Category: Lajme

Projekligji për masat e përkohshme të produkteve themelore në raste të veçanta të destabilizimit në treg është shqyrtuar në komisionin për Ekonomi.

Atë e ka prezantuar ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila.

Ajo ka thënë se gjatë hartimit janë marrë në konsideratë edhe rekomandimet e dhëna në aktgjykimin e Gjykatës Kushtetuese të Republikës së Kosovës në lidhje me ligjin paraprak, i cili ishte rrëzuar.

“Ky projektligj merr në konsideratë këto rekomandime dhe përcakton dy lloje të masave të përkohshme Caktimin e marzhës tregtare për shitjen me shumicë dhe pakicë dhe caktimin e çmimit maksimal të lejuar nga operatorët ekonomikë.”, ka thënë Kusari-Lila.

Gjithashtu ajo ka thënë se nga Kuvendi i Kosovës do të themelohet një bord i pavarur për masat e përkohshme për kufizim të çmimeve.

“Në projektligj janë përcaktuar edhe kushtet për emërimin e anëtarëve të bordit, kompetencat si dhe procesi i vendimmarrjes. Projektligji lidhet ngushtë me prioritetet e qeverisë së Republikës duke kontribuar në mbrojtjen e konsumatorit.”, ka thënë ajo.

Ajo ka shtuar se gjatë procesit të hartimit, ka mbajtur edhe tryeza konsultative me përfaqësues nga odat ekonomike, shoqatat përkatëse që përfaqësojnë operatorët ekonomikë të lidhur me produktet themelore.

Kryeministri Albin Kurti, dhe, ish-presidentja, Vjosa Osmani, që dikur kishin raporte të mira mes vete, sot, janë në rrethana të tjera.

Për Osmanin, mendohet edhe se e njëjta do të jetë pjesë e garës zgjedhore në rast të zgjedhjeve, si kundërshtare e Kurtit.

Se cili do të ishte fitues mes Osmanit e Kurtit, për Demos është deklaruar shkurtimisht ish-kryeministri i Kosovës, Isa Mustafa.

Ky i fundit tha se: “Se di që janë në garë. Nuk e di”,

Një burrë është ndaluar për 48 orë nën dyshimin për sulm seksual ndaj vajzës së tij të mitur.

Lidhur me rastin e rëndë që dyshohet se ndodhi në Gjakovë, detaje dha Prokuroria Themelore.

Bëhet e ditur se brenda afatit ligjor do të kërkohet edhe paraburgim ndaj të dyshuarit.

“Lidhur me rastin në fjalë, ju njoftojmë se me vendim të Prokurorit të Shtetit, është ndaluar një (1) person, në kohëzgjatje prej 48 orësh, për shkak të veprës penale “Sulmi seksual” dhe ndaj të njëjtit Prokurori i Shtetit, brenda afatit ligjor do të parashtrojë kërkesë për caktimin e masës së paraburgimit. Prokurori i Shtetit në koordinim me Policin e Kosovës, janë duke i ndërmarr të gjitha veprimet e nevojshme lidhur me këtë rast. Rasti ka të bëjë me të mitur dhe raste me të mitur sipas dispozitave ligjore janë të mbyllura për publikun.

Deputetja e Partisë Demokratike të Kosovës, Blerta Deliu-Kodra, ka thënë se Vjosa Osmani, gjatë mandatit të saj ‘’i ka shërbyer’’ kryeministrit Albin Kurtit.

Deputetja e PDK’së ka thënë se Osmani s’ka reaguar as kur janë sulmuar mediat, as kur është shkel Kushtetuta e as kur çmimet e energjisë kanë qenë të larta.

‘’Është e vërtetë që zonja Osmani ka shërbyer në plotni në përpikëri Kurtit edhe atëherë kur mediat janë sulmuar, edhe atëherë kur mediat janë quajtur ndërmarrje kriminale, edhe atëherë kur çmimet e rrymës kanë qenë të larta, kur Kushtetuta është shkel me dhjetëra herë. Ne tek në ditën e fundit disa orë para përmbylljes së mandatit të saj e kemi dëgju Osmanin që në Kosovë është shkel Kushtetuta disa herë’’, ka thënë Deliu mes tjerash.

