Category: Lajme

Autoriteti i Konkurrencës aktualisht i ka nën llupën e saj disa ndërmarrje vendore, siç janë “Art Motion”, “Kujtesa”, KEDS&KESCO, ka bërë të ditur për Ekonomia Online, ushtruesi i detyrës së drejtorit të Përgjithshëm të këtij institucioni, Selajdin Beqa.

Krahas shqiptimit të gjobave, Beqa thotë se të gjitha rastet që i heton ky institucion sfidohen në Gjykatë. E numri i gjobave që i shqipton ky institucion nuk është edhe i vogël, pasi 14 kompani që operojnë në tregun e sektorit të naftës janë dënuar. E shuma totale e dënimit kap shifrën e katër milionë eurove.

Shkak për nisjen e hetimeve ndaj dy operatorëve privat në Kosovë, ndërlidhen me marrëveshjet e dyshimta mes vete.

“Kemi hapur hetim ndaj ‘Art Motion’ dhe ‘Kujtesa’ mbi bazën e dyshimit për marrëveshje të ndaluar ndërmjet tyre dhe mosparaqitje të notifikimit të përqendrimit. Jemi në procedurë e sipër tashmë ndaj këtyre dy ndërmarrjeve, po ashtu jemi duke i monitoruar edhe ndërmarrjet tjera të cilët janë dhe afarojnë në këtë treg. Jemi ende në procedurë hetimore, ne kemi thënë në konkluzionin i cili është publik mbi bazën e elementeve të marrëveshjeve të ndaluara dhe mosparaqitjes së notifikimit të përqendrimit në autoritetit kemi hapur hetim, tashmë po vazhdojnë hetimet dhe grupet e punës po merren aspektet e tjera”, u shpreh Beqa duke mos dhënë shumë detaje për këtë rast, pasi siç thotë janë ende në fazën fillestare të hetimeve.

Krahas kësaj, Heta ka treguar edhe për ndërmarrjet tjera që janë duke i hetuar. Thotë se ndërmarrja KEDS&KESCO dyshohen për marrëveshje të ndaluar dhe shkëmbim të informacioneve ndërmjet konkurrentëve. Kjo sipas tij ka ndodhur në vitin 2020.

“Në vitin 2020, pas procesit të shthurjes, me që më duhet ta theksoj faktin që tregu i energjisë është treg i rregulluar dhe mbikëqyret nga Zyra e Rregullatorit për Energji në Kosovë, mirëpo ne kemi vërejtur elemente dhe sjellje jo shumë konkurruese në këtë fakt dhe mbi bazën e kësaj kemi hapur hetim në vitin 2020 për procesin e shthurjes elementet e marrëveshjes së ndaluar dhe shkëmbim të informacioneve ndërmjet konkurrentëve në atë kohë dhe jemi në fazën e procedurës hetimore edhe për këtë rast ndonëse është vazhduar pak, por situata nga pandemia në kriza të tjera globale që kanë ndodhur lufta në Ukrainë dhe tashmë kriza e madhe me çmimet e energjisë, kanë diktuar faktin që procedura hetimore të vazhdojë dhe të na marrë kohë pak më shumë siç duhet”, thotë Beqa.

Beqa ka vlerësuar bashkëpunimin që e kanë me institucionet gjyqësore. Thotë se të gjitha rastet e AK-së sfidohen në Gjykatë.

“Në kuadër të kësaj kemi pasur takime të frytshme dhe të mira me institucione rregullatore siç është ARKEP, MINT, KPM-ja dhe institucione tjera. Në kuadër të kësaj, kryetarja ka zhvilluar një sërë takimesh me BQK-në, KPK-në, KGjK-në e kështu më radhë, të cilët do ta ndërlidhin punën tonë dhe mbi bazën e kësaj jemi në proces të draftimit të marrëveshjes së mirëkuptimit dhe bashkëpunimit, ndonëse nuk na mungon. Rastet e Autoritetit të Konkurrencës sfidohen në Gjykatë”, u shpreh ai, teksa tregoi edhe për numrin e gjobave të shqiptuara nga ky institucion.

“Pothuajse të gjitha. Në jetën e tij, Autoriteti i Konkurrencës ka shqiptuar së fundmi 14 dënime ndaj 14 kompanive e të cilët operojnë në tregun e sektorit të naftës, me shumën totale me një gjobë prej 4 milionë euro dhe ajo është duke u sfiduar në Gjykatën Komerciale”, thotë Beqa për EO.

Një përleshje e armatosur që rezultoi me vrasjen e 39-vjeçarit, Kastriot Ramadani, teksa mbetën të lënduar e të plagosur edhe 17 persona të tjerë, tronditi kryeqytetin mbrëmë.

Të dyshuar për ngjarjen tragjike në lokalin e njohur ‘Bon Vivant’, është Andi Pajaziti, i cili ndodhet në spital dhe ndaj të njëjtit është lëshuar urdhër për ndalim, Hysni Geci dhe Gzim Zakuti, po ashtu të arrestuar dhe Dukagjin Nikollaj, i cili ka arritur që të arratiset nga vendi i ngjarjes, raporton Gazeta Sinjali.

E sot në fshatin e lindjes, familjarë, miq e të afërm u mblodhën për t’i dhënë lamtumirën e fundit, 39-vjeçarit, Kastriot Ramadani.

Në media janë publikuar edhe pamjet nga ceremonia mortore.

Në një aksident në Kroaci kanë humbur jetën dy shtetas të Kosovës ndërsa dy të tjerë kanë pësuar lëndime të rënda trupore.

