ATV

Category: Lajme

  • Rreth 100 nxënës helmohen në Afganistan, dyshohet për një substancë të shpërndarë në disa klasa

    Rreth 100 nxënës helmohen në Afganistan, dyshohet për një substancë të shpërndarë në disa klasa

    Gati 100 nxënës, kryesisht vajza, janë helmuar në provincën veriore Sar-e-Pul në Afganistan, ka thënë një zyrtar lokal.

    Dyshohet se helmimi ka ndodhur përgjatë fundjavës në dy shkolla.

    Shtatë mësuese, një mësues dhe një mirëmbajtës i shkollës, kanë qenë në mesin e të helmuarve, kanë thënë autoritetet.

    Gjendja shëndetësore e nxënësve është e mirë.

    Disa janë përballur me lodhje dhe vështirësi në frymëmarrje.

    Zyrtarët në shkolla dyshojnë se mund të jetë përdorur një substancë nëpër klasa, që ka shkaktuar astmë, dhe rrjedhje hunde.

    Ende askush nuk është arrestuar lidhur me incidentin. Prej kthimit në pushtet, në gusht të vitit 2021, talibanët kanë nisur të zbatojnë rregullore dhe ligje të ashpra, përfshirë ndalesën ndaj grave dhe vajzave në shkollim, pas klasës së gjashtë.

    Pavarësisht presionit kombëtar dhe ndërkombëtar, talibanët nuk kanë thënë se do t’i rihapin shkollat për vajzat.

    Ende asnjë qeveri në botë nuk e ka njohur Qeverinë në krye me talibanët në Afganistan.

  • Arrestimi i mërgimtarit në Serbi për shkak të shqiponjës, reagon MPJD

    Arrestimi i mërgimtarit në Serbi për shkak të shqiponjës, reagon MPJD

    Mërgimtari Rrahim Musliu ishte arrestuar me 24 maj në territorin e Serbisë. Ai u arrestua pasi në pjesën e përparme të veturës së tij e kishte të vendosur simbolin e shqiponjës.

    Për rastin tashmë është informuar edhe Ministria e Punëve të Jashtme, të njëjtit konfirmuan se tanimë në dijeni janë edhe delegacioni i BE-së e misionet tjera diplomatike në Serbi.

    “Për rastin në fjalë, ju njoftojmë se Zyra Ndërlidhëse e Republikës së Kosovës në Beograd, zyrtarisht ka njoftuar MPJD për arrestimin e shtetasit të Republikës së Kosovës, arrestimi i të cilit ka ndodhur gjatë kalimit tranzit në Serbi“, thonë nga ministria për Insajderin.

    “MPJD është duke ndjekur me vëmendje zhvillimet e procedurës për rastin në fjalë, për ç’rast janë njoftuar edhe Delegacioni i BE-së dhe misionet tjera diplomatike në Serbi“.

    Nga ministria po ashtu konfirmuan se janë në kontakt të vazhdueshëm me avokatin e Musliut, teksa shtuan se nuk mund të ndajnë detaje tjera për shkak të kërkesës së familjes.

    “Zyra Ndërlidhëse e Republikës së Kosovës në Serbi, po qëndron në kontakt të vazhdueshëm me avokatin e shtetasit të Republikës së Kosovës për rastin e të cilit nuk mund të ndajmë më shumë informacion edhe me kërkesë të familjes së të arrestuarit“, deklaruan nga MPJD.

    Musliu është arrestuar në prani të gruas së tij, shtetase gjermane nga policë të maskuar serbë, në hotelin ku ata vet e kishin vendosur.

    Detaje më të hollësishme për dha edhe kryetari i degës së PDK-së në Kiel të Gjermanisë, Ndue Gjini.

    “Rrahim Musliu është një mërgimtar si në kohën e ish-Jugosllavisë me ikje prej luftës në Gjermani, është një punëtor i thjeshtë, njeri familjar dhe gruaja e tij është gjermane, specialiste e zemrës në spital gjerman”.

