Category: Lajme

Qeveria në detyrë e Kosovës ka miratuar vendimin për rialokimin e mjeteve në Ministrinë e Kulturës dhe Turizmit për zbatimin e programit “Masat preventive – intervenime emergjente nëpër komuna të ndryshme”.

Kurti e quajti të rëndësishëm rikonstruktimin e xhamisë së Ibrit në kuadër të ruajtjes së trashëgimisë kulturore dhe fetare të Kosovës.

Kryeministri në detyrë i Kosovës, Albin Kurti, tha se rikonstruktimi i xhamisë së Ibrit është i rëndësishëm për ruajtjen e trashëgimisë kulturore dhe fetare të Kosovës.

“Rikonstruktimi i Xhamisë së djegur të Ibrit, Xhamia e Boshnjakëve në Mitrovicën e Veriut, paraqet një hap me rëndësi për ruajtjen e trashëgimisë kulturore dhe fetare, si pjesë e identitetit historik dhe diversitetit kulturor të Kosovës”, deklaroi Kurti në mbledhjen e Qeverisë.

“Kjo xhami ka vlerë të veçantë për komunitetin lokal dhe përfaqëson një simbol të bashkëjetesës, kujtesës dhe trashëgimisë së qytetit të Mitrovicës. Në këtë kuadër, Ministria e Kulturës, Rinisë dhe Sportit ka propozuar rialokimin e 50 mijë eurove për realizimin e projektit të rikonstruktimit të saj, në përputhje me programin për mbrojtjen dhe ruajtjen e trashëgimisë kulturore”.

“Përmes këtij investimi, synohet ruajtja dhe restaurimi i një objekti me rëndësi historike, kulturore dhe shoqërore për qytetarët dhe komunitetin lokal, por i cili natyrisht së pari ka nevojë për rindërtim”.

Drejtori i Spitalit Rajonal të Mitrovicës, Gëzim Berisha, ka folur lidhur me gjendjen e Hysni Mehanit.

Berisha tha se Mehani do të ndalet deri nesër në spital, sepse do i bëhen ekzaminime.

Shtoi se i njëjti ka vështirësi në të ecur.

“Përveç lëndimeve më serioze në fytyrë, ka vështirësi në të ecur, mundim si në të vjellur, neurologu do e përcjell deri nesër.”, tha Berisha për Mitropol.

Ish-deputetja e Vetëvendosjes, Arjeta Fejza, ka rrëfyer për incidentin. Ajo ka thënë se ishte duke pirë kafe me zëvendësministrin Hysni Mehanin, kur ky i fundit u sulmua.

Fejza ka deklaruar Kryetari i Komunës së Skënderajt, Sami Lushtaku, iu afrua Mehajt pa asnjë lloj komunikimi paraprak dhe se e sulmoi fillimisht me telefon, pastaj me dorë dhe gotë.

“Sot rreth mesditës, bashkë me zëvendësministrin Mehani ishim duke pirë kafë ne një kafiteritë në qendër të Skënderajt….Pa asnjë lloj komunikimi paraprak me z.Lushtaku, ai u afrua dhe e sulmoi zëvendësministrin Mehani. Fillimisht me telefon, pastaj me dorë, pastaj edhe me gotë”, ka deklaruar Fejza.

Më herët, u njoftua se është gjetur e vdekur 55-vjeçarja që u raportua e zhdukur në Deçan.

Lidhur me këtë rast, FSK ka bërë të ditur se trupi i pajetë i viktimës është gjetur në lumin Lumbardhë.

Postimi:

FSK gjen trupin e pajetë në lumin Lumbardhë

Me kërkesën nga Qendra e Situatave të Qeverisë së Republikës së Kosovës, dhe me urdhër të Komandantit të Forcës së Sigurisë së Kosovës, FSK ka marrë të gjitha masat, duke angazhuar ekipet e Kërkim Shpëtimit ujor të Gardës Kombëtare, të cilat kanë vepruar në bashkëpunim dhe koordinim me autoritetet lokale të Komunës së Deçanit dhe Policinë e Kosovës.

Pas kërkimeve intensive ekipet e Kërkim Shpëtimit ujorë të FSK-së, kanë arritur të gjejnë trupin e pajetë me inicialet SH,P.

Pas evakuimit të viktimës trupi i pajetë është dorëzuar Mjekësisë Ligjore dhe Policisë së Kosovës për procedurat e mëtejme.

Ish-deputetja e Vetëvendosjes, Arjeta Fejza, ka rrëfyer për incidentin që ndodhi në Skënderaj. Ajo ka thënë se ishte duke pirë kafe me zëvendësministrin Hysni Mehanin, kur ky i fundit u sulmua.