Në aksidentin e ndodhur mbrëmë rreth orës 23:00 në dalje të Ravçës, në autostradën A1, kanë mbetur të vdekur nënë e bijë shtetas të Kosovës, ndërsa baba e biri kanë pësuar lëndime të rënda dhe janë transportuar në spitalin e Splitit. Bëhet e ditur se shtetasit e Kosovës vozisnin veturë gjermane, BMW.

Në aksident ka humbur jetën edhe një 33-vjeçar nga zona e Zarës, i cili drejtonte automjetin Volkswagen T-Roc.

BMW-ja e shtetasve të Kosovës është rrokullisur nga forca e goditjes, ndërsa VW humbi gjysmën e pjesës së përparme.

Nuk dihet ende se si ka ndodhur aksidenti që shkaktoi tre viktima, raporton index.hr.

Autoritetet kroate kanë nisur hetimet dhe gjatë ditës do të japin më shumë informacione.

Prokuroria Themelore në Prishtinë ka dhënë detaje rreth përleshjes së të premtes që ndodhi lokalin “Bon Vivant” në Prishtinë.

Sipas Prokurorisë, është konstatuar se nga arma e zjarrit kanë rezultuar të plagosur 7 persona, ku njëri nga ta si pasojë nga plagët e marra ka ndërruar jetë në Qendrën Klinike Universitare të Prishtinës.

“Më datën 04.08.2023 në orët e mbrëmjes, prokurori kujdestar i Prokurorisë Themelore në Prishtinë është njoftuar nga ana e Policisë së Kosovës, që në rrugën ‘Rexhep Luci’ në Prishtinë respektivisht në lokalin ‘Bon Vivant’, ka të shtëna me armë zjarri. Me të marrë informacionin, prokurori i shtetit bashkë me njësitet relevante të Policisë së Kosovës, ka konstatuar se si pasojë e të shtënave ka persona të plagosur”, thuhet në komunikatën e Prokurorisë.

Është konstatuar se nga arma e zjarrit kanë rezultuar të plagosur 7 persona, ku njëri nga ta si pasojë nga plagët e marra ka ndërruar jetë në Qendrën Klinike Universitare të Prishtinës. Ndërsa 13 persona të tjerë kanë pësuar lëndime trupore nga gërvishtjet e xhamave apo nga gjësendet tjera. Të gjithë kanë kërkuar ndihmë mjekësore”, thuhet tutje.

Prokurori i rastit në bashkëpunim me Policinë e Kosovë janë duke punuar në drejtim të identifikimit të personave të implikuar në këtë rast me qëllim të zbardhjes së plotë të ngjarjes, është marr aktvendim mbi ndalim ndaj disa personave.

“Prokurori, rastin në fjalë e ka cilësuar ‘Vrasje të rëndë’ neni 173, ‘Mbajtja në pronësi, kontroll ose posedim të paautorizuar të armëve’ neni 366 dhe ‘Pjesëmarrje në rrahje’ neni 187 i Kodit Penal të Kosovës”, thuhet tutje.

“Ajo që është më rëndësi të ceket se një person gjendet në arrati, ndërsa është konstatuar se gjithë të dyshuarit kanë të kaluar kriminale”, thekson Prokuroria.

Deputetja e PDK-së, Eliza Hoxha, ka thënë se derisa njerëz të armatosur sillen lirshëm, ka të tjerë që merren me pasojën e jo me thelbin e problemit.

Përmes një postimi në Facebook, Hoxha e ka dënuar incidentin e të premtes i cili rezultoi me një të vrarë në lokalin”Bon Vivant” në Prishtinë, derisa ka shtuar se Prishtina u zgjua e zymtë dhe plot dhimbje.

“Prishtina sot u zgjua e zymtë dhe plot dhimbje.

Njerëz të armatosur që sillen lirshëm, jetë njerëzish të humbura, hapësirë publike e cenuar dhe ca vazhdojnë e merren me pasojën por jo edhe me thelbin e problemit”, ka shkruar Hoxha.

Hetuesit policorë nga Drejtoria për Hetimin e Krimeve të Luftës (DHKL), kanë arritur që sot, më 05.08.2023, rreth orës 12:30, në fshatin Lubozhdë të komunës së Istogut të lokalizojnë dhe të arrestojnë të dyshuarin Ž.Z., viti i lindjes 1954, i dyshuar për veprën penale “Krime lufte kundër popullatës civile” të kryer gjatë vitit 1998-1999 në Komunën e Istogut.

I dyshuari gjatë kohës së luftës në Kosovë në vitin 1998-1999 ka pasur pozitën e komandantit të Nën Stacionit Policor në fshatin Rakosh të Komunës Istogut. I njëjti është sjell në zyrat e DHKL-së ku pritet të intervistohet në cilësi të dyshuarit në prezencë të avokatit mbrojtës.

Drejtori i Institutit të Kosovës për Drejtësi, Ehat Mifataraj, lë përgjegjësinë tek drejtuesit e institucioneve të sigurisë për tragjedinë e mbrëmshme në kryeqytet.

“Përgjegjësia pse ndodhin raste si mbrëmë në Bon Vivant është e ditur. Këto vrasje janë të parandalueshme, nëse policia dhe prokuroria nuk i mbyllin sytë ndaj tyre”, ka thënë ai, duke shtuar se nuk mund të angazhohet policia për kontrolle në secilën kafiteri.

“Sot llogari duhet kërkuar shefave të policisë dhe kryeprokuroreve”.

Ai thekson se ky rast nuk mund të mbulohet me komunikata me shkrim apo me dalje nëpër konferenca.