    Mërgimtari Musliu nuk ishte menjëherë në kufi, bazuar në informatat e Gjinit ai u arrestua sikur të ishte një kriminel, nga policë të maskuar të cilit iu kishin futur në hotelin ku e kishin vendosur vet.

    “Përpara makinës së tij ka qenë i ngjitur flamuri kuq e zi ku Rrahim Musliu gjithmonë e ka deshtë dhe e do flamurin kuq e zi dhe në qoftë se Serbisë nuk i ka pëlqy kjo, është dashtë në kufirin e Serbisë, je i ndaluar nuk guxon në shtetin tonë me hy kështu, por jo me fut në shtet brenda dhe me arrestu”, ka shpjeguar Gjini.

    “Në ditën e arrestimit (24 maj) i kanë qu në polici, pastaj i kanë liru ua kanë marrë pasaportat dhe ia kanë gjetë hotelin dhe i kanë thënë nesër keni me u lajmru në polici – çka bëjnë ata, të nesërmen i shkojnë me specialsa me maska edhe e kapin Rrahim Musliun”, potencoi ai.

    Siç konfirmon kryetari i PDK-së në Kiel të Gjermanisë mërgimtari nuk ka shtetësi gjermane, atje po qëndronte me vizë.

  • Kuvendi mban tri seanca plenare gjatë kësaj jave

    Kuvendi mban tri seanca plenare gjatë kësaj jave

    Kuvendi i Kosovës do të mbajë tri seanca plenare gjatë kësaj jave. Deputetët fillimisht do të mblidhen të mërkurën me 7 qershor për të shqyrtuar një mori pikash të papërfunduara nga seancat e kaluara, kurse të enjten do të mbajnë fillimisht një seancë të veçantë plenare ku do të shqyrtohet Projektligji për reformën zgjedhore, ndërsa pas kësaj do të mbahet seanca e rregullt me pika të tjera në rend të ditës. Kjo u vendos sot në mbledhjen e Kryesisë së Kuvendit.

    Shefja e Grupit Parlamentar të LVV-së, Mimoza Kusari-Lila, tha se ka një konsensus mbipartiak për miratimin e reformës zgjedhore, derisa bëri të ditur se të enjten pritet të shqyrtohen edhe katër marrëveshje ndërkombëtare, raporton KosovaPress.

    “Jemi dakorduar të gjitha grupet parlamentare me një konsensus mbipartiak për reformën zgjedhore që të enjten të trajtohet si pikë e veçantë. Pas asaj hapet një seancë e re, e cila si zakonisht ka pikat e rregullta dhe ka katër marrëveshje ndërkombëtare”, tha ajo para mediave.

    Miratimin e reformës zgjedhore e konsideroi të nevojshëm edhe shefi i Grupit Parlamentar të PDK-së, Abelard Tahiri.

    “(Reformën Zgjedhore) Kemi arrit me përmbyllë dhe me bërë një punë jashtëzakonisht të mirë, të gjitha grupet parlamentare që kemi qenë pjesë e këtij komisioni. Më në fund do t’i dërgohet për trajtim seancës të enjten në orën 10:00, si pikë e veçantë. Ju e dini se janë disa ndryshime esenciale dhe thelbësore të sistemit tonë zgjedhor. Duke filluar nga vota preferenciale, propozimet që janë bërë, nga lehtësimi i votimit të diasporës, pastrimit të ligjit me një pjesë të dispozitave që nga koha e UNMIK-ut, çështjen e numërimit të votave dhe shumë çështje të tjera”, theksoi Tahiri.

    Ndërkaq, shefi i Grupit Parlamentar të AAK-së, Besnik Tahiri, tha se do të propozojnë rritje të koeficientit të pagave nga 105 në 129 euro, përmes amendamentimit të Ligjit të buxhetit.

