ATV

Category: Lajme

  • Grupi i përbashkët punues nuk ka nisur ende punën, dialogu mund të zvarritet

    Grupi i përbashkët punues nuk ka nisur ende punën, dialogu mund të zvarritet

    Pa asnjë darkordim për sekuencimin e zbatimit të marrëveshjes së Brukselit dhe shtojcës së Ohrit, përfundoi takimi i së hënës ndërmjet kryenegociatorëve të Kosovës dhe Serbisë, Besnik Bislimi dhe Petar Petkoviç.

    Pajtim nuk pati për termat e referencës të Komitetit të Përbashkët Mbikëqyrës e as të Grupit të Përbashkët punues për të zhdukurit, pasi, sipas kryenegociatorit Bislimi, Petkoviç ishte i interesuar të diskutonte vetëm për Asociacionin.

    Për takimin e parë të Grupit Punues për të pagjeturit u përmend një afat prej 60 ditësh, i cili varet fillimisht nga miratimi i termave të referencës që, eventualisht, duhet të bëhet në një takim tjetër të kryenegociatorëve.

    Teksa konstaton se marrëveshja është në pikën zero të zbatimit, Fitim Mulolli nga PolCon nuk pret që diskutimet të marrin epilog të shpejtë.

    “Jo të barten pas verës, por sigurisht edhe 2024-ta do të na zërë, sepse, po e përsëris, aq shumë ka terminologji të përgjithshme dhe të paqartë në atë marrëveshje të Ohrit dhe do të duhet të formohen grupe e nëngrupe punuese, do të duhet të hartohen udhëzues e manuale zbatimi etj., për të arritur në një fazë për të qenë të gatshëm për zbatim e lëre më për të pasur zbatim të plotë të asaj marrëveshjeje”, tha Mulolli.

    Teksa përmend se marrëveshja ishte arritur për shkak të presionit ndërkombëtar dhe jo vullnetit të palëve, opinionisti Bekim Kabashi vlerëson se Asociacioni është pikë kyçe dhe se çështjet e tjera përdoren për zvarritje të procesit.

    “Nuk kemi parë vullnet asnjëherë që Kosova dhe Serbia të gjejnë një pajtim për çfarëdo teme qoftë ajo. E kemi palën kosovare, e cila insiston në temat e tjera dhe refuzon të diskutojë për asociacionin. E dëgjuam kryeministrin Kurti që tha se pika 7 nuk është detyrimisht pika që duhet të zbatohet e para, në anën tjetër kemi Serbinë që insiston për Asociacionin”, tha Kabashi.

    Më 27 Shkurt, në Bruksel, Kosova dhe Serbia arritën Marrëveshjen për rrugën drejt normalizimit, ndërsa më 18 Mars, në Ohër, u pajtuan për aneksin e zbatimit.

    Hapat e vetëm konkretë, deri tani, janë miratimi i Deklaratës për të zhdukurit dhe prezantimit të draft-statutit të Asociacionit të komunave me shumicë serbe. /atvlive.tv

    Edicionin Qendror të lajmeve e gjeni në videon më poshtë:

  • Osmani dhe Kurti kërkuan nga BE-ja të ketë qëndrim më të qartë në raport me shkeljet

    Osmani dhe Kurti kërkuan nga BE-ja të ketë qëndrim më të qartë në raport me shkeljet

    Kryeministri Albin Kurti këmbëngul se vetëmenaxhimi i komunitetit serb apo Asociacioni i komunave me shumicë serbe, nuk është pika e parë e as e vetmja në marrëveshjen për rrugën drejt normalizimit të marrëdhënieve Kosovë – Serbi.

    Draft-dokumenti i sekuencimit të zbatimit, të cilin ua ka prezantuar Përfaqësuesi i Posaçëm, Miroslav Lajcak, sipas kryeministrit, nuk mund të bëhet marrëveshje nëse ka në fokus vetëm nenin 7.

    “Nuk e përmban neni shtatë marrëveshjen, por marrëveshja nenin shtatë. Këtë gjë zëvendësi im dhe kryenegociatori Bislimi e ka bërë shumë të qartë në takimin e djeshëm që e ka pasur me kryenegociatorin e Serbisë me ndërmjetësimin e zotëri Lajçakut. Ne kemi theksuar se dëshirojmë një plan zbatimi i cili është i hollësishëm, konkret, serioz, i balancuar dhe gjithëpërfshirës. Nuk mund të jetë plani i zbatimit të sekuencuar për marrëveshjen që kemi bërë vetëm në nenin shtatë”, tha Kurti.
    Ai kërkoi që BE-ja të reagojë për shkeljet që Serbia ia ka bërë marrëveshjes.

