Dy vajza janë zhdukur në Prishtinë, njëra në rrugën “Caraleva” dhe tjetra në rrugën “Shaip Kamberi”.
Raportohet se vajzat janë larhuar nga shtëpia dhe nuk janë kthyer më.
“Rr. “Caraleva”, Prishtinë 25.10.2023 – NN. Ankuesi mashkull kosovar me 02.11.2023 ka raportuar se me datën e cekur vajza e tij viktima femër kosovare është larguar nga shtëpia dhe nuk është kthyer më”.
“Rr. “Shaip Kamberi”, Prishtinë 30.10.2023 – 14:00. Ankuesi mashkull kosovar me 02.11.2023 ka raportuar se me datën e cekur vajza e tij viktima femër kosovare është larguar nga shtëpia dhe nuk është kthyer më”, thuhet në njoftimi ne policisë.
Një tërmet i fortë me magnitudë 5.2 ka goditur Greqinë mëngjesin e sotëm në zonën e Evia. Lëkundjet sizmike janë ndjerë edhe në zona të caktuara të Athinës.
Sipas të dhënave sizmiologjike të Greqisë, tërmeti kishte rënë në një thellësi prej 14.2 kilometra nën tokë.
Shtatë minuta më vonë, një tjetër tërmet goditi zonën në të njëjtën epiqendër. Kësaj radhe lëkundjet sizmike ishin më të lehta, me magnitudë 3.7 dhe thellësi 5 kilometër nën tokë.
Nga tërmeti nuk ka raportime për persona të lënduar, por dëmtime të vogla në disa dyqane, ndërsa një rrugë pranë epiqendrës ka pësuar shembje.
Greva e minatorëve të Trepçës ka përfunduar në ditën e 10-të pas arritjes së marrëveshjes ndërmjet minatorëve dhe zyrtarëve të Ministrisë së Ekonomisë.
Marrëveshja është arritur në orët e vona të mbrëmjes.
Pjesëmarrës në negociata ishin deputetë të VV-së, përfaqësues të Bordit të ndërmarrjes Trepça dhe Ministrisë së Zhvillimit Ekonomik.
Mësohet se minatorët dhe zyrtarët e Ministrisë së Ekonomisë janë dakorduar për plotësimin e kërkesave të grevistëve.
Ndryshe, këta të fundit kishin hyrë në grevë të martën e javës së kaluar me kërkesat si: ekzekutimi me kohë i pagave, shkarkimi i menaxhmentit të Trepçës, sigurimi shëndetësor i minatorëve, përmirësimi i kushteve dhe mjeteve të punës.
Gjatë kësaj kohe sa ishin në grevë, shumë nga ta kishin probleme shëndetësore.
Kryeministri Albin Kurti nuk i kishte vizituar gjatë gjithë këtyre ditëve sa ata ishin në grevë.
Për këtë çështje, opozita në Kuvend kishte kërkuar miratimin e një rezolutë në ndihmë të minatorëve, por që nuk ishte mbështetur nga mazhoranca.
Ish-komandanti i Zonës operative të Llapit, Rrustem Mustafa (Remi), ka njoftuar se të mërkurën në mbrëmje ishte thirrur për t’u intervistuar nga Zyra e Prokurorit të Specializuar (ZPS). Ai ka thënë se data e intervisitmit ishte caktuar për 3 nëntor (sot).
Mirëpo sipas tij zyrtarë të ZPS-së të enjten e kanë thirrur sërish dhe i kanë thënë se intervisitimi është anuluar.
“Në mbrëmjen e dt. 1.11. 2023, nga zyrtarët e dhomave të veçanta të Prokurorisë Speciale të Kosovës, kam pranuar një ftesë për t’u intervistuar sot, me 3.11.2023, në ora 09:00. Në ndërkohë, po nga të njëjtit zyrtarë, dje pasdite, fillimisht përmes një thirrjeje telefonike dhe pastaj një sms-je dhe email-i, mu konfirmua se intervistimi im nga ZPS-ja është anuluar”, ka shkruar Mustafa në Facebook.
Ai ka thënë se në lidhje me këtë çështje do ta konfirmoj edhe një herë përcaktimin e përkushtimin e tij.
“Si në të kaluarën ashtu edhe sot, por edhe nesër e kurdo që është nevoja, jam i gatshëm për të dhënë kontributin tim në favor të drejtësisë. Lufta e UÇK-së ka qenë luftë mbrojtëse dhe çlirimtare, ashtu siç thonë edhe miqtë ndërkombëtarë. Luftë më të drejtë dhe më të pastër (për aq sa, pastërtinë e tillë e mundësojnë rrethanat e luftës) nuk njeh historia e njerëzimit. Jam me fat që kam qenë njëri nga protagonistët e kësaj lufte, dhe të vërtetën e saj jam i gatshëm ta mbroj në çfarëdo cilësie. Falë luftës së UÇK-së, jo vetëm Kosovës por edhe rajonit, i është hapur rruga e integrimit në familjen evropiane, aty ku e kemi vendin ne si komb dhe si shoqëri”, ka shkruar Mustafa.
