Category: Lajme

Kryeministri i Shqipërisë, Edi Rama, në Shkup të Maqedonisë së Veriut, tha se nisma për Planin e Rritjes së Ballkanit Perëndimor, i miratuar nga Bashkimi Evropian, është një mundësi e mirë për rajonin, e cila nuk duhet humbur.

Ai në nisje të samitit të liderëve të Ballkanit Perëndimor, kërkoi thellim të bashkëpunimit rajonal, në mënyrë që qytetarët të vendosen në vend të parë.

“Ky është një takim me të vërtetë shumë i rëndësishëm, sepse ne jemi këtu për të bashkuar mendimet tona me përfaqësuesit e Bashkimit Evropian dhe gjithashtu të administratës amerikane për një hap të madh që mund dhe duhet të ndërmarrim për t’iu afruar BE-së. Bëhet fjalë për Planin e ri të rritjes dhe integrimin në tregjet e brendshme, kjo e dyta është diçka që deri më tani ka qenë e mundur vetëm për vendet që janë anëtarësuar në Bashkimin Evropian. Pra, është një ndryshim i rëndësishëm dhe është një mundësi e madhe që nuk duhet ta humbasim dhe kjo është arsyeja pse është thelbësore që të kemi sukses të punojmë të gjitha së bashku, gjashtë vendet e Ballkanit. Është thelbësore që ne të vendosim qytetarët tanë në radhë të parë dhe ta lëmë politikën dhe historinë për të ardhmen, sepse çfarëdo që të bëjmë dhe nëse mund ta bëjmë në kohën e duhur për t’i kryer gjërat deri në muajin e ardhshëm, ne do të përcaktojmë se si do të duken vendet tona në fund të kësaj dekade”, tha ai./KP

Futbollistët e Kombëtares shqiptare që luajnë në kampionatet jashtë vendit kanë mbyllur një tjetër javë me paraqitje pozitive me klubet e tyre.

Odise Roshi gjeti rrugën e rrjetës në sfidën Genclerbirligi – Sakaryaspor. Futbollisti kuqezi e nisi si titullar ndeshjen dhe realizoi golin e parë në minutën e 56-të, megjithatë më pas skuadra e tij Sakaryaspor pësoi tre gola dhe e humbi sfidën.

Rey Manaj nuk njeh kufi, teksa realizoi dy gola këtë fundjavë në kampionatin turk. Sulmuesi kuqezi shënoi dy herë nga pika e bardhë e penalltisë në barazimin e skuadrës së tij Sivasspor 2-2 me Gaziantep. Manaj u tregua i saktë dhe arriti në kuotën e 10 golave në kampionat.

Qazim Laçi u aktivizua si titullar për Sparta Pargue në ndeshjen miqësore ndaj Copenhagen. Sparta Prague fitoi 2-0 dhe mesfushori kuqezi dha asistin e golit të parë.

Sinjale pozitive edhe nga futbollistët kuqezi të Kombëtares U-21, teksa padyshim protagonisti absolut ishte Kristian Shpendi. Sulmuesi kuqezi shënoi tre gola branda gjashtë minutave në pjesën e parë, në sfidën e Cesena ndaj Pontedera. Në fund skuadra e tij triumfoi 4-0 dhe Kristian Shpendi zhvilloi një ndeshje fantastike.

Po në Itali, binjaku tjetër Stiven Shpendi ka lënë gjurmë këtë fundjavë. Në fitoren e Empolit 3-0 ndaj Monzas, Stiven Shpendi i aktivizuar në fraksionin e dytë dhuroi asistin e golit të tretë, që vulosi fitoren spektakolare të Empolit, aty ku titullar ishte edhe mbrojtësi kuqezi Ardian Ismajli.

Edhe mbrojtësi i Kombëtares U-21, Adrian Bajrami ishte protagonist në Portugali me skuadrën e Benficës B teksa realizoi golin e fitores për skuadrën portugeze në ndeshjen në transfertë ndaj Mafra. Sfida përfundoi me shifrat 2-1, teksa ishte pikërisht Bajrami që realizoi golin e fitores në minutën e 61 të pjesës së dytë.

