Category: Lajme

Kryetarja e Komisionit Evropian, Ursula von der Leyen, të dielën në mbrëmje ka arritur në Shkup, duke filluar turneun e saj në Ballkanin Perëndimor, pasi ajo pas kryeqendrës maqedonase do të vizitojë Prishtinën, Podgoricën, Beogradin dhe Sarajevën.

Ajo do të udhëtojë sot për në Prishtinë, ku do të takohet me Presidenten Vjosa Osmani dhe Kryeministrin Albin Kurti.

Von der Leyen do t’ua prezantojë në detaje udhëheqësve rajonalë Planin e Rritjes së BE-së për Ballkanin Perëndimor.

“Ky do të jetë një rast për të diskutuar bashkëpunimin dypalësh dhe veçanërisht për t’u prezantuar më në detaje udhëheqësve rajonalë Planin e Rritjes së BE-së për Ballkanin Perëndimor. Të hënën ajo do të udhëtojë për në Prishtinë, ku do të takohet me Presidenten dhe kryeministrin e Kosovës, Vjosa Osmani dhe Albin Kurti”, thuhet në njoftim që ka lëshuar Zyra e Bashkimit Evropian në Kosovë.

Komisioni Qendror i Zgjedhjeve sot do të mbajë mbledhjes e radhës.

Mbledhja fillon nga ora 13:30, ku pritet të diskutohet për caktimin e anëtares së re të KQZ-së, në Këshille.

Gjithashtu, pritet të bëhet shqyrtimi dhe miratimi i Raportit “Analizimi i të dhënave të zgjedhjeve të kaluara për përfaqësimin gjinor në “TMZ”.

Ky është rendi i ditës:

Emisari evropian për dialogun Kosovë – Serbi, Miroslav Lajçak, ka bërë një përmbledhje javore të agjendës së tij.

Në një postim në Facebook ai ka shkruar për takimet e të enjtes në Bruksel, ku kryeministri i Kosovës, Albin Kurti dhe presidenti i Serbisë, Aleksandër Vuçiq patën me kancelarin gjerman Olaf Scholz, presidentin francez Emmanuel Macron, kryeministren italiane Giorgia Meloni, presidentin e Këshillit Evropian Charles Michel dhe shefin e diplomacisë evropiane Josep Borrell.

Lajçak shkruan se mirëpret faktin që Kurti dhe Vuçiq treguan gatishmëri për zbatimin e marrëveshjes, megjithëse nuk arritën të bien dakord për modalitetet.

Ai thotë se Kurti e Vuçiq kanë pasur pyetje e komente, duke shtuar se shpreson se do të jenë në gjendje t’i sqarojnë ato në javët në vijim.

Lajçak ka folur edhe për asociacionin, duke thënë se po kërkojnë opsione moderne evropiane, porse asociacioni nuk është vetmja çështje që ka nevojë për zbatim pasi edhe Serbia ka obligime të pazgjidhura.

Sipas tij, fokusi tani duhet të jetë në avancimin e zbatimit të marrëveshjes pa parakushte apo vonesa.

“Siç u shpreh qartë tre liderët evropianë, formalitetet nuk duhet të pengojnë këtë proces të rëndësishëm. Me këtë në mendje, unë do të ftoj kryenegociatorët së shpejti në Bruksel për të diskutuar hapat e ardhshëm”, ka shkruar diplomati sllovak.

Postimi i plotë:

Në margjinat e Këshillit Evropian, presidenti francez Macron, kancelari gjerman Scholz dhe kryeministrja italiane Meloni së bashku me presidentin e Këshillit Evropian Michel dhe Përfaqësuesin e Lartë Borrell dhe unë organizuam takime në mbështetje të BE-së – lehtësimi i dialogun me presidentin e Serbisë Aleksandar Vuçiq dhe kryeministrin e Kosovës Albin Kurti.

Ideja ishte e thjeshtë – për të vazhduar diskutimet tona fundjavën e kaluar gjatë misionit tonë të përbashkët në Prishtinë dhe Beograd dhe për të avancuar zbatimin e marrëveshjes për rrugën drejt normalizimit.

Ato që ishin planifikuar të ishin takime të shkurtra me liderët evropianë, u kthyen në negociata të gjata të ndara me presidentin Vuçiq dhe kryeministrin Kurti pasi liderët evropianë duhej të largoheshin për në Këshill.

E mirëpres që të dy liderët treguan gatishmëri për zbatimin e marrëveshjes, megjithëse nuk arritën të bien dakord për modalitetet. Ata kishin komente dhe pyetje për propozimin evropian për statutin për themelimin e asociacionit të komunave me shumicë serbe në Kosovë, të cilin ua kemi paraqitur gjatë misionit tonë të përbashkët të shtunën e kaluar.

