Category: Lajme

Gjatë ditës të mërkurës dhe të enjtes, disa qytetarë në Mal të Zi protestuan në mbështetje të serbëve të veriut të Kosovës.

Por, këto reagime, sipas Ministrit për të Drejtat e njeriut dhe pakica në Mal të Zi, Fatmir Gjeka, nuk janë shqetësuese, raporton Klankosova.tv.

Ai në “Sytë 7” në Klan Kosova tha se ata që reagojnë kundër Kosovës janë nga komuniteti serb, që janë diku afër 30% në Mal të Zi.

Megjithëse, Gjeka tha se nuk janë të gjithë serbët e tillë, por vetëm disa grupe të vogla që janë edhe pro-ruse.

Ai përmendi edhe faktin që muaj më parë, Komuna e Zetës, e përbërë nga serbë, kërkoi nga Parlamenti i Malit të Zi ta tërheqin njohjen e pavarësisë së Kosovës. Këto, Gjeka në “Sytë 7” në Klan Kosova tha se janë banale dhe vetëm politika për konsum ditor, e asgjë shqetësuese.

Policia e Kosovës ka njoftuar se është gjetur pa shenja jete një person në një shtëpi në Pejë.

Rasti ka ndodhur të enjten në ora 11:00.

“Është raportuar për një person pa shenja jete në një shtëpi. Njësitet relevante policore dhe një ekipe e mjekëve kanë dal në vendin e ngjarjes, ku ekipi mjekësor ka konstatuar se trupi i viktimës mashkull kosovar është pa shenja jete”, thuhet në raport.

Në lidhje me rastin është konsultuar prokurori i shtetit me urdhër të së cilit trupi i pajetë i viktimës është dërguar në IML për obduksion.

Presidentja e Kosovës, Vjosa Osmani ka bërë të ditur sot se ka takuar kryeministrin e Britanisë së Madhe, Rishi Sunak në kuadër të Samitit të Komunitetit Politik Evropian, në Moldavi.

Osmani ka potencuar se me Sunakun ka biseduar për zhvillimet e fundit në rajon dhe bashkëpunimin e fortë të Kosovës me Britaninë e Madhe.

“Shprehim mirënjohjen tonë për mbështetjen e qëndrueshme të Mbretërisë së Bashkuar dhe përkushtimin tonë të vazhdueshëm për të vazhduar përpjekjet tona të përbashkëta për paqen dhe sigurinë afatgjatë.”, ka shkruar Osmani në Twitter.

Presidentja e Kosovës, Vjosa Osmani në Moldavi ka takuar edhe presidentin e Francës, Emmanuel Macron, kancelarin e Gjermanisë, Olaf Scholz, përfaqësuesin e lartë për politikë të jashtme të BE-së, Josep Borrell e po ashtu edhe presidentin e Ukrainës, Volodymyr Zelenskyn./KP

Protestuesit serbë tashmë janë mbledhur para objekteve komunale në Zubin Potok, Zveçan dhe Leposaviq.

Pjesëtarë të KFOR-it dhe të Policisë së Kosovës të cilët po kujdesen për ruajtjen e rendit, po vazhdojnë të qëndrojnë pranë dhe brenda ndërtesës së kësaj komune.

Aktualisht situata në Zveçan, por edhe në komunat tjera veriore në përgjithësi është e qetë, ndërsa numri i protestuesve është simbolik.

Situata në këto komuna është tensionuar të premten e 26 majit kur kryetarët e betuar u detyruan të futën në zyrat e tyre të punës nën asistencën e Policisë së Kosovës.

Si pasojë e protestave të dhunshme, janë plagosur gjashtë policë të Kosovës dhe 30 ushtarë të KFOR-it, ndërkohë që serbët kanë sulmuar edhe Policinë e Kosovës dhe gazetarët.

Shtetet e Bashkuara kanë kritikuar Kosovën për përshkallëzimin e tensioneve me Serbinë, derisa anuluan edhe pjesëmarrjen e vendit në një stërvitje ushtarake të NATO-s “Defender 23”, pasi Prishtina refuzoi t’i tërheqë kryetarët e komunave dhe forcat e saj policore nga veriu i vendit.

Ndërsa një sinjal për tejkalim të situatës u pa tek të enjten, kur ambasadori amerikan Jeffrey Hovenier, tha se me kryeministrin Albin Kurti kishin një takim produktiv dhe se kishin biseduar për marrëveshjen bazë me Serbinë. Në anën tjetër kreu i ekzekutivit tha se janë të angazhuar për qetësimin e situatës në veri të vendit.

Valon Ibërdemaj do të qëndrojë 25 vite në burg pasi është dënuar nga shkalla e parë ndërsa aktgjykimi është lënë në fuqi edhe nga Gjykata e Apelit.

Këtë e ka konfirmuar përfaqësuesi i palës së dëmtuar, avokati Skender Musa, raporton “Betimi për Drejtësi”.