    “Për neve si AAK është e rëndësishme interpelanca ndaj ministrit të Financave, Hekuran Murati, që ndërlidhet me koeficientin për zyrtarët publikë, rritjen e koeficientit me një amendamentim të Ligjit për Buxhet nga 105 në 129 sa ne kemi rekomanduar dhe të njëjtën kohë dislokimin e mjeteve për projektet kapitale”, theksoi ai.

    Po ashtu, në mbledhjen e sotme të Kryesisë u bë e ditur se do të dalë në pension sekretari i Kuvendit, Ismet Krasniqi.

    I njëjti në një adresim para mediave, u shpreh falënderues ndaj të gjithë bashkëpunëtorëve të tij në 17 vjet që ka mbajtur këtë post.

    “Jam i kënaqur që kam arritur që afër 17 vite të jem krahu i djathtë i të gjithë deputetëve të cilët kanë pasur nevojë për këshillat e administratës. Ndërsa juve(mediave) një falënderim të veçantë për përcjelljen e punës sonë të drejtë, të saktë dhe me kohë”, deklaroi ai. /kp

  • Baki Kelani e konfirmon për ATV-në: Vetura e policisë në Komunën e Zveçanit është sulmuar

    Baki Kelani e konfirmon për ATV-në: Vetura e policisë në Komunën e Zveçanit është sulmuar

    Një veturë e Policisë së Kosovës është penguar dhe sulmuar me mjete të forta në Komunën e Zveçanit. Zëdhënësi i Policisë Baki Kelani ka konfirmuar për ATV-në se vetura zyrtare e policisë e cila ka qenë duke patrulluar në drejtim të Zveçanit është sulmuar me mjete të forta nga protestuesit.

    Sipas tij, si pasojë e sulmit me mjete të forta, gurë, veturës i është thyer xhami, e cila më pas është larguar nga ai lokacion. Kelani ka treguar se në këtë rast nuk ka persona të lëndua.

    Ndërkohë, një javë pas dhunës së protestuesve serbë ndaj forcave paqeruajtëse të KFOR-it, policisë së Kosovës dhe mediave, që nga mëngjesi kanë vazhduar edhe sot protestat në tri komunat në veri të vendit. Me protesta, serbët lokal, kërkojnë të lirohen objektet komunale nga kryetarët e sapo zgjedhur të komunave Zveçan, Leposaviq e Zubin Potok dhe të largohet Policia e Kosovës nga këto komuna.

    Përveç banorëve dhe anëtarëve të Listës Serbe, në protestë sot kanë dalë edhe nxënësit. /atvlive.tv

  • EULEX: Gjykata të komunikojë me fjalë të thjeshta vendimet

    EULEX: Gjykata të komunikojë me fjalë të thjeshta vendimet

    Puna e gjykatave duhet të komunikohet në mënyrë aktive dhe proaktive, u tha në diskutimin lidhur me përmirësimin e komunikimit të gjykatave me publikun dhe mediat. Misioni i Bashkimit Evropian për Sundimin e Ligjit në Kosovë (EULEX) ka nënvizuar domosdoshmërinë që gjykatat të komunikojnë në gjuhë të thjeshtë vendimet që merren nga vet ky institucion. Gjatë së hënës janë ndarë edhe përvojat e Maqedonisë së Veriut, në themelimin e Këshillit Gjyqësor Medial, përbërja e të cilit është nga gazetarë e gjyqtarë.

    Shefja e zyrës për shtyp dhe informim publik dhe zëdhënësja e EULEX-it, Ioanna Lachana ka thënë se vetëdijesimi i punës së gjykatave është i domosdoshëm.

