Category: Lajme

Gjendja me menaxhimin e mbeturinave në Prishtinë vazhdon të jetë alarmante. Shumë hapësira janë të mbuluar më mbeturina të ndryshme. Drejtues të organizatave për mbrojtjen e ambientit vlerësojnë së kjo situatë është krijuar si pasojë e neglizhencës së institucioneve përgjegjëse dhe mungesës së vetëdijesimit të qytetarëve për ruajtjen e ambientit.

Shumë lagje dhe rrugë në kryeqytet vazhdojnë të jenë të stërmbushura me mbeturina. Për vite me radhë është premtuar përmirësim i gjendjes, por për fat të keq, situata vazhdon të jetë e njëjtë. Luan Hasanaj, drejtor i “Let’s Do It Kosova”, organizatë që merret më pastrimin dhe ruajtjen e ambientit, i tha RTK-së së gjendja është alarmante dhe kjo si pasojë e neglizhencës së institucioneve përgjegjëse dhe mungesës së vetëdijesimit të qytetarëve.

“Po shihet një neglizhencë e institucioneve për të kryer obligimet e tyre dhe për ta zgjidhur këtë problem. Krahas kësaj edhe një vetëdije e ulët e një pjese të konsiderueshme të shoqërisë të cilët nuk po arrin të kuptojnë se sa e rëndësishme është të kujdesemi për pronën publike siç kujdesemi për pronën private”, deklaroi Hasanaj.

Ndër të tjera, Hasanaj tha së Komuna e Prishtinës duhet të bëjë një plan për vendndodhjen e kontejnerëve dhe mënyrën e grumbullimit të mbeturinave, në mënyrë që të përmirësohet kjo gjendje.

“Do t’i apeloj komunës që të krijojë një plan i cili do ta ndërrojë edhe llojin e kontejnerëve. Kontejnerët duhet të jenë nëntokësorë, në mënyrë që edhe kur të mbushen të mos i shohim në atë gjendje”, tha ai.

Për gjendjen me mbeturina ka reaguar edhe Këshilli për Mbrojtjen e të Drejtave dhe Lirive të Njeriut, duke ia rekomanduar drejtorisë përkatëse në Komunën e Prishtinës që në të gjitha pikat ku janë të vendosur kontejnerët, të mbulohen me kamera, në mënyrë që abuzuesit me mbeturina të dënohen për shkeljet eventuale që i bëjnë.

Nga Kompania Regjionale “Pastrimi”, e cila është përgjegjëse për grumbullimin e mbeturinave në Komunën e Prishtinës, kanë vlerësuar se janë shumë faktorë që po e pamundësojnë që kjo kompani të bëjë më kohë dhe në mënyrën e duhur grumbullimin e mbeturinave. Për këtë çështje foli për Radio Kosovën zëdhënësja e kësaj kompanie, Arbnora Ademi.

“Numri i madh i konsumatorëve dhe fluksi i madh në kryeqytet e krijojnë atë gjendje. Por, faktori kryesor është hedhja e mbeturinave në mënyrë ilegale nga kompanitë private dhe mos respektimi i orarit nga konsumatorët. Edhe përkundër këtyre, ne mund të themi se e kemi gjendjen nën kontroll”, tha Ademi.

Për situatën e krijuar më keqmenaxhimin e mbeturinave, kryetari i Prishtinës, Përparim Rama, të premten ka liruar nga detyra drejtorin e Shërbimeve Publike, Ilirik Musliu, i cili vjen nga radhët e PDK-së. Ai ka thënë se këtë po e bën për shkak të gjendjes alarmante lidhur me menaxhimin e mbeturinave.

Rama ka theksuar se tash e një vit ka kërkuar në vazhdimësi nga drejtoria zgjidhje të kësaj situate të cilën e ka konsideruar si alarmante dhe të papranueshme dhe se nuk ka pasur zgjidhje por përkeqësim. Rama, mes tjerash, thotë se ka vendosur që vetë ta marrë përsipër zgjidhjen e situatës me mbeturinat në Prishtinë.

Sipas kodit të familjes, dy të rritur, të cilët lidhen në martesë kanë të drejta dhe detyrime, mes të cilave është edhe besnikëria.

Ndërsa deri më sot thyerjen e besnikërisë e kemi quajtur si problem moral, në draftin e ndryshimeve të Kodit Penal, kjo do të jetë një vepër penale që do të ndëshkohet deri 3 vite burgim.

Sipas projektligjit të hedhur për diskutim thuhet: Mbajtja e dy ose më shumë martesash në të njëjtën kohë, apo bashkëjetesa me një apo më shumë partnerë/e në të njëjtën kohë, dënohet me gjobë ose me burgim deri në tre vjet. Nëse bigamia vazhdon pas dënimit të parë, dënohet me burgim nga gjashtë muaj deri në katër vjet.

Sipas Kodit të Familjes, bashkëjetesë quhet kur dy individë kanë një lidhje emocionale dhe jetojnë në çift, e karakterizuar nga një jetë e përbashkët, që paraqet një karakter stabiliteti dhe vazhdueshmërie.