Fejza ka deklaruar Kryetari i Komunës së Skënderajt, Sami Lushtaku, iu afrua Mehajt pa asnjë lloj komunikimi paraprak dhe se e sulmoi fillimisht me telefon, pastaj me dorë dhe gotë.

“Sot rreth mesditës, bashkë me zëvendësministrin Mehani ishim duke pirë kafë ne një kafiteritë në qendër të Skënderajt….Pa asnjë lloj komunikimi paraprak me z.Lushtaku, ai u afrua dhe e sulmoi zëvendësministrin Mehani. Fillimisht me telefon, pastaj me dorë, pastaj edhe me gotë”, ka deklaruar Fejza.

Sipas saj, kur Sekretari i Qendrës së VV’së atje, Bahri Zabeli, ndërhyu për ta qetësuar situatën, ai u sulmua edhe nga persona të tjerë që thotë se ishin me Lushtakun në atë moment.

“Kur Sekretari i Qendrës sonë, Bahri Zabeli tentoi me ndërhy për me qetësu situatën për me i nda, ai u sulmua edhe nga disa persona tjerë, të cilët nuk i njoh por ishin bashkë me z. Lushtaku në atë moment”, deklaroi ajo.

Sipas saj, gjithçka ka ndodhur pa asnjë provokim, teksa këtë e ka cilësuar sulm mbi demokracinë.

“Tema s’ka pas të bëj fare as me Skënderaj. Gjithçka ka ndodhë pa asnjë provokim dhe pa asnjë reagim prej anës sonë. Unë po ju siguroj, unë kam qenë aty, ne kemi qenë duke bisedu për një çështje që s’ka lidhje as me Skënderaj e as fare nuk është përmend emri i tij”, shtoi Fejza.

Ajo tha se Mehani po merr trajtim në Spitalin e Mitrovicës./

Sulme të reja ndaj anijeve pranë Ngushticës së Hormuzit kanë rritur shqetësimet për sigurinë e një prej korridoreve më të rëndësishme detare në botë, në një kohë kur diplomacia ndërkombëtare për zgjidhjen e krizës mes Iranit dhe Shteteve të Bashkuara mbetet e pezulluar.

Ngjarjet ndodhën ndërsa presidenti amerikan, Donald Trump, diskutoi situatën me presidentin e Kinës, Xi Jinping, në Pekin, ku u theksua nevoja për hapjen e ngushticës dhe shmangien e përshkallëzimit të mëtejshëm.

Sipas një zyrtari të Shtëpisë së Bardhë, palët kanë rënë dakord që Ngushtica e Hormuzit duhet të mbetet e hapur dhe se Irani nuk duhet të pajiset me armë bërthamore, ndërsa Kina është theksuar si një aktor kyç për stabilitetin e rajonit për shkak të varësisë së saj nga nafta iraniane.

Nga ana tjetër, Sekretari amerikan i Thesarit, Scott Bessent, u shpreh se beson që Kina do të luajë rol në lehtësimin e situatës dhe sigurimin e qarkullimit të lirë të energjisë në rajon.

Megjithatë, bisedimet e paqes mes palëve mbeten të bllokuara, pasi si Teherani ashtu edhe Uashingtoni kanë refuzuar propozimet e fundit dhe vazhdojnë të qëndrojnë në qëndrimet e tyre të forta, duke rritur pasigurinë në rajon.

Presidenti i SHBA-së, Donald Trump, dhe homologu i tij kinez, Xi Jinping, bien dakord që Ngushtica e Hormuzit “duhet të mbetet e hapur”, thotë Shtëpia e Bardhë, ndërsa të dy udhëheqësit janë takuar në Pekin.

“Të dyja palët ranë dakord që Ngushtica e Hormuzit duhet të mbetet e hapur për të mbështetur rrjedhën e lirë të energjisë”, thotë Shtëpia e Bardhë.

Trump dhe Xi diskutuan gjithashtu mbi ndërtimin e progresit në ndalimin e rrjedhës së kimikateve pararendëse të fentanilit në SHBA, si dhe rritjen e blerjeve kineze të produkteve bujqësore amerikane, thuhet në deklaratë.

Shtëpia e Bardhë thotë se Irani është në pritje të bisedimeve “të mira” Trump-Xi

Tajvani nuk u përmend në përmbledhjen e takimit të Shtëpisë së Bardhë, të cilin e përshkroi si “të mirë”, transmeton Telegrafi.

“Të dyja vendet ranë dakord që Irani nuk mund të ketë kurrë një armë bërthamore”, shtoi Shtëpia e Bardhë, mes negociatave të SHBA-së me Iranin për një armëpushim dhe një marrëveshje bërthamore. /Telegrafi/

Një ngjarje e rëndë ka tronditur Deçanin, ku është gjetur e vdekur 55-vjeçarja që ishte raportuar e zhdukur më 12 maj.