    “Kjo konferencë është ndërtuar rreth një pyetje: Pse vetëdijesimi i punës së gjykatave është i domosdoshëm apo i nevojshëm. Për shkak se pa vetëdijesim ne nuk mund të kemi besim. Thjesht e thënë, njerëzit nuk mund të besojnë atë çfarë nuk e kuptojnë. Kjo është po ashtu në rastin e gjyqësorit, kur gjykatat të flasin në mënyrë, kjo është gjuhë e bukur që vetëm njerëzit që kanë diplomuar në drejtësi mund të flasin dhe është shumë e vështirë për qytetarët që të vijnë më afër tek këto institucione. Komunikimi i oficerëve të gjykatave duhet të shkojë më tutje, që të bëjë punën e këtij institucioni të rëndësishëm, të kuptueshëm dhe kjo duhet të jetë rasti në çdo ditë të vetme. Puna e gjykatave duhet të komunikohet në mënyrë aktive dhe në mënyrë proaktive. Kjo është veçanërisht e rëndësishme në disa raste”, ka thënë ajo.

    Më tej, ajo ka shtuar se publiku në disa raste shpall dikë fajtor, pa ndodhur një gjë e tillë.

    “Kur qytetarët kanë pritje të ndryshme nga një aktgjykim dhe aktgjykimi është tjetër, si e komunikojmë shpalljen fajtor, kjo është një sfidë e madhe për gjyqësorin. Për shkak se nëse gjykata liron të pandehurin, atëherë kjo duhet të kombinohet me komunikim efektiv duke detajuar me fjalë shumë të thjeshta vendimin. Në këtë mënyrë qytetarët do t’i ekspozohen mirëpritjes së informatave në një rast që është në shenjë të publikut”, ka shtuar ajo.

    Tutje, Andrej Bozhinovcki, i cili është asistent i doktoraturës në Fakultetin Juridik në Zagreb ka prezantuar Këshillin Gjyqësor-Medial të Maqedonisë së Veriut. Ai tha se para themelimit të këtij kësaj trupe, gazetarët nuk kanë pasur qasje në gjykata dhe kanë hasur në vështirësi për të marrë përgjigje nga zëdhënësit.

    “Ka qenë frikësuese, gazetarët nuk kanë pasur mundësi të marrin informata nga gjykata. Gjyqtarët po shkruanin në një gjuhë shumë të rëndë duke cituar nenet nga ligjet që kanë qenë të paqartë për publikun. Publiku nuk ka një diplomë në drejtësi, kjo është e kuptueshme. Porosia duhet të transmetohet në mënyrë të qartë, gazetarët kanë pasur probleme sa i përket gjyqtarëve apo zëdhënësve të gjykatave që kanë qenë të padisponueshëm për shkak se kanë pasur raste të tyre. Si ka filluar e gjithë kjo? Këshilli i mediave gjyqësore është një institucion jo-zyrtar që gjendet brenda Shoqatës së Gjyqtarëve në Maqedoninë e Veriut. I bashkon gjyqtarët, gazetarët, për t’i diskutuar çështjet me rëndësi. Gjykata në një projekt dyvjeçar e sponsorizuar nga ambasada amerikane në Maqedoni të Veriut dhe zbatuar nga shoqata e gjyqtarëve dhe me qëllim të promovimit të transparencës gjyqësore. Objektivi kryesor i këshillit është për të ndërtuar urat, marrëdhëniet mes profesionistëve dhe balancojnë qasjen në informata, në mbrojtje të prezumimit të pafajësisë”, ka deklaruar ai.

    Ish-koordinatori i këtij projekti theksoi se janë mbajtur trajnime se si të shkruhet një komunikatë e qartë më pak se një faqe. Sipas tij, në Kosovë duhet të ketë hapje te dialogut mes gjyqtarëve dhe gazetarëve.

    Diskutimi me temën “Përmirësimi i komunikimit të gjykatave me publikun dhe mediat”, ka vijuar edhe me dy panele të tjera nga gjyqësori dhe gazetarët. /kp

  • Kusari-Lila për mbajtjen e zgjedhjeve në veri: S’mund të pranohet dhuna si standard

    Kusari-Lila për mbajtjen e zgjedhjeve në veri: S’mund të pranohet dhuna si standard

    Shefja e Grupit Parlamentar të Vetëvendosjen, Mimoza Kusari-Lila, tha se zgjedhjet në veri do të organizohen vetëm në mënyrë demokratike, raporton EO.

