Category: Lajme

Kryeministri i vendit, Albin Kurti, gjatë vizitës së tij në Maqedoni të Veriut, ka vizituar ambasadën e Kosovës në Shkup.

Kreu i qeverisë u prit nga ambasadori i Kosovës në Maqedoninë e Veriut, Florian Qehaja, nga i cili u njoftua mbi punën e ambasadës, zhvillimet në shtetin pritës dhe nivelin e bashkëpunimit dhe raporteve mes dy vendeve.

“Kryeministri Kurti falënderoi ambasadorin Qehaja për mikpritjen, teksa shprehu konsideratat e tij për punën e shërbimit të jashtëm të Republikës së Kosovës në funksion të përfaqësimit dhe mbrojtjes së interesave të qytetarëve dhe shtetit të Kosovës”, thuhet në njoftimin e qeverisë, transmeton Klankosova.tv.

Këtë të shtunë u raportua se gjatë qëndrimit të Kurtit në Shkup, mbrëmë ka pasur tentim për atentat ndaj tij.

Në lidhje me këtë, Kurti tha se ka mësuar që ka shumë kërcënime nga individë e struktura të cilët kanë rrënjët në Beograd.

“Nuk jam ndier i rrezikuar, por kam parë se kishte shumë forca policore që u përkujdesën për mbledhjen e mbajtur në Shkup”, tha Kurti.

Gjatë ditës është raportuar se gjatë qëndrimit të kryeministrit të Kosovës, Albin Kurti në Shkup ka pasur një plan për atentat ndaj tij.

Ministria e Punëve të Brendshme e Maqedonisë së Veriut ka thënë se gjatë qëndrimit të Kurtit në Shkup nuk ka pasur tentim për vrasjen e tij.

“Ju njoftojmë se gjatë vizitës së kryeministrit të Republikës së Kosovës, Albin Kurti, në Shkup, nuk ka pasur asnjë tentim për vrasjen e tij. Sa i përket sigurisë gjatë vizitës së kryeministrit Kurti, ajo është e organizuar sipas rregullave të paracaktuara dhe vlerësimeve të sigurisë”, thuhet në përgjigjen e MPB-së maqedonase, shkruan Euronews.

Ndërsa kryeministri Kurti tha se ka mësuar që ka shumë kërcënime nga individë e struktura të cilët kanë rrënjët në Beograd.

“Nuk jam ndier i rrezikuar, por kam parë se kishte shumë forca policore që u përkujdesën për mbledhjen e mbajtur në Shkup”, tha ai.

Kurti tregon se a pati tentim-atentat ndaj tij gjatë vizitës në Shkup

Kryeministri i vendit, Albin Kurti, ka folur për vendimin e BQK-së për ndalimin e përdorimit të dinarit.

Ai tha se BQK-ja është institucion i pavarur dhe ajo e ka marrë vendimin, teksa sipas tij, qeveria do ta intensifikojë fushatën informuese për të gjithë ata që kanë nevojë ta ridëgjojnë që dinari në Kosovë s’ndalohet por nuk lejohet si mjet pagese.

“Ashtu sic janë konvertuar targat në RKS, edhe më shpejt edhe më kollaj mund të bëhet konvertimi i dinarit në euro. Besoj që alarmimi që vjen me idenë e përhapjes së panikut vjen nga Beogradi. Ajo cka bëjmë ne është informimi i drejt. E kemi një periudhë tranzitore në kuptimin që s’duam t’i ndëshkojmë ata që kanë ende dinarë, por duam të institucionalizojmë financat në Kosovë”, tha Kurti.

Më tej, Kurti tha se ndonëse do të intensifikohet fushata informuese, konvertimi i dinaërve duhet të bëhet në Euro.

“BQK-ja i ka shkruar letër Bankës Kombëtare të Serbisë dhe besoj që ata duhet t’i kthejnë përgjigje”, tha ai.

Kryetari i Aleancës për Ardhmërinë e Kosovës (AAK), Ramush Haradinaj, deklaroi se anëtarësimi i Kosovës në NATO do të forconte paqen dhe sigurinë në vend dhe rajon.

Ai këto komente i bëri sot në ceremoninë e ndërrimit të komandës së Njësisë së Specializuar Shumëkombëshe që vepron në kuadër të KFOR-it italian në Kosovë.

Haradinaj ka thënë se Italia ka dhënë kontribut të madh për paqen dhe sigurinë në Kosovë.

“Italia është një nga kontribuuesit më të mëdhenj të paqes dhe sigurisë në kuadër të misionit të KFOR-it në Kosovë, duke luajtur rol edhe në shumë procese të rëndësishme për vendin. Partneriteti mes dy vendeve tona i krijuar prej vitesh, duhet të thellohet e zgjerohet në procese të rëndësishme që kemi përpara, siç është anëtarësimi i Kosovës në NATO, akt ky që do e forconte paqen dhe sigurinë në vend dhe rajon dhe në këtë synim, roli i KFOR-it është i jashtëzakonshëm”, ka thënë Haradinaj.