    “Deri më sot nga ndërmjetësit nuk kemi një qëndrim sa i përket denoncimit tonë për shkeljet e Serbisë. Ne jemi të interesuar për zbatim të plotë të menjëhershëm të marrëveshjes, pa kushte dhe pa vonesa”, tha Kurti.

    Ndërkaq, presidentja Vjosa Osmani kërkoi që Bashkimi Evropian të mos e interpretojë marrëveshjen në atë formë që Asociacioni të vendoset si parakusht për zbatimin e tërësisë së dakorduar.

    “Ne presim që BE-ja të mos kërkojë që të zbatohen gjëra për të cilat nuk jemi pajtuar. Ndërkaq, të kërkohet pikërisht ajo që janë pajtuar Kosova dhe Serbia. Ne presim akoma që BE-ja të jetë e qartë në raport me shkeljet e Serbisë, deri tani nuk e kemi pa një gjë të tillë”, tha Osmani.

    Më 11 Maj, gjatë vizitës në Prishtinë, Përfaqësuesi i Posaçëm i BE-së, Miroslav Lajcak, i prezantoi kryeministrit një draft-dokument për metodologjinë e zbatimit të nenit 7, për vetëmenaxhimin e komunitetit serb.

    Por, zëvendëskryeministri Besnik Bislimi në Bruksel tha se nuk mund të ketë draft të metodologjisë, pa pasur plan të zbatimit për marrëveshjen në tërësi. /atvlive.tv

    Edicionin Qendror të lajmeve e gjeni në videon më poshtë:

  • ‘’Deklarata e Ohrit e errët dhe e paqartë’’ – Qerkini kritik për Marrëveshjen në Ohër

    ‘’Deklarata e Ohrit e errët dhe e paqartë’’ – Qerkini kritik për Marrëveshjen në Ohër

    Kryetari i Qendrës Burimore për Persona të Zhdukur, Bajram Qerkini, në një prononcim për ATV-vë, tha se Deklarata e Ohrit për personat e pagjetur, për ta ka qenë e errët dhe e paqartë.

    “Deklarata e cila ka qenë në Ohër është e errët, gjoja se tash në Bruksel do të sqarohet dhe do të jetë një deklaratë e dakordume ose ajo çka është folur apo është fillu, të folët ose vendoset në Bruksel kur të nënshkruajnë dy palët, kur të merren vesh Vuçiq dhe Kurti”, tha Qerkini.

    Ai tha se çfarë ndodhi në Bruksel dhe për çka kanë biseduar Kurti e Vuçiq, nuk e ka ditur.

    “Çfarë ka ndodhur, ka ndodhur se kanë biseduar por se çka nuk e kemi ditur. Pardje kanë shkuar për së dyti për të vazhduar temën të cilën e kanë lënë për personat e pagjetur. Ato politike nuk po i flas. Sipas deklaratës të cilën e ka dhënë Besnik Bislimi kur është kthy, ai ka folë shumë shkurt. Atë natë ka thënë se nuk o morëm vesh për ato çka kemi bisedu, por iu ka interesu veç Asociacioni e aspak këto pikat e tjera”, tha Qerkini. /atvlive.tv

    Emisionin e plotë e gjeni në videon më poshtë:

  • ​Njësia A-5 në KEK, sërish jashtë funksionit?

    ​Njësia A-5 në KEK, sërish jashtë funksionit?

    Njësia A-5 e Termocentralit “Kosova A” duket se sërish ka dal nga funksioni i prodhimit, pak ditë pas rikthimit nga remonti.

    Deputetja e Lidhjes Demokratike të Kosovës, Hykmete Bajrami ka thënë se pa u bërë ende 10 ditë, blloku A5 ka dalë prapë jashtë funksionit.

    Megjithatë, zyrtarë nga Korporata Energjetike e Kosovës (KEK) nuk kanë qenë të qasshëm për të verifikuar këtë njoftim të deputetes Bajrami.

    Ndërsa, këshilltarja për media e ministres së Ekonomisë, Edita Pozhegu ka thënë për KosovaPress se nuk e ka një informacion të tillë, mirëpo ka kërkuar nga media që të kontaktohet ndërmarrja publike, në këtë rast KEK-u.