    Ajo shtoi se dihen cilat janë procedurat të cilat duhet të ndiqen për përsëritje të zgjedhjeve.

    Sipas saj, askush nuk i’u ka bërë presion kryetarëve të katër komunave që të dorëhiqen dhe se ai presion ka ardhur nga Beogradi.

    “Sa i përket pjesë për përsëritje të zgjedhjeve dihen procedurat se si përsëriten zgjedhjet, njëra është me dorëheqje të kryetarëve, tjetra është me mbledhje të nënshkrimeve të listës se votuesve. Në cilën do formë mbetet të shihet, por duhet që të jetë me formë dhe metoda demokratike të parapara me ligj dhe jo në mënyrën dhe formën se si e kishim shpërfaqjen e mos pranimit nga, kinse thuaje nga komuniteti serb, përdori sa pamë se çfarë ndodhi me ngjarje të dhunshëm dhe grupe kriminale të cilat sulmuan ushtaret e KFOR-it edhe tendencën e tyre për të hyrë në ndërtesa të komunës”.

    “Ajo çfarë nuk mund të pranohet është se dhuna si standard të jeta ajo e cila ndryshon ose shtynë përpara kërkesat por në forma të tjera demokratike nënkuptohet se shqyrtohen. As në radhë të parë askush s’ka bërë presion kryetarëve të katër komunave të dorëhiqen, dihet që ai presion ose ai urdhër ka ardhur nga Beogradi dhe natyrisht një gjë të cilën institucionet e Kosovës nuk mund ta toleronin është mbajtja pa titullar të katër komunave, gjerësisht pa institucioneve të pushtetit vendor në katër komuna. Prandaj të gjitha vendimet do të jenë në atë vazhdë, por jo në mënyre ose formën të cilën kërcënohen apo shantazhohen kryetarët e zgjedhur të komunave në veri”, tha ajo.

    Ajo ka sqaruar se këtë javë do të mbahen tri seanca, sipas saj, seanca e të mërkurën do të mbahet seanca me pikat e pa përfunduar.

    Ndërsa të enjten do të ,bahen dy seanca të reja, në seancën e parë do të jetë miratimi i projektligjit për reformën zgjedhore, raporton EO.

    “U dakorduar sot që për këtë javë të jenë dy seanca të caktuara plenare, e para është me 7 qershor, ditën e merkur ne fillim në ora 12, seancë kjo e cila do të trajtoj pika e mbledhura nga seancat e kaluara. Ndërsa të etjen me 8 qershore do të mbahen dy seanca të reja, seanca e parë apo pika e parë do të jetë miratimi i projektligjit për reformën zgjedhore, ku jemi dakorduar të gjitha grupet parlamentare se ka pasur një konsensus mbi partiak për reformën zgjedhore, të etjen të trajtohet si pikë e parë në një seancë të veçant pas asaj hapet një seancë e re. Parashihet që mund të ketë edhe një seanca tjetër në rast se ka dakordimë të grupeve që projektligji për reformën zgjedhore të shqyrtohet në dy lexime në një ditë, që të dyja të përfundohen ditën e enjte”, tha ajo.

  • Stano: BE e gatshme të organizojë takimin Kurti -Vuçiq, kur të ketë kushte

    Stano: BE e gatshme të organizojë takimin Kurti -Vuçiq, kur të ketë kushte

    Bashkimi Evropian ka thënë sot se është i gatshëm të organizojë takim të nivelit të lartë, në kuadër të dialogut mes Kosovës dhe Serbisë, por, sipas bllokut, për diçka të tillë duhet krijuar kushtet.

    Kështu ka deklaruar të hënën zëdhënësi i BE-së, Peter Stano, duke komentuar takimin e mundshëm në mes të kryeministrit të Kosovës, Albin Kurti dhe presidentit serb, Aleksandar Vuçiq.

