Category: Lajme

Një ish-komandant i mbrojtjes ajrore ruse është gjetur i vdekur së bashku me gruan e tij në rrethana misterioze.

Gjenerallejtënant Vladimir Sviridov, 68-vjeç, dhe gruaja e tij Tatyana, 72-vjeç, kishin vdekur për rreth një javë përpara se të gjendeshin kufomat e tyre, shkruan Dailymail, transmeton KosovaPress.

Piloti në pension dikur kritikoi Vladimir Putinin për drejtimin e një force ajrore të “rangut të tretë”, duke paralajmëruar se oficerët e lartë po largoheshin nga forcat e armatosura për shkak të pagave dhe kushteve të rënda.

Autoritetet ruse nuk kanë qenë në gjendje të përcaktojnë shkakun e vdekjes, raportojnë mediat lokale.

Gjenerali dhe gruaja e tij u gjetën në shtëpinë e tyre në fshatin Adzhievsky në rajonin e Stavropolit.

“Punonjësit e shërbimit të gazit kanë marrë tashmë matje dhe nuk është zbuluar tejkalim i përqendrimit të lejuar të substancave të dëmshme”, thuhet në një raport fillestar për vdekjen e tyre.

“Çfarë e shkaktoi vdekjen e Vladimir dhe Tatyana Sviridov është ende e panjohur.”

Sviridov komandonte Ushtrinë e 6-të të Forcave Ajrore Ruse dhe Mbrojtjes Ajrore nga viti 2005 deri në 2009 në një emërim të bërë nga Putin.

Ai ishte një pilot i nderuar i Rusisë dhe më parë kishte shërbyer si pilot snajper ushtarak.

Atij iu dha Urdhri i Yllit të Kuq dhe një tufë medaljesh.

Sviridov u largua nga roli i komandantit të tij në moshën 54-vjeçare, pasi bëri një sërë komentesh të ashpra publike për forcat e armatosura ruse.

Ai tha në një intervistë: “Një pilot duhet të ketë rreth 100 orë kohë fluturimi në vit për gatishmëri të plotë luftarake. Megjithatë, ende nuk është kështu. Koha mesatare e fluturimit në ushtri aktualisht është 25-30 orë.”

Në një intervistë tjetër, ai u ankua duke thënë se: “Jemi të detyruar të emërojmë oficerë jo plotësisht të trajnuar, sepse nuk ka më të mirë. Për të njëjtën arsye ne po dërgojmë në akademitë ushtarake pilotë të rangut të tretë. Kjo nuk ka ndodhur në të kaluarën.”

Pagat e ulëta dhe sigurimi i dobët i strehimit bënë që oficerët me përvojë të largoheshin nga ushtria sa më shpejt që mundeshin.

Kryetari i PDK-së, Memli Krasniqi, ka takuar Komisionierin e BE-së për Fqinjësi dhe Zgjerim, Oliver Varhelyi.

Krasniqi bëri të ditur se me Varhelyin folën për procesin e integrimit evropian të Kosovës dhe rëndësinë që vendi të mos lihet mbrapa në këtë proces.

“Për shtetin dhe qytetarët tanë, është tejet e nevojshme që perspektiva evropiane të jetë e qartë dhe e prekshme”, tha Krasniqi.

Tutje, ai tha se për PDK-në, anëtarësimi i Kosovës në Bashkimin Evropian dhe institucionet euro-atlantike, është vizioni, misioni dhe rruga e vetme përpara.

Qeveria ka mbajtur mbledhje të mbyllur në diskutimin për rezervat shtetërore. Kryeministri Albin Kurti deklaroi se ka ndërmarrë reforma dhe kanë siguruar buxhet shtesë. Sipas tij, qeveritë e kaluara kanë bërë planifikim të varfër për sigurimin e rezervave shtetërore.

Shefi i ekzekutivit në mbledhjen e sotme të kabinetit qeveritar kërkoi që diskutimet për këtë pikë të rendit të ditës të mbahen të mbyllura.

“Pika e pestë është shqyrtimi i propozimit të vendimit për plotësimin dhe ndryshimin e programit vjetor 2023 për rezervat shtetërore të mallrave për të siguruar mirëqenien e qytetarëve tanë. Kemi ndërmarrë një sërë reformash. Politikat tona janë reflektuar përmes plotësim ndryshimit të ligjeve duke siguruar kështu standard i caktuar minimal për avancimin e politikave. Ndër këto kemi siguruar edhe buxhet shtesë dukshëm më të lartë në krahasim me planifikimin e varfër të qeverive paraprake, për sigurimin e rezervave shtetërore. Buxheti i këtillë ka reflektuar edhe në kuptim të ndryshimit të programit vjetor të rezervave shtetërore të mallrave në dritën e këshillave në institucionet përgjegjëse të sigurisë të dhëna të këtilla nuk do të bëhen publike . Por, sipas legjislacionit përkatës në fuqi do të klasifikohen”, tha Kurti.

Për të përkrahur ristrukturimin e brendshëm të Telekomit të Kosovës, Ministri i Financave, Punës dhe Transfereve Hekuran Murati, së bashku me kryeshefen e Telekomit, Burbuqe Hana, kanë nënshkruar sot marrëveshjen për transhin e dytë të kredisë investive me vlerë 15 milionë euro.

Në komunikatë thuhet se kjo marrëveshje synon të vazhdojë investimet në teknologjinë e pajisjeve dhe sistemeve telekomunikuese të Telekomit të Kosovës duke mundësuar kështu ofrimin e shërbimeve më të shpejta dhe cilësore për institucionet dhe qytetarët tanë.

