ATV

Category: Lajme

  • Scholz: Përshkallëzimi i situatës tregon që Kosova e Serbia duhet t’i zbatojnë marrëveshjet

    Scholz: Përshkallëzimi i situatës tregon që Kosova e Serbia duhet t’i zbatojnë marrëveshjet

    Kancelari gjerman, Olaf Scholz, ka deklaruar se përshkallëzimi i situatës në veri të Kosovës dëshmon faktin se Kosova e Serbia duhet të zbatojnë marrëveshjen e dakorduar.

    Ai ka deklaruar gjatë Samitit në Procesin e Berlinit që po mbahet në Tiranë se është i kënaqur me punën e ndërmjetësve të Bashkimit Evropian mbi dialogun Kosovë-Serbi.

    “Procesi i Berlinit është instrumenti më i mirë edhe për përshpejtimin e integrimit të të gjitha vendeve të Ballkanit Perëndimor. Procesi i Berlinit është proces bashkëpunimi…Këto përshkallëzime të kohëve të fundit në veri të Kosovës kanë vërtetuar sa e rëndësishme është kjo. Ne duhet të përfundojmë zbatimin e marrëveshjeve të normalizuara nga BE-ja dhe jam shumë i kënaqur që për herë të parë ky Samit zhvillohet në një vend të Ballkanit Perëndimor. Është një sinjal i fortë dhe thekson rëndësinë që ka rajoni në këtë proces dhe ne duhet të përdorim këtë rast për t’u përqendruar te objektivi që kanë të gjitha shoqëritë e Ballkanit Perëndimor”, ka deklaruar Scholz.

  • Shënohet Dita e Gruas Rurale – Peci: Në vitin 2022 gratë kanë përfituar 7.2 milionë euro grande

    Shënohet Dita e Gruas Rurale – Peci: Në vitin 2022 gratë kanë përfituar 7.2 milionë euro grande

    Me rastin e Ditës së Gruas Rurale, EcoKoswomen ka organizuar Panairin ku gratë nga zonat rurale kanë ekspozuar dhe shitur produktet e tyre, raporton Ekonomia Online. Nga të pranishmit u tha se kjo ditë festohet me qëllim që të vlerësohet kontributi i grave në bujqësisë dhe të dëshmohet puna e palodhshme e tyre.

    Ministri i Bujqësisë, Pylltarisë dhe Zhvillimit Rural Fatoni Peci, tha se gratë e kanë dëshmuar se gratë e kanë dëshmuar nikoqirllëkun gjatë gjithë jetës.

    Ai madje tha se në vitin 2022 në kuadër të programit të grandeve gratë kanë përfituar 7.2 milionë euro.

    “Për mua është kënaqësi që në emër të Ministrisë së Bujqësisë të jem në shënimin e këtij aktiviteti, e kush më mirë se sa gratë janë ato të cilat e kanë demonstrua edhe nikoqirllëkun gjatë gjithë jetës, unë si ministër në vitin e kaluar isha pjesë e këtij Panairi dhe pata bërë një zotim se gratë do të jene pjesë e rëndësishme”.

    “…sot para se të vijë këtu unë pash njëherë edhe statistikat së çka flasin në kuadër të programit për grande për vitin 2022 ne kemi një rekord të përkrahjes dhe do ta ndajë me ju shifrën të konsiderueshme, pra 7.2 milionë euro në kuadër të programit të grandeve për vitin 2022 janë përfituese femrat”.

    Danila Qoqa, nga “EcoKosËomen”, tha se është e rëndësishme që të festohen të arriturat e shumta të grave në bujqësi.

    “Dita e Grave rurale shërben si një kujtesë për të njohur rolin jetik që këto gra luajnë në modelimin e peizazhit bujqësor. Është një mundësi për të festuar arritjet e tyre”.

    Vlora Tushi, shefe e zyrës së UN women në Kosovë, tha se do të vazhdojnë që të mbështesin këto gra që janë shtyllë e shoqërisë.

    “Tema globale e grave është gratë rurale kultivojnë ushqimin për të gjithë ne, kjo temë ka një qëllim për ngritjen e vetëdijes për të gjithë në, grat rurale veç se ndihmojnë dhe kultivojnë ushqimin për të gjithë botën. Ne si UN women, premtojmë që do të vazhdojmë të jemi mbështesë për këto gra”.

    Xhyla Vllahiu, nga Podujeva tha se përkrahja e institucioneve në këtë kohë nuk po mungon.

    “Unë këtu po shesë pite fli, pestil, dhe vijë nga Sekorqës së Podujevës, tash e kemi përkrahjen më shumë prej institucioneve”.

