Policia e Kosovës njoftoi se janë arrestuar tre persona në Prizren, pasi dyshohen për “Dhunim” dhe “Detyrim në prostitucion”.
Në raportin 24-orësh të Policisë, thuhet se viktimës i është ofruar tretman mjekësor.
“Janë arrestuar tre të dyshuar meshkuj kosovarë, nën dyshimin se kanë kryer veprat e cekura, ndaj viktimës femër kosovare. Viktimës i është ofruar tretman mjekësor”, thuhet në njoftim.
Tutje, Policia njoftoi se të dyshuarit janë dërguar në mbajtje.
Ismet Krasniqi, ish-sekretar i Përgjithshëm i Kuvendit të Kosovës për afro 17 vjet, është emëruar këshilltar i Presidentes Vjosa Osmani.
Kështu ka njoftuar Presidenca e Kosovës, duke theksuar se përgjatë angazhimit të tij, Krasniqi është shquar për përkushtim e profesionalizëm.
“Këshilltari Krasniqi ka qenë mbështetës profesional i të gjitha proceseve me rëndësi të veçantë për vendin tonë, duke filluar nga Pakoja e ish- Presidentit Ahtisari, përgatitja profesionale e teknike për shpalljen e Pavarësisë së Kosovës, përmbyllja e mbikëqyrjes së Pavarësisë, angazhimi teknik në përcjelljen dhe kompletimin e dokumentacionit për nevojat e delegacionit tonë në GJND, si dhe përgatitjet për amendamentet kushtetuese”, thuhet në njoftimin e Presidencës.
Sipas Presidencës, një kontribut të veçantë Krasniqi e ka dhënë edhe në sigurimin e prezencës së komunitetit të donatorëve në Kuvend dhe pjesëmarrjes së shoqërisë civile në punën e Kuvendit.
Presidentja Osmani i ka uruar mirëseardhje Krasniqit dhe ka theksuar se angazhimi i tij është vlerë e shtuar për Kabinetin, ngase ai bart pas vetes një përvojë të gjatë institucionale e profesionale.
Kryetari i Rahovecit, Smajl Latifi e ka mbajtur premtimin elektoral.
500 euro për çdo lindje do të ndajë komuna e Rahovecit nga janari i këtij viti.
“Sot, nënshkrova vendimin e parë të subvencionimit të lindjeve në Qendrën Kryesore të Mjekësisë Familjare (QKMF) “Dr. Fahredin Hoti” në Rahovec. Nga janari i këtij viti, çdo lindje në Repartin e Maternitetit të QKMF-së “Dr. Fahredin Hoti”, do të mbështetet me 500€ nga Komuna e Rahovecit” shkruan Latifi në njoftim.
Gjatë ditës së sotme në vendin tonë parashihet të mbajë mot i vranë.
Temperaturën minimale për ditën e sotme do ta mbajë Prishtina dhe Mitrovica me -2 gradë Celsius, ndërsa atë maksimale Peja dhe Prizreni me 5 gradë Celsius.
Edhe dita e nesërme do të jetë me kushte të njëjta atmosferike. Temperaturën minimale për ditën e nesërme do ta mbajë Gjilani me -3 gradë Celsius, ndërsa atë maksimale përsëri Prizreni me 8 gradë Celsius.
Ndërkohë, në Shqipëri dita e sotme do të shoqërohet me mot të vranët.
Temperaturën minimale do e ketë Korça me 1 gradë Celsius, ndërsa ajo maksimale do të jetë në Fier dhe Vlorë me 15 gradë Celsius. /atvlive.tv/
Parashikimin e plotë të motit, për rajon dhe Evropë mund ta ndiqni në videon e mëposhtme:
Përfaqësuesi special i Bashkimit Evropian për dialogun Kosovë-Serbi, Miroslav Lajçak, është takuar me Ndihmëssekretarin amerikan i Shtetit për Evropën dhe Euroazinë, James O’Brien.
Takimi i tyre është zhvilluar në Davos të Zvicrës, ku të dielën ka nisur punimet Forumi Ekonomik, në të cilin po marrin pjesë edhe liderët nga vendet e Ballkanit Perëndimor.
Teksa ka njoftuar për takimin, Lajçak ka thënë se është e rëndësishme që kjo bisedë për Ballkanin të bëhet pikërisht në fillim të vitit.
