Category: Lajme

Përmes një postimi në faqen zyrtare, ministri i Ministrisë së Kulturës Rinisë dhe Sportit (MKRS), Hajrulla Çeku ka bërë të ditur që Kosovën e ka vizituar sot Komisioni vlerësues i Komitetit Ndërkombëtarë të Lojërave Mesdhetare.

Çeku tha se po punohet vazhdimisht që në vendin tonë të organizohet një prej ngjarjeve më të mëdha sportive në botë, raporton KosovaPress.

Po ashtu, ministri Çeku tha se Kosova është kandidate serioze për organizimin e Lojërave Mesdhetare 2030.

“Kosova kandidate serioze për organizimin e Lojërave Mesdhetare 2030. Po punojmë me përkushtim të plotë që në vendin tonë të organizojmë një prej ngjarjeve më të mëdha sportive në botë. Programi i Lojërave Mesdhetare përmban 24 sporte dhe pjesëmarrje të afër 5000 sportistëve.

Tashmë jemi një hap para. Sot në vendin tonë filluan vizitën Komisioni vlerësues i Komitetit Ndërkombëtar të Lojërave Mesdhetare, kryesuar nga presidenti Julian Pace Bonello, dhe të përcjellur nga sekretari i përgjithshëm i ICMG-së, Iakovos Filippousis. Ata pritet të bëjnë vlerësim të gjendjes dhe zhvillojnë takime me zyrtarë të nivelit të lartë institucionalë për ta konfirmuar mbështetjen e tyre për organizim”, shkroi Çeku në “Facebook”.

Ndërkaq, Çeku listoi edhe përfitimet e Kosovës nga ky organizim.

“Konsolidim të imazhit shtetëror në arenën ndërkombëtare. Përforcim të përkatësisë dhe identitetit shtetëror. Infrastrukturë fizike të modernizuar. Ekonomi të ringjallur përmes krijimit të vendeve të reja të punës dhe zhvillimit të turizimit sportiv. Fuqizim të rezultateve sportive dhe zhvillim të qëndrueshëm të sportit në vend”, shkroi Çeku.

Prokuroria Speciale e Republikës së Kosovës (PSRK), ka ngritur sot aktakuzë në Gjykatën Themelore në Prishtinë – Departamentin Special, kundër të pandehurit me inicialet Z.A. i nacionalitetit serb.

Prokuroria Speciale njofton se ekziston dyshimi i bazuar mirë se i pandehuri Z.A, gjatë periudhës së luftës në Kosovë, në bashkëkryerje me pjesëtarë tjerë të policisë serbe, i uniformuar me uniformë të policisë serbe dhe i armatosur, e kishte ndaluar në qendër të qytetit të Kamenicës të dëmtuarin B.M. duke e torturuar në mënyrë ç‘njerëzore, maltretuar dhe duke i shkaktuar lëndime të rënda trupore, traumë dhe pasoja në shëndet, si dhe, duke e kanosur seriozisht për jetë për një orë e gjysmë, veprime këto të sanksionuara sipas ligjeve vendore, zakoneve të luftës dhe Konventave Ndërkombëtare të Gjenevës dhe Protokolleve Shtesë.

Po ashtu, i pandehuri Z.A. në bashkëkryerje me pjesëtarë tjerë të policisë serbe dhe grupeve paramilitare, ka marrë pjesë në dëbimin dhe shpërnguljen me dhunë të qytetarëve të Kamenicës me rrethinë, pastaj kanë filluar të bëjnë plaçkitjen e shtëpive, e më pas me qëllim të dëmtimit të pronës së shqiptarëve i’a kanë vënë zjarrin, po ashtu kanë marrë pjesë në keqtrajtimin e civilëve shqiptarë.

Me këto veprime i pandehuri Z.A. ka kryer veprën penale “Krime lufte kundër popullatës civile’’ nga neni 142 lidhur me nenin 22 të LP të RSFJ-së.

Kryeministri Albin Kurti ka drekuar sot me rrethin e ngushtë të partisë që udhëheq, Lëvizjes Vetëvendosje. Afër tij, është parë e ulur anëtarja e Kryesisë së VV’së, Dejona Mihali, e cila së fundi po konsiderohet si një nga njerëzit më me ndikim në Vetëvendosje.

Fotografinë ku shihet edhe Kryeparlamentari Glauk Konjufca, Nënkryetarja e Kuvendit, Saranda Bogujevci, Ministrja Albulena Haxhiu e Shefja e Grupit Parlamentar të VV’së, Mimoza Kusari-Lila, e ka publikuar deputeti i VV’së, Adnan Rrustemi.

“Dejona tha: ” Nuk mund t’iu lë vetëm dhe nuk mund të ulem diku tjetër”😉”, ka shkruar Rrustemi sipër fotografisë.

Ndryshe, deputeti Haki Abazi, para se të largohej nga GP i VV’së kishte pretenduar se Mihali e kontrollon grupin parlamentar dhe vendimmarrjen aty.

Në kuadër të bashkëpunimit me Jordaninë një ekip i ushtrisë nga Jordania ka realizuar trajnimin Kërkim Shpëtim Uban në Qendrën Ndërkombëtare të Trajnimit për Kërkim Shpëtim (QNTKSH), të Gardës Kombëtare të Forcës së Sigurisë së Kosovës.

