Category: Lajme

Koalicioni i organizatave joqeveritare u ka bërë thirrje qeverisë dhe komunave që rishikimi i buxhetit për vitin 2026 dhe Korniza Afatmesme e Shpenzimeve të reflektojnë nevojat e të gjithë qytetarëve.

Sipas tyre, barrierat strukturore aktuale lënë jashtë tregut të punës rreth 74% të grave në Kosovë.

Sipas hulumtimeve të Rrjetit të Grave të Kosovës dhe Caritasit Zviceran, pjesëmarrja e grave në fuqinë punëtore është vetëm 26%, krahasuar me rreth 60% te burrat.

Koalicioni kërkon kalim nga zotimet në veprime konkrete, duke propozuar ligj të ri për punën dhe investime në shërbimet e kujdesit për fëmijë.

Një aksident i rëndë ka ndodhur në Obiliq të martën në mesditë, si pasojë e përplasjes mes dy automjeteve.

Dy vetura janë përplasur përballë me njëra-tjetrën, tregojnë pamjet e publikuara nga portali Indeksonline.

Njëra prej vetura ndodhej në tejkalim derisa përballë saj, në të njëjtin shirit, po lëvizte automjeti me të cilin ajo u përplas. Përplasja ndodhi në territorin e një pike të karburanteve pasi dy automjetet u përpoqën të shmangnin përplasjen, por shkuan në drejtim të njëjtë.

Nuk është raportuar për viktima.

Kryetari i Aleancës Kosovare të Bizneseve, Agim Shahini ka thënë se nëse bllokohet ngushtica e Hormuzit , Lindja e Mesme mund të mbetet pa ushqim dhe bota pa energji.

Përmes një postimi në profilin zyrtare në rrjetin social Facebook, ka shkruar se Aleanca Kosovare e Bizneseve (AKB) ngre shqetësim për një nga kërcënimet më serioze ndaj ekonomisë dhe sigurisë globale.

Sipas tij, një ndërprerje në këtë arterie nuk është thjesht krizë rajonale, është një tronditje globale.

Postimi i tij i plotë:

BOTA NË RREZIK NGA NJË NGUSHTICË E VETME

Nëse bllokohet Ngushtica e Hormuzit, Lindja e Mesme mund të mbetet pa ushqim… dhe bota pa energji.

80% e ushqimit për Lindjen e Mesme dhe rreth 20% e energjisë globale varen nga një korridor i vetëm strategjik.

Aleanca Kosovare e Bizneseve (AKB) ngre shqetësim për një nga kërcënimet më serioze ndaj ekonomisë dhe sigurisë globale.

Sipas analizës së AKB-së: Mbi 80% e ushqimit për vendet e Lindjes së Mesme kalon përmes kësaj rruge,

Mbi 50% e ujit të pijshëm sigurohet nga desalinizimi, Rreth 20% e energjisë globale transportohet përmes këtij korridori jetik.

Një ndërprerje në këtë arterie nuk është thjesht krizë rajonale — është një tronditje globale. Pasojat do të ishin të menjëhershme,mungesë ushqimi dhe ujë i pijshëm në Lindjen e Mesme,rritje drastike e çmimeve të energjisë  dhe destabilizim i tregjeve ndërkombëtare.

Sot, një pikë e vetme gjeografike mban në ekuilibër jetën ekonomike të miliona njerëzve.

AKB u bën thirrje institucioneve të diversifikojnë rrugët e furnizimit, të rrisin rezervat strategjike, të forcojnë sigurinë ushqimore dhe energjetike

Çdo përshkallëzim në këtë zonë mund të ketë pasoja të paparashikueshme për ekonominë botërore thot Agim Shahini kryetar i AKB-ës.

Prokuroria Themelore në Prizren ka ngritur aktakuzë kundër B.J. nën dyshimin për keqpërdorim të detyrës zyrtare

Prokuroria tha se ai dyshohet se kreu këtë vepër si përfaqësues i autorizuar i operatorëve ekonomikë “M.B.G.” Sh.P.K dhe “A.P.” Sh.P.K.

