në zhvillimin e industrisë së mbrojtjes në vend.

“Ne tashmë kemi marrë hapa fillestar në zhvillimin e industrisë së mbrojtjes. Në fund të këtij viti, në dhjetor, do të kemi prodhimin e municioneve të para të prodhuara ndonjëherë në Kosovë – 7.62 dhe 5.56 mm. Kjo lidhet me fabrikën e municionit, ku kemi një plan zhvillimi dhe zotim nga pala turke, nga fabrika shtetërore e prodhimit të municionit në Turqi, që të realizojmë prodhimin e parë në dhjetor”, ka thënë ai.

Maqedonci ka sqaruar se bëhet fjalë për dy lloje fishekësh që përdoren më së shumti në ushtritë e vendeve të NATO-s: 5.56 mm, standard për pushkët individuale të ushtarëve, dhe 7.62 mm, standard për armët ekipore të njësive ushtarake.

Sipas tij, Kosova do të jetë ndër vendet e para në Ballkan që do të prodhojë këto lloje municionesh me standard NATO-je, duke forcuar

Të martën parashikohet të mbajë mot me vranësira të shpeshta dhe intervale të shkurtra me diell, ndërsa lokalisht priten reshje shiu, kryesisht në sasi të pakta. Në zonat malore reshjet do të jenë në formë të borës.

Era do të fryjë nga verilindja, e cila herë pas here pritet të jetë e fuqishme, me shpejtësi prej 15-40 km/h.

Temperaturat minimale do të luhaten prej 3 deri në 5°C, ndërsa ato maksimale prej 11 deri në 14°C. /MeteoKosova

Rritja e çmimit të naftës, e cila ka shkuar gati në 1.80 euro për litër, ka ndikuar menjëherë edhe në rritjen e çmimeve të biletave në disa linja ndërurbane.

Për relacionet Prishtinë–Rahovec nga 3.50 euro sa ishte bileta, tash e tutje do të jetë 4 euro, ndërsa për Prishtinë–Mitrovicë, nga 1.50 euro, çmimi tash është 2 euro.

Rritje të çmimit të biletave ka edhe për relacionet e tjera.

Shtrenjtimin e biletave qytetarët e kanë konsideruar të padrejtë dhe të papërballueshëm për ta.

Ata kanë kërkuar nga shteti që të merren masa.

“Po, sigurisht ndikon në gjithçka. S’kemi çka me ba, nuk e kemi ne në dorë. Me dalë në protestë, nuk di njeri çka me ba. Si të rritet nafta, rriten të gjitha”, ka thënë Avdi Kodralia, banor në Prishtinë.

Të shqetësuar me këtë trend të rritjes janë shprehur edhe qytetarët Ganit Hoti e Nazmi Haziraj.

“Kjo shkon sipas standardit, siç është nafta atje. Nuk e kanë fajin as këta. Ndikon shumë. Nuk kemi kapacitet, rrogat janë shumë të vogla për këtë çmim. Me rroga 500-600 euro nuk mundesh me ba gjë. Edhe unë kam fëmijë që udhëtojnë çdo ditë, duhet me shty si të mundemi”, ka thënë Hoti.

“S’është e drejtë fare. Nëse e merr situatën momentale në Kosovë, është shumë keq që e kanë bërë këtë shtrenjtim. Ndikon mjaft, sepse dihet çka mund të përballojë një qytetar me këtë shportë. Edhe kjo biletë ndikon – shumë shtrenjtë, shumë keq. Prandaj duhet të merret një iniciativë për t’i rregulluar këto gjëra, sepse nuk shkon që hapi i parë të jetë ngritja e çmimeve”, ka thënë Haziraj.

Selatin Kaçaniku nga shoqata “Konsumatori” ka theksuar se kjo ngritje e çmimeve të naftës do të ketë efekt edhe në ngritjen e produkteve të tjera.

“Çdo ngritje e çmimit, kësaj radhe të karburantit, shkakton efekte të ashtuquajtura domino. Kjo rritje e çmimit do të ndikojë në ngritjen e të gjitha çmimeve të tjera, pa marrë parasysh përqindjen e derivatit në një prodhim të caktuar. Në transport, nëse rritja e çmimit të derivateve është 30%, atëherë biletat shkojnë deri në 50%. Kjo nuk është reale, por as 20% nuk është reale, sepse rritja prej 30% e derivatit nuk ndikon në mënyrë proporcionale në çdo çmim të biletës”, ka thënë ai.