    “Pa u bë ende 10 ditë, blloku A5 del prapë jashtë funksionit. Thoshin se do të ndalet ”gjakderdhja finaciare”, këta dojnë me i qitë në ”komë” ndërmarrjet publike. Ministrja e pat cilësu dhuratë kthimin në punë të bllokut A5, doli të jetë dhuratë, se vetëm dhuratat zgjasin kaq pak. Për qendrushmëri duhet punë konsistente – don me ju shku mandati pa e kuptu këtë gjë”, ka shkruar Bajrami në Facebook.

  • Avokati: Familja dhe shtëpia e Naser Pajazitajt është sulmuar me armë zjarri

    Avokati: Familja dhe shtëpia e Naser Pajazitajt është sulmuar me armë zjarri

    Ahmet Tahiri, avokati i Naser Pajazitajt, i cili ishte liruar nga akuza për veprën penale ‘Vrasja e rëndë’, ka deklaruar se shtëpia e klientit të tij është sulmuar me armë zjarri.

    Sipas tij, incidenti ka ndodhur sot rreth orës 02:00. Ai shprehet se është traumatizuar Pajazitaj bashkë me famijlen e tij.

    “Mbreme familja dhe shtepia e Naser Pajazitajt eshte sulmuar me arme zjarri rreth ores 02:00 te mengjesit duke traumatizuar Naserin dhe familjen e tij”, shkroi ai në Facebook.

    “Lusim organet e drejtesise, perkatesishte Policine dhe Prokurorine Themelore ne Peje qe sa me pare te zbulohet ky rast dhe personat qe kane kryer kete veper sa me pare te vihen para drejtesise dhe te marrin denimin e merituar”.

  • Ministri Çeku vizitoi KOK-un, mësohet arsyeja

    Ministri Çeku vizitoi KOK-un, mësohet arsyeja

    Ministri i Ministrisë së Kulturës, Rinisë dhe Sportit (MKRS) Hajrulla Çeku së bashku me zëvendës-ministren, Daulina Osmani vizituan sot Komitetin Olimpik të Kosovës (KOK), ku u pritë nga presidenti Ismet Krasniqi dhe sekretari i përgjithshëm, Besim Aliti.

    Aryseja e kësaj vizite ishte kandidatura e Kosovës për të organizuar Lojërat Mesdhetare Prishtina 2030, raporton KosovaPress.

    Të palët u pajtuan për të vazhduar bashkëpunimin në kryerjen e punëve para vizitës së komisionit inspektues të Komitetit Ndërkombëtar të Lojërave Mesdhetare (ICMG), në muajin korrik të këtij viti.

    Po ashtu, KOK dhe MKRS diskutuan edhe për bashkëpunimin mes dy institucioneve, si dhe pjesëmarrjen e Kosovës në Lojërat Evropiane Krakow dhe Malopolska 2023, EYOF-in veror Maribor 2023, Lojërat Frankofone Kinshasa 2023, si dhe Lojërat Mesdhetare në rërë Heraklion 2023.

  • ​Vitia: Së shpejti rezonanca magnetike dhe investime të shumta në Spitalin e Përgjithshëm të Prizrenit

    ​Vitia: Së shpejti rezonanca magnetike dhe investime të shumta në Spitalin e Përgjithshëm të Prizrenit

    Ministri i Shëndetësisë, Arben Vitia ka bërë të ditur se gjatë këtij viti do ta furnizojë Spitalin e Përgjithshëm të Prizrenit me rezonancën magnetike, e cila do të jetë në dispozicion për banorët e Komunës së Prizrenit, por edhe të banorëve të komunave përreth.

    Vitia i bëri këto komente pas vizitës në këtë spital, të cilin e vizitoi bashkë me zv/ministrin Arsim Berisha, të shoqëruar nga u.d drejtoresha e ShSKUK-së, Narqize Arenliu – Hoxhaj dhe zv/drejtori, Hasan Arzoallxhiu.

    Ministri Vitia theksoi intensifikimin e bashkëpunimit ngaqë, siç u shpreh, Spitali i Përgjithshëm i Prizrenit është spitali më i madh regjional që ofron shërbime edhe për shtetasit e Shqipërisë.

    “Deri në muajin shtator ose tetor, spitali i Prizrenit do të pajiset edhe me rezonancën magnetike, një shërbim i munguar për qytetarët. Gjatë këtij viti do të përfundoj edhe pjesa e Kardiologjisë Invazive që do të ndikojë në shtimin e shërbimeve. Shërbimet e Kardiologjisë Invazive për herë të parë do të ofrohen në një spital regjional, e jo vetëm në QKUK. Shërbimet si koronografitë dhe stentimet do të mundësohen edhe në këtë spital. Një lajm tjetër i rëndësishëm është se tashmë janë bërë planifikimet që një pjesë e shërbimeve onkologjike të merren edhe në këtë spital. Forcimi i kapaciteteve të spitaleve regjionale, do shkarkojë edhe fluksin e kërkesave në QKUK”, tha ministri Vitia.

