ATV

Category: Lajme

  • Haxhiu: Jemi duke punuar për hartimin e kurrikulave për trajtimin e dhunuesve

    Haxhiu: Jemi duke punuar për hartimin e kurrikulave për trajtimin e dhunuesve

    Misioni i OSBE-së në Kosovë publikoi sot Udhëzuesin për punë efektive të mekanizmave koordinues komunal kundër dhunës në familje.

    Ministrja e Drejtësisë, Albulena Haxhiu u shpreh se janë duke punuar për hartimin e kurrikulave, që për bazë ka trajtimin e dhunuesve.

    “Është jadhtëzakonisht e rëndësishme përgjegjësia nga të gjitha institucionet kur bëhet fjalë për të drejtat e vajzave dhe grave…Ne jemi duke punuar për hartimin e kurrikulave për trajtimin e dhunuesve. Në kuadër të fushatës të 16 ditëve të aktivizimit ne kemi lansuar kurrikulën për trajtimin e dhunuesve. Kemi ofruar ndihmë juridike falas për vijtimat e dhunës, pavrësisht gjendjes socio-ekonomike të tyre. Për herë të parë, buxheti për atrehimoret është shumë më i madh se herave të kaluara”, tha Haxhiu.

    Ambasadori i OSBE-së në Kosovë, Michael Davenport deklaroi se presin që gjatë vitit të ketë një Ligj të ri për Dhunën në Familje. Ai tha se çdo lloj forme e dhunës në familje reflekton në pushtetin mes burrave dhe grave.

    “Është shumë me rëndësi të theksohet theksi që e kemi vën në këta udhëzues, sepse është me rëndësi që janë të qasshme për të gjithë ata që kanë nevojë t’i përdorin. Dhuna në familje është fenomen i të gjitha vendeve tona dhe kryesisht ndikon te gratë dhe vajzat dhe kanë ndikim shkatërrimtar në komunitete. Nuk mund të tolerojmë krime të tilla më. Kryerësit e dhunës në familje duhet të përballen me drejtësi. Është shqetësuese se në Kosovë, rastet e raportuara të dhunës në familje janë në rritje”, tha ai.

    Më tej, ai shtoi se këta udhëzues do të ndihmojnë institucionet gjegjëse dhe të njëjtit janë zhvilluar përmes një vlerësimi që është bërë paraprakisht.

    Ndërsa, ambasadori i Francës në Kosovë, Olivier Guérot tha se ka hapa prapa të gjendjes së grave në botë.

    “Të drejtat e abortimit mohohen dhe për këtë arsye është duke u bërë punë në parlamentin francez, ku po synohet ndryshimi i kushtetutës…. pse po e financon Franca këtë projekt? Franca ka traditë të gjatë për angazhimin e të drejtave të njeriut. Të drejtat e grave dhe vajzave janë prioritet për ne. Kështu që vetëm pak vende në botë kanë diplomaci feministe”, tha diplomati francez.

  • ​AKP miraton marrëveshjen për pagesën e shpronësimit të pronave “Përparimi”

    ​AKP miraton marrëveshjen për pagesën e shpronësimit të pronave “Përparimi”

    Bordi i Drejtorëve të Agjencisë Kosovare të Privatizimit në mbledhjen e sotme ka shqyrtuar për Plotësim ndryshimin e Rregullores për organizim të brendshëm dhe sistematizim të vendeve të punës si dhe mbi Plotësim/ndryshimin e Rregullores për Qiradhënien e Pronave Shoqërore

    Bordi i AKP-së po ashtu ka miratuar marrëveshjen me Komunën e Podujevës për pagesën e shpronësimit të pronave të paluajtshme të NSH Kooperativa Bujqësore “Përparimi” në Podujevë.

    “Bordi diskutoi dhe miratoi propozimin për miratim të marrëveshjes me Komunën e Podujevës për pagesën e shpronësimit të pronave të paluajtshme të NSH Kooperativa Bujqësore Përparimi Podujevë, sipas vendimit përfundimtar të Qeverisë së Republikës së Kosovës, për shpronësim me numër 10/132 të datës 08 mars 2023”, thuhet në njoftim.

    Bordi i Drejtorëve gjithashtu diskutoi mbi propozimet e menaxhmentit lidhur me kërkesat për qiradhënie nga KGJK Mitrovicë, Ministrisë së Industrisë, Ndërmarrësisë dhe Tregtisë si dhe të Këshilli të Kosovës për Trashëgimi Kulturore të cilat i miratoi të mërkurën.

  • Vret kunatën me sëpatë, arrestohet një 55-vjeçar

    Vret kunatën me sëpatë, arrestohet një 55-vjeçar

    Një grua është vrarë me sëpatë sot në Elbasan, ndërsa i dyshuari është arrestuar.