Ushtruesja e detyrës së Presidentes së Kosovës, Albulena Haxhiu, ka bërë të ditur se ka zhvilluar një takim me Ministrin e Mbrojtjes, Ejup Maqedonci, dhe Komandantin e Forcës së Sigurisë së Kosovës (FSK), Gjenerallejtënant Bashkim Jashari.

Sipas Haxhiut, në këtë takim është diskutuar për arritjet në zhvillimin e kapaciteteve mbrojtëse të vendit, sfidat aktuale në fushën e sigurisë, si dhe hapat e ardhshëm për fuqizimin strategjik të FSK-së.

Ajo ka theksuar se zhvillimi i mëtejmë i Forcës së Sigurisë së Kosovës mbetet prioritet shtetëror dhe një element kyç për forcimin e sigurisë së Republikës së Kosovës.

Ish kryeministri i Kosovës, Isa Mustafa ka folur për çështjen e zgjedhjes së presidentit të vendit.

Ai, ka thënë se nëse dëshirohet që kjo çështje të merr një zgjidhje duhet të ketë hapësirë për marrëveshje.

“Në qoftë se dëshirojmë zgjidhje, ose në qoftë se jemi të gatshëm edhe si pozitë edhe si opozitë ta bëjmë presidentin, atëherë duhet të ketë hapësirë për marrëveshje. Domethënë duhet të ulen pozita dhe opozita, të merren vesh bashkërisht për një personalitet, mos ta thjeshtoj për një personalitet i cili kishte me e kry këtë punë pa anime politike”, tha ai.

Ndërsa, i pyetur se e a do të kthehet Vjosa Osmani në Lidhjen Demokratike të Kosovës, Mustafa nuk deshi të deklarohet për këtë, duke thënë se nuk është ky rasti që të flet për këtë temë.

“Do t’ju kërkoj falje, sepse sot është krejt një temë tjetër. Nuk do të dëshiroja që sot këtë çështje që e kemi hapur këtu në Akademi ta ndërlidh me emra konkretë, kush synon e kush çka ka bërë të mbarën. Mund ta shfrytëzojmë ndonjë rast tjetër që unë të jap qëndrimin tim politik”, tha ai.

Kurse, sa i përket mungesës së Abdixhikut në promovimin e librit, Mustafa u shpreh shkurt se kush ka pasur dëshirë ka ardhur.

“Për ftesat e këtij libri, ne kemi pasë atje përpara ftesë publike, kështu që kanë ardhë ata që kanë dashtë me ardhë, me të cilët ne kemi punuar një kohë të gjatë”, tha ai.

Për arsye se mbrojtësja e të akuzuarit- zyrtarit policor Argjend Kastrati, avokatja Majlinda Sadikaj ishte e angazhuar me seanca të tjera gjyqësore të paracaktuara, dështoi të mbahet të mërkurën seanca e kolegjit të gjyqtarëve në Gjykatën e Apelit, ku pritej të elaborohen ankesat e palëve në rastin ku Kastrati është dënuar nga Gjykata Themelore në Pejë me 4 vjet burgim për aksidentin ku humbi jetën Z.Gj.

Kolegji i gjyqtarëve që pritet të shqyrtojë pretendimet ankimore të të gjitha palëve në këtë rast ka këtë përbërje: Mehmet Ndrecaj- kreytar i kolegjit, Abdullah Ahmeti- gjyqtar referues, si dhe anëtare- Ivana Milenkoviq, raporton “Betimi për Drejtësi”.

Sipas gjykatësit Ahmeti, avokatja Sadikaj ka njoftuar Gjykatën se është e angazhuar në gjykime të tjera të paracaktuara, ndërkaq vetë i akuzuari Kastrati gjendet jashtë vendit për shkaqe familjare.