Situata e mbajtjes së martesave apo bashkëjetesave paralele nuk është një fenomen i panjohur në vendin tonë. Jo rrallë herë, në media kemi parë burra që bashkëjetojnë me dy gra për të krijuar mundësinë të lënë trashëgimtarë. Në raste të tjera ka pasur raste me burra me disa lidhje paralele, nga të cilat kanë edhe fëmijë. Në raste të caktuara duke përdorur besimin individë të veçantë mbajnë martesa të shumëfishta në të njëjtën kohë.

Rasti më i fundit është ai i mjekut Dervish Hasi, i cili kishte 3 martesa dhe krijoi të 4 me një të mitur 16 vjeç, marrëdhënie për të cilën përfundoi pas hekurave./Top Channel

Kryetari i AAK-së, Ramush Haradinaj, ka takuar ish-presidentin e Kroacisë, Stjepan Mesiq.

Haradinaj ka thënë se Mesiq ishte krah Kosovës në të gjitha etapat.

“Pata kënaqësinë të ndajmë bashkë momente të këndshme me ish-presidentin e Republikës së Kroacisë, Stjepan Mesiq dhe miq tjerë. Mesiq, një mik i madh i shqiptarëve dhe mbështetës i fuqishëm i Kosovës dhe popullit të saj, në të gjitha etapat, që nga lëvizja paqësore në vitet ’90-ta deri te lufta çlirimtare si dhe rrugëtimi i vendit tonë drejt pavarësisë”, ka thënë Haradinaj.

Haradinaj ka thënë se rrugëtimi i Kroacisë drejt BE-së fhe NATO-s, është shembull për Kosovën.

“Shembulli i rrugëtimit të Kroacisë deri në anëtarësim në BE dhe në NATO, është një shembull të cilin duhet ta ndjek Kosova në agjendën e saj euro-atlantike”, është shprehur Haradinaj.

Të dielën në Zubin Potok janë hasur disa fotografi të terroristit Milan Radoiçiq.

Po ashtu, ATV ka siguruar foto të mbishkrimeve ku kërkohet edhe kthimin e tij “Kthehu Radoiçiq”, “Serbët s’mund të vuajnë më shumë’.

Lidhur me rastin policia ka nisur hetime për “nxitje të urrejtje”.

Rastin ka konfirmuar ushtruesi i detyrës së drejtorit për rajon e veriut, Veton Elshani

Pas përfundimit të procedurave, me vendim të prokurorit, është iniciuar hetim dhe është urdhëruar që të ndërmerren veprimet e nevojshme që të identifikohen të dyshuarit dhe të sigurohet prezenca e tyre”, tha Elshani.

Po ashtu atje janë vendosur edhe disa fotografi dhe mbishkrime që janë kundër tij.

Tre turistët nga Tirana që kishin mbetur të bllokuar ditën e djeshme (4 shkurt) në malin e fshatit të Bogës, janë shpëtuar gjatë mesnatës.

Kanë qenë forcat e policisë dhe zjarrfikësit që kanë ndërhyrë për t’u shkuar në ndihmë. Një prej udhëtarëve ka rrëshqitur dhe ka thyer këmbën. Ndërsa gjendja e 2 të tjerëve paraqitet e mirë, pa dëmtime.

Ndërhyrja për shpëtimin e tyre ishte tepër e vështirë për shkak të pranisë së madhe të akullit.

Çdo çifti që u lind katërnjakë në Komunën e Shtimes do të fitojë 2 mijë euro.

Kështu pohon kryetari Qemajl Ajliu i cili tha se me këtë skemë do të mbështeten familjet e reja dhe fëmijët e sapoardhur në jetë.

Çdo çifti që u lind fëmija i parë do t’i përfitojnë 100 euro shtesë, për fëmijën e dytë 150 euro, për të tretin 200, ndërsa për binjakët 500, e trenjakët 1.000 euro.

Guvernatori i Bankës Qendrore të Kosovës, Ahmet Ismaili, ka dhënë detaje rreth Rregullores së re të BQK-së për operacionet me paratë e gatshme, e cila hyri në fuqi nga data 1 shkurt 2024.Sipas Rregullores, valuta e vetme e lejuar për kryerjen e pagesave në Kosovë është euro.

Ky vendim u kritikua nga bashkësia ndërkombëtare, ndërsa për këtë guvernatorin e Bankës Qendrore të Kosovës e “vizituan” ambasadori i BE-së në Kosovë dhe ai i Shteteve të Bashkuara të Amerikës.

Ismaili në emisionin “Kallxo Përnime” tha se nuk është i dinjitetshëm diskutimi i vetëm një pike të Rregullores kur ajo në tërësi përmban 50 nene.

“Kjo Rregullore adreson një sërë aspektesh të rëndësishme. Minimizimi që po bëhet vetëm në një diskurs të caktuar siç është ai për përdorimin e vetëm valutës euro është jo i dinjitetshëm sepse Rregullorja ka 50 nene” – tha ai.