Shpresoj se do të jemi në gjendje të sqarojmë pyetjet dhe shqetësimet e hapura në javët në vijim.

Statuti ynë propozon një mënyrë moderne evropiane për të trajtuar çështjen e ndjeshme të mbrojtjes së pakicave në përputhje me praktikat dhe standardet më të mira evropiane dhe nuk i kalon “kufijtë e kuq” të palëve siç janë përcaktuar më parë. Por ky nuk është i vetmi element që ka nevojë për zbatim.

Edhe Serbia ka shumë obligime të pazgjidhura nga marrëveshja dhe ne duhet të shohim që zbatimi të përparojë paralelisht, në mënyrë që edhe Kosova edhe Serbia të marrin atë që kanë rënë dakord.

Fokusi tani duhet të jetë në avancimin e zbatimit të marrëveshjes pa parakushte apo vonesa. Siç u shpreh qartë tre liderët evropianë, formalitetet nuk duhet të pengojnë këtë proces të rëndësishëm. Me këtë në mendje, unë do të ftoj kryenegociatorët së shpejti në Bruksel për të diskutuar hapat e ardhshëm.

Një ngjarje e rëndë ka tronditur sonte Vushtrrinë pasi një person ka mbetur pa shenja jete pasi dyshohet se u privua nga jeta ndërsa të plagosur kanë mbetur dy persona. Deri tani janë arrestuar dy të dyshuar ndërsa një armë është konfiskuar, raporton ATV.

Rastin për ATV-në e ka konfirmuar zëdhënësi i Policisë së Kosovës, Avni Zahiti.

“Bëhet fjalë për një person që ka humb jetën, disa kanë mbet të plagosur nga arma e zjarrit. Dy persona janë arrestuar deri tash dhe një armë është konfiskuar”, tha Zahiti. /atvlive.tv

ATV ka mbërritur në vendin ku ka ndodhur vrasja për të raportuar për rastin. Më poshtë po ju paraqesim pamjet nga vendi i ngjarjes:

Një person është vrarë dhe dy të tjerë janë plagosur, sot pasdite në Vushtrri.

Dy persona janë arrestuar lidhur me rastin, që ka ndodhur në kryqëzimin e rrugëve “Mehmet Konjuhi” dhe “Rifat Galica”.

Zëdhënësi i Policisë për Rajonin e Mitrovicës, Avni Zahiti, ka konfirmuar se reth orës 15:50, është raportuar se në kryqëzimin e rrugëve “Mehmet Konjuhi” dhe “Rifat Galica” nga arma e zjarrit ka humbur jetën një person, ndërsa dy persona të tjerë kanë mbetur të plagosur.

“Lidhur me rastin janë arrestuar dy persona të dyshuar si dhe është konfiskuar një armë. Hetimet e mëtejme po vazhdojnë nga njësite përkatëse policore”, ka njoftuar policia.

Kryetari i AAK-së Ramush Haradinaj ka kërkuar që Kosova “ta ndjek kursin e saj euroatlantik dhe t’i përmbush obligimet e marra, duke zbatuar pa vonesë Planin Franko-Gjerman”, pavarësisht nga Serbia.

Haradinaj shkroi në Facebook se Kosova ka dëshmuar gjithnjë qasje properëndimore dhe konstruktive.

“Kosova në vazhdimësi ka dëshmuar se është pro vlerave perëndimore dhe euroatlantike dhe gjithnjë konstruktive në qasjen e saj për të arritur një marrëveshje përfundimtare për njohje të ndërsjellë me Serbinë”, shkroi Haradinaj.

“Serbia nga ana tjetër në vazhdimësi ka sabotuar përpjekjet për një marrëveshje të qëndrueshme paqeje midis dy vendeve duke synuar ta rikthejë kohën e konflktit. Nuk ka asnjë dyshim se këtë kurs po e ndjek edhe sot”, shtoi ai.

Në këtë situatë, ai tha se Kosova duhet të vazhdojë me perspektivën e sak euroatlantike.

“Kosova në një situatë të tillë, pa e patur nevojën të dëshmojë sa e keqe është Serbia, duhet ta ndjek kursin e saj euroatlantik dhe t’i përmbush obligimet e marra, duke zbatuar pa vonesë Planin Franko-Gjerman. Kosova nuk mund të jetë peng i destruktivitetit të Serbisë, por të vazhdojë perspektivën e saj që është anëtarësimi në NATO dhe integrimi në BE”, shkroi ish-kryeministri.