ATV

Category: Lajme

  • Kurti tregon nëse në Bruksel do të flitet për hapjen e urës së Ibrit

    Kurti tregon nëse në Bruksel do të flitet për hapjen e urës së Ibrit

    Kryeministri Albin Kurti, po insiston që të ketë zbatim të plotë pa vonesa dhe pa kushte të marrëveshjes së arritur në Ohër raporton EO.

    I pyetur nëse në takimin e radhës në Bruksel ndërmjet kryenegociatorëve do të diskutohet për hapjen e Urës së Ibrit, Kurti s’ka dhënë ndonjë përgjigje konkrete, por ka shtuar se do të diskutohen të gjitha pikat e marrëveshjes së Ohrit.

    Kurti u tha gazetarëve se përgjigjen për atë se çfarë do të diskutohet në Bruksel jo vetëm që e ka dëgjuar ata, por edhe zëvendëskryeministri Besnik Bislimi.

    “Pesë fjali në preambulë, 11 nene në marrëveshjen bazë, 12 pika në aneksin e zbatimit dhe kjo duhet të ketë implemntim të plotë pa vonesa dhe pa kushte”.

    “Kjo është ajo cfarë do të diskutohet në takimi e radhës në Bruksel. Dhe jo vetëm që më dëgjuat edhe ju, por edhe zv.kryeministri Besnik Bislimi”, tha ai.

  • Shefja e USAID kërkon Asociacionin në emër të Bidenit: Dialogu duhet përfundojë me njohje reciproke

    Shefja e USAID kërkon Asociacionin në emër të Bidenit: Dialogu duhet përfundojë me njohje reciproke

    Administratorja e Agjencisë Amerikane për Zhvillim Ndërkombëtar (USAID), Samantha Power, tha se krijimi i Asociacionit të komunave me shumicë serbe është hap thelbësor për të siguruar vazhdimin e procesit të normalizimit të marrëdhënieve ndërmjet Kosovës dhe Serbisë, raporton Eonomia Online.

    Power, në një konferencë të përbashkët me kryeministrin Albin Kurti dha mesazhet e Administratës Biden për marrëveshjen e fundit të arritur ndërmjet dy vendeve.

    Sipas saj, është urgjente krijimi i Asociacionit dhe zbatimi i marrëveshjes. Power shtoi se procesi i normalizimit të përfundojë me njohje reciproke dhe se ky vazhdon të jetë qëndrimi i Shteteve të Bashkuara të Amerikës.

    “Si përfaqësuese e Administratës së Biden kam ardhur që të përforcoj mesazhin që Administrata e Biden e ka thënë në lidhje me rëndësinë e implementimit të marrëveshje që do të prodhojë një normalizim që do të jetë tejmase i rëndësishëm për Kosovën dhe Serbinë. Normalizimi do të jetë i dobishëm për biznesin”.

    “Kemi pas bisedime të gjera në orët e fundit në lidhje me urgjencën e krijimit të Asociacionit, si dhe urgjencën për zbatimin e plotë të të gjitha aspekteve të marrëveshjes. Kemi shpresë që palët do të kalojnë në fazat e ardhshme të dialogut me propozime specifike”.

    “Zgjedhjet politike që i kemi para vetes janë shumë të vështira. Në emër të SHBA dhe Biden dua të nënvizoj edhe njëherë urgjencën për të lëvizur përpara me implementimin dhe po ashtu rëndësinë e diskutimeve të ndërmjetësuara nga Lajçak. E kemi bërë të qartë përmes Chollet dhe Escobar i kemi cekur cilat janë parimet dhe besoj që në çdo Asociacion duhet t’i përmbahen atyre kushteve dhe kemi besimin që me sinqeritet dhe këto çështje të zgjidhen në mënyrë specifike dhe të ndihmojnë në progres dhe mund të bëhen avancime të mëdha në ditët në vijim”.