Haradinaj ka falënderuar gjeneral Ruggerio Capodivento për angazhimin profesional dhe miqësor gjatë shërbimit të tij në Kosovë, teksa i uroi mirëseardhje kolonelit Rosati, me urimet më të mira për sukses në detyrën e re.

Kryetari i Kuvendit të Kosovës, Glauk Konjufca, ka thënë se Arben Xheladini dhe Mon Balaj, janë dëshmorë të përpjekjes së vazhdueshme të popullit të Kosovës që shteti të jetë i barabartë, raporton Ekonomia Online. 

Kështu tha Konjufca gjatë homazhe të dy ish-aktivistëve të vrarë 17-vite më parë nga policia ndërkombëtare e UNMIK-ut.

Ai ka shtuar se edhe me rënien e Enver Zymberit dhe të Afrim Bunjakut po tregohet se përpjekja po vazhdon edhe pas pavarësisë që shtetin të jetë i kompletuar dhe i barabartë me gjithë shtet e botës.

“Pas vitit 1999 kemi pas dëshmor siç janë Arben Xheladini dhe Mon Balaj, këta janë dëshmorë të përpjekjes së vazhdueshme të popullit të Kosovës që shteti me qenë i barabarte dhe ne me qenë qytetarë të një shteti të dinjitetshëm. Kjo është arsyeja pse ranë Moni dhe Arbeni por pastaj me rënien e Enver Zymberit dhe të Afrim Bunjakut tash së fundi po tregohet se përpjekja po vazhdon edhe pas pavarësisë për popullin tonë edhe pas vitit 2008 sepse është një përpjekje për shtetin tonë për të qenë i kompletuar me qenë në mesin e shteteve të barabarta të gjithë botës”.

“Prandaj 10 shkurti e ka rëndësinë e vetë kjo është arsyeja pse kemi dalë edhe me familjarë të Arbenit dhe të Monit edhe me aktivistët që ishin me mijëra atë ditë të 10 shkurtit 2007 në këtë shtet për me e shpreh vullnetin tonë që Kosovës i duhet Vetëvendosja si zgjidhje për statusin e vetë e jo kompromiset me Serbinë. Kjo ka qenë qasje dhe mendoj se kjo e ka vlerën e vet edhe sot e kësaj dite. Lavdi Arbenit, Lavdi Monit dhe lavdi të gjithë te rënëve për sovranitetin e Kosovës”, ka thënë ai.

Më 10 shkurt 2007, dy aktivistët e Lëvizjes Vetëvendosje Arben Xheladini dhe Mon Balaj mbetën të vdekur pasi u qëlluan me plumba gome nga policët rumunë të misionit të UNMIK-ut derisa po protestonin kundër negociatave të Kosovës me Serbinë dhe Pakos së Ahtisarit.

Inspekcioni i Komunës së Prishtinës gjatë vitit 2023, për mos respektim të rregullave, ka shqiptuar rreth një mijë gjoba në vlerë rreth 150 mijë euro. Numri më i madh i gjobave kanë përfshirë segmentin e komunikacionit, taksitë ilegal, si dhe gastronomia. Kurse, paralajmërohet se do t ketë vazhdimisht aksione në rrënimin e objekteve pa leje.

Drejtori i Drejtorisë së Inspekcionit në këtë komunë, Florian Dushi, ka thënë për KosovaPress, gjatë vitit që lamë pas ka pasur shumë aksione në rrënimin e objekteve në hapësirat publike dhe se ky fillimvit ka që numri i objekteve pa leje të ketë rënë dukshëm.

Dushi theksoi se gjatë muajve në vazhdim, në listë të pritjes, janë edhe disa nga objekte pa leje që priten të rrënohen.

“Nëse e shohim në vlerë totale të gjobave të shqiptuara si vlerë totale, është një vlerë rreth 150, 000 euro gjoba të shqiptuara në kryeqytetet që sjellë në një numër rreth 1000 gjoba në të gjitha fushat. .. Mund t’iu them që aksioneve për lirimin e hapësirave publike këtë vit nuk kemi pasur, por planifikojmë t’i kemi disa, nën asistimin e policisë, ndërsa rrënimet për shkak të kushteve atmosferike nuk kemi pas mundësi që këto ditë të kemi por ka në listë të pritjes disa objekte të cilat presin të rrënohen ose ndërhyhet në ato. .. Në anën tjetër, ne presim që të kemi në vazhdimësi aksione të tilla edhe pse mund t’iu them që si rezultat i angazhimit tonë mbi të gjitha si rezultat i vetëdijes, numri i objekteve pa leje ka rënë dukshëm, nuk ka më tutje ndërtim të objekteve kolektive që fillojnë pa leje sepse kompanitë po kujdesen për imazhin e tyre, po respektojnë kushtet e vendosura”, tha Dushi.