Gjykatës Themelore në Prishtinë ku me 18 mars të vitit 2022 Valon Ibërdemajn e kishte dënuar me 25 vite burgim për rastin e vrasjes që kishte ndodhur në objektin e Agjencisë Kosovare për Inteligjencë (AKI) në shtator të vitit 2018.

Avokati Musa ka thënë se është vendosur drejtësia me vërtetimin e vendimit të Apelit për vrasjen në AKI.

“Si përfaqësues i familjes, palë së dëmtuar konsiderojmë̈ se është vendosur drejtësia për shkak se ka qenë një situate jashtëzakonisht e rëndë̈ e ndodhur në një institucion me një siguri maksimale”, ka deklaruar Musa për “Betimi për Drejtësi”.

Ai ka thënë se çfarë ka ndodhur në shqyrtimet gjyqësore nuk mund të bëhet publike.

Musa ka thënë se po shqyrtojnë mundësinë që t’i paraqesin Qeverisë dhe të dënuarit Ibërdemaj kërkesë pasurore-juridike në vlerë mbi një milion euro.

“Tash e tutje kompania juridike JURIDICA është duke i analizuar se cilët persona do t’i padisë dhe sipas të gjitha gjasave e paditur do të jetë Qeveria e Republikës së Kosovës së bashku me të dënuarin dhe shuma e padisë̈ mbi një milion euro”, ka deklaruar Musa.

Ndryshe, Gjykata Themelore në Prishtinë, më 30 qershor 2020 e ka mbyllur për publikun dhe mediat këtë rast.

Sipas aktakuzës së ngritur më 21 mars 2019, Valon Ibërdemaj akuzohej se më 4 shtator 2018, rreth orës 09:31, në bufenë e objektit të AKI-së në Prishtinë, ka privuar nga jeta tani të ndjerin Isa Sejdiu, siç thuhet për shkak të xhelozisë, pasi që tani i ndjeri një ditë më parë në kohën e drekës, duke bërë shaka iu ka thënë zyrtarëve të AKI-së se gjoja do të bëhet i madh, pasi ato ditë pritej të emërohej zëvendësdrejtori i AKI-së.

Aktakuza thotë se duke rrezikuar edhe jetën e tani të dëmtuarës F.B, derisa i ndjeri ishte në vendin e tij të punës, si menaxher kuzhine, ka shkuar i pandehuri në kuzhinë me revole në dorë, e ka thirrur në emër “Isa”, e tani i ndjeri është përgjigjur duke thënë “Urdhno xhaxh”, dhe i pandehuri menjëherë ka shtënë dy herë në distancë prej rreth tre metrash, e ka goditur në pjesën e majtë të gjoksit dhe i ka shkaktuar plagë vdekjeprurëse, e më pastaj me revole në dorë ka dalë në oborr, i është afruar të dëmtuarës, ia ka vendosur revolen në kokë dhe e ka dërguar deri te vetura e tij, që ndodhej në parkingun e AKI-së.

Me këtë, akuzohej se ka kryer veprën penale “Vrasje e rëndë”.

Kurse, në dispozitivin e dytë të aktakuzës, thuhet se pasi ka kryer veprën penale të vrasjes së rëndë, i pandehuri ka rrëmbyer F.B, në atë mënyrë që derisa e dëmtuara ka qenë duke pirë kafe në oborrin e objektit të AKI-së, papritmas ka dalë i pandehuri nga objekti me armë në dorë dhe i është afruar asaj dhe nën kanosje të armës e ka detyruar që të shkojë te vetura e të pandehurit, e cila ishte e parkuar në parkingun e AKI-së dhe e i ka vënë armën në kokë.

Pastaj, sipas aktakuzës, e ka urdhëruar të shkojë në drejtim të portës kryesore të daljes nga oborri i AKI-së, e posa ka mbërritur te porta kryesore, aty i ka kanosur me armë edhe pjesëtarët e sigurimit, duke iu drejtuar me fjalët “e vrava, shkoi çika”.

Në aktakuzë thuhet se ai ka dalë nga vetura, ka marrë të dëmtuarën dhe vazhdimisht ka mbajtur armën nga ajo, ndërsa tjetrën dorë ia ka mbajtur rreth qafe, ka ecur për të dalë jashtë objektit dhe kur është afruar te dera ka shkuar te komanda për ta hapur derën dhe aty është penguar nga zyrtari Sh.Sh, ndërsa zyrtari E.B, duke e parë atë gjendje, ka rënë në gjunjë para të pandehurit dhe i është drejtuar me fjalën “nëse dëshiron të vrasësh dikënd, më vrit mua”, e i pandehuri në ato çaste thuhet se i është drejtuar atij me fjalët “vetëm ty ta dha armën”, e më pas ia ka dhënë armën ku edhe është liruar e dëmtuara.

Më këtë, ai akuzohej se ka kryer veprën penale “Rrëmbimi”.

