Presidentja Vjosa Osmani ka reaguar pas fitores dramatike 3-4 të Kosovës ndaj Sllovakisë, duke e cilësuar atë si historike.
Përmes një reagimi publik, Osmani u shpreh shkurt: “Historike! Dardanë, faleminderit!”
Me këtë fitore, Kosova e pret Turqinë më 31 mars në “Fadil Vokrri” për biletën finale për në Botëror.
Presidenti Trump ka postuar në Truth Social, duke zgjatur një pauzë në sulmin ndaj centraleve energjitike iraniane, të cilën e njoftoi të hënën, ka raportuar BBC.
Ai gjithashtu thotë se bisedimet midis SHBA-së dhe Iranit janë “në vazhdim”.
Postimi thotë:
“ Sipas kërkesës së Qeverisë iraniane, ju lutem lejoni që kjo deklaratë të shërbejë për të përfaqësuar se unë po e ndërpres periudhën e shkatërrimit të centraleve energjitike me 10 ditë deri të hënën, 6 prill 2026, në orën 8 të mbrëmjes, sipas Orës Lindore. Bisedimet janë duke vazhduar dhe, pavarësisht deklaratave të gabuara në të kundërtën nga Media e Lajmeve të Rreme dhe të tjerë, ato po shkojnë shumë mirë. Faleminderit për vëmendjen tuaj ndaj kësaj çështjeje! President DONALD J. TRUMP”
Qeveria e Republikës së Kroacisë, në një seancë të mbyllur të enjten, mori vendimin për të dhënë leje për një anije luftarake bërthamore amerikane që të hyjë në ujërat e brendshme të Republikës së Kroacisë dhe të qëndrojë në një port kroat.
Detajet rreth anijes së saktë në fjalë nuk janë njoftuar ende, si dhe data e mbërritjes dhe kohëzgjatja e qëndrimit.
Megjithatë, duke qenë se Qeveria njoftoi se është një anije me energji bërthamore, ka të ngjarë që të jetë një nga transportuesit amerikanë të aeroplanëve, shkruan Index.hr.
Siç theksohet më tej, mbërritja e anijes kërkon protokolle të veçanta sigurie, duke përfshirë kontrollin dhe monitorimin e impiantit bërthamor gjatë qëndrimit të tij në port dhe sigurimin e portit dhe ujërave përreth në bashkëpunim me shërbimet vendase të sigurisë.
Sipas mediave kroate, anijet luftarake amerikane e kanë vizituar Kroacinë edhe më parë, gjë që shihet si një shenjë e partneritetit të fortë me Shtetet e Bashkuara dhe bashkëpunimit brenda NATO-s.
Më e spikatura midis tyre është aeroplanmbajtësja me energji bërthamore USS Gerald R. Ford, e cila vizitoi Splitin në qershor 2023 si pjesë e një ndalese të planifikuar në port dhe bashkëpunimit me Forcat e Armatosura Kroate.
Ajo anije-mbajtëse lundroi përsëri në ujërat kroate në tetor 2025 gjatë vendosjes në Evropë, dhe është e mundur që këtë herë të jetë pikërisht kjo anije-mbajtëse.
Vizitat e anijeve luftarake amerikane në Kroaci zakonisht trajtohen si pjesë e operacioneve dhe ushtrimeve të rregullta detare, por edhe si një simbol i marrëdhënieve të ngushta dypalëshe dhe bashkëpunimit të sigurisë midis Kroacisë dhe SHBA-së.
Qeveria kroate ende nuk ka thënë se kur do të mbërrijë anija dhe në cilin port do të stacionohet, apo nëse kjo vizitë lidhet me sfidat aktuale të sigurisë globale, kryesisht luftën në Iran.
Kosova është bërë pjesë e 30 aleatëve të SHBA-së që kanë nënshkruar një deklaratë në mbështetje të koalicionit ndërkombëtar për çështjen e Ngushtcës së Hormuzit, një nga rrugët më kritike detare për transportin e naftës.
Çështja u diskutua në emisionin “Morning with Maria” të FOX Business, ku u bë e qartë se ky koalicion synon të ruajë rrjedhën e naftës dhe të sigurojë kalimin e anijeve tregtare pa pengesa.
Sipas raportimeve, Presidenti Donald Trump e ka bërë prioritet hapjen e këtij korridori kritik të naftës dhe po konsideron dërgimin e Divizionit të 82-të Ajror në Lindjen e Mesme, për t’u bashkuar marinsave amerikanë.
Misioni i tyre mund të përfshijë asistencë në hapjen e rrugës ujore, ose ndërhyrjen e drejtpërdrejtë në rast nevoje.
“Do të dëshironim më shumë parashikueshmëri, më shumë qartësi dhe më shumë largpamësi strategjike — jo vetëm në këtë rast”, tha ministri gjerman i Mbrojtjes, Boris Pistorius, për POLITICO.
Kujtojmë se më 28 shkurt, Shtetet e Bashkuara dhe Izraeli filluan një operacion ushtarak në shkallë të gjerë kundër Iranit.