Ndërkaq, sa i përket çështjes për taksitë ilegalë, Dushi tha se situata me taksitë nuk është edhe aq e lehtë. Ai tha se taksive ilegale nuk po ua ndalin punën e tyre as gjobat e shqiptuara.

Sipas tij, në vazhdimësi pritet që të ndërrojë metoda e gjobitjes, së pari të rritet çmimi i gjobës e pastaj të bëhet edhe konfiskimi i tabelave ose i veturës me të cilën ata punojnë.

“Megjithatë është një angazhim permanent i inspektoratit por edhe një insistim i atyre, përkundër faktit që ne i gjobisim, ata vazhdojnë të rikthehen në komunikacion, prandaj ne jemi në pritje, sipas informacioneve që kemi është duke u shqyrtuar ligji për transportin publik. Prandaj ne shohim një shpresë për shkak se aty parashihen masa më të rënda ndëshkuese të cila konsiderojmë do të bëjnë që të mendojnë që të kyçën dhe të funksionojnë ilegalisht në kryeqytet, sepse duket përfitimet e tyre janë përtej gjobave dhe shpesh herë kemi vërejt që ata paguajnë gjobat, vijnë marrin tabelat e konfiskuara dhe menjëherë të njëjtën ditë rastisim për të dytën herë në komunikacion. Nëse rritjen gjobat dhe masa të tjera ndëshkuese, sikur që bie fjala t’i konfiskohen tabelat për një kohë më të gjatë ose edhe vet mjeti me të cilin operojnë, atëherë në këtë formë do të evitojmë mundësin që ata të jenë më shpesh në komunikacion”, u shpreh Dushi.

Dushi shtoi se problemi i vazhdueshëm me të cilën po hasin si institucion, janë barnatoret të cilat nuk po respektojnë orarin e kujdestarisë.

Ai tha se ka raste kur shumë barnatore punojnë në ditë te festave, si dhe pas përfundimit të orarit të përcaktuar ato vazhdojnë të jenë të hapura.

“Për befasinë time kemi pasur shumë problem me barnatore, duke konsideruar se është një nivel tjetër dhe ata do të jenë persona që do të respektojnë më tepër orarin e përcaktuar. .. Kur kemi filluar aplikimin, kemi vërejtur që në shumë raste nuk është respektuar rregullorja, kemi gjetur që pas orës 21:00, kanë vazhduar edhe ato që nuk kanë qenë kujdestare të punojnë, ka pas raste që gjatë ditëve të festave të punojnë edhe ato që është dashur të jenë të mbyllura, por gjitha këto i kemi inspektuar dhe mund t’iu them që gjobat janë shqiptuar edhe për barnatore”, potencoi Dushi.

Kuvendi i Maqedonisë së Veriut i ka shkarkuar të premten në mesnatë dy ministra të Qeverisë teknike nga radhët e Aleancës për Shqiptarët (ASH) pasi kishin mbështetur propozimin e kësaj partie që në zgjedhjet e majit t’i bashkoheshin bllokut opozitar shqiptar – Lidhja Evropiane për Ndryshim.

Shkarkimi i ministrit të Shëndetësisë, Fatmir Mexhiti dhe i ministrit të Administratës dhe Shoqërisë Informatike, Azir Aliu, ka rezultuar me tensione e polemika të shumta mes partive në pushtet dhe opozitë.

Në arsyetimin e kërkesës për shkarkimin e tyre, kryeministri Talat Xhaferi ka thënë se “nuk ka vërejtje për punën dhe profesionalizmin e ministrave Mexhiti dhe Aliu, por pas bashkimit të tyre me Arben Taravarin, duhet të largohen, pasi në Qeveri nuk mund të jenë dy subjekte opozitare”.

Qeveria teknike, që ka mandat 100 ditë për organizimin dhe mbarëvajtjen e zgjedhjeve të ardhshme parlamentare, e ka në përbërjen e saj edhe opozitën maqedonase të udhëhequr nga VMRO DPMNE-ja.

Ministri i shkarkuar, Fatmir Mexhiti akuzoi partitë në pushtet se “shkarkimi i tij është iniciuar për interesa politike” dhe se pas kësaj, sipas tij, qëndron partia Bashkimi Demokratik për Integrim (BDI).

Shkarkimi i ministrave vjen dhjetë ditë pas formimit të Qeverisë teknike, më 28 janar.

Në vend të tyre, të hënën, më 12 shkurt, pritet të emërohen Ilir Demiri si ministër i Shëndetësisë dhe Naim Bajrami si ministër i Administratës dhe Shoqërisë Informatike.