Guvernatori i BQK-së tha se motivet kryesore për vendimin që lidhet me ndalimin e dinarit serb si mjet pagese në Kosovë është lufta kundër pastrimit të parasë, kundër terrorizmit dhe forcimi i integritetit të sistemit financiar.

Ismaili tha se mosveprimi për këtë çështje do të ishte përgjegjësi më e madhe sesa veprimi.

“Fillimisht ky nuk është motiv personal por institucional. Duke qenë guvernator i BQK-së, duke pasë përgjegjësi, duke qenë i njohur me situatën, është e papranueshme nëse nuk kishim marrë veprime. Unë mendoj që në situatën që kemi qenë mosveprimi do të kishte qenë përgjegjësi më e madhe sesa veprimi”- tha guvernatori.

Guvernatori Ismaili ka thënë në “Kallxo Përnime” se çështja e dinarit ishte përmendur edhe në një takim në Bruksel, kur ky kishte qenë si drejtor i Thesarit në atë kohë, por që Brukseli e kishte lënë këtë çështje në duart e Kosovës.

“Para kësaj pozite kam qenë drejtor i Thesarit, jemi marrë edhe me këtë çështje. Edhe në një takim në Bruksel, ku në aspektin e zbatimit përmes marrëveshjeve është vërejtur një financim i paligjshëm që e ka bërë Serbia ndër vite, ku Ligji i financave e ka leju financimin pa kufizim nga Serbia për komunat e serbëve në mënyrë legale, ligjet tona janë ndërru për këtë ku ka funksionu një bankë dhe një fond zhvillimor i mirëbesimit përkundër kësaj nuk i ka shfrytëzu. Serbia ka transferu para ‘cash’. Ato para kanë ardhë në kufi përmes transportuesit dhe janë deklaru mjete mbi 10 mijë euro. Është shtru pyetja: Pse këto para nuk kanë ardhë përmes bankës por përmes kufijve? Diskutimi ka qenë brenda Thesarit dhe për këtë kemi diskutu edhe në Bruksel. Raportimi i tillë që po hynë edhe ‘cash’ përbën rrezik për financimin e terrorizmit, shpërlarjen e parave, krimin e organizuar, diskutimi ka qenë që kjo është temë për Kosovën” – tha ai.

220 vajza deri më tani janë vaksinuar me vaksinën e cila i mbron nga sëmundja e kancerit të qafës së mitrës. Këtë e kanë bërë të ditur nga Instituti Kombëtar i Shëndetësisë së Kosovës.

“220 vajza deri më tani janë vaksinuar me HPV”, kanë thënë nga IKSHPK.

Madje ky proces i vaksinimit nga mesi i muajit shkurt do të fillojë përmes shkollave, për vajzat 12 vjeç. Kështu kanë thënë nga Ministria e Shëndetësisë.

“Gjatë vitit qe shkoi vaksinimi kundër HPV vaksinës është pilotuar si projekt me 300 vaksina të dedikuara kryesisht për vajza të reja që kanë predispozita familjare për kancer të qafës së mitrës. MSH dhe IKSHPK kanë bërë përgatitjet që nga mesi i muajit shkurt të fillojë vaksinimi përmes shkollave i vajzave të klasës së VI-të (mosha 12 vjeçe) me vaksinën kundër HPV”, thuhet në përgjigjen e MSH-së.

MSH-ja ka siguruar edhe 15 mijë vaksina kundër kancerit të qafës së mitrës

Ministria e Shëndetësisë ka siguruar edhe 15 mijë vaksina kundër kancerit të qafës së mitrës, nga 300 sa ishte furnizimi paraprak.

“Vaksina HPV është bërë tashmë me vendim të Ministrisë prej vitit të kaluar 2023, pjesë e Kalendarit të rregullt të vaksinimit dhe fushata e vaksinimit të rregullt në krejt vendin për vajzat e moshës 12 vjeçe fillon nga muaji tjeter. Janë siguruar mbi 15 000 vaksina”, thonë në përgjigje nga MSH.

Si rrjedhojë e kësaj, nga ministria dhe nga IKSHPK thonë se interesimi është i mirë.

“Prindërit kanë filluar të interesohen dhe ata po informohen për këtë proces, dhe siç edhe keni mundur të vëreni janari është duke u shënuar me aktivitete sensibilizuese dhe informuese për kancerin e qafës së mitrës dhe vaksinimin kundër HPV, interesimi është i mirë”, thuhet në përgjigjen e tyre për Front Online.

Për të gjashtëmbëdhjetin vit më radhë, sot e hëne, banorët e fshatit Ratkoc të Rahovecit dhurojnë gjak.

5 shkurti, për banorët e kësaj ane konsiderohet si festë, me ç’rast qindra qytetarë shëndetmirë bëhen pjesë e këtij aktiviteti human.

“Edhe këtë herë për të 16-in vit me radhë, të hënën, më 5 shkurt, nga ora 10:00-16:00, në objektin e shkollës fillore ‘4 Dëshmorët’, në fshatin Ratkoc, do të organizohet dhurimi vullnetar i gjakut. Një evenimenti me karakter human dhe vullnetar”, thuhet në njoftim.