    Policia e Shtetit ka informuar se T. T., 58 vjeç, dyshohet se rreth orës 13:00, në fshatin Kusarth, në rrugë, ka goditur me sëpatë motrën e bashkëshortes së tij, shtetasen A. Q., 44 vjeçe, banuese në Kusarth, e cila si pasojë e plagëve ka humbur jetën.

    Sëpata është sekuestruar në cilësinë e provës materiale.

    “Shërbimet e Komisariatit të Policisë Elbasan, gjatë patrullimit në territor, në zonën komunitare, në fshatin Bradashesh, kanë konstatuar një shtetas, me një sopatë në dorë dhe me duart me gjak, i cili po ecte me vrap. Shërbimet e Policisë janë vënë vënë në ndjekje dhe kanë bërë kapjen e shtetasit T. T., 58 vjeç, banues në fshatin Shirgjan, Elbasan dhe e kanë shoqëruar atë në Komisariat.”, ka informuar Policia.

    Grupi hetimor, në drejtimin e Prokurorisë, po punon për zbardhjen e rrethanave të ngjarjes./KP

  • ​Të shtëna në Prishtinë, lëndohet një person

    ​Të shtëna në Prishtinë, lëndohet një person

    Një person është lënduar sot në rrugën “Bajram Bahtiri” në Prishtinë, gjatë një përleshjeje fizike, ndërsa ka pasur edhe të shtëna.

    Zëdhënësja e Policisë, Flora Ahmeti ka bërë të ditur për KosovaPress se rasti ka ndodhur rreth orës 12:30.

    “Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare, në këtë rast gjatë përleshjes fizike është lënduar një person, i cili është dërguar për tretman mjekësor”, ka thënë ajo.

    Ajo ka thënë po ashtu se po ndërmarrin veprimet hetimore për arrestimin e personit të dyshuar dhe ndriçimin e plotë të rastit.

    “Hetuesit policor në koordinim me prokurorinë, po ndërmarrin veprimet hetimore për arrestimin e personit të dyshuar ( i cili është identifikuar) si dhe ndriçimin e plotë të rastit”, tregoi ajo.

  • ​Rama: Padrejtësia ndaj luftës çlirimtare të Kosovës dhe Thaçit nisi në Këshillin e Evropës

    ​Rama: Padrejtësia ndaj luftës çlirimtare të Kosovës dhe Thaçit nisi në Këshillin e Evropës

    Kryeministri i Shqipërisë, Edi Rama në Samitin e kryetarëve të shteteve dhe Qeverive të Këshillit të Evropës, që po mbahet në Islandë sot deklaroi se është e pamundur për të që të shmangë heqjen e paraleleve midis Ukrainës e presidentit Zelensky dhe Kosovës e presidentit Thaçi.

    Rama u shpreh se padrejtësia kundrejt luftës çlirimtare të Kosovës dhe udhëheqësit të saj, Hashim Thaçit ka filluar në Këshillin e Europës nën ndikimin e ish-anëtarit të asaj kohe të këtij këshilli, Federatës Ruse.

    “Si shqiptar është e pamundur për mua të shmang heqjen e paraleleve midis Ukrainës e Presidentit Zelensky dhe Kosovës e presidentit Thaçi. Sot në këtë samit të Këshillit të Europës nuk rri dot pa kujtuar se padrejtësia kundrejt luftës çlirimtare të Kosovës dhe udhëheqësit të saj Hashim Thaçit, nisi saktësisht në Këshillin e Europës nën ndikimin dashakeq të ish-anëtarit të asaj kohe të këtij këshilli, Federatës Ruse. Presidenti i Kosovës ose si dikush i quajtur Joe Biden iu referua si George Uashingtoni i Kosovës, gjykohet tanimë nga një gjykatë e veçantë e ngritur dhe e themeluar nga bota demokratike, por e mbështetur në një raport të 2011 të Këshillit të Europës i cili në mënyrë djallëzore u sponsorizua nga përfaqësuesit e partisë së Vladimir Putinit në asamblenë e Këshillit të Europës. Akuza tërësisht të pabazuara të trafikimit të organeve njerëzore u ngritën atëherë si pikënisja e një fushate kriminale njollosjeje të Shqipërisë dhe të Kosovës dhe kur dëgjova propagandën e Kremlinit të flasë për trafikimin e organeve njerëzore nga neo-nazistët në Donbas, mu duk sikur pashë presidentin Zelensky 10 vjet më vonë gjykuar nga një gjykatë e veçantë ngritur mbi të njëjtat akuza absurde.”, tha Rama.

    Ai tha se është tejet shkurajuese të dish që situata shqetësuese ku përfshihet presidenti Kosovës dhe Ushtria Çlirimtare e Kosovës e ka pasur zanafillën brenda Këshillit të Europës.