    Sipas ministrit Vitia, përpos investimeve që do të realizohen gjatë këtij viti, në kuadër të planifikimeve të Shërbimit Spitalor Klinik Universitar, janë planifikuar investime në projekte të cilat do të avancojnë shërbimet për qytetarët.

    Më pas ministri Vitia bashkë me zv/ministrin Berisha dhe udhëheqësit e Spitalit të Përgjithshëm të Prizrenit, vizituan hapësirën e repartit që në të ardhmen do të ofrojë shërbimet e Kardiologjisë Invazive, Repartin e Kirurgjisë, Qendrën për Dializë si dhe hapësirën ku do të vendoset rezonanca magnetike.

    Gjatë kësaj vizite, ministri Vitia u njoftua gjithashtu edhe për mbarëvajtjen e “Objektit spitalor për nënën dhe fëmijën” që ka për qëllim përmirësimin e kujdesit ndaj shëndetit të popullatës, veçanërisht të kujdesit ndaj shëndetit të nënës e fëmijës.

  • ​RAI3: Vjosa, lumi i egër i Evropës e mbushur me vlera dhe potenciale

    ​RAI3: Vjosa, lumi i egër i Evropës e mbushur me vlera dhe potenciale

    Nga malet e Pindit tek grykëderdhja e Adriatikut. Lumi i Vjosës me degët e tij përshkruan 400 kilometra nga Veriu i Greqisë. Nga Shqipëria, brigjet e Vjosës banohen nga 1 100 specie dhe kafshë barngrënëse. Një zonë e blertë me një peizazh panoramik, sipas një dokumentari në televizionin italian Rai3, i cili promovon vlerat turistike të lumit Vjosa.

    ”Lumi i Vjosës i u shpall një park kombëtar nga qeveria shqiptare, shembull i parë i një parku të egër në Evropë dhe së shpejti mund të shpallet biosfera e UNESCO-s.

    Vendimi i qeverisë së Tiranës për ta shpallur ”Zonë të Mbrojtur” erdhi pas shumë vitesh betejash nga qytetarë dhe organizata të ndryshme ambientaliste kundër ndërtimit të hidrocentraleve dhe digave duke arritur edhe në thirrjen e aktorit të Hollivudit Leonardo DiCaprio”, thotë RAI3, i cili interviston edhe ministren e Turizmit dhe Mjedisit, Mirela Kumbaro.

    ”Lumi i Vjosës nuk është një lumë si gjithë të tjerët. Është një lumë i rëndësishëm jo vetëm për Shqipërinë, por edhe për Evropën. Do të thosha më shumë. Është i vetmi lumë i egër i Evropës. Do të thosha që vendet e tjera të Europës me lumenjtë e tyre kanë bërë çfarë kanë dashur, i kanë zhvilluar, kanë ndërhyrë, ndërsa Shqipëria e vogël ka dhënë modelin që mund të mbrohet ky laborator natyral i biodiversitetit”, thotë Kumbaro.

    ”Vjosa quhet i egër pasi në të nuk ka diga, hidrocentrale, rrjedh i lirë në rrugëtimin e tij, duke favorizuar bujqësinë dhe nga pikëpamja e peshkimit ka disa lloje specie që rriten në këto ujëra. Në shkurtin e kaluar ky lumë u vizitua edhe nga drejtoresha e përgjithshme, Odri Azule e shoqëruar nga ministrja Kumbaro. Në muajt e ardhshëm ky lumë mund të marrë çmimin prestigjioz të Biosferës të agjencisë së OKB-së”, vijon RAI3.

    ”Ideja është që të ndihmojë komunitetin vendas. Është diçka tjetër të ndryshosh natyrën. Është ndryshe ta quash një territor park kombëtar. Është diçka tjetër që t’u ofrosh njerëzve që jetojnë këtu ide, mundësi, ndihma ekonomike etje. Ne nuk duam që njerëzit të braktisin ketë vende, sepse do të jenë vende të vdekura”, shton Kumbaro.

    ”Në brigjet që përshkruan Vjosa banojnë 100 000 banorë. Fermerët punojnë tokat, barinjtë kullosin bagëtitë si dhi e dhenë. Aleksi ka lindur dhe jeton në Përmet bën guida turistike. Ai e njeh Vjosën si xhepat e tij”, vijon RAI3.