Kaçaniku ka shprehur shqetësimin se pas rënies së çmimit të naftës, çmimet e ngritura nuk do të preken dhe, sipas tij, Qeveria nuk është duke marrë masa.

E Jakup Berisha, kryetari i Unionit të Shoqatave të Transportit Rrugor, është shprehur se gjendja e transportuesve është e rëndë.

Sipas tij, deri në 75 për qind e të hyrave të kompanive shkojnë për karburante.

Ai ka theksuar se Qeveria e Kosovës duhet të marrë masa për të ndalur rritjen e çmimit të naftës.

“Atëherë do të duhej që Qeveria të ndërhyjë dhe të ulë ose ta heqë fare akcizën derisa të jetë gjendje emergjente apo gjendje lufte, sepse këto janë kushte të jashtëzakonshme. Shteti duhet të ketë edhe rezerva të naftës, siç ka për grurin, miellin, sheqerin dhe kripën për gjendje emergjente. Atëherë do të duhej të ndërhynte me këto rezerva”, ka thënë Berisha.

Ai ka paralajmëruar se nëse vazhdon ky trend i rritjes, kompanitë do të detyrohen ta ndalojnë krejtësisht operimin ose t’i rrisin çmimet në të gjitha linjat.

Shqipëria dhe Maqedonia e Veriut janë dy nga shtetet që kanë ofruar masa ndihmëse. Po ashtu, edhe Kroacia. /Koha

Janina Ymeri nga Lidhja Demokratike e Kosovës ka deklaruar se rritja e çmimit të naftës ka si pasojë rritjen e TVSH-së, duke theksuar se nëse çmimi i naftës rritet, automatikisht rritet edhe TVSH.

Ajo ka shtuar se 51 përqindëshi mjafton për të ta formuar Qeverinë, por shqetësimi sipas saj është “mshelja e derës së dialogut dhe injoranca ndaj pagesave tona”.

Sipas saj, rritja e çmimeve dhe taksave është duke krijuar një pasiguri për qytetarët dhe bizneset.

“Ish desht me kanë opsionet subvencionet e mundshme. As nuk e ka shqyrtu ndonjë mundësi të shqyrtimit që a bën TVSH me u hek apo nuk bën. Në moment që rritet çmimi rritet edhe TVSH.

“Nëse po mendohet se po keqpërdoret çmimi atëherë edhe po trashet logjika e Hekuran Muratit në 2022 ku thotë “heqja e akcizës po trash xhepin tregtarëve”, këtu po trashet xhepi veç i shtetit.

“Në moment që merret nafta, akciza hyn për litër, dhe TVSH hyn për çmim, na i paguajmë, këtë pjesën e TVSH në start merret, i merret biznesit… ne jemi palë e dëmtimit të çfarëdo lloji”, tha Ymeri.

Nëse lufta në Lindjen e Mesme zgjat më shumë se gjashtë muaj, ekonomitë në mbarë botën do të pësojnë “ndikime reale”, tha të dielën kreu i gjigantit francez të naftës TotalEnergies.

“Nëse zgjat më shumë se gjashtë muaj, do të kemi disa ndikime reale. Të gjitha ekonomitë e botës do të dëmtohen”, tha drejtori ekzekutiv Patrick Pouyanne, transmeton Telegrafi.

Mbyllja efektive e Ngushticës së Hormuzit nga Irani në hakmarrje për sulmet SHBA-Izrael kundër tij, ka kufizuar rëndë furnizimin me naftë në botë dhe ka ngritur frikë midis qeverive për inflacion më të lartë dhe rritje më të ulët ekonomike.

Pouyanne vuri në dukje se, në kohë paqeje, rreth 20 përqind e prodhimit global të naftës kalon nëpër ngushticë, por me “atë që është bllokuar sot, keni 10 milionë fuçi naftë në ditë që nuk mund të dalin” nga Gjiri.

“Dhe nuk mund ta gjejmë naftën diku tjetër në planet”, tha shefi i energjisë, i cili u intervistua në kuadër të Forumit të Zhvillimit të Kinës në Pekin.