Kuvendi i Kosovës do të mbajë sot (e premte) seancë plenare duke filluar nga ora 11:00.
Pikë e parë e rendit të ditës është raportimi i kryeministrit Albin Kurti për takimin e fundit që kishte në Bruksel në kuadër të procesit të dialogut me Serbinë më 26 tetor.
Në rend dite është sërish rezoluta për mbështetjen financiare urgjente për Policinë e Kosovës dhe ajo për nevojën e ngritjes së koeficientit të pagave.
Rendi i ditës:
1. Raportimi i kryeministrit të Kosovës, Albin Kurti për takimin e fundit në Bruksel në lidhje me dialogun Kosovë-Serbi,
2. Votimi i Propozim-Rezolutës për mbështetjen urgjente financiare të Policisë së Kosovës,
3. Votimi i Projekt-Rezolutës nga debati parlamentar në lidhje me nevojën për ngritjen e koeficientit të pagave,
4. Shqyrtimi i dytë i Projektligjit për Parqet Industriale dhe Teknologjike,
5. Shqyrtimi i dytë i Projektligjit për kadastër të pronës së paluajtshme,
6. Shqyrtimi i parë i Projektligjit për Administrimin e Procedurave Tatimore,
7. Shqyrtimi i parë i Projektligjit për promovimin e përdorimit të burimeve të ripërtërishme të energjisë,
8. Shqyrtimi i rekomandimeve lidhur me Raportin e Auditorit të Përgjithshëm për Raportin Vjetor Financiar të Buxhetit të Republikës së Kosovës, për vitin 2022,
9. Zgjedhja e dy anëtarëve të Komisionit të Pavarur të Mediave,
10. Zgjedhja e një anëtari të Bordit të Radiotelevizionit të Kosovës, nga radha e komunitetit serb,
11. Miratimi i buxhetit të Komisionit Hetimor Parlamentar në lidhje me rastet e dhunës seksuale dhe dhunës në familje,
12. Shqyrtimi i Projekt-Deklaratës për raportet e Republikës së Kosovës me Shtetet e Bashkuara të Amerikës.
Greva e minatorëve të Trepçës ka përfunduar në ditën e 10-të pas arritjes së marrëveshjes ndërmjet minatorëve dhe zyrtarëve të Ministrisë së Ekonomisë.
Marrëveshja është arritur në orët e vona të mbrëmjes.
Pjesëmarrës në negociata ishin deputetë të VV-së, përfaqësues të Bordit të ndërmarrjes Trepça dhe Ministrisë së Zhvillimit Ekonomik.
Mësohet se minatorët dhe zyrtarët e Ministrisë së Ekonomisë janë dakorduar për plotësimin e kërkesave të grevistëve.
Ndryshe, këta të fundit kishin hyrë në grevë të martën e javës së kaluar me kërkesat si: ekzekutimi me kohë i pagave, shkarkimi i menaxhmentit të Trepçës, sigurimi shëndetësor i minatorëve, përmirësimi i kushteve dhe mjeteve të punës.
Gjatë kësaj kohe sa ishin në grevë, shumë nga ta kishin probleme shëndetësore.
Kryeministri Albin Kurti nuk i kishte vizituar gjatë gjithë këtyre ditëve sa ata ishin në grevë.
Për këtë çështje, opozita në Kuvend kishte kërkuar miratimin e një rezolutë në ndihmë të minatorëve, por që nuk ishte mbështetur nga mazhoranca.
Një zyrtar i njësisë speciale intervenuese mund të ketë pajisje në vlerë prej 10 mijë eurosh, siç tha kryeministri Albin Kurti.
Por, vlera e këtij armatimi, sipas njohësve të sigurisë, nuk është gjë tjetër veçse tregues i qartë i rrezikut që mban mbi supe kjo njësi elitare.
Madje, sipas një ish-polici, tashmë avokat, Naim Rudari, ndërlidhja mes orëve shtesë të punës e vlerës së pajisjeve që këta policë kanë, është qesharake.
Teksa kritikoi qasjen e kryeministrit ndaj kësaj njësie policore, ish-zëvendësministri i Brendshëm, Valdet Hoxha, tha se policia duhet të pajiset akoma më shumë me armatim.
Sidoqoftë, Qeveria kishte para të ndara në buxhet qysh në vitin e kaluar për blerje të armëve e mjeteve të blinduara, por që nuk kishte shpenzuar asnjë cent, duke i bartur ato në buxhetin e vitit 2023.