“Ne duam të shohim rajonin duke ecur përpara për të mirën e qytetarëve të tyre. Është mirë të rikonfirmojmë se jemi plotësisht në të njëjtën linjë”, ka shkruar emisari evropian në rrjetin social “X”.
Kicked off my week in Davos 🇨🇭with @StateEUR Jim O’Brien. Important to have this conversation about the Balkans right at the beginning of the year. We want to see the region moving forward for the benefit of their citizens. Good to reconfirm that we are fully on the same page. pic.twitter.com/9Rz9vFL4WT
— Miroslav Lajčák (@MiroslavLajcak) January 16, 2024
Lajçak gjatë ditës së hënë në marxhina të Forumit të Davosit, është takuar edhe me zëvendëskryeministrin e Kosovës, Besnik Bislimi.
Lajçak ka njoftuar se në takim është diskutuar për një gamë temash që lidhen me dialogun Kosovë-Serbi.
“Në marxhina të Forumit të Davosit takova zëvendëskryeministrin besnik Bislimi për të diskutuar një gamë të gjerë temash që lidhen me dialogun dhe pritjet për avancimin e normalizimit të marrëdhënieve me Serbinë në periudhën e ardhshme”, ka shkruar ai në “X”.
Sipas Lajçakut, ata janë dakorduar që zbatimi i marrëveshjeve të arritura është çështje urgjente.
“Ne ramë dakord që zbatimi i shpejtë i Marrëveshjes për rrugën e normalizimit është çështje urgjente”, ka shtuar ai.
Irani sulmoi me raketa atë që pretendoi se ishte “seli e spiunëve izraelitë” afër Konsullatës amerikane në Irbil të Irakut, dhe shënjestroi caqe të lidhura me grupin militant, Shteti Islamik, në veri të Sirisë.
Katër civilë u vranë dhe gjashtë të tjerë u plagosën pas sulmit të së hënës mbrëma afër Konsullatës amerikane në Irbil, që është selia e rajonit gjysmë-autonom kurd, sipas këshillit të sigurisë së qeverisë rajonale kurde.
Garda Revolucionare Islamike e Iranit tha përmes një deklarate se goditi selinë e shërbimit të inteligjencës së Izraelit, Mossad, në rajonin kurd të Irakut. Në një deklaratë tjetër, Garda tha gjuajti një numër të raketave balistike ndaj “operacioneve terroriste”, përfshirë caqe të IS-it në Siri, duke shtuar se i ka shkatërruar këto caqe.
Izraeli nuk ka pranuar menjëherë sulmin në Irbil dhe Ambasada izraelite në Uashington nuk ka komentuar lidhur me pretendimet iraniane se ka shënjestruar selinë e Mossad-it.
Sulmet iraniane vijnë në një kohë të tensioneve të rritura në rajon dhe frikës se lufta në Gazë mund të zgjerohet.
Që nga shpërthimi i luftës mes Izraelit dhe Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – më 7 tetor, milicitë e mbështetura nga Irani në Irak pothuajse në baza ditore kanë kryer sulme me dronë nga bazave në Irak dhe Siri ku gjenden të stacionuar trupat amerikane. Këto sulme, sipas milicive, po kryen në shenjë hakmarrjeje ndaj mbështetjes që Uashingtoni i jep Izraelit dhe në përpjekje që të detyrojnë trupat amerikane të largohen nga rajoni.
SHBA-ja dënon fuqishëm “sulmet e pamatura me raketa” në Irbil, tha zëdhënësi i Departamentit amerikan të Shtetit, Matthew Miller. Ai tha se sulmet “minojnë stabilitetin e Irakut”.
Një zyrtar amerikan i mbrojtjes, i cili foli në kushte anonimiteti, tha se SHBA-ja ka gjurmuar raketat, që goditën caqe në veri të Irakut dhe në veri të Sirisë, dhe sipas tij, asnjë ndërtesë e SHBA-së nuk është goditur gjatë sulmeve. Sipas këtij zyrtari, nga të dhënat fillestare, sulmet ishin “të pamatura dhe joprecize”.
Megjithatë, dëmi i plotë i shkaktuar nga sulmet nuk ka mundur të verifikohet në mënyrë të pavarur.