Për tri javë është realizuar trajnimi në pjesën teorike dhe praktike, ku 10 ushtarakë nga Jordania dhe 5 nga FSK, kanë ndjekur trajnimin duke u përgatitur në njohuritë bazë dhe të avancuara në temat: Hapja dhe Siguria e rrugëve deri te viktimat përmes thyerjeve, prerjeve dhe pajenderimeve , ndihmën e parë mjekësorë, evakuimin e viktimave etj.

Në ceremoninë e certifikimit të pranishëm ishin ministri i Mbrojtjes, Armend Mehaj, komandanti i Gardës Kombëtare gjeneral brigade Naim Haziri, Drejtori i QNTKSH, z John Donne si dhe oficerë të FSK-së e të NALT-it.

Ministri Mehaj dhe Gjeneral Haziri vlerësuan lartë bashkëpunimin në mes dy ushtrive duke shprehur gatishmërinë për zgjerimin dhe avancimin e këtij bashkëpunimi edhe në fusha tjera me interes të përbashkët.

Kapiten Ahmad nga ushtria Jordaneze falënderoj FSK-në për mundësin e krijuar për të realizuar trajnimin e Kërkim Shpëtimit, dhe përgëzoj Qendrën e KSH për aktivitet dhe operacionet e realizuara të kësaj njësie e në veçanti operacionin e realizuar në Republikën e Turqisë pas tërmetit.

Deputetja e PDK-së, Ganimet Musliu në seancën e Kuvendi është parë e veshur me një fanelë ku kreu i Qeverisë, paraqitjes me hundë të gjatë si “Pinokio”.

Ditën kur ndodhi përleshja në Kuvend, Musliu kishte vendosur një foto të njëjtë në foltore e më pas edhe një pankartë, duke e quajtur Kurtin mashtrues.

Ajo bashkë edhe me deputeten tjetër të PDK-së, Ariana Musliu-Shoshi e kanë hequr shiritin e vendosur që i ka penguar mediet të kenë qasje.

Kryeministri i Republikës së Kosovës, Albin Kurti, sot priti në takim Kryetaren e Shoqatës së Kryqit të Kuq të Kosovës, Feride Hyseni, të shoqëruar nga Sekretari i Përgjithshëm i kësaj shoqate, Agron Humolli.

Përgjatë bashkëbisedimit, përfaqësuesit e shoqatës së Kryqit të Kuq të Kosovës ndanë ​me kryeministrin Kurti shqetësimet dhe po edhe sfidat me të cilat ballafaqohen përgjatë punës së tyre. Kësisoj, ata kërkuan edhe mbështetje nga kryeministri në atë drejtim.

Në kuadër të kësaj teme, kryeministri Kurti shprehu vullnetin dhe gatishmërinë e tij të plotë për bashkëpunim të mëtejmë, si dhe për adresimin e shqetësimeve të tyre.

Gjithashtu, ai tha se barazia e mirëqenia janë synime qëndrore të qeverisjes, duke vënë theksin te reformat e ndërmarra gjatë qeverisjes si dhe masat në kuadër të Pakos për Ringjalljen Ekonomike dhe pakove tjera në mbështetje të qytetarëve.

Kryqi i Kuq i Kosovës është shoqata më e vjetër humanitare në Republikën e Kosovës, e themeluar në vitin 1945. Ajo numëron plot 26 degë në Kosovë.

Shefi i Grupit Parlamentar të Partisë Demokratike të Kosovës (PDK), Abelard Tahiri, tha se pushteti e mbylli seancën për ta pamundësuar diskutimin për atë që ai e ka quajtur aferën “Zdravo”.

Tahiri pohoi se krejt kjo po ndodh pasi pushteti nuk do të diskutojë për sanksionet e skandalet e tjera.

“Ju ishit prezent edhe në mbledhjen e fundit të Kryesisë ku kërkuam debat për aferën Zdravo. Në atë mbledhje na u pamundësua që debati të ndodhte sot siç kërkuam për qartësi nga kryeministria e shefja e GP të VV-së për komunikimin me Radojçiqin”.

“E mbyllën këtë seancë për të na e pamundësuar që të flasim për aferën Zdravo. E dyta që është shumë shqetësuese është për abuzimet që janë duke ndodhur në Ministrinë e Rozeta Hajdarit. Si Grup Parlamentar do të vazhdojmë të kemi angazhim të vazhdueshëm që vendin ta dërgojmë në zgjedhje”.

“Kjo seancë qe u anulua sot mund të jetë edhe si rezultat i kërkesës së Radojçiqit. Janë po këta njerëz qe po na e pamundësojnë të bisedojmë për sanksionet. Kjo tendencë e mbylljes në mënyrë kaq të turpshme të seancës është për shkak se nuk duan të flasin për sanksion”.

Seanca e Kuvendit u mbyll pa filluar fare punimet. Munguan deputetët e pushtetit, rrjedhimisht nuk kishte kuorum. Me këtë rast, Kuvendi edhe i mbylli punimet për sesionin pranveror.