Tituallarë me skuadrat e tyre u aktivizuan edhe Elhan Kastrati, Ivan Balliu, Arlind Ajeti, Frederic Veseli, Ylber Ramadani, Arbnor Muja dhe Sokol Cikalleshi, ndërkohë dhanë kontributin e tyre si zëvendësues edhe Kristjan Asllani, Elseid Hysaj dhe Keidi Bare.

Ndihmës Sekretari Amerikan i Shtetit, James O’Brien, gjatë fjalë së tij në Samitin mes lirarëve të Ballkanit Perëndimor, dhe përfaqësuesve të BE dhe SHBA në Shkup, u shpreh se vendet duhet të punojnë dhe të bashkëpunojnë për të krijuar mundësi më të mira për qytetarët e tyre

Ndër të tjera ai u shpreh se askush nuk duhet të bëhet pengesë për zhvillimin e një shteti, pavarësisht problemeve dypalëshe që mund të kenë, ndërsa theksoi se nëse diçka e tillë ndodh, do të ketë pasoja.

“Askush nuk ka të drejtë të pengojë tjetrin për avancim, të cilët kanë çështje dypalëshe të pazgjidhura, kush e bën do ketë pasoja. Nëse e bën ndokush, atëherë qytetarët e këtij shteti do vendosin nëse ai është lider i duhur. Shpresojmë të arrijmë ndryshime, e ti ofrojmë më shumë qytetarëve në rajon”, u shpreh ai.

Gjithashtu O’Brien nënvizoi se mbështetja e SHBA në të gjitha vendet e rajonit nuk do të mungojë.

O’Brien: BE ka vazhdimisht inovacione. Çdo shtet duhet të bëjë punën praktike dhe qytarët të ndjnë risitë. SHBA e mbështet idenë, ne kemi shpenzuar rreth 200 milion dollarë ndihmë për këtë rajon dhe do të mbetemi të përkushtuar, por jemi të fokusuar tek tregu. Fillimisht do të identifikojmë nismat për bizneset dhe qytetarët në rajon. Kjo do të thotë që çdo individ kursen më shumë kur transferon para brenda dhe jashtë rajonit. Shiriti i gjelbër është i dyti.

Studimet kanë treguar se qytetarët kanë pritur rreth 80% të kohës në Ballkanin Perëndimor, kjo është një kohë e gjatë. Çdo shtet të punojë për të përmirësuar, kostot do të ulen rreth dy fish, kompanitë e BE, do të bëjnë outsources jashtë saj. Siç është prodhimi i energjisë elektrike, do të vijojmë bisedimet, do bisedojmë me odat ekonomike. Duhet të shohim përmirësim dhe avancim real.

Askush nuk ka të drejtë të pengojë tjetrin për avancim, të cilët kanë çështje dypalëshe të pazgjidhura, kush e bën do ketë pasoja. Nëse e bën ndokush, atëherë qytetarët e këtij shteti do vendosin nëse ai është lider i duhur. Shpresojmë të arrijmë ndryshime, e ti ofrojmë më shumë qytetarëve në rajon.

Tash e pesë ditë në Mjekimin Intenziv të Qendrës Klinike Universitare të Kosovës (QKUK), po vazhdon të trajtohet pacientja 23-vjeçare e cila u lëndua nga rënia e kulmit nga objekti i Komunës së Prishtinës.

Shefi i Mjekimit Intenziv, Shaqir Uka ka thënë për Telegrafin se pacientja po vazhdon të qëndrojë e fjetur me barna dhe po ashtu me aparaturë të frymëmarrjes.

“Gjendja është stabile përkundër lëndimeve serioze që ka marrë, po qëndron e fjetur me barna”, tha ai.

23-vjeçarja u lëndua nga rënia e kulmit që ka ndodhur ditën e enjte rreth orës 13:00, në rrugën ‘Nora e Hotit’ në Prishtinë.

Ajo ka pësuar lëndime në regjionin e kokës, ku edhe i është nënshtruar një intervenimi kirurgjik.

Poashtu, ajo ka marrë lëndime edhe në unazat e qafës.

Ndryshe, 23-vjeçarja raportohet se është motra e deputetes së Lëvizjes Vetëvendosje, Fjolla Ujkani.