Në pikën e tretë të aktakuzës, thuhet se nga koha e papërcaktuar e deri më 4 shtator 2018, i pandehuri pa autorizim ka poseduar armën e llojit të lartcekur, me të cilën ka kryer veprën penale, ndërsa gjatë bastisjes nga ana e pjesëtarëve të Policisë së Kosovës, në banesën e tij është gjetur edhe sekuestruar edhe revolja e tipit “Colt Amadeous ROSSI S.A 38 special” dhe një thikë.

Bashkimi Evropian u kritikua se është pjesërisht përgjegjës për trazirat në veri të Kosovës, nga ministri i Jashtëm i Hungarisë, Peter Sijarto, pjesëtarët e shtetit të të cilit, në kuadër të KFOR-it, patën pësuar lëndime në trazirat e së hënës në Zveçan. Ai e kritikoi BE-në se ka ndikuar në krijimin e jostabilitetit në rajonin e Ballkanit Perëndimor me anë të vonesave në procesin e zgjerimit. Por këtë kritikë e hodhën poshtë të enjten nga Komisioni Evropian

Komisioni Evropian i ka hedhur poshtë kritikat se mban pjesërisht përgjegjësi për shkak të trazirave në Kosovë, shkaku që e ka vonuar procesin e zgjerimit të BE-së.

Këto reagime nga Komisioni Evropian kanë ardhur pas kritikave që i ka shprehur ministri i Jashtëm i Hungarisë, Sijarto, i cili ka thënë se Bashkimi Evropian, duke e vonuar procesin e zgjerimit të BE-së dhe duke u vonuar në veprimet e veta, ka ndikuar që të krijohet jostabilitet në rajonin e Ballkanit Perëndimor, që u pa me shpërthimin e tensioneve në veri të Kosovës.

Zëdhënësja e Komisionit Evropian për Çështje të Fqinjësisë dhe Zgjerimit, Ana Pisonero, ka thënë se Bashkimi Evropian mbetet i përkushtuar për procesin e zgjerimit dhe se është prioritet që qasja ndaj vendeve të rajonit të Ballkanit Perëndimor. Ajo tha se nuk varet gjithçka nga Komisioni Evropian, por edhe nga vendet anëtare dhe se Komisioni Evropian vazhdon të jetë i interesuar për ta përshpejtuar procesin e zgjerimit të BE-së.

Ajo po ashtu rikujtoi se presidentja e Komisionit Evropian, Ursula von der Leyen, ka dhënë një propozim të ri për të përfshirë vendet e rajonit të Ballkanit Perëndimor në tregun e përbashkët evropian edhe para se ato të bëhen anëtare të BE-së.

Po ashtu, Komisioni ka paralajmëruar se do të kërkojë edhe më shumë mjete financiare për vendet e Ballkanit Perëndimor për t’ju ndihmuar atyre që të përgatiten sa më mirë për t’u integruar në Bashkimin Evropian.

Në tri komunat veriore të vendit, Zveçan, Leposaviq dhe Zubin Potok, ku serbët po protestojnë për të gjashtën ditë kundër prezencës së Policisë së Kosovës dhe kryetarëve shqiptarë të këtyre komunave, nata ka kaluar e qetë.

Të punësuarit në Komunën e Zveçanit të cilët prej ditës së djeshme po nënshkruhen në listat e evidencës para gjemborëve të KFOR-it për prezencën e tyre në punë, kanë filluar të arrijnë.

Pjesëtarë të KFOR-it dhe të Policisë së Kosovës të cilët po kujdesen për ruajtjen e rendit, po vazhdojnë të qëndrojnë pranë dhe brenda ndërtesës së kësaj komune.

Aktualisht situata në Zveçan, por edhe në komunat tjera veriore në përgjithësi është e qetë, ndërsa numri i protestuesve është simbolik.

Situata në këto komuna është tensionuar të premten e 26 majit kur kryetarët e betuar u detyruan të futën në zyrat e tyre të punës nën asistencën e Policisë së Kosovës.

Si pasojë e protestave të dhunshme, janë plagosur gjashtë policë të Kosovës dhe 30 ushtarë të KFOR-it, ndërkohë që serbët kanë sulmuar edhe Policinë e Kosovës dhe gazetarët.

Shtetet e Bashkuara kanë kritikuar Kosovën për përshkallëzimin e tensioneve me Serbinë, derisa anuluan edhe pjesëmarrjen e vendit në një stërvitje ushtarake të NATO-s “Defender 23”, pasi Prishtina refuzoi t’i tërheqë kryetarët e komunave dhe forcat e saj policore nga veriu i vendit.

Ndërsa një sinjal për tejkalim të situatës u pa tek të enjten, kur ambasadori amerikan Jeffrey Hovenier, tha se me kryeministrin Albin Kurti kishin një takim produktiv dhe se kishin biseduar për marrëveshjen bazë me Serbinë. Në anën tjetër kreu i ekzekutivit tha se janë të angazhuar për qetësimin e situatës në veri të vendit.