  • Lajçak: Takimi i së hënës ndërmjet kryenegociatorëve është mundësi e mirë për hapa konkretë

    Lajçak: Takimi i së hënës ndërmjet kryenegociatorëve është mundësi e mirë për hapa konkretë

    Emisari i Bashkimit Evropian për dialogun Kosovë-Serbi, Miroslav Lajçak ka zhvilluar sot takim me presidentin e Serbisë, Aleksandër Vuçiq dhe kryenegociatorin Petar Petkoviq.

    Pas takimit, Lajçak është shprehur se takimi i së hënës është mundësi e mirë për t’u pajtuar për hapat e ardhshëm.

    “Takimi i kryenegociatorëve të hënën e ardhshme është një mundësi e mirë për t’u pajtuar për hapat e ardhshëm dhe konkretë.”, ka shkruar Lajçak në Twitter.

    Emisari i BE-së për dialogun Kosovë-Serbi, Miroslav Lajçak ka zhvilluar dje takim me kryeministrin Albin Kurtin, kryenegociatorin Besnik Bislimi, kryetarin e Mitrovicës, Bedri Hamzën dhe me përfaqësues të Listës Serbe.

    Lajçak ka deklaruar se ka zhvilluar diskutim të rëndësishëm me kryeministrin Kurti për rrugën përpara në procesin drejt normalizimit. Ndërsa, Kurti është shprehur se në takimin me emisarin e BE ka theksuar nevojën që marrëveshja bazë të zbatohet tërësisht.

    Kujtojmë që, në Bruksel më 2 maj Kosova dhe Serbia janë pajtuar për Deklaratën për të Zhdukurit, ku të dy vendet do të shtonin përpjekjet për zbardhjen e fatit të 1643 personave të pagjetur nga lufta e fundit. Ndërsa, në këtë takim është prezantuar edhe draft-statuti i Asociacionit të komunave me shumicë serbe nga Ekipi Menaxhues, tashmë i shkarkuar, në përbërje të serbëve të zgjedhur nga kreu i Listës Serbe, Goran Rakiq në kohën sa ka qenë zëvendëskryeministër në Qeverinë Hoti./KosovaPress

  • Sulmuesve të gazetarit Valon Syla iu ndërpritet paraburgimi, lihen në arrest shtëpiak

    Sulmuesve të gazetarit Valon Syla iu ndërpritet paraburgimi, lihen në arrest shtëpiak

    Gjykata Themelore e Prishtinës ka vendosur që të dyshuarve L.D., K.H., dhe O.K., për sulm fizik ndaj gazetarit Valon Syla, t’ua ndërpresë masën e paraburgimit dhe t’ua zëvendësojë me masën e arrestit shtëpiak, në kohëzgjatje prej dy muajsh.

    Lajmin për Gazetën Express e ka konfirmuar zëdhënësja e Gjykatës Themelore të Prishtinës, Mirlinda Gashi.

    Ajo tha se gjyqtari i procedurës paraprake sot ka refuzuar kërkesën e prokurorisë për vazhdimin e masës së paraburgimit dhe të njëjtëve i është caktuar masa e arrestit shtëpiak deri më 12 korrik 2023.

    “Duke ju referuar kërkesës tuaj për informata, ju njoftojmë se Gjykata Themelore në Prishtinë – Departamenti Special ka vendosur lidhur me kërkesën e Prokurorisë Speciale të Republikës së Kosovës, për vazhdimin e masës së paraburgimit në çështjen penale kundër të pandehurve L.D, K.H dhe O.H, për shkak të dyshimit të bazuar se kanë kryer veprën penale Nxitja e përçarjes dhe mos durimit nga neni 141 paragrafi 3 lidhur me paragrafi 1 lidhur me nenin 31 të Kodit Penal të Republikës se Kosovës. Gjyqtari i procedurës paraprake me datë 12.05.2023 ka marr Aktvendim dhe ka refuzuar kërkesën e Prokurorisë Speciale të Republikës së Kosovës, për vazhdimin e masës së paraburgimit në çështjen penale kundër të pandehurve L.D, K.H dhe O.H, ashtu që të njëjtëve ju është zëvëndësuar masa e paraburgimit me masën e arrestit shtëpiak në kohëzgjatje prej 2 (dy) muaj, arresti shtëpiak vazhdohet deri me datën 12.07.2023, tha Gashi.