    “Natyrisht, ne jemi gjithmonë të gatshëm të jemi mikpritës të takimit në nivel të lartë, në kuadër të dialogut mes kryeministrit Kurti dhe presidentit Vuçiq, kur të ketë kushte, dhe kur të dy ata të pajtohen për diçka të tillë. Por, në këtë fazë, gjëja më e rëndësishme është që të ulen tensionet në terren dhe të ndërmerren hapa konkretë. Dhe pikërisht për këtë, ne e kemi të dërguarin e posaçëm të BE-së [Mirosllav] Lajçak. Ai pasi të jetë në Prishtinë dhe Beograd, do të raportojë te Përfaqësuesi i Lartë, [Josep] Borrell, e Përfaqësuesi i Lartë do t’i njoftojë vendet anëtare, për të vendosur për hapat e mëtejmë” ka thënë Stano.

    Lajçak dhe i dërguari amerikan për Ballkanin Perëndimor, Gabriel Escobar, vizitojnë të hënën Kosovën dhe të martën Serbinë, me qëllim të uljes së tensioneve të ditëve të fundit në veri të Kosovës.

    “Ata shkojnë për të vazhduar punën në zbatimin e thirrjeve evropiane dhe amerikane për Kosovën dhe Serbinë që të ulin menjëherë tensionet dhe të ndërmarrin hapa për zgjidhje të qëndrueshme. E platforma për këtë zgjidhje të qëndrueshme është gjithsesi në dialogun e lehtësuar nga BE-ja”, ka thënë mes tjerash Stano.

    Serbët lokalë janë duke vazhduar protestat në tri komunat në veri të Kosovës, Zveçan, Zubin Potok dhe Leposaviq, edhe më 5 qershor.

    Ata po protestojnë rregullisht prej 29 majit, për të kundërshtuar hyrjen e kryetarëve shqiptarë në ndërtesat komunale.

    Më 29 maj, në Zvçan, serbët lokalë janë përleshur me pjesëtarë të KFOR-it, duke rezultuar me të plagosur në të dyja anët.

    Faktori ndërkombëtar ka bërë thirrje të vazhdueshme për marrjen e hapave drejt uljes së tensioneve.

    Disa diplomatë kanë kërkuar edhe mbajtjen e zgjedhjeve të reja në veri. Zyrtarë të lartë të Kosovës kanë dhënë shenja se mund të ndodhë diçka e tillë.

  • Dardan Molliqaj zbulon ofertën që ia bëri Vetëvendosja për të qenë pjesë e saj – Do të habiteni

    Dardan Molliqaj zbulon ofertën që ia bëri Vetëvendosja për të qenë pjesë e saj – Do të habiteni

    Kryetari i PSD-së, Dardan Molliqaj, në emisionin LIBERO në ATV, zbuloi për herë të parë ofertën që i kishte bërë Vetëvendosja vetëm për të qëndruar në parti.

    “Vetëvendosja na ka ofru gjithçka me qenë në Vetëvendosje. Praktikisht mundem me e ba për herë të parë publike, pas problemit, diku 2-3 javë para se me dalë edhe zyrtarisht që po e lëmë Vetëvendosjen, mua me ka ardhur Liburn Aliu edhe më tha, ‘të gjitha pozitat, zgjidhe cilën të duash veç tri jo, kryeministër, kryetar partie edhe sekretar’. Krejt tjerat tha, çfarëdo që kem në institucione, në parti, nënkryetar, e këso tjerat, veç rri në Vetëvendosje”, tregoi Molliqaj.

    Ai tha se për këtë arsye, nuk besoj që dikush duhet të marrë ndonjë pozicion politik vetëm sa për ta pasur. /atvlive.tv

    Emisionin e plotë e gjeni në videon më poshtë:

  • Protestuesit bllokojnë një automjet të Policisë së Kosovës në Zveçan

    Protestuesit bllokojnë një automjet të Policisë së Kosovës në Zveçan

    Një automjet i Policisë së Kosovës sapo është bllokuar nga protestuesit në Zveçan.