Në këto rrethana, seanca e sotme dëshoi, kurse e radhës u caktua për në muajin maj.

Prezent në gjykim ishte pala e dëmtuar me avokatin Milot Neziraj.

Kujtojmë se Kastrati më 1 korrik 2025 ishte dënuar nga Gjykata Themelore në Pejë për veprën penale “Rrezikim i trafikut publik”, duke e gjykuar me 4 vjet burgim dhe dënim plotësues- “Marrja e lejes së vozitjes” për katër vjet.

Kastrati e kishte pranuar fajësinë në shqyrtim fillestar për veprën penale që i vihej në barrë.

Sipas aktakuzës së Prokurorisë Themelore në Pejë, thuhet se më 1 prill 2025, i akuzuari Argjend Kastrati, nga pakujdesia shkel Ligjin mbi trafikun publik dhe shkakton vdekjen e viktimës Z.Gj. Aktakuza thotë se gjersa i pandehuri ishte duke qarkulluar me automjetin e tij në rrugën brenda vendbanimit ku kufizimi i shpejtësisë është 60 km/h, me të arritur tek vendkalimi për këmbësorë, ku kishte qenë duke e kaluar rrugën viktima nga ana e majtë e drejtimit të lëvizjes së automjetit për në anën e djathtë, me një shpejtësi lëvizjeje prej 89.31 km/h, nuk i kushton kujdes të veçantë viktimës dhe nuk i jep përparësi, por e godet me pjesën e përparme të anës së djathtë të veturës, me ç’rast i shkakton lëndime të rënda trupore, të cilave viktima nuk ka mundur t’u mbijetojë.

Në aktakuzë thuhet se si pasojë e lëndimeve, viktima Z.Gj., ndërron jetë në Qendrën Klinike Universitare të Kosovës.

Me këto veprime, Kastrati akuzohej se ka kryer veprën penale ““Rrezikim i trafikut publik” nga neni 370, par. 9 lidhur me par. 6 dhe 1 të Kodit Penal të Republikës së Kosovës.

Papa Leo të mërkurën përshëndeti armëpushimin dyjavor, disa orë pasi e kishte quajtur kërcënimin e Trump ndaj popullsisë së Iranit “të papranueshëm”.

Papa, i cili është shfaqur si një kritik i zëshëm i luftës, bëri thirrje për vazhdimin e negociatave për të sjellë një fund të plotë të konfliktit rajonal.

“Në dritën e këtyre orëve të fundit të tensionit të madh për Lindjen e Mesme dhe për të gjithë botën, e mirëpres me kënaqësi… njoftimin për një armëpushim të menjëhershëm dyjavor,” tha ai.

Deputeti i LDK-së, Armend Zemaj, ka kërkuar sqarime nga ministri për Punë, Familje dhe Vlerat e Luftës Çlirimtare, Andin Hoti, lidhur me ekspozitën “Masakrat në Kosovë 1998–1999”, për të cilën ai tha se ka përmbajtur pasaktësi si rezultat i interpretimit të gabuar të të dhënave.

Zemaj theksoi rëndësinë e kësaj ekspozite, duke ngritur shqetësime për përmbajtjen e saj dhe përputhshmërinë me të vërtetën historike, ndërsa kërkoi edhe sqarime për financimin dhe shpërndarjen e materialeve të lidhura me të.