    Kryeministri i Shqipërisë u shpreh se asambleja e Këshillit të Europës ka detyrimin t’i hapë rrugën tërheqjes mbrapshtë të raportit që në mënyrë të rreme etiketoi Shqipërinë si bazë për trafikimin e dyshuar të organeve lehtësuar nga UÇK.

    “Do të isha fajtor po të mbetesha i heshtur e të mos flisja sot këtu e të thoja sa vijon, se asambleja e Këshillit të Europës ka detyrimin moral të korrigjojë çdo gabim dhe në këtë rast duhet t’i hapë rrugën tërheqjes mbrapshtë raportit që në mënyrë të rreme etiketoi Shqipërinë si bazë për trafikimin e dyshuar të organeve lehtësuar nga UÇK. Të refuzosh të përballesh me të vërtetën sot do të ishte më keq sesa të bëhej ky gabim i rëndë 12 vjet më parë kur shumë votuan mes sy mbyllur atë raport të turpshëm në mirëbesim. Sigurisht sot situata ka ndryshuar. Rusia nuk është më një anëtare e këtij Këshilli edhe pse numri i rusëve që vazhdojnë të punojnë për Këshillin e Europës është mjaft mbresëlënës dhe falë Zotit uniteti i bashkësisë demokratikë të Këshillit në mbështetje të luftës çlirimtare të Ukrainës dhe presidenti Zelensky është i jashtëzakonshëm. Shqipëria kurrë nuk ka pasur iluzione për natyrën e regjimit të Moskës dhe marrëdhënia jonë me Moskën ka qenë joekzisutese qysh prej vdekjes se Josif Visarionoviç Stalin.”, shtoi ai.

    Në ditën e parë të Samitit të kryetarëve të shteteve dhe Qeverive të Këshillit të Evropës, kryeministri i Shqipërisë, Edi Rama ishte bashkëkryesues i tryezës së rrumbullakët me temë “Përballja me sfidat e reja dhe në zhvillim të të drejtave të njeriut – e ardhmja është këtu”, së bashku me presidentin e Letonisë, Egils Levits./KP

  • Gjykata Supreme e lë në paraburgim Nagip Krasniqin

    Gjykata Supreme e lë në paraburgim Nagip Krasniqin

    Gjykata Supreme e ka refuzuar kërkesën e mbrojtjes së kryeshefit të suspenduar të Korporatës Energjetike të Kosovës (KEK), Nagip Krasniqi, për lirimin e tij.

    Sipas njoftimit të Supremes, kjo gjykatë e ka vlerësuar si të pabazuar kërkesën e mbrojtjes për lirimin nga paraburgimi të Krasniqit.

    “Kolegji i Gjykatës Supreme e ka refuzuar si të pabazuar kërkesën për mbrojte të ligjshmërisë ndaj të pandehurit N.K., të paraqitur kundër aktvendimit të Gjykatës Themelore në Prishtinë dhe aktvendimit të Gjykatës së Apelit të Kosovës. Në çështjen penale ndaj të pandehurit N.K., për shkak të veprave penale: keqpërdorimi i pozitës apo autoritetit zyrtar, ushtrimi i ndikimit, keqpërdorimi i pozitës apo autoritetit zyrtar, konflikti i interesit, duke vendosur përkitazi me kërkesën për mbrojtje të ligjshmërisë të mbrojtësve të pandehurit, avokatët Virtyt Ibrahimaga dhe Taulant Ferizi, në seancën e mbajtur më datë 16.05.2023, kolegji i Gjykatës Supreme vendosi për refuzimin e kësaj kërkese”, thuhet në njoftimin e Gjykatës Supreme.

    Më 20 prill, Prokuroria Speciale ka arrestuar kryeshefin ekzekutiv të KEK-ut, Nagip Krasniqi. Krasniqi sipas Prokurorisë, është arrestuar për shkak të dyshimit se ka kryer “Keqpërdorimi i pozitës apo autoritetit zyrtar”, “Ushtrimi i ndikimit” dhe “Konflikti i interesit”. Pas arrestimit, Gjykata Themelore në Prishtinë i ka caktuar masën e paraburgimit prej një muaji për Nagip Krasniqit.

  • Për dy vite, rritje masive e kosovarëve që problem kryesor e shohin koston e jetesës dhe çmimet e larta

    Për dy vite, rritje masive e kosovarëve që problem kryesor e shohin koston e jetesës dhe çmimet e larta

    Organizata joqeveritare amerikane “Instituti Republikan Ndërkombëtar ” ka publikuar gjetjet e matjes së opinionit publik në Kosovë për çështje të ndryshme në vitin 2023.