    Zëdhënësja Gashi tha se gjykata ka detyruar policinë që ta verifikojë zbatimin e masës ndaj tre të dyshuarve.

    “Të pandehurit L.D, K.H dhe O.H janë njoftuar nga gjykata se konform nenit 181 pika 5 të KPPRK-së, gjykata mund të caktoj masën më të rëndë – masën e paraburgimit, nëse të njëjtit nuk e respektojnë masën e shqiptuar – arrestin shtëpiak. Gjykata ka detyruar Policinë e Kosovës, ta verifikojnë zbatimin e kësaj mase dhe në rast të mosrespektimit të saj, të njoftohet gjyqtari i procedurës paraprake në këtë çështje penale. Masa e arrestit shtëpiak kundër të pandehurve L.D, K.H dhe O.H, iu është caktuar në bazë të nenit 181 lidhur me nenin 184 paragrafi 1 nën paragrafi 1.2 të KPPRK-së”, tha Gashi.

    “Kundër këtij aktvendimi pala e pakënaqur ka të drejtë ankese në Gjykatën e Apelit të Kosovës në Prishtinë, përmes Gjykatës Themelore në Prishtinë – Departamenti Special”, përfundoi Gashi.

  • Trafiku Urban me njoftim të rëndësishëm për qytetarët

    Trafiku Urban me njoftim të rëndësishëm për qytetarët

    Trafiku Urban ka njoftuar qytetarët se nesër dhe pasnesër do të ketë ndryshim të përkohshëm të qarkullimit për linjat Nr.1A dhe Nr.7C, meqë do të zhvillohen punime në rrugën “Ukshin Hoti”.

    Përmes një njoftimi në faqen zyrtare, Trafiku Uban ka bërë me dije se qarkullimi i këtyre linjave do të realizohet përmes Bulevardit “Bill Klinton”.

    “Në bazë të vendimit të Komunës së Prishtinës të datës 03.05.2023, se Ndërmarrja Publike “Termokos” me datë 13.05.2023 dhe 14.05.2023 do të zhvilloj punime në rrugën “Ukshin Hoti”. Trafiku Urban njofton qytetarët se do të ketë ndryshim të përkohshëm për linjat Nr. 1A dhe Nr. 7C. Qarkullimi i këtyre linjave do të realizohet përmes Bulevardit “Bill Klinton””, thuhet në njoftim.

  • Vuçiq vazhdon propagandën kundër Kosovës, nuk dënon as agresionin rus në Ukrainë

    Vuçiq vazhdon propagandën kundër Kosovës, nuk dënon as agresionin rus në Ukrainë

    Presidenti i Serbisë, Aleksandër Vuçiq ka deklaruar se nuk do të shkojë në Samitin e Rejkjavikut, ku do të diskutohet për Ukrainën. Ndërksa ka vazhduar propagandën e tij kundër Kosovës.

    Pas takimit me ndërmjetësuesin e Bashkimit Evropian për dialog, Miroslav Lajçak, Vuçiq sërish akuzoi kryeministrin e Kosovës se gjoja ka “nevojë të zjarrtë për incidente dhe konflikte në mënyrë që të shpërthejë një lloj lufte”.

    “Sot kam pritur, folur me Miroslav Lajçakun, dhe jam shumë, shumë i shqetësuar për situatën në Kosovë, veçanërisht për situatën në veri të Kosovës. Dhe do të mundohem të jem shumë i shkurtër, këtë ia thashë edhe ndërmjetësit që vjen nga Bashkimi Evropian, që shqetësimi im buron nga nevoja e zjarrtë e Albin Kurtit për të shkaktuar incidente, për të nxitur konflikte dhe nga pasioni i pabesueshëm me të cilin ai dëshiron të shpërthejë një lloj lufte, një lloj konflikti në të cilin ai do të ishte një hero i madh shqiptar”, tha ai.

    Ai ka komentuar vendimin e Qeverisë për shpronësimin e tokës për interes publik në Leposaviq dhe Zubin Potok, derisa ka kritikuar edhe shtetet e QUINT-it, duke i quajtur të “paafta” dhe “naive”.

    “Dhe se kjo është gjëja e fundit që ka bërë me shpronësime, që bie ndesh edhe me rregulloret e tyre, se gjithçka që bëjnë është aq e keqe sa thjesht nuk kam fjalë, se jam i shqetësuar sepse mendojnë të marrin me dhunë hapësira të caktuar dhe se jam veçanërisht i shqetësuar për shkak në QUNIT-it, bëhen të paaftë dhe naivë, sepse ndonjëherë ju mjaftojnë edhe 3% e të dalurve në zgjedhje për zgjedhje legjitime, e ndonjëherë 50% nuk është as afër legjitimitetit që kërkojnë aq shumë për parimet”, tha ai.

    E sa i përket Samitit të Rejkjavikut, ai tha se në këtë samit, Serbia do të përfaqësohet në nivel të ulët dhe se e njëjta do të abstenojë për deklaratën kundër agresionit të Rusisë në Ukrainë.

    “Kam marrë një vendim, pasi nuk është shumë e zgjuar që ne të jemi vetëm dhe të ekspozohemi ndaj ngacmimeve të përgjithshme nga Evropa, por pas një vendimi të tillë, në të cilin na bëjnë të qartë se janë gati të shkelin integritetin e Serbisë dhe Kartën e Kombeve të Bashkuara, mora një vendim në përputhje me marrëveshjen që bëmë me Ana Bërnabiqin dhe ministrin e Punëve të Jashtme, Ivica Daçiq, se Republika e Serbisë do të përfaqësohet në nivelin më të ulët, kështu që unë nuk do të shkoj në Rejkjavik dhe Republika e Serbisë nuk do të votojë për deklaratën e tyre, por ne do të abstenojmë”, tha ai.

    Ndryshe, Samiti i Rejkjavikut do të mbahet më 16-17 maj dhe është një përgjigje e shteteve anëtare të KE-së kundër agresionit të Federatës Ruse ndaj Ukrainës.

  • Lajçak: Takimi i së hënës ndërmjet kryenegociatorëve është mundësi e mirë për hapa konkretë

    Lajçak: Takimi i së hënës ndërmjet kryenegociatorëve është mundësi e mirë për hapa konkretë

    Emisari i Bashkimit Evropian për dialogun Kosovë-Serbi, Miroslav Lajçak ka zhvilluar sot takim me presidentin e Serbisë, Aleksandar Vuçiq dhe kryenegociatorin Petar Petkoviq.

    Pas takimit, Lajçak është shprehur se takimi i së hënës është mundësi e mirë për t’u pajtuar për hapat e ardhshëm.

    “Takimi i kryenegociatorëve të hënën e ardhshme është një mundësi e mirë për t’u pajtuar për hapat e ardhshëm dhe konkretë.”, ka shkruar Lajçak në Twitter.

    Emisari i BE-së për dialogun Kosovë-Serbi, Miroslav Lajçak ka zhvilluar dje takim me kryeministrin Albin Kurtin, kryenegociatorin Besnik Bislimi, kryetarin e Mitrovicës, Bedri Hamzën dhe me përfaqësues të Listës Serbe.

    Lajçak ka deklaruar se ka zhvilluar diskutim të rëndësishëm me kryeministrin Kurti për rrugën përpara në procesin drejt normalizimit. Ndërsa, Kurti është shprehur se në takimin me emisarin e BE ka theksuar nevojën që marrëveshja bazë të zbatohet tërësisht.

    Kujtojmë që, në Bruksel më 2 maj Kosova dhe Serbia janë pajtuar për Deklaratën për të Zhdukurit, ku të dy vendet do të shtonin përpjekjet për zbardhjen e fatit të 1643 personave të pagjetur nga lufta e fundit. Ndërsa, në këtë takim është prezantuar edhe draft-statuti i Asociacionit të komunave me shumicë serbe nga Ekipi Menaxhues, tashmë i shkarkuar, në përbërje të serbëve të zgjedhur nga kreu i Listës Serbe, Goran Rakiq në kohën sa ka qenë zëvendëskryeministër në Qeverinë Hoti. /kp

  • Hyseni: Komunën e morëm me 26 milionë euro borxhe, 7 milionë i kemi paguar qysh në 11 muajt e parë të qeverisjes sonë

    Hyseni: Komunën e morëm me 26 milionë euro borxhe, 7 milionë i kemi paguar qysh në 11 muajt e parë të qeverisjes sonë

    Kryetari i Gjilanit, Alban Hyseni, në një bisedë për Rubrikën “Komuna” në emisionin e mëngjesit ALARM në ATV, tha se një prej sfidave kryesore i kanë pasur pasi kanë marrë udhëheqjen e komunës, kanë qenë borxhet që i kanë trashëguar, të cilat sipas tij kanë qenë mbi 26 milionë euro.

    Ai tha se brenda 11 muajve të parë kanë paguar mbi 7 milionë euro borxhe, ndërsa këtë vit i kanë të planifikuara 2.5 milionë.

    “Tash ku jam në detyrë po më bëhet edhe më e qartë se sa është e vështirë të menaxhohet me një komunë të madhe sidomos kur ka probleme shumë. Një prej sfidave kryesore i kemi pasur borxhet që i kemi trashëguar në komunë, janë mbi 26 milionë euro borxhe në total që i kemi trashëguar. Në 11 muajt e parë i kemi paguar mbi 7 milionë euro borxhe, këtë vit i kemi të planifikuara 2.5 milionë, besoj se do të shtojmë edhe një vlerë tjetër sepse procedurat ligjore, pra përmbaruesit privat nuk presin dhe në këtë formë besoj që në këtë vit do të lirohemi nga një pjesë e madhe e borxheve që i kemi”, tha Hyseni. /atvlive.tv

    Emisionin e plotë e gjeni në videon më poshtë:

  • Alban Hyseni tregon metodën si arriti ta mposhtë Lutfi Hazirin në Gjilan

    Alban Hyseni tregon metodën si arriti ta mposhtë Lutfi Hazirin në Gjilan

    Kryetari i Gjilanit, Alban Hyseni, në një bisedë për Rubrikën “Komuna” në emisionin e mëngjesit ALARM në ATV, ka treguar arsyet që ai beson se është votuar nga gjilanasit, duke e mposhtur Lutfi Hazirin, i cili për disa vite ishte në krye të kësaj komune.

    Ai tha se beson që fitorja e tij ka ardhur për disa arsye, e një prej tyre ka qenë sepse dy vite më parë kishte pasur vizita të shumta me qytetarë.

    “Ka shumë vizita që unë i kam realizuar dy vite para zgjedhjeve që janë mbajtur, lokale në vitin 2021, një prej arsyeve ka qenë sigurisht kjo. Arsyeja kryesore për bindjen time është se ne jemi paraqitur në realitet ashtu siç kemi qenë, pra e kemi hartuar një program politik për qeverisje në bazë të nevojave të banorëve që i kemi identifikuar gjatë vizitave. Ndërkohë që paraqitjet tona publike kanë qenë të sinqerta për nga diskutimi e përmbajtja. Kemi qenë shumë të fokusuar se çka do të bëjmë e jo që të kritikojmë atë që nuk është bërë. Pra veç ajo çka kemi prezantuar se çka duhet të ndryshojmë ka qenë vet kritikë për punët që nuk janë realizuar më herët”, tregon Hyseni.

    Arsyeja kryesore pse ka fituar Lëvizja Vetëvendosje në Gjilan, sipas tij ka qenë se në përgjithësi në Kosovë, qytetarët ishin lodhur prej politikave të zakonshme të pushteteve të më hershme.