Megjithatë, as deri në muajin e nëntë të këtij viti nuk është shpenzuar i gjithë buxheti për blerje të armëve e pajisjeve të tjera të nevojshme për policinë.
Ky objekt që ndodhet në dalje të fshatit Kishnicë, afro 10 kilometra larg kryeqytetit, në vitet e pasluftës shërbente si bazë e njësive Speciale të Policisë së Kosovës, që në atë kohë quhej ROSU.
Në dyer e në dritare ende ekzistojnë shenja të punës, ashtu siç në historinë e re ka mbetur një veprim sindikal i tyre.
“Kanë kërkuar një takim me menaxhmentin e Policisë dhe ministrin Zenun Pajaziti, që të bisedojnë rreth mundësisë për ngritje të pagave, mundësisë të ligjit për sigurime sociale e shëndetësore, kushtet e punës, sigurimin e shujtës ushqimore…”, tha ish-zëvendëskomisari për Operativë, Reshat Maliqi.
“Protesta ishte alarmuese, meqenëse ishim në vitet e para pas shpalljes së pavarësisë”, tha ish-ministri i Punëve të Brendshme, Zenun Pajaziti.
Ish-zëvendëskomisari për operativë, Reshat Maliqi, kujton se specialët ishin të vendosur për kërkesat.
“Ata kanë qëndru në objekt gjatë orarit të punës. Për fat të mirë, ato ditë nuk kemi pasë ndonjë angazhim shtesë. Dhe pas përfundimit të orarit, secili është shpërnda në shtëpitë e tyre, dhe e kanë vazhduar të nesërmen”, tha Maliqi.
Vetëm në ditën e tretë të protestës, njësiti ROSU siç quhej atëherë, u vizitua nga Ministri i Punëve të Brendshme, Zenun Pajaziti.
“Unë kam qenë në një vizitë jashtë vendit, me të marrë vesh se njësitë kanë hy në grevë, e kam mbyllë vizitën, dhe kam ardhur jo në zyrë, jo në shtëpi, por te policët në grevë. Ju kam kumtuar se po përgatisim sistem të ri të pagave dhe në bashkëpunim me ta kemi arritur të binden se po punojmë për ta. Atë natë kemi qëndruar me ta deri vonë, ata kanë dalë…”, tha Pajaziti.
Kështu, disa orë pas këtij takimi, policët kishin ndërprerë grevën, e cila u shënua si e para e tillë, pas formimit të institucioneve.
Pasi nuk doli t’i takojë, kryeministri Albin Kurti zgjodhi t’u përgjigjet pjesëtarëve të Njësisë Speciale Intervenuese në Facebook, 10 orë më vonë.
Kësaj radhe, përmes statusit, kryeministri u përkujdes t’ua rikujtojë njësive më elitare të Policisë se të ardhurat e tyre për disa muaj, kanë qenë më të larta se ato të presidentes.
Të ardhurat mesatare të shumicës dërrmuese të pjesëtarëve të njësisë, që të mërkurën protestoi para Qeverisë, sipas Kurtit, shkuan mbi 2000 euro në muaj.
Në një linjë me kryeministrin, ishte edhe vartësi i tij, Xhelal Sveçla.
Por, shefi i ekzekutivit e as ministri i Brendshëm, sqarimin nuk e çuan deri në fund.
Për të arritur pagë sa ajo e presidentes, një polic i njësive speciale duhet të punojë së paku 456 orë brenda muajit. Kjo është e barabartë me total prej 57 ditësh pune nga 8 orë.
Prej tyre 176 orë apo 22 ditë pune, që parashihen me orarin e rregullt me Ligjin e Punës, dhe 280 orë të tjera shtesë, respektivisht 35 ditë pune, të cilat paguhen për 30% më shumë se orët e rregullta.
Në terma më të thjeshtë, një polic i njësive speciale duhet të punojë gati tre muaj, të arrijë pagë mujore sa presidentja.
Teksa, presidentja Vjosa Osmani ka pagë mujore në vlerë prej 1890 eurosh, paga momentale e një pjesëtari të njësive speciale intervenuese është 636 euro.
Megjithatë, paga nuk ishte shqetësimi kryesor i atyre që protestuan të mërkurën. Ata kërkuan kategorizim si njësi të veçanta, shtesat e rrezikshmërisë të caktohen në 50% të pagës bazë dhe shtesa për kushte specifike të punës.
Ndërkohë, përveç që shtesat për rrezikshmëri për Njësinë speciale Intervenuese janë ulur nga 225 në 150 euro, këto shtesa nuk janë ekzekutuar, nga muaji shkurt.
Policia e Kosovës, e cila është themeluar 24 vjet më parë, numëron rreth 10.000 pjesëtarë të cilët nuk kanë as sigurim shëndetësor, as jetësor.