Vdekja e 55-vjeçares është konfirmuar nga familjarët e saj, pasi ajo ishte raportuar e zhdukur prej dy ditësh.

Trupi i pajetë u gjet gjatë ditës së sotme, ndërsa rrethanat e ngjarjes ende nuk janë bërë publike.

Autoritetet kompetente kanë nisur hetimet për të sqaruar plotësisht rastin.

Enver Dugolli, nga Lëvizja Vetëvendosje, ka ndarë një fotografi ku bashkë me Salih Zybën e Egzon Azemin, shihen se janë me Hysni Mehanin, pas incidenti të sotëm në Skenderaj, ku LVV-ja tha se Mehani është sulmuar fizikisht nga Sami Lushtaku.

Dugolli, në reagimin e tij, e ka dënuar fuqishëm dhunën, kërcënimet dhe sulmet fizike.

‘’ Sami Lushtaku, ta kesh të qartë: me sulme fizike, presione dhe metoda banditeske nuk do ta ndalni kurrë Hysniun dhe as Lëvizjën Vetëvendosje. Dhuna është arma e atyre që nuk kanë argumente politike dhe që përpiqen të mbjellin frikë te qytetarët dhe aktivistët politik përmes sulmeve fizike, kërcënimeve dhe presionit’’, thuhet në reagim mes tjerash.

Postimi:

Në Spitalin e Mitrovicës vizituam aktivistin tonë dhe zëvendësministrin, Hysni Mehani. Personeli mjekësor po kujdeset për gjendjen e tij shëndetësore dhe u jemi mirënjohës për profesionalizmin e treguar.

Sami Lushtaku, ta kesh të qartë: me sulme fizike, presione dhe metoda banditeske nuk do ta ndalni kurrë Hysniun dhe as Lëvizjën Vetëvendosje. Dhuna është arma e atyre që nuk kanë argumente politike dhe që përpiqen të mbjellin frikë te qytetarët dhe aktivistët politik përmes sulmeve fizike, kërcënimeve dhe presionit.

E dënojmë fuqishëm dhunën, kërcënimet dhe sulmet fizike si instrument të frikësimit politik. Askush nuk mund ta ndalë vullnetin qytetar për ndryshim me dhunë, presion apo banda politike.

Ftojmë Partinë Demokratike të Kosovës që, nëse kanë sadopak guxim politik e njerëzor, ta dënojnë qartë dhe pa asnjë hezitim këtë sulm të papranueshëm.

Lidhja Demokratike e Kosovës përmes një reagimi ka dënuar me vendosmëri dhunën e sotme politike dhe shpreh shqetësimin e thellë për klimën e rrezikshme të gjuhës së urrejtjes, kërcënimeve dhe terrorit digjital që, prej kohësh, po rëndon jetën publike dhe debatin demokratik në Republikën e Kosovës.

Reagimi tyre vjen pas incidentit që është raportuar të ketë ndodhur të enjten në qytetin e Skenderajt, ku kryetari i degës së Lëvizjes Vetëvendosje në Skenderaj, Hysni Mehani, ka pretenduar se është sulmuar nga kryetari i kësaj komune Sami Lushtaku, i cili vjen nga radhët e Partisë Demokratike e Kosovës (PDK).

“Retorika përçarëse, nxitëse dhe denigruese që është normalizuar në hapësirën publike e digjitale nuk mund të trajtohet si fenomen i zakonshëm politik. Gjuha e urrejtjes prodhon tension, cenon sigurinë publike dhe krijon ambient ku dhuna rrezikon të shihet si mjet i pranueshëm i përballjes politike. Kjo është e papranueshme për një republikë demokratike”, thuhet në reagimin e LDK-së.

Lidhja Demokratike e Kosovës konsideron se mospajtimet politike duhet të mbeten gjithmonë brenda normave demokratike, institucionale dhe qytetare. Republika jonë ka nevojë për debat politik, për garë të ideve dhe vizioneve, jo për linçim, frikësim apo sulme ndaj kundërshtarit politik.

“Në këtë frymë, ftojmë të gjithë akterët politikë, institucionet përgjegjëse dhe shoqërinë në tërësi që të kontribuojnë në ruajtjen e një klime të qetë demokratike, në respektimin e kulturës së komunikimit publik dhe në mbrojtjen e rendit demokratik.

Kosova ka nevojë për maturi politike, përgjegjësi shtetërore dhe sundim të ligjit. Çdo akt dhune, çdo gjuhë urrejtjeje dhe çdo përpjekje për intimidim politik duhet të refuzohet qartë dhe pa ekuivok nga të gjithë”, thuhet më tutje në reagim.