Sipas aktakuzës, i pandehuri B.J., në cilësinë e personit zyrtar dhe të organit mbikëqyrës të projektit “Ndërtimi i infrastrukturës në fshatin Vlashnje, rrugët dhe ndriçimi publik”, gjatë periudhës nga muaji gusht 2022 deri më 16.08.2024, duke shfrytëzuar detyrën dhe autoritetin e tij zyrtar, me dashje i tejkalon kompetencat dhe duke vepruar në kundërshtim me Ligjin për Prokurimin Publik, përpilon raporte dhe situacione fiktive, në të cilat është paraqitur se punimet janë kryer sipas kontratës, ndonëse në terren gjendja ka qenë ndryshe.

Si rezultat i këtyre veprimeve, Prokuroria tha se Komisioni për Pranimin Teknik është vënë në lajthim dhe ka përpiluar raport pranimi, duke konfirmuar në mënyrë të gabuar se punimet janë realizuar sipas specifikimeve të kontratës, pavarësisht se në terren punimet nuk ishin përfunduar në përputhje me kushtet e kontraktuara.

“Andaj, si rezultat i këtyre veprimeve, janë realizuar pagesa në favor të grupit të operatorëve ekonomik “M.B.G.” Sh.P.K dhe “A.P.” Sh.P.K, edhe pse punimet nuk ishin përfunduar sipas kontratës së lidhur. Përmes këtyre veprimeve, Komunës së Prizrenit i është shkaktuar dëm material në vlerë prej 18,765.00 euro, ndërsa përfitim pasuror i kundërligjshëm për operatorët ekonomik në të njëjtën shumë. Me këto veprime, B.J., ka kryer veprën penale “Keqpërdorimi i pozitës apo autoritetit zyrtar” sipas KPRK-së”.

Ndërsa, i pandehuri J.B., si përfaqësues i autorizuar i operatorëve ekonomik “M.B.G.” Sh.P.K dhe “A.P.” Sh.P.K, në bashkëpunim me të pandehurin B.J., ka vepruar me qëllim përfitimi pasuror duke shkelur dispozitat dhe procedurat e prokurimit publik dhe i njëjti nuk zbaton detyrimet që dalin nga kontrata. Me këto veprime, J.B., ka kryer veprën penale “Keqpërdorimi dhe mashtrimi në prokurim publik” sipas KPRK-së.

Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartcekur për veprat penale për të cilat akuzohen të shpallen fajtorë dhe të dënohen sipas ligjit.

Policia e Kosovës, përmes raportit të saj 24 orësh, ka njoftuar se gjatë kësaj kohe janë shqiptuar 2512 gjoba trafiku.

Po ashtu, është njoftuar për 43 aksidente trafiku, ku, 13 janë më të lënduar, kurse 30 janë me dëme materiale.

Pos këtyre, policia njofton se janë arrestuar 9 persona ku 7 janë dërguar në mbajtje.

Një milici pro-iraniane në Irak ka postuar një video një minutëshe që tregon dronë që fluturojnë mbi një instalim amerikan në aeroportin ndërkombëtar të Bagdadit.

Në videon e gjeolokuar nga CNN, një dron shihet duke fluturuar ulët mbi kompleksin që strehon Qendrën e Mbështetjes Diplomatike të SHBA-së në Bagdad përpara se t’i afrohet një sistemi radari dhe ta godasë atë, duke shkaktuar një shpërthim.

Një sistem radari mund të shihet në të njëjtin vend të sulmit në imazhet satelitore të shqyrtuara nga CNN.

Pak çaste më vonë, një dron i dytë fluturon mbi bazën dhe i afrohet një helikopteri Black Hawk. Videoja ndërpritet përpara se të jetë e qartë nëse helikopteri është goditur.

Videoja daton më 23 mars, megjithëse CNN nuk mund të verifikojë saktësisht se kur është regjistruar, transmeton Telegrafi.

CNN i ka kërkuar Komandës Qendrore të SHBA-së koment mbi videon.

Sulmi është i fundit në një seri sulmesh ndaj objekteve amerikane në Bagdad.

Milicitë pro-iraniane kanë nisur sulme të shumta ndaj objektivave amerikane në kryeqytetin irakian, përfshirë Ambasadën Amerikane, e cila u godit nga disa dronë.

Më parë këtë muaj, një milici e veçantë postoi pamje të filmuara nga një dron që lëviz nëpër kompleksin e Ambasadës Amerikane në Bagdad.