Një zyrtar irakian i sigurisë tha se Irbili u shënjestrua nga “disa” raketa balistike, por nuk dha më shumë detaje. Një zyrtar tjetër i një prej milicive irakiane që mbështeten nga Irani, tha se dhjetë raketa ranë afër zonës ku gjendet Konsullata e SHBA-së. Ai tha se raketat u lëshuan nga Garda Revolucionare e Iranit. Të dy këta zyrtarë folën në kushte anonimiteti, raporton Associated Press.
Më 2022, Irani kishte marrë përgjegjësinë për një sulm me raketa në po të njëjtën zonë afër kompleksit të Konsullatës amerikane në Irbil. Atëbotë, Teherani kishte deklaruar se sulmi ishte kryer në shenjë hakmarrjeje ndaj sulmeve izraelite në Siri, kur ishin vrarë dy anëtarë të Gardës Revolucuonare.
Sulmet ajrore të Iranit në veri të Sirisë mbrëmjen e 15 janarit erdhën pasi IS-i më herët gjatë muajit mori përgjegjësinë për sulmin me dy bomba gjatë një ceremonie në përvjetorin e një gjenerali iranian, që u vra nga një sulm me dron të kryer nga SHBA-ja më 2020. Në sulmin në Kerman të Iranit u vranë të paktën 84 persona dhe u plagosën 284 të tjerë. Sulmi ndodhi gjatë ceremonisë së organizuar në nderim të gjeneralit të Gardës Revolucionare, Qassem Soleimani.
Muajin e kaluar, Irani akuzoi Izraelin për vrasjen e gjeneralit të lartë iranian, Seyed Razi Mousavi, gjatë një sulmi ajror në një lagje të Damaskut./REL/
Gara e vitit 2024 për Shtëpinë e Bardhë ka nisur zyrtarisht, me votuesit kryesorë republikanë që morën pjesë në grupin parlamentar të Iowa mbrëmë – hapi i parë në zgjedhjen e kandidatit të tyre për t’u përballur me demokratët në zgjedhjet e nëntorit.
Donald Trump shënoi një fitore dërrmuese për të nisur garën paraprake republikane. Ai humbi grupin parlamentar të Iowa-s në vitin 2016 – por e ndryshoi dukshëm atë rezultat mbrëmë duke fituar mbi blloqet kryesore të votimit në shtet.
Sondazhet treguan se Trump si kryesues i qartë për muaj të tërë – por shkalla e fitores së tij ishte ende e lartë – ai është në rrugën e duhur për të fituar pothuajse të 99 qarqet e Iowa-s, me Nikki Haley që e mundi atë me një votë të vetme në një qark, raporton BBC.
Më shumë se 142 milionë njerëz në të gjithë SHBA janë nën një paralajmërim për mot të ftohtë të hënën pasi ajri i ftohtë arktik përfshin pjesën më të madhe të vendit.
Shërbimi Kombëtar i Motit (NWS) njoftoi se një pjesë e SHBA-së ka të ngjarë të përjetojë të ftohtë rekord.
Temperaturat në Montana parashikohet të zbresin nën -45 gradë Celsius, transmeton Reporteri.net.
Moti i ftohtë mund të ndikojë në pjesëmarrjen e votuesve në Iowa, ndërsa shteti përgatitet të zgjedhë kandidatin e tij republikan për zgjedhjet e vitit 2024.
Të hënën, NVS paralajmëroi për “temperatura brutalisht të ulëta” që do të vazhdojnë deri të mërkurën.
I ftohti është rezultat i një mase ajrore arktike që ka udhëtuar në juglindje të SHBA nga Kanadaja perëndimore – ku ka vendosur temperatura të ulëta rekord.
Në Edmonton, Alberta, temperatura arriti një rekord të ulët prej -45.3 gradë Celsius të shtunën.
Moti i ftohtë tensionoi rrjetin elektrik të Albertës dhe në një moment provinca lëshoi një paralajmërim urgjent, duke u kërkuar njerëzve të fiknin pajisjet jo thelbësore për të shmangur rrezikun e ndërprerjeve të gjera të energjisë.
Që nga e hëna, e gjithë Alberta mbetet nën një paralajmërim për mot ekstrem të ftohtë, me Environment Canada që u bën thirrje njerëzve të kujdesen, pasi “ngrirja mund të zhvillohet brenda pak minutash në lëkurën e ekspozuar, veçanërisht me ftohjen e erës”.