“Nëse ky konflikt zgjat tre, katër muaj, mund ta gëlltisim. Sot arrijmë ta amortizojmë këtë tronditje sepse kemi inventarë”, tha ai.

Por, paralajmëroi ai, një konflikt i zgjatur që do të kalojë gjashtë muaj do të ishte një goditje për ekonominë globale.

“Pra, përsëri, shpresoj se do të gjejmë zgjidhje shpejt për këtë luftë”, tha ai.

Trembëdhjetë kafshë që kanë rezultuar pozitive me brucillozën dhe tuberkulozin e gjedhit janë asgjësuar sot në një fermë në Lubishtë të Vitisë, në kuadër të masave për parandalimin e përhapjes së sëmundjeve infektive tek kafshët.

Lajmin e ka bërë të ditur Bafti Murati, udhëheqës i sektorit të Shëndetit të Kafshëve në Agjencia e Ushqimit dhe Veterinarisë, i cili theksoi se rasti ishte identifikuar që në muajin dhjetor përmes analizave laboratorike të kryera nga AUV.

Sipas tij, vonesat në eliminimin e kafshëve kanë ardhur si pasojë e procedurave të tenderimit për përzgjedhjen e kompanisë përgjegjëse për asgjësim.

“ Afati për ndërhyrje është rreth një muaj, por në mungesë të kontratës me operatorin ekonomik, pati vonesa. Menjëherë pas nënshkrimit të kontratës, Inspektorati Veterinar së bashku me kompaninë kanë dalë në terren dhe kanë realizuar asgjësimin”, deklaroi Murati.

Ai bëri të ditur se Agjencia zbaton planin vjetor për monitorimin e sëmundjeve të kafshëve, me fokus të veçantë tek sëmundjet zoonotike, si Bruceloza dhe Tuberkulozi i gjedhit, të cilat mund të transmetohen edhe tek njerëzit.

Ndërhyrja e sotme është realizuar në zonën e Lubishtës, ndërsa aksionet po vazhdojnë edhe në ferma të tjera në komunën e Vitisë.

Sipas autoriteteve, raste të tjera të kafshëve të infektuara janë identifikuar edhe në Gjilani dhe Novobërda, ku pritet që në ditët në vijim të vazhdojë procesi i asgjësimit.

“Pastaj kemi edhe të identifikuar disa raste në komunën e Gjilanit edhe të Novobërdës dhe përfundon pjesa e regjionit të Gjilanit. Kurse edhe në pjesë tjera, ku i kemi identifikuar kafshët dhe në ditët në vijim do të bëhet agjësimi i tyre”, tha ndër të tjera Murati.

Kryetari i Prishtinës, Përparim Rama, ka njoftuar se çdo automjet që transporton mbeturina pa kontratë me NPL “Gjelbër” do të gjobitet dhe mund t’i konfiskohet automjeti.

Përmes një postimi në Facebook, Rama ka bërë të ditur se Inspektorati Komunal dhe Policia e Kryeqytetit janë angazhuar me të gjitha kapacitetet për të luftuar hedhjen ilegale të mbeturinave në hapësirat publike.

Ai ka theksuar se hedhja e mbeturinave ndërtimore dhe vëllimore në qytet është e ndaluar.

“Hedhja e mbeturinave ndërtimore dhe vëllimore në Kryeqytet është e ndaluar! Çdo automjet që bart mbeturina të çfarëdo lloji dhe nuk ka kontratë me NPL “Gjelbër” do të gjobitet dhe mund t’i konfiskohet automjeti. Inspeksioni Komunal dhe Policia e Kryeqytetit janë të angazhuar me të gjitha kapacitetet për të luftuar hedhjen ilegale të mbeturinave në hapësirat publike.
Masat ndëshkuese për shkelësit përfshijnë: gjoba, konfiskim të automjeteve që përdoren për transportimin dhe hedhjen ilegale të mbeturinave”, ka shkruar Rama.

Ai po ashtu ka bërë thirrje për bashkëpunim nga qytetarët.

“Nëse shihni qytetarë ose biznese që hedhin materiale ndërtimore, sanitari, mobilje, goma, xhama apo çfarëdo mbeturinash të natyrës vëllimore dhe ndërtimore në Kryeqytet, ju lutemi ta lajmëroni Policinë ose Inspekcionin e Komunës në 038 220985”, ka përfunduar ai.