Kryeministri i Republikës së Shqipërisë, Edi Rama, ndodhet në Shkup, ku po merr pjesë në takimin e liderëve të rajonit, por dhe zyrtarëve të SHBA dhe BE-së.

Në fjalën e tij në hyrje të takimit, kryeministri tha se takimi është tepër i rëndësishëm për hapat që rajoni duhet të ndërmarrë për t’u afruar me Bashkimin Evropian.

Kreu i qeverisë theksoi se vendet e Ballkani duhet të vendosin interesin e qytetarëve të parin dhe të lënë në plan të dytë historinë.

“Ky është një takim i rëndësishëm pasi jemi këtu liderët e Ballkanit së bashku me përfaqësuesit e Bashkimit Europian për hapat e mëdha që duhet të ndërmarrim për t’u bashkuar dhe afruar sa më shumë me Bashkimin Europian.

Është një plan për zhvillimin dhe integrimin në tregun evropian dhe kjo deri më sot ka qenë e pamundur për ne, dhe e mundur vetëm për vendet që janë pjesë e BE-së. Ky është një ndryshim i rëndësishëm dhe është një mundësi që nuk duhet t’a humbim dhe është e rëndësishme që sot jemi këtu për të punuar të gjithë së bashku.

Ne duhet të kemi prioritet nevojat e qytetarët në fillim dhe ta lëmë historinë tonë për më pas. Ne do të bëjmë gjithçka që duhet të bëjmë në kohë që në muajt e ardhshëm të përcaktojmë se si do të duken vendet tona në fund të kësaj dekade”, ka thënë Rama në një fjalim të shkurtër të mbajtur para takimit me liderët e Ballkanit Perëndimor në Shkup.

Një vjedhje e rëndë ka ndodhur në një shtëpi në Lipjan nga katër persona.

Sipas raportit 24 orësh të Policisë së Kosovës, dyshohet se është vjedhur një pushkë gjuetie dhe një kasafortë në të cilën kishte muncion dhe stoli ari në vlerë rreth shtatë mijë euro.

Rasti ka ndodhur gjatë së dielës, teksa policia theksoi se janë duke e hetuar ngjarjen.

Një operacion mbarëkombëtar është zhvilluar mbrëmjen e shkuar deri në orët e para të mëngjesit të kësaj të hëne për goditjen dhe shpërndarjen e lëndëve narkotike në kuadër të operacionit “Tempulli”.

Janë lëshuar mbi 300 urdhër-arreste nga të cilët janë ekzekutuar mbi 200, raporton Euronews.al.

Nga hetimet e prokurorisë janë zbuluar prova që faktojnë se këta persona janë të përfshirë në aktivitetin e “prodhimit dhe shitjes të narkotikëve”.

Mësohet se gjatë natës janë ushtruar kontrolle në mjete, banesa dhe lokale të qytetit të Korçës por edhe të Maliqit.

Pritet komunikata zyrtare e policisë lidhur me këtë operacion për të identifikuar edhe personat e arrestuar.

Rreth 90 persona kanë humbur jetën pasi stuhitë goditën SHBA-në javën e kaluar.

Rreth 25 viktima janë regjistruar në Tenesi, 16 në Oregon i cili është në gjendje emergjence si pasojë e stuhive të forta të akullit.

Ndërsa numri i viktimave ka qenë më i lartë në Tenesi dhe Oregon, viktima janë raportuar gjithashtu në Illinois, Pensilvani, Misisipi, Uashington, Kentaki, Wisconsin, Nju Jork, Nju Xhersi dhe në disa vende të tjera,.

Dhjetëra mijëra njerëz mbetën pa energji në shumë zona. “Një total prej 89 vdekjesh si pasojë e motit të keq, stuhive të forta janë regjistruar në të gjithë vendin gjatë javës”, theksohet sipas një raporti të publikuar nga CBS.

Në një incident në Portland, Oregon të mërkurën e kaluar, tre persona u goditën nga rryma për vdekje kur erërat e fuqishme shkaktuan rënien e një linje elektrike dhe goditën automjetin në të cilin po udhëtonin.

Situata me ngricat, akullin dhe erërat e ftohta pritet të vazhdojnë të paktën deri në fillim të javës.