Të paktën gjashtë milionë kanadezë jetojnë në një zonë nën një paralajmërim ekstrem të ftohtë, kryesisht në Alberta, Saskatchewan dhe pjesë të Kolumbisë Britanike.
Me një pjesë të madhe të masës ajrore arktike të përhapur tani mbi SHBA, analistët politikë po peshojnë nëse i ftohti do të pengojë votimin në Iowa.
Iowa ka qenë duke luftuar me të ftohtin ekstrem dhe borën e madhe për pjesën më të madhe të fundjavës, duke detyruar disa aktivitete të fushatës të anulohen.
Moti i ashpër i dimrit madje prishi orarin e playoff-it të Ligës Kombëtare të Futbollit.
Një stuhi dëbore në Nju Jork e shtyu ndeshjen rrugore të së dielës midis Buffalo Bills dhe Pittsburgh Steelers të hënën.
Policia e Kosovës ka arrestuar dje gjashtë persona që ishin në kërkim. Dy janë arrestuar në Prishtinë, dy në Podujevë, një në Ferizaj dhe një në Obiliq.
Përmes raportit 24 orësh, Policia ka bërë me dije se të njëjtit janë dërguar në vuajtje të dënimit.
“ARRESTIM I PERSONIT TË KËRKUAR – Ferizaj / 15.01.2024 – 01:10. Në bazë të urdhëresës së lëshuar nga gjykata, është arrestuar dhe dërguar në vuajtje të dënimit i kërkuari mashkull kosovar.
-Podujevë / 15.01.2024 – 11:30. Në bazë të urdhëresës së lëshuar nga gjykata, është arrestuar dhe dërguar në vuajtje të dënimit i kërkuari mashkull kosovar.
-Obiliq / 15.01.2024 – 15:55. Në bazë të urdhëresës së lëshuar nga gjykata, është arrestuar dhe dërguar në vuajtje të dënimit i kërkuari mashkull kosovar.
-Podujevë / 15.01.2024 – 15:30. Në bazë të urdhëresës së lëshuar nga gjykata, është arrestuar dhe dërguar në vuajtje të dënimit i kërkuari mashkull kosovar.
-Prishtinë / 15.01.2024 – 17:25. Në bazë të urdhëresës së lëshuar nga gjykata, është arrestuar dhe dërguar në vuajtje të dënimit i kërkuari mashkull kosovar.
-Prishtinë / 15.01.2024 – 18:44. Në bazë të urdhëresës së lëshuar nga gjykata, është arrestuar dhe dërguar në vuajtje të dënimit i kërkuari mashkull kosovar”, thuhet në raport.
Të hënën rreth orës 23:50, dy persona janë lënduar në rrugën “Knjaz Millosh” në Mitrovicën e Veriut, si pasojë e shpërthimit të një granate dore afër një hoteli.
Klankosova.tv përmes burimeve mëson se njëri nga të lënduarit është në gjendje të rëndë shëndetësore dhe se i njëjti pritet të transferohet për trajtim në Beograd.
I njëjti burim ka bërë të ditur se nuk bëhet fjalë për konflikt në baza etnike, por gjithnjë sipas burimit, rasti ka të bëjë me konflikt personal në mes të lënduarve dhe kryesit të veprës.
Personat e përfshirë në këtë rast janë të nacionalitetit serb dhe rasti mbetet duke u hetuar.
Mbrëmë, ushtruesi i detyrës së drejtorit të Policisë së Kosovës për Rajonin e Mitrovicës së Veriut, Veton Elshani, ka bërë të ditur se përveç dëmeve në njerëz, janë shkaktuar edhe dëme materiale si pasojë e shpërthimit të granatës.
“Rreth orës 23:50, dyshohet se ka shpërthyer një granatë dore te hoteli ‘Bisevac’ në Mitrovicë të Veriut. Si pasojë e shpërthimit janë dëmtuar 4-5 vetura dhe dy persona janë lënduar, njëri prej tyre ka lëndime më të rënda, por jashtë rrezikut për jetë. Njësitet policore relevante janë në vendin e ngjarjes dhe po merren me rastin”, ka thënë Elshani.