 

View this post on Instagram

 

A post shared by Al Jazeera English (@aljazeeraenglish)

Kryetari i Komunë së Rahovecit Smajl Latifi ka kujtuar rënien e 49 martirëve në Brestoc.

Latifi, përmes një postimi në profilin e tij në rrjetin social Facebook, ka shkruar se lufta jonë për liri nuk ka pushuar asnjëherë, sepse pushtuesit e kanë zëvendësuar njëri-tjetrin dhe secili ka qenë më i egër se tjetri.

Postimi i tij i plotë:

Në Brestoc, në shënimin e 27-vjetorit të përjetësimit, kujtuam 49 martirët e vrarë nga pushtuesi serb.

Së bashku me bashkëpunëtorë, familjarë, bashkëluftëtarë e qytetarë, nderuam 49 martirët në fshatin Brestoc, të vrarë në vitin 1999 nga pushtuesi serb, 5 dëshmorët e kombit, si dhe 6 që ende janë të pagjetur.

Lufta jonë për liri nuk ka pushuar asnjëherë, sepse pushtuesit e kanë zëvendësuar njëri-tjetrin dhe secili ka qenë më i egër se tjetri.

Këtë egërsi e pagoi shtrenjtë edhe Brestoci, fshat që ka numër të madh të të martirizuarve, por nga ky fshat kanë dalë edhe shumë luftëtarë e veprimtarë, të cilët e kanë nderuar emrin e tyre dhe të vendlindjes. Po ashtu, në fushë të nderit kanë rënë 5 dëshmorë, lavdia e të cilëve qëndron si fllad pranveror mbi këtë vend. Lavdi 5 dëshmorëve, 49 martirëve të Brestocit, në mesin e të cilëve edhe 6 personave të pagjetur.

Dy persona janë ndaluar nën dyshimin për kalim ilegal të kufirit nga Serbia në Kosovë.

Sipas raportit 24 orësh të Policisë, të dyshuarit u ndaluan në Leposaviq dhe rasti u iniciua si “Kalim i paautorizuar i vendkalimeve kufitare apo i vijës kufitare”.

“Sharpelj, Leposaviq 22.03.2026-16:16. Janë ndaluar dy të dyshuar m/k, pasi që me automjete kanë kaluar kufirin ilegalisht nga Serbia për në Republikën e Kosovës. Me vendim të prokurorit pas intervistimit të dyshuarit janë liruar dhe rasti shkon në procedurë të rregullt”, njofton Policia.

Qendra Kryesore e Mjekësisë Familjare “Dr. Fahredin Hoti” në Rahovec, bashkë me QMF-në dhe AMF-në, ka pranuar një donacion të rëndësishëm.

Donacioni përfshin shtretër, joga ortopedike, karroca për pacientë dhe pajisje të tjera ndihmëse.

Këto pajisje pritet të përmirësojnë shërbimet shëndetësore që ofron ky institucion.

Ndërsa Irani mban kontrollin e tij të fortë mbi Ngushticën e Hormuzit, qeveria e Japonisë do të fillojë të enjten lirimin e rezervave shtetërore të naftës për 30 ditë konsum, raporton CNN.

Kjo është pjesë e një plani më të gjerë për të liruar deri në 45 ditë në total – sasia më e madhe ndonjëherë- së bashku me lirime shtesë nga rezervat e sektorit privat, për t’i minimizuar ndërprerjet në ekonominë e katërt më të madhe në botë.

Japonia mban një nga rezervat më të mëdha të naftës në botë me rreth 254 ditë konsum në total, duke përfshirë rezervat qeveritare dhe ato private. Por ajo ende importon mbi 90% të naftës së saj bruto nga Lindja e Mesme, duke e lënë të ekspozuar gjatë luftës së SHBA-së dhe Izraelit me Iranin.

Ndërsa qeveria ka shmangur deri tani masa të rrepta për kursimin e energjisë, ajo ka paralajmëruar kundër blerjeve nga paniku të letrës higjienike mes shqetësimeve për furnizimin. Dhe ndërsa çmimet e karburantit arrijnë nivele rekord prej 190 jenësh (1.20 dollarë) për litër, Japonia ka vendosur subvencione për produktet e karburantit për të kufizuar çmimin e benzinës në rreth 170 jenë (1.07 dollarë) për litër.