    Edhe Elmije Bytyqi, nga komuna e Prishtinës, tha se produkte e tyre janë cilësore, falë edhe mbështetjes së Komunës e Ministrisë.

    “Unë për momentin po shesë molla, domatina. Vij nga fshati Shtatofc komuna e Prishtinës, prej komunës kemi pas ma shumë mbështetje e prej ministrisë ma pak, po tash ma mirë”.

  • Rama: Premtimet ekonomike të Procesit të Berlinit nuk janë realizuar plotësisht

    Rama: Premtimet ekonomike të Procesit të Berlinit nuk janë realizuar plotësisht

    Kryeministri i Shqipërisë, Edi Rama, në fjalën e tij hyrëse në Samitin e Procesit të Berlinit, tha se premtimet ekonomike të këtij samiti nuk janë realizuar plotësisht.

    Ai tha se këtë po e thotë në mënyrë të butë.

    “Premtimet ekonomike të Procesit të Berlinit nuk janë realizuar plotësisht, për të thënë në mënyrë të butë, sidomos nëse krahasohet me mendësinë transformuese politike që ka sjellë Angela Merkel”, është shprehur Edi Rama.

    “Sfidat që kalojnë shtetet që s’janë në BE po intensifikohen krahasuar me ata që janë. Unë nuk do të drejtoj gishtin apo të ankohem. A mund ta përballojmë këto ndasi mes vendeve të BE-së dhe jo të BE-së, siç mund të bënim 9 vjet më parë më 2014. Liderët e Ballkanit u takuan në Berlin, shënoi një moment historik, për të synuar për ta transformuar këtë rajon, që siguron kriteret e BE-së, lirinë e lëvizjes dhe kapitalit”, tha ai.

    Rama u shpreh se të gjitha shtetet duhet të qëndrojnë bashkë në “kohëra krizë” duke e përmendur agresionin rus në Ukrainë si dhe sulmin e fundit të Hamasit në Izrael.

    Ai tha se Evropa e Bota po kalojnë momente të vështira, dhe se sipas tij është e nevojshme “një çati e përbashkët” në kohë sprovuese të cilat “më shumë gjasë ka të përkeqësohen se përmirësohen”.

  • Hoxhaj: Ahtisaari do të jetë gjithmonë pjesë e rrugëtimit të Kosovës drejt pavarësisë dhe popullit tonë

    Hoxhaj: Ahtisaari do të jetë gjithmonë pjesë e rrugëtimit të Kosovës drejt pavarësisë dhe popullit tonë

    Ish-ministri i jashtëm i Kosovës, Enver Hoxhaj ka shkruar për vdekjen e Martti Ahtisaarit, duke thënë se trashëgimia e tij do të mbetet përgjithmonë në kujtesën e popullit të Kosovës.

    Nënkryetari i Kuvendit të Kosovës, Enver Hoxhaj, përmes një postimi në rrjetin social Facebook, ka shkruar se me pikëllim i themi lamtumirë Presidentit Martti Ahtisaari, një gjigant i diplomacisë dhe laureat i Çmimit Nobel për Paqes.

    “Me pikëllim i themi lamtumirë Presidentit Martti Ahtisaari, një gjigant i diplomacisë dhe laureat i Çmimit Nobel për Paqes. Ai do të jetë gjithmonë pjesë e rrugëtimit të Kosovës drejt pavarësisë dhe popullit tonë! Trashëgimia e tij do të mbetet përgjithmonë në kujtesën e popullit të Kosovës.”, ka shkruar Hoxhaj.

  • Kurti në takim me Roth: Dialogu nuk mund të vazhdojë sikur nuk ka ndodhur asgjë

    Kurti në takim me Roth: Dialogu nuk mund të vazhdojë sikur nuk ka ndodhur asgjë

    Kurti është takuar me Kryesuesin e Komisionit për Punë të Jashtme të Parlamentit gjerman, Michael Roth.

    Në njoftimin e ZKM’së thuhet se gjatë takimit u diskutua rreth situatës aktuale në vend dhe procesin e dialogut.

    Sa i përket dialogut, Kurti ka thënë se ai nuk mund të vazhdojë sikur të mos ketë ndodhur asgjë.

    “Në lidhje me procesin e dialogut të ndërmjetësuar nga Bashkimi Evropian, Kryeministri Kurti u shpreh se ai nuk mund të vazhdojë sikurse të mos ketë ndodhur asgjë. Kapitulli i ardhshëm i dialogut për normalizim duhet ta ketë parasysh veprimin agresor të Serbisë përmes sulmit terrorist të 24 shtatorit, për të cilin ka dëshmi e fakte të mjaftueshme për përfshirjen e Serbisë.”