“Për rëndësinë e kësaj ekspozite, e cila për pjesët e Ushtrisë Çlirimtare të Kosovës por edhe deklaratat që kanë dalë nga protagonistët e këtyre ngjarjeve nuk rezultojnë me të vërtetën historike. Është një devijim që konsiderohet i qëllimshëm ose i paqëllimshëm, por që duhet të vërtetohet në aspektin institucional edhe kjo pjesë e përgjegjësisë ju takon edhe juve si kategori e re institucionale për mbrojtja e vlerave të luftës çlirimtare. Shohim cili ka qenë financimi i shtetit edhe për këtë ekspozitë ose librat të cilat tash përfolen, ndër librat që ekziston pjesa faktike financimi i Ministrisë së Punëve të Jashtme, ku është shpërndarë, kush i ka shpërndarë, cili ka qenë qëllimi, a ka pasoja nga këto devijime historike të cilat janë të dëmshme, të cilat kanë të bëjnë me ngjarjet tragjike të luftës, ku flitet për masakra, evidentimin e numrit të njerëzve, familjarëve edhe diçka që lidhet që është temë edhe sensitive, por është në fund të fundit është çmimi që ka paguar populli shqiptar për liri dhe pavarësi, sidomos në fundit e fundit”, pyeti ai.

Ministri Andin Hoti tha se është krijuar një perceptim i gabuar publik për përgjegjësinë e ministrisë që ai drejton lidhur me këtë ekspozitë, duke theksuar ndarjen e qartë të kompetencave institucionale në Kosovë.

“Ajo çka ka ndodhë, dy javët e fundit, dhe në veçanti ajo ngjarje në Prishtinë, padasht me hi në debat politik këtu, krijimi i një opinioni publik se qenka ministria që unë udhëheq, pavarësisht emërtimit që e ka, dhe tash po ua shpjegoj pse, ëh, ka një lloj përgjegjësie në raport me atë çka ka ndodhë në ekspozitën në shesh. Më leni me ju tregu që në Republikën e Kosovës mekanizmat, institucionet janë të ndara në fushëveprimtarinë e tyre. Rrjedhimisht, mekanizmi ose institucioni, instituti, që bën përmbledhjen e historisë nuk jam unë, është Instituti i Historisë. Institucioni që bën verifikimin e fakteve është Instituti për Krimet e Luftës, IKKl-ja, që është themelu para dy-tre vjetësh. Ministria e ka për mandat reagimin, mbrojtjen e vlerave, reagimin. Dhe çka kam bo unë është, nuk po thom që jam i pari, e ndër të parët që kam reagu për këto, për ekspozitën çka qe në shesh”, tha ai.

Pas kësaj, deputeti Armend Zemaj reagoi sërish duke kërkuar sqarime shtesë, ndërsa kryetarja e Komisionit, Fatmire Mulhaxha-Kollçaku, e akuzoi atë për politizim të çështjes.

Ndërkohë, ministri Andin Hoti shtoi se iniciatori i ekspozitës, Shkëlzen Gashi, nuk është kryeministri Albin Kurti, por bëhet fjalë për një iniciativë individuale të vetë autorit. /eo

Pas sulmeve me raketa iraniane që goditën Emiratet e Bashkuara Arabe, reputacioni i Dubait si parajsë për elitën botërore ka filluar të zbehet. Super të pasurit tani po shikojnë përsëri nga Evropa, dhe Milano, qendra financiare italiane, është ngritur në krye të listës së destinacioneve më të dëshirueshme, raporton The Guardian.

“Italia ofron kushtet më të mira, taksa të sheshta dhe një cilësi të lartë jetese,” thotë Armand Arton, konsulent që ndihmon multimilionerët dhe miliarderët të zhvendosen përmes programeve të shtetësisë për investitorët.

“Njerëzit që largohen nga Emiratet e Bashkuara Arabe mund ta imagjinojnë lehtësisht veten duke jetuar në Romë ose Milano, qendra të mëdha ndërkombëtare dhe urbane.”

Milano është tashmë shtëpia e disa prej bankierëve, avokatëve dhe investitorëve më të pasur të Evropës, duke e bërë qytetin një destinacion tërheqës për të pasurit që kërkojnë cilësi të lartë jetese dhe përfitime fiskale. Sipas sistemit të taksave me normë të sheshtë të Italisë, banorët e huaj mund të paguajnë 300,000 euro në vit për të gjitha të ardhurat e huaja, një shumë e papërfillshme për multimilionerët dhe miliarderët.