ATV

Category: Lajme

  • Kurti thotë se Vuçiq po e lë të hapur mundësinë “e pushtimit të Kosovës”

    Kurti thotë se Vuçiq po e lë të hapur mundësinë “e pushtimit të Kosovës”

    Kryeministri i Kosovës, Albin Kurti, tha se ngjarjet e shtatorit në Banjskë të Zveçanit, protestat e majit në veri të Kosovës rritja e pranisë ruse në rajonin e Ballkanit Perëndimor e bëjnë më “urgjente se kurrë” nënshkrimin e Marrëveshjes për rrugën drejt normalizimit mes Kosovës dhe Serbisë. Por, me refuzimin e presidentit serb, Aleksandar Vuçiq, që ta nënshkruajë këtë marrëveshje, sipas Kurtit, ai po e lë të hapur mundësinë “e pushtimit të Kosovës”.

    Shkurtin e kaluar, Kosova dhe Serbia u pajtuan në Bruksel për këtë marrëveshje, ndërkaq në prill në Ohër u arrit pajtimi për Aneksin e zbatimit të saj. Megjithatë, palët nuk e nënshkruan marrëveshjen, por blloku evropian, që ndërmjetëson dialogun për normalizimin e raporteve mes Kosovës dhe Serbisë, tha se ajo është obliguese për palët.

    “Nuk mund të shoh asnjë arsye tjetër për refuzimin e nënshkrimit [nga Serbia]. Atëherë, ata duan të mbajnë hapur këtë derë [të pushtimit të Kosovës] dhe të kenë një dritare mundësie për t’u rikthyer dhe për të kryer agresion”, tha Kurti gjatë një paneli diskutimi të organizuar nga instituti Chatham House më 13 shkurt.

    Marrëveshja për rrugën drejt normalizimit, prej 11 nenesh, ndër tjerash parasheh edhe një nivel të vetëmenaxhimit për komunitetin serb në Kosovë dhe njohje të ndërsjellë të simboleve shtetërore, ndërsa kërkon nga Prishtina dhe Beogradi që t’i zbatojnë, po ashtu, të gjitha marrëveshjet e mëhershme të arritura gjatë dialogut.

    Në panelin e diskutimit, Kurti tha se “regjimi autoritar” i Serbisë “po mban prapa të gjithë rajonin. Sipas tij, Beogradi në një masë të madhe e njeh Kosovën de facto, por jo de jure.

    Kryeministri kosovar tha se Serbia përdor Kosovën për të mbajtur raporte të mira me Rusinë dhe Kinën.

    “Ekziston një tezë e përgjithshme se Serbia po mban raporte të mira me Federatën Ruse dhe Kinën, në mënyrë që t’i përdorë ato në agresivitetin kundër Kosovës. Por, unë mendoj se është e kundërta. Gjegjësisht, Serbia përdor agresivitetin e saj ndaj Kosovës që të mbajë raporte të mira me Federatën Ruse dhe Kinën. Sepse ndaj diktatorëve që nuk i besojnë askujt, ju duhet ta tregoni veten vazhdimisht. Mendoj se këtë po e bën Vuçiqi. Me agresivitetin e tij ndaj Kosovës ai po mundohet të mbajë raporte të mira me Kremlinin”, tha Kurti.

    Duke folur për ngjarjet e shtatorit në Banjskë, kur një grup serbësh të armatosur sulmuan policinë e Kosovës duke vrarë një rreshter, Kurti sërish akuzoi Serbinë për këtë ngjarje, që Kosova e konsideron sulm terrorist.

    Gjatë përleshjeve më 24 shtator u vranë edhe tre sulmues serb. Përgjegjësinë për sulmin e mori Millan Radoiçiq, ish-nënkryetari i Listës Serbe, partisë kryesore të serbëve në Kosovë që gëzon mbështetjen e Beogradit zyrtar.