    Automjeti në të cilin ndodhen tre policë, gjatë patrullimit afër ndërtesës së komunës, sapo është vërejtur nga protestuesit të njëjtit i kanë dalë nga ana tjetër dhe e kanë bllokuar

    Aktualisht tre policët janë dujke qëndruar në automjet dhe nuk janë duke ndërmarrë ndonjë veprim.

    Ndërsa me të kuptuar situatën, numri i atyre që e kanë bllokuar automjetin po rritet.

    Në Zveçan, Zubin Potok dhe Leposaviq, serbët po protestojnë duke kundërshtuar hyrjen e kryetarëve të rinj shqiptarë në objektet komunale, si dhe praninë e Policisë së Kosovës.

    Si pasojë e veprimeve të protestuesve kanë mbetur të lënduar disa policë dhe pjesëtarë të KFOR-it. Gjithashtu, janë djegur dhe dëmtuar vetura të Policisë së Kosovës dhe të mediave.

    Situata në këto komuna është tensionuar të premten e 26 majit kur kryetarët e betuar u detyruan të futën në zyrat e tyre të punës nën asistencën e Policisë.

    Ky veprim i institucioneve të Kosovës është kritikuar nga Shtetet e Bashkuara të Amerikës dhe Bashkimi Evropian derisa kanë kërkuar shtensionim të menjëhershëm të situatës në veri.

    Javën që shkoi, ndërkombëtarët i kërkuan Kosovës që të organizojë zgjedhje të reja në katër komunat veriore të Kosovës.

    Pas situatës së krijuar në veri të vendit, sot dhe nesër në Kosovë do të qëndrojnë i dërguari amerikan për Ballkanin Perëndimor, Gabriel Escobar, si dhe emisari i Bashkimit Evropian për dialogun Kosovë-Serbi, Miroslav Lajcak.

  • Tensionet në veri: ShBA dhe BE në mision të ri ndërmjetësimi

    Tensionet në veri: ShBA dhe BE në mision të ri ndërmjetësimi

    Dy emisarët perëndimorë për dialogun Kosovë-Serbi, i dërguari amerikan dhe evropian për Ballkanin Perëndimor, Gabriel Escobar dhe Miroslav Laçak, qëndrojnë të hënën në Serbi dhe të martën në Kosovë, në përpjekje për të ndikuar tek palët për uljen e tensioneve në veri të Kosovës. Para më shumë se një jave në këtë pjesë të banuar me shumicë serbe, pati trazira pas protestave të serbëve ku mbetën të lënduar edhe shumë ushtar të KFOR-it.

    BE paralajmëron për pasoja

    Bashkimi Evropian por edhe Shtetet e Bashkuara të Amerikës i kërkuan Kosovës që të largojë nga veriu njësitë speciale të policisë nga ndërtesat komunale, dhe kryetarët e rinj shqiptar të katër komunave, Mitrovicë e Veriut, Zveçan, Leposaviq dhe Zubn Potok, të zhvendosen në zyra të tjera alternative. Po ashtu u kërkua edhe organizimi sa më shpejt i zgjedhjeve të reja në veri, me shpresën e pjesëmarrjes së serbëve në zgjedhje. Ndërkaq nga Serbia kërkohet tërheqja e forcave ushtarake serbe të stacionuara afër kufirit me Kosovën dhe ulja e gjendjes së gatishmërisë, ruajtja e qetësisë së protestuesve në veri dhe sigurimi i pjesëmarrjes së serbëve të Kosovës në zgjedhje të reja. Nëse Kosova dhe Serbia nuk ndërmarrin këto veprime, atëherë, Bashkimi Evropian paralajmëroi për pasoja negative për të dyja vendet.

    KFOR në ZveçanKFOR në Zveçan

    Bashkimi Evropian, dhe kreu i diplomacisë evropiane, Josep Borrell dënuan në mënyrën më të ashpër aktet e dhunshme në veri kundër qytetarëve, trupave të KFOR-it, forcave të rendit dhe mediave. Në një deklaratë të BE-së, thuhet se “i bëjmë thirrje Kosovës dhe Serbisë që menjëherë dhe pa kushte të marrin masa për të de-përshkallëzuar, të ndalojnë përdorimin e retorikës përçarëse dhe të përmbahen nga çdo veprim i mëtejshëm i pakoordinuar. Qetësia duhet të rivendoset urgjentisht”.