Seanca ishte thirrur nga kryeministri Talat Xhaferi, pasi një komision partiak i Aleancës për Shqiptarët (ASH), që është pjesë e Qeverisë teknike, propozoi shkarkimin e dy ministrave të saj.

Vendimi është marrë pasi dy ministrat dolën publikisht në mbështetje të kryetarit të ASH-së, Arben Taravari për të kaluar në opozitë.

Por, kjo kishte nxitur reagim te një pjesë e partisë që udhëhiqet nga ish-kryetari i saj, Ziadin Sela, kryetar aktual i Kuvendit të kësaj partie.

Ai për të shtunën, më 10 shkurt, ka thirrur Kuvendin për të konstatuar përgjegjësinë, por edhe fillimin e procedurës për shkarkim të Taravarit nga partia.

Por, Taravari ka thënë se Sela nuk e ka mbështetjen e kuvendarëve, pasi shumë prej tyre i kanë dhënë mbështetje qëndrimit të tij për të bërë koalicion me opozitën.

Përçarja në ASH është reflektuar edhe në Kuvendin e Maqedonisë së Veriut.

Seanca ka nisur me tre orë vonesë pasi partitë në pushtet nuk arrinin të siguronin numrin e nevojshëm të deputetëve për nisjen e saj, që u dëshmua edhe me votimin, i cili rezultoi me shumicë të thjeshtë prej 62 deputetësh. /rel

Më 10 shkurt të këtij viti janë bërë 17 vjet prej vrasjes së ish-aktivistëve të Lëvizjes Vetëvendosje, Mon Balaj e Arben Xheladini.

Me këtë rast kryeministri Albin Kurti, kryetari i Kuvendit Glauk Konjufca, e krerë të tjerë të VV-së ka bërë homazhe tek të pllaka përkujtimore e Arben Xheladinit dhe Mon Balajt në sheshin “Nënë Tereza” në kryeqytet.

Balaj e Xheladini u vranë në protestën e 10 shkurtit të vitit 2007 ku bashkë me mijëra qytetarë të tjerë protestonin kundër Pakos së Ahtisarit, ndërsa partia që sot është në pushtet, VV-ja, do të organizojë disa aktivitete.

Më pas, në ora 13:30 do të bëhen homazhe te varri i Arben Xheladinit në Prishtinë, kurse në ora 14:45 homazhe do të bëhen edhe te varri i Mon Balajt në Podujevë.

Mon Balaj e Arben Xheladini u vranë në protestën e 10 shkurtit të vitit 2007 nga policia rumune e UNMIK-ut.

Zyrtarja e lartë e LDK-së, Sibel Halimi, ka kritikuar qasjen e deputetëve të Vetëvendosjes përballë anëtarëve të Komisionit të Pavarur të Mediave.

Halimi ka thënë se ajo çfarë ka ndodhur në atë Komision ngjanë me komitetet e Enver Hoxhës dhe shton se e gjithë ajo ka ndodhur në Kuvendin e Republikës së Kosovës.

Anëtarja e Kryesisë së LDK-së ka thënë se Vetëvendosje denigron integritetin e secilit dhe sipas saj kjo është mënyra e tyre e vetme për të kapur gjithçka.

Reagimi i plotë:

Deri në fund të mandatit të këtij pushteti, rezultati i vetëm i arritshëm do të jetë, kapja e të gjitha institucioneve të pavarura. E fatkeqësisht askujt nuk po i bëhet vonë, se si ky vend është duke rrëshqit komplet drejt një diktature, pasojat e së cilës ende s’i kemi ballafaquar e do t’i shohim më vonë, kur edhe mendimi do të jetë i kontrolluar!

Veprimet e pushtetit janë më shumë se ndërhyrje politike, janë veprime diktatoriale.

Gjuha e qasja e deputetëve të partisë në pushtet drejtuar anëtarëve të Komisionit të Pavarur të Mediave i ngjasonte komiteteve të Enver Hoxhës. E gjithë kjo dramë ndodhë si për ironi, në shtëpinë e demokracisë, në Kuvendin e Republikës së Kosovës.

Hiç më pak se katër orë, një mbledhje e thirrur si e jashtëzakonshme nga disa deputetë të LVV-së nga Komisioni për Administratë Publike, Pushtet Lokal, Media dhe Zhvillim Rajonal, është alarm që duhet të zgjojë vetëdijen e të gjithëve për tendencën e rrezikshme të partisë në pushtet që nëpërmjet fyerjes e atakimit të dinjitetit të individëve të disiplinojë dhe kontrollojë çdo lëvizje që nuk i përshtatet diktatit të tyre.

Ky pushtet denigron integritetin e gjithësecilit, kjo është mënyra e vetme për të kap gjithçka, mbase të vetmen gjë që dinë ta bëjnë e erdhën në pushtet dhe tani po e mirëmbajnë atë!