Ndërkohë ka ardhur një përgjigje nga Irani, duke sulmuar në drejtim të Izraelit dhe në drejtim të bazave ushtarake amerikane në rajon.
Kështu, lufta në Iran ka hyrë në javën e katërt pa asnjë shenjë të një përparimi që mund të ndalonte përshkallëzimin.
Dhe ndërkohë ka një bllokim të Ngushticës së Hormuzit e cila edhe ka krijuar probleme, përkatësisht rritje të çmimit të naftës dhe probleme të tjera në ekonominë e shumë vendeve në botë.
Lidhur me këtë Telegrafi ka provuar të marrë përgjigje nga Qeveria, por deri në momentin e publikimit të lajmit, nuk ka marrë përgjigje zyrtare.
LDK fton të gjithë qytetarët, të bëjnë një verifikim të thjeshtë vetë, duke ndjekur hapat e paraqitur në këtë foto të bashkangjitur.
“Kontrolloni nëse ora e shfaqur në njehsor përputhet me orën reale në telefonin tuaj.
Nëse vëreni mospërputhje:
• bëni fotografi ose video si dëshmi
• dërgojini ato tek anëtari ynë Visar Azemi
Të gjitha faktet e mbledhura do t’i dorëzojmë nesër në KEDS dhe KESCO, dhe më pas do të procedohen edhe në Prokurori”, thuhet në njoftimin e LDK-së.
“Kjo çështje nuk mund të trajtohet si gabim teknik, qytetarët meritojnë transparencë dhe drejtësi. Çdo dyshim për abuzim duhet të hetohet dhe çdo përgjegjës duhet të mbajë llogari”, përfundon postimi i LDK-së.
Presidenti i Aleancës Kosova e Re (AKR), Behgjet Pacolli, ka reaguar në lidhje me pretendimet se “ai ka qenë në dijeni për vrasjen e Liridona Ademajt”, ku i dyshuari është Naim Murseli.
Pacolli ka mohuar çdo pretendim të këtillë, duke shtuar se ka kohë që ai është distancuar nga çdo njeri dhe rrugë që nuk përfaqëson.
“Njerëzit më të rrezikshëm nuk janë gjithmonë ata që bota i njeh si të këqij; shpesh janë ata që i ke ndihmuar më së shumti, e që, sapo ua ndal dorën, kthehen kundër teje me helm, përgojim dhe pabesi. Ata harrojnë të mirat që kanë marrë, harrojnë dorën që i ka mbajtur dhe fjalën që i ka mbrojtur. Dhe kur nuk munden më ta mbajnë peshën e zgjedhjeve të veta, kërkojnë të shpëtojnë duke përmendur emra që nuk u përkasin më jetës së tyre. Kjo nuk është forcë. Kjo është varfëri karakteri. Po e them qartë: jam distancuar prej kohësh nga çdo njeri dhe nga çdo rrugë që nuk më përfaqëson. Ndihma që i kam dhënë dikujt dikur ka qenë njerëzore, por zgjedhjet që ai ka bërë më pas i përkasin vetëm atij”.
“Askush nuk ka të drejtë ta përdorë emrin tim për alibi, për mbrojtje apo për larje imazhi. Emri im nuk është strehë për askënd që përpiqet të fshehë të vërtetën pas emrit të tjetrit. Kam heshtur nga dinjiteti, jo nga frika. Por heshtja ime nuk është dobësi. Është refuzim për të rënë në nivelin e atyre që, pasi ushqehen nga mirësia, e kthejnë atë në helm. Dhe në fund, njeriu nuk bëhet i lig nga mungesa e përkrahjes; ai thjesht tregon atë që ka qenë brenda tij gjatë gjithë kohës”, ka shkruar Pacolli në Facebook.
Partia Demokratike e Kosovës (PDK), ka dalë me deklaratë për pretendimet se PDK-së i është ofruar posti i Presidentit.
Në reagim thuhet se pretendimet janë të pavërteta dhe spekulative.
“Lidhur me raportimet e fundit, sqarojmë se pretendimet se PDK-së i është ofruar posti i Presidentit janë të pavërteta dhe spekulative. Sot, Partia Demokratike e Kosovës mbajti mbledhjen e Kryesisë dhe të Grupit Parlamentar, ku u vendos që në ditët në vijim të thirret Këshilli Drejtues për të diskutuar zhvillimet aktuale politike dhe për të përcaktuar hapat e mëtejshëm”, thuhet në njoftim.
“I bëjmë thirrje mediave që të mbështeten vetëm në informacionet zyrtare dhe të verifikuara. PDK mbetet e hapur për bashkëpunim dhe e gatshme të ofrojë informata të sakta dhe në kohë për çdo çështje me interes publik. Ju falënderojmë për mirëkuptimin dhe bashkëpunimin”, përmbyllet njoftimi.