    Në tabelat e publikuara nga IRI është bërë edhe një krahasim me gjetjet e vitit 2021.

    Në pyetjen se cili mendoni se është problemi kryesor me të cilin po përballet Kosova, në vitin 2021 vetëm 15 % e kishin përzgjedhur koston e jetesës dhe çmimet e larta. Megjithatë kjo përqindje në matjet e vitit 2023 ka shkuar në 68 %.

    Si problem numër dy vazhdon të jetë ekonomia dhe papunësia. Në vitin 2021 këtë shqetësim e kishin shprehur 77% e të anketuarve, derisa në vitin 2023 vetëm 57 %.

    Korrupsioni ndërkohë ka shënuar një rënie në listën e shqetësimeve të kosovarëve. Nga 29 % në vitin 2021, tashmë atë si shqetësim e kanë parë vetëm 8 % e të anketuarve.

  • Fillon dëshminë dëshmitari i pestë në gjykimin ndaj Thaçit dhe të tjerëve

    Fillon dëshminë dëshmitari i pestë në gjykimin ndaj Thaçit dhe të tjerëve

    Dëshmitari i pestë, ka filluar dhënien e dëshmisë në rastin e Hashim Thaçit, Kadri Veselit, Rexhep Selimit dhe Jakup Krasniqit në Dhomat e Specializuara të Kosovës (DhSK).

    Me të filluar seanca pas një pushimi të shkurtë, kryetari i trupit gjykues, Charles Smith tha se do të kalojnë në seancë private dhe se kjo bëhet për të mbrojtur dëshmitarin, raporton ‘‘Betimi për Drejtësi’’.

  • Rama në Samitin e KiE: Tërhiqni mbrapsht raportin kundër UÇK-së, për trafik organesh

    Rama në Samitin e KiE: Tërhiqni mbrapsht raportin kundër UÇK-së, për trafik organesh

    Kryeministri Edi Rama mori pjesë këtë të mërkurë në Samitin e Liderëve të Këshillit të Evropës, në Rekjavik të Islandës.

    Në fjalën e tij Rama mori në mbrojtje Hashim Thaçin dhe kërkoi nga Asambleja e Këshillit të Evropës që të tërheqë deklaratën ku Ushtria Çlirimtare e Kosovës akuzohet për trafikim organesh.

    “Asambleja e Këshillit të Evropës ka detyrimin moral të tërheqë çdo gabim. Në këtë rast duhet të tërheqë mbrapsht raportin që në mënyrë të rreme e etiketoi Shqipërinë si një për trafikim e organeve nga Ushtria Çlirimtare e Kosovës.”, ka thënë Rama.

    Gjithashtu ai shtohet: “Nuk rri dot sot në këtë Samit të Këshillit të Evropës se padrejtësia kundër Ushtrisë Çlirimtare të Kosovës dhe udhëheqësit të saj Hashim Thaçi nisi saktësisht në Këshillin e Evropës, nën ndikimin dashakeq të ish-anëtarit të asaj kohe të këtij Këshilli, Federatës Ruse.

    Presidenti i Kosovës, ose dikush që Hoe Biden iu referua si George Washington i Kosovës, gjykohet nga një gjykatë e veçantë e ngritur dhe e themeluar nga bota demokratike por e mbështetur në një raport të vitit 2011 nga Këshilli i Evropës, i cili në mënyrë djallëzore u sponsorizua nga partitë mbështetëse të Vladimir Putinit në Asamblenë e Përgjithshme të Këshillit të Evropës.

    Akuza tërësisht të pabazuara për trafikim të organeve njerëzore u ngritën si një fushatë kriminale për njollosjen Shqipërinë dhe Kosovën”.

  • Kurti: Progresi i Kosovës është i njohur nga raportet ndërkombëtare

    Kurti: Progresi i Kosovës është i njohur nga raportet ndërkombëtare

    Kryeministri i Kosovës Albin Kurti, ka zhvilluar një bashkëbisedim me studentët e Akademisë Diplomatike të Vjenës.

    Para studentëve, Kurti foli rreth sfidave dhe sukseseve të qeverisë që ai udhëheq.

    Ai theksoi qëndrimin ambicioz të tij në sigurimin e një sistemi më të fortë të mirëqenies, forcimin e shtetit të së drejtës, mbrojtjen dhe përforcimin e të drejtave të njeriut, përfshirë të drejtat e minoriteteve dhe rritjen e ekonomisë.

    “Ky progres, është njohur gjerësisht nga raporte të shumta ndërkombëtare, duke forcuar reputacionin e Kosovës si një histori suksesi në shtetin e demokracisë”, tha Kurti.

    I pranishëm në takim ishte edhe Ambasadori i Austrisë në Kosovë, Christoph Weidinger.