    Kurti tha se përmes Serbisë, Rusia po rrit praninë e saj në Ballkanin Perëndimor.

    “Pra, aleanca e Serbisë me Rusinë nuk është vetëm kërcënim në aspektin teorik për Evropën dhe Ballkanin. Është kërcënim real të cilin Kosova, por jo vetëm, e përjeton vazhdimisht. Përmes Serbisë, ne kemi parë rritjen e pranisë ruse në Ballkan, qoftë përmes mediave, inteligjencës, apo formave të tjera të ndërhyrjes.

    Autoritetet në Kosovës kishin deklaruar pas sulmit në Banjskë se po hetonin për përfshirjen e mundshme ruse në të.

    Fundin e vitit të kaluar, në një raport të Rrjetit Ballkanik për Gazetari Hulumtuese (BIRN) ishte thënë se Kosova është e ekspozuar ndaj dezinformatave dhe narrativëve që vijnë nga Rusia dhe Kina, të cilat synojnë të nxisin luftë ndëretnike dhe ndërfetare në Kosovë. /rel

  • Thyhet tradita, parakalimi i FSK-së nuk do bëhet më 17 shkurt

    Thyhet tradita, parakalimi i FSK-së nuk do bëhet më 17 shkurt

    Përgatiti: Armand Hoti

    Kosova po i bënë 16 vite si Republikë e Pavarur dhe Demokratike.

    Siç e do tradita, më 17 shkurt qytetarëve të Republikës më të re në Evropë, iu mundësohet të shohin parakalimin e Forcës së Sigurisë së Kosovës, në sheshin kryesor të kryeqytetit.

    Por, këtë herë parakalimi i trupave të Forcës, nuk është në listën e aktiviteteve të parapara për 17 shkurt.

    Ministri i Mbrotjes, Ejup Maqedonci thotë se parakalimi i ushtarëve kosovarë, është shtyrë për datën 12 qershor, respektvisht në 25 Vjetorin e Çlirimit të Kosovës.

    “Komisioni ndërqeveritar për shënimin e festimit të tri datave kyçe gjatë këtij gjashtë mujori që është dita e Pavarësisë, Epopeja e UÇK-së dhe Dita e Çlirimit të vendit tonë, ka vendosur që parakalimi për këtë vit të vendoset më 12 qershor për shkak që 12 qershori do jetë vit jubilar, pra është 25 vjetori i çlirimit të vendit tonë”, tha Maqedonci.

    17 shkurtin, krerët shtetërorë do ta fillojnë në tetë të mëngjesit, me mbledhjen festive të Qeverisë së Kosovës.

    Pas ngritjes së flamurit në ora tetë e 20 minuta, pushtetarët do bëjnë nderime e homazhe përkujtimore tek varret e figurave që prijnë procese historike të shtet ndërtimit të Kosovës.

    Në mes të ditës, pritet të mbahet seanca solemne e Kuvendit. që pasohet nga pritjet shtetërore dhe koncerti i Pavarësisë.

    Dita do mbyllet me performimin e Filharmonisë së Kosovës.

  • Paraqitet “zhuga” në Kosovë, 13 raste në shkollat e Gjakovës

    Paraqitet “zhuga” në Kosovë, 13 raste në shkollat e Gjakovës

    Para 5 ditëve, në disa shkolla të Komunës së Gjakovës ekipet mjekësore të Kujdesit parësor, në këtë komunë kanë evidentuar 13 nxënës të prekur me sëmundjen e zgjebës, apo siç njihet në gjuhën popullore ‘zhuga’’.

    Lidhur me këtë, në një intervistë për emisionin “A LIVE”, ka folur drejtoresha e Shëndetësisë në Gjakovë, Adelina Shehu-Kola.

    Ajo tha se nxënësit e prekur nga kjo sëmundje ngjitëse, janë kryesisht të moshës nga 6 deri në 13 vjeç, derisa shtoi se janë marrë të gjitha masat e nevojshme për trajtim.