Kosova është përfaqësuar në nivel të lartë në Shtetet e Bashkuara të Amerikës, ku Zotëria i Parë Prindon Sadriu mori pjesë në samitin inaugurues të koalicionit global “Fostering the Future Together”, i organizuar në Shtëpia e Bardhë me ftesë të Zonjës së Parë Melania Trump.
Ngjarja mblodhi përfaqësues nga 45 vende të botës, ndërsa Kosova ishte një nga vetëm tetë shtetet e përzgjedhura për të mbajtur fjalimin kryesor. Në adresimin e tij, Sadriu shprehu mirënjohje për Shtetet e Bashkuara të Amerikës për mbështetjen e vazhdueshme ndaj Kosovës dhe theksoi angazhimin e vendit për fuqizimin e fëmijëve dhe të rinjve përmes edukimit, inovacionit dhe teknologjisë.
Ai nënvizoi se mbrojtja dhe mirëqenia e fëmijëve duhet të jenë në qendër të zhvillimit digjital, duke e konsideruar këtë si prioritet kombëtar.
Ky angazhim lidhet edhe me vendimin e marrë në dhjetor 2025 nga Presidentja Vjosa Osmani, për t’iu bashkuar zyrtarisht koalicionit global “Fostering the Future Together”, një nismë që synon avancimin e politikave për të ardhmen e brezave të rinj.
Në kuadër të samitit dyditor, aktivitetet nisën me takime në Departamenti i Shtetit të ShBA-së, ku Sadriu u takua me zyrtarë të lartë amerikanë, përfshirë zv. Sekretarin e Shtetit Christopher Landau.
Gjithashtu, ai zhvilloi biseda me përfaqësues të kompanive të mëdha globale të teknologjisë si OpenAI, Microsoft, Google, Meta, xAI, Palantir, Adobe dhe Zoom Communications.
Diskutimet u përqendruan në mundësitë konkrete që këto platforma dhe shërbime mund të ofrojnë për Kosovën, sidomos në përmirësimin e edukimit dhe mirëqenies së fëmijëve dhe të rinjve.
Pjesëmarrja e Kosovës në këtë samit konsiderohet një dëshmi e rritjes së rolit ndërkombëtar të vendit dhe e përkushtimit institucional për të ndërtuar një të ardhme më të sigurt dhe më inovative për brezat e rinj. Ky moment vlerësohet si një hap i rëndësishëm drejt forcimit të partneritetit global dhe pozicionimit të Kosovës si një aktor i besueshëm në iniciativat ndërkombëtare.
I braktisur nga të gjithë dhe i pashoqëruar nga asnjë familjar, 80-vjeçari Shefit Rrapaj, autor i vrasjes së bashkëshortes së tij, Dashurie Rrapaj, 75 vjeçe, dy ditë më parë në Kuman të Roskovecit në Fier të Shqipërisë.
Sipas drejtorit të Ndërmarrjes së Shërbimeve Publike, Arben Duka, negociatat e policisë me familjarët për të tërhequr trupin nuk dhanë rezultat, shkruan A2.
Në këto kushte, në bazë të ligjit, ceremonia mortore u krye nga bashkia pa asnjë lot dhe pa asnjë lule mbi varrin e tij.
Ndërkohë, Dashurie Rrapaj u përcoll në banesën e fundit në fshatin Allambreas të Beratit, në vendlindjen e saj.
Kryetarja e grupit parlamentar të Lëvizjes Vetëvendosje, Arbërie Nagavci, është deklaruar sërish lidhur me çështjen e zgjedhjes së presidentit të ri të vendit, dhe, mundësive të presidentes Vjosa Osmani për një mandat të dytë në krye të shtetit.
Nagavci, ka thënë se me presidenten kanë ‘’pasur një raport shumë korrekt profesional”, dhe se, Osmani duhet t’i shprehë ‘’publikisht falënderimet për bashkëpunimin’’ me VV’në.
Nagavci, në intervistën për Euronews Albania u shpreh se Vjsa Osmani nuk i ka votat e nevojshme për t’u rizgjedhur presidente
“Gjatë kësaj kohe është diskutuar shumë për zonjën Osmani, ne ja kemi bërë me dije se nuk janë 80 deputetë të qëndrojnë në sallë, që nuk e mbështesin edhe për një mandat. Kemi pasur deklarata publike, ka edhe deputetë të LDK që nuk e mbështesin, ajo nuk i ka votat për t’u rizgjedhur. Duhen firmat, PDK e ka bërë të qartë që nuk e mbështet, edhe brenda LDK nuk kanë qenë të gjitha nënshkrimet. Ne e kemi bërë të qartë që nuk kemi pasur hatërmbetje as më herët, përkundër që ne kemi pasur një pesë vjeçar të bashkëpunimit në pozitat institucionale, kemi pasur një raport shumë korrekt profesional, dhe zonja Osmani, unë besoj që më e pakta që duhet të bëjë, dhe do ta bëjë, besoj, është që të shprehë edhe publikisht falënderimet që ka pasur në mënyrë joformale ose jo publike për bashkëpunimin që kemi pasur’’, ka thënë ajo.