    ZKM thotë se qasja në proces duhet të jetë e balancuar, të respektohet dhe zbatohet në plotni Marrëveshja Bazike dhe aneksi i saj.

    “Serbia të zmbrapset nga refuzimi publik dhe faktik i pjesëve të Marrëveshjes Bazike të cilat kanë të bëjnë me njohjen de-facto të Kosovës dhe integritetin tonë territorial.”

    Në këtë takim, Kurti dhe Roth kanë biseduar edhe rreth rrugëtimit e anëtarësimit të Kosovës në organizata ndërkombëtare dhe për marrëdhëniet bilaterale ndërmjet Kosovës dhe Gjermanisë.

    Kurti e ka falënderuar Roth për mbështetjen e vazhdueshme të Gjermanisë si dhe të tij ndaj Kosovës.

  • Scholz u bashkohet liderëve rajonal e evropian në Samitin e Berlinit në Tiranë

    Scholz u bashkohet liderëve rajonal e evropian në Samitin e Berlinit në Tiranë

    Kancelari gjerman, Olaf Scholz, u është bashkuar liderëve rajonal e evropian në Samitin e Berlinit në Tiranë.

    Scholz është pritur nga kryeministri i Shqipërisë, Edi Rama.

  • ​Abazoviq: E ardhmja e rajonit tonë është në BE

    ​Abazoviq: E ardhmja e rajonit tonë është në BE

    Kryeministri i Malit të Zi, Dritan Abozaviq po merr pjesë në Samiti i Berlinit, i cili po mbahet në Tiranë.

    Ai është pritur nga kryeministri Edi Rama. Ndërkohë, shkurt për media ka thënë se e ardhmja e të gjitha vendeve tona është në BE.

    “Shpresoj se ardhmëria e të gjithëve është në Bashkimin Evropian”, tha ai.

    Aktualisht të gjithë liderët e Ballkanit Perëndimor po hynë tek piramida, ku edhe së shpejti nis samit.

  • Osmani për vdekjen e Ahtisaarit: Iku figura madhështore që skaliti kornizën e shtetit tonë

    Osmani për vdekjen e Ahtisaarit: Iku figura madhështore që skaliti kornizën e shtetit tonë

    Presidentja e vendit, Vjosa Osmani ka thënë se me vdekjen e kryenegociatorit për zgjidhjen e statusit të Kosovës, Martti Ahtisaari, ka ikur nga kjo botë një figurë madhështore e skenës globale politike.

    Osmani ka shtuar se Ahtisaari ishte njeri që tërë jetën ia kushtoi paqes, diplomacisë dhe të mirës për njerëzimin.

    Sipas saj, paqebërësi dhe vizionari do të mbetet përherë në kujtimet e popullit të Kosovës.

    “Sot iku nga kjo botë një figurë madhështore e skenës globale politike, kryenegaciatori për statusin e Kosovës, ish-presidenti i Finlandës, Martti Ahtisaari. Presidenti Ahtisaari ishte njeriu që tërë jetën e tij ia kushtoi paqes, diplomacisë dhe të mirës për njerëzimin dhe që pati ndikim të jashtëzakonshëm për të tashmen dhe të ardhmen tonë! Ai skaliti kornizën e shtetit tonë, teksa emri i tij do të mbetet përherë në analet e historisë së Republikës së Kosovës”, ka shkruar Osmani në Facebook.

    Ish-ndërmjetësuesi kryesor i Kombeve të Bashkuara për zgjidhjen e statusit të Kosovës dhe ish-presidenti finlandez, Martti Ahtisaari, ka vdekur sot (e hënë) në moshën 86-vjeçare.

  • Kurti dhe Rama shtrëngojnë duart në Tiranë

    Kurti dhe Rama shtrëngojnë duart në Tiranë

    Kryeministri Edi Rama ka mirëpritur një e nga një liderët e Bashkimit Evropian, në nisje të këtij Samiti të Procesit të Berlinit.

    Në Tiranë është shtruar tapeti i kuq për liderët e shteteve pjesëmarrëse në Samit, ku kreu i qeverisë pas shtrëngimit të duarve, i drejton liderët për te ndërtesa e Zyrës së Kryeministrit.

    Ai ka biseduar me të gjithë liderët që ecën në tapetin e kuq, përveç kryeministrit të Kosovës, Albin Kurti dhe kryeministres së Serbisë, Ana Bërnabiç. E njëjta qasje ishte dhe me homologun grek Kiriakos Mitsotakis, shkruajnë mediat në Tiranë.