“Përveç kësaj, marrëveshja gjithashtu ka për qëllim të garantojë qëndrueshmërinë financiare të kësaj ndërmarrjeje me interes publik që operon në sektorin e komunikimit si një nga sektorët kyç ekonomikë”, thuhet në njoftim.

Sipas komunikatës marrëveshja e nënshkruar sot është vetëm një nga veprimet e ndërmarra nga MFPT për të përkrahur financiarisht Telekomin e Kosovës. Kujtojmë se në qershor të vitit të kaluar MFPT ofroi mbështetje financiare me vlerë 7.7 milionë euro për uljen e shpenzimeve operative të kësaj ndërmarrjeje, ndërsa në dhjetor të po të njëjtit vit, MFPT aprovoi transhin e parë të kredisë investive me vlerë 5 milionë euro. Pra, në një periudhë dy vjeçare, mbështetja financiare ofruar Telekomit të Kosovës tashmë ka tejkaluar vlerën prej 27 milionë euro.

Ky investim në përmirësimin e ofrimit të shërbimeve nga Telekomi i Kosovës rikonfirmon përkushtimin e Qeverisë së Kosovës për kthimin e ndërmarrjeve publike në një qendër të rëndësishme të zhvillimit ekonomik në vend.

Kryeministri Albin Kurti, tha se buxheti i ndarë për viti 2024, prej mbi 3 miliardë euro është buxheti më i madh që ka pasur vendim, raporton Ekonomia Online.

Ai tha se ky buxhet forcon mbrojtjen e Republikës, e rritë sigurinë e qytetarëve dhe e mundëson zhvillimin e vendit dhe mirëqenien e popullit.

Këto komente ai i bëri në seancën e Kuvendit, ku po diskutohet buxheti për vitin tjetër.

“Ai do të jetë buxhet i mbrojtjes dhe sigurisë, për çfarë kemi ndare 22 për qind më shumë se sa aktualisht. Ushtrisë tonë ja kemi rritur. Buxhetin për më shumë se dyfish prej se kemi adresuar në qeverisje do ta shtojmë edhe 600 ushtar më shumë, policia vitin tjetër do ti këtë 500 rekrut të tjerë. Buxheti i viti 2024 do të jetë prioritet sa i përket nevojave të qytetarëve. Për gjatë këtyre muajve të mandatit tonë ekonomisë ju shtuan 60 mijë vende të punës ku gjysma e të punësuare janë të rijnë e të reja nën moshën 25 vjeçare”.

“Në buxhetin e vitit të ardhshëm kemi ndarë 29 milionë euro për masat e punësimit. Për vitin 2024 shëndetësinë kemi ndarë mbi 340 milionë euro përfshire edhe grandin për komunat. Sektorin e Arsimin do ta mbështesim me 370 milionë euro. Me projekt buxhetin për vitin 2024 forcojmë mbrojtjen e Republikës, e rrisim sigurinë e qytetarëve dhe e mundësojmë zhvillimin e vendit dhe mirëqenien e popullit”, tha ai.

Instituti Kombëtar i Shëndetësisë Publike të Kosovës ka njoftuar se cilësia e ujit në Liqenin e Badocit është përmirësuar por ende nuk mund të pihet, duke shtuar që pritet shumë shpejt të ulen vlerat e manganit në rrjet.

“Analizat e fundit laboratorike tregojnë se gjendja në liqen është qetësuar, cilësia e ujit është përmirësuar dhe pritet që në ditët në vijim të ulen vlerat e Manganit në rrjet, sipas standardeve të parapara në Udhëzimin administrativ nr. 10/2021 -Cilësia e Ujit për konsum nga njeriu”, thuhet në njoftim.

Tutje, IKShPK-ja njoftoi se uji mund të përdoret për çdo veprimtari tjetër përveç se për pije.

“Ekipet e IKShPK-së janë në terren 24/7 dhe po bëhen çdo ditë analiza fiziko-kimike të ujit të prodhuar në Fabrikën që furnizohet nga Liqeni akumulues i Badocit dhe qytetarët do të njoftohen me kohë për normalizimin e parametrave referent të ujit të pijshëm. IKShPK apelon qytetarët të cilët furnizohen nga fabrika e ujit në liqenin e Badocit se uji mund të përdoret për pastrim, mirëmbajtje të higjienës dhe ambienteve të banimit si dhe për nevoja të tjera”, thuhet mes tjerash në njoftim.

Qeveria e Kosovës ka marrë vendimpër plotësimin e Bordit të KRU “Hidromorava Sh.A”, në Gjilan.

Kryeministri Albin Kurti ka njoftuar se kryesuese e Bordit do të jetë Filloretë Gashi-Sadiku, ndërsa kryesuesi i deritanishëm të caktohet anëtar i këtij Bordi.

Janë arrestuar katër persona në Gjilan pasi dyshohet se kanë kryer veprat penale “vrasje në tentativë”, “lëndim i lehtë trupor” dhe “sulm”.

Policia ka bërë të ditur se të dyshuarit janë përleshur fizikisht mes vete pas një mosmarrëveshje rreth një kontesti pronësor.

“Në vendin e ngjarjes, është gjetur dhe sekuestruar një pistoletë e kalibrit 9mm., një gëzhojë dhe 13 fishekë”, thuhet në raportin 24 orësh.

Pas intervistimit dhe me vendim të prokurorit, të dyshuarit janë dërguar në mbajtje.