    BE pret nga Kosova të veprojë në mënyrë jo përshkallëzuese dhe të pezullojë menjëherë operacionet policore në afërsi të ndërtesave komunale në veri të Kosovës. Në deklaratën e BE-së thuhet se, “kryetarët e komunave duhet t’i kryejnë përkohësisht detyrat e tyre në objekte të ndryshme nga ndërtesat komunale. Zgjedhjet e parakohshme duhet të shpallen sa më shpejt në të katër komunat dhe të organizohen në mënyrë plotësisht gjithëpërfshirëse. Presim që serbët e Kosovës të marrin pjesë në këto zgjedhje”.

    Për Serbinë, BE-ja shpreh “shqetësimin për gjendjen e gatishmërisë më të lartë të Forcave të Armatosura Serbe”. “Bashkimi Evropian pret që Kosova dhe Serbia të veprojnë me përgjegjësi dhe të angazhohen menjëherë në Dialogun e ndërmjetësuar nga BE-ja për të gjetur një zgjidhje të qëndrueshme për situatën në veri të Kosovës që garanton siguri, siguri dhe demokraci pjesëmarrëse për të gjithë qytetarët dhe hap rrugën për zbatimin e Marrëveshjes për Rrugën drejt Normalizimit dhe Aneksit të saj. Kjo përfshin fillimin pa ndonjë vonesë apo parakusht të mëtejshëm të punës për themelimin e Bashkësisë së Komunave me Shumicë Serbe”, thuhet në deklaratën e BE-së.

    Angazhim i OSBE-së për zgjedhjet e reja

    Për zgjedhjet e reja në veri pritet të ketë angazhim të drejtpërdrejt të OSBE-së. Duke prezantuar një plan nëntë pikësh të BE-së për veriun, kryesuesi i Organizatës për Siguri dhe Bashkëpunim në Evropë, Bujar Osmani, tha se Kosova dhe Serbia duhet të zbatojnë marrëveshjen e Ohrit, si e vetmja mënyrë për të siguruar shtensionimin në veri dhe normalizimin e raporteve Kosovë-Serbi. Në udhëzuesin e BE-së për veriun thuhet se “kryetarët e zgjedhur të komunave në veri duhet të dorëhiqen gjatë verës për t’u hapur rrugë zgjedhjeve të reja që do të mbaheshin deri në fund të vitit”. OSBE-ja do të mbështesë procesin zgjedhor dherritjen e mirëbesimit në mes të komuniteteve, tha Bujar Osmani.

    Turqia i përgjigjet kërkesës së NATO-s

    Tensionet dhe trazirat në veri të Kosovës u nxitën pas zgjedhjeve lokale të 23 prillit, të cilat u organizuan nga Prishtina zyrtare por u bojkotuan masivisht nga partitë serbe me mbështetje të Beogradit. Me një pjesëmarrje shumë të ulët në zgjedhje prej vetëm 3.6%, u zgjodhën katër kryetarë shqiptar të komunave veriore të banuara me shumicë serbe. Këta kryetarë nuk po pranohen nga serbët lokal dhe gjatë protestave të serbëve dhe përpjekjeve për të hyrë në objektet komunale, shkaktuan plagosjen e 30 pjesëtarëve të KFOR-it. Pas kësaj NATO-ja vendosi që të dërgojë 700 trupa shtesë, nëse është nevoja edhe më shumë, për ta mbajtur situatën nën kontroll dhe për të garantuar qetësinë. Këtij numri ushtarësh të KFOR-it, sipas Ministrisë turke të Mbrojtjes i bashkohen edhe trupa komando turke, në përgjigje të kërkesës së NATO-s.