    Rama dhe Kurti i shtrënguan vetëm dorën njëri tjetrit, ndërkaq një afirmimet më të ngrohtë Rama tregoi me kryeministrin e Malit të Zi, Dritan Abazoviç, me të cilin s’pati vetëm një shtrëngim duarsh e një foto zyrtare, por një përqafim.

  • Gjithçka që duhet të dini për Samitin e sotëm të Berlinit në Shqipëri

    Gjithçka që duhet të dini për Samitin e sotëm të Berlinit në Shqipëri

    Samiti i Berlinit do të mbahet brenda Ballkanit Perëndimor ku Shqipëria do të jetë vendi pritës.

    Tirana është veshur me flamujt e Bashkimit Evropian. Teksa mësohet se sot (e hënë) veç takimeve zyrtare liderët evropianë do të priten me disa element surprizë, tradicionalë, si këngë e valle popullore.

    Piramida do të jetë mjedisi kryesor ku do të zhvillohen aktivitetet, që nisin në orën 11 të mëngjesit të 16 tetorit e përfundojnë në orën 19:30. Në hyrje të piramidës është vendosur edhe tabela e Samitit ku do të realizohet fotoja e përfaqësuesve të BE-së, me mikpritësin Edi Rama. Samiti do të hapet me fjalën e kryeministrit Rama, kancelarit gjerman Olaf Scholz, presidentes së Komisionit Evropian Ursula Von der Leyen dhe presidentit të këshillit të BE-së, Charles Michel.

    Më tej do të ketë dy forume pune me tematikë integrimin e rajonit në tregun unik me BE dhe sfidat e mundësitë për investime e rritje në Ballkan. Në drekën e punës të planifikuar në orën 14 do të diskutohet mbi marrëdhëniet e fqinjësisë së mirë.

    Pasditja e të hënës do të jetë edhe më ceremoniale me hapjen zyrtarisht të piramidës e cila do të shoqërohet me vizita në godinë e shfaqje të një video të transformimit të piramidës. Në agjendë planifikohet edhe një konferencë e përbashkët për shtyp mes Ramës, kancelarit Scholz dhe presidentes së KE-së, Von der leyen; që pas samitit të BE-së, në 6 dhjetor e shndërrojnë sërish Tiranën si kryeqytetin evropian me Samitin e Berlinit.

    Ursula Von Der Leyen është zyrtarja e parë e BE-së që erdhi në Shqipëri një ditë para samitit, ku u prit këtë të diel në aeroportin “Nënë Tereza” nga ministrja e Shtetit Elisa Spiropali; teksa kishte një konferencë me kryeministrin Edi Rama. Ajo ka takuat edhe presidentin, Bajram Begaj. Ajo sot pritet ta prezantojë një plan i cili është në favor të përshpejtimit të vendeve tona drejt BE-së, që është vlerësuar si mjaft i rëndësishëm.

    Në samit pritet të nënshkruhen disa marrëveshje që kryesisht lidhen me zhvillimin ekonomik të rajonit.

    Për të hartuar planin e masave për mbarëvajtjen e samitit për procesin e Berlinit, policia shqiptare është konsultuar me Europol dhe Interpol.

    Para gjatë dhe pas samitit pritet të angazhohen 200 punonjës nga Policia e Shtetit dhe Garda e Republikës.

    Mbrëmë nga ora 20.00 e deri në orën 20.00, të së hënës do të qëndrojnë të bllokuara akset rrugore që konsiderohen perimetër sigurie si bulevardi dëshmorët e kombit dhe Bajram Curri. Rruga “Papa Gjon Pali II”, “Ismail Qemali”, “Mustafa Matohiti”, “Jul Variboba”, “Fatmir Haxhiu”, “Lekë Dukagjini dhe “Ukraina e lirë”.

    Brenda këtij perimetri do të ndalohet kalimi edhe i këmbësorëve, përveç rezidentëve dhe gjithë bizneset do të mbyllen.

    Ndërkohë që gjatë të hënës pritet të ketë kufizime të pjesshme dhe në akse të tjera. Rruga që lidh aeroportin e Rinasit me ish sheshin shqiponja, pjesa e unazës deri tek rreth rrotullimi i AQUK-ut për të vazhduar me pallatin e brigadave rrethrrotullimin e qytetit student deri tek bulevardi bajram Curri. Kufizimet nisin nga ora 8.00 deri në 12.00 dhe nga ora 15.30 deri në orën 20. 00.

    Kufizime të qarkullimit të automjeteve të tonazhit të rëndë, do të ketë në aksin rrugor “Shkodër – Lezhë – Milot – Thumanë – Fushë Krujë – Vorë”.