    ”Një miku im italian duke parë këto bukuri thotë se ju keni një Ferrari, por nuk dini ta ngisni. Të ruash Vjosën do të thotë shumë për ekonominë tonë. Kush i ka braktisur këto vende e di që mund të kthehet të investojë në turizëm këtu”, thotë Aleksi.

    ”Ujëvara, natyrë, restorante me pamje nga lumi tërheqin vizitorët kuriozë për të zbuluar nga afër Shqipërinë e përtej detit. Një nga aktivitetet më të njohura është rafting. Në fshatin e vogël të Peshtanit takuam edhe Mirelën, e cila ofron një bujtinë për turistët. Në kopshtin e saj në qiell të hapur ndodhet një muze me reliket e Luftës së Dytë Botërore të cilat i gjeti në malet mbi fshat. Ajo gjithashtu ka luftuar për mbrojtjen e Vjosës”, vijon RAI3, transmeton ATSh.

  • ​Ambasadori gjerman: Drafti më i mirë i asociacionit mund të përgatitet nga Kosova

    ​Ambasadori gjerman: Drafti më i mirë i asociacionit mund të përgatitet nga Kosova

    Ambasadori gjerman në Kosovë, Jorn Rohde, deklaroi se është obligim i Kosovës që të hartojë draftin e Asociacionit. Versioni më i mirë, siç tha ai, mund të përgatitet nga Kosova dhe në kohë sa më të shpejtë, transmeton kp.

    Për këtë ai u deklarua pas takimit me anëtarët e Komisionit për Punë të Jashtme, ku theksoi se ky është obligim që të shihet se cilat janë idetë për këtë proces.

    “Kjo është një përgjigje e lehtë, mendoj se drafti më i mirë mund të përgatitet nga Kosova për Kosovën, dhe vizioni nuk është draft, kështu që na duhet një draft nga Kosova, shumë shpejt, për të parë se çfarë idesh konkrete kanë për Asociacionin, dhe ky mendoj se është obligim i Kosovës, që ta çojë procesin përpara”, deklaroi diplomati gjerman.

    Ndërsa i pyetur në lidhje me operatorin VisaMetric, e cila obligon qytetarët për të paguar 30 euro për kthimin e pasaportës, Rohde refuzoi të komentojë këtë duke thënë se ky rast është në procedurë.

    “Ju duhet të flisni me VisaMetric, sepse me sa di unë, ky është një rast në procedurë dhe unë nuk dua të komentoj për këtë”, përfundoi.

  • ​Jetësohet iniciativa parë për themelimin e Qendrës Rajonale-Ballkanike

    ​Jetësohet iniciativa parë për themelimin e Qendrës Rajonale-Ballkanike

    Pasur parasysh nevojën për një qendër nacionale të trajnimit dhe certifikimit të punëtorëve, Oda Ekonomike e Kosovës ka realizuar një varg takimesh me palë relevante për jetësimin e iniciativës për themelimin e Qendrës Rajonale për Trajnime dhe Certifikime, e cila gjendet në Ferizaj.

    Meqë Oda Ekonomike e Kosovës është anëtare dhe njëkohësisht udhëheqëse e Forumit Investiv të Odave Ekonomike të Ballkanit Perëndimor (CIF), kryetari i OEK-ut Lulzim Rafuna pas takimeve të bordit menaxhues të CIF, ka inicuar themelimin e qendrës rajonale-ballkanike të trajnimeve dhe certifikimeve, me bazë në Ferizaj.

    Në njoftim thuhet se kryetari Rafuna realizoi takim me nënkryetarin e Ferizajit Lulzim Aliu si vazhdimësi e takimeve me kryetarin e Komunës së Ferizajit Agim Aliu, për mbështetje për marrje në shfrytëzim të Qendrës së Trajnimeve në Greme.

    “Ky vendim me të gjithë partnerët mbështetës vendor dhe ndërkombëtar do të finalizohet në takimin e radhës së bordit menaxhues të Odave të Ballkanit Perëndimor. Kjo qendër do të shërbejë për të gjitha ekonomitë e Ballkanit Perëndimor, për të trajnuar dhe certifikuar punëtorët e ndërmarrjeve që janë pjesë e këtyre ekonomive. Kjo do të ndikonte në përmirësimin e bashkëpunimit rajonal, qoftë aspektin e edukimit, ekonomik dhe atë social”, thuhet në njoftim.