    “Një element i veçantë ka qenë që duke e njohtë edhe mendësinë e qytetarëve të Gjilanit dhe anamoravës, duke e ditur se ne jemi pak më të urtë me gjasë së regjionet e tjera, kemi besuar që duhet të fokusohemi sidomos në planifikimet që i kemi për komunën e Gjilanit dhe nevojat ato çfarë iu duhet qytetarëve tanë, se sa të bërtasim dhe të shahemi me kundërshtarët tonë nëpër debate politike. Por kryesore besoj që në përgjithësi në vendin tonë njerëzit janë lodhur prej politikave të zakonshme. Kërkojnë diçka që është më ndryshe dhe unë besoj se kemi paraqitur një risi në skenën politike përgjithësisht sepse qasja ka qenë më unike për dallim prej të tjerëve dhe kjo besoj se e ka bërë diferencën”, vlerësoi Hyseni. /atvlive.tv

    Emisionin e plotë e gjeni në videon më poshtë:

  • Vazhdon beteja për Bahmutin, Moska mohon përparimet e Ukrainës

    Vazhdon beteja për Bahmutin, Moska mohon përparimet e Ukrainës

    Luftime të ashpra midis forcave ukrainase dhe ruse po vazhdojnë në Bahmut, qyteti i Donjeckut që ka qenë fokusi kryesor i ofensivës së Moskës në rajonin e Donbasit, përderisa raportohet se Kievi ka fituar në zona të caktuara të frontit, ndërsa vendi përgatitet për një kundërsulm të shumëpritur.

    Shtabi i Përgjithshëm i Forcave të Armatosura të Ukrainës raportoi se në 24 orët e fundit, forcat ukrainase u mbrojtën me sukses kundër 44 sulmeve ruse në Bahmut, ndërsa vija e frontit Bahmut-Avdivka-Marinka vazhdon të bombardohet rëndë nga forcat ruse.

    Më 11 maj, u raportua për përparime të Ukrainës në rajone të ndryshme, duke përfshirë Bahmutin, por Rusia shpejtoi t’i mohonte ato. Mohimet qarkulluan nga blogerët ushtarakë pro-Moskës dhe Yevgeni Prigozhin, kreu i grupit mercenar Wagner që ka luajtur një rol kyç në betejën për Donjeckun.

    Ministria ruse e Mbrojtjes deklaroi se “situata në zonën e operacionit special ushtarak ishte nën kontroll”, shkruan Rel.

    Zëdhënësi i Kremlinit Dmitry Peskov gjithashtu u përpoq të qëndronte optimist, duke thënë se “operacioni special ushtarak” kundër Ukrainës kishte qenë sfidues, por këmbënguli se disa qëllime ishin arritur.

    Prigozhin pretendoi më 11 maj se kundërofensiva e Ukrainës ishte tashmë duke u zhvilluar.

    Në zonën e Bahmutit, tha ai, forcat e armatosura ukrainase “po godasin krahët tanë dhe, për fat të keq, në disa vende ato janë të suksesshme”.

    Presidenti Volodymyr Zelensky hodhi poshtë raportimet, duke thënë në një intervistë me transmetuesit evropianë se Kievi po vonon fillimin e kundërofensivës sepse i mungojnë armët perëndimore për të pasur sukses pa pësuar shumë viktima.

    “Ne mund të shkojmë përpara dhe të jemi të suksesshëm. Por ne do të humbnim shumë njerëz. Unë mendoj se kjo është e papranueshme. Kështu që duhet të presim. Na duhet akoma pak më shumë kohë… Përsa i përket pajisjeve, jo gjithçka që na duhet ka ardhur “, citohet të ketë thënë ai.

    Përgatitjet e Ukrainës për një kundërofensivë morën një shtytje të rëndësishme më 11 maj, kur Britania njoftoi se po furnizonte atë me raketa me rreze të gjatë, duke i dhënë Kievit aftësinë për të goditur trupat ruse.

    Ministri i Mbrojtjes Ben Wallace u konfirmoi ligjvënësve britanikë se Mbretëria e Bashkuar do t’i dhurojë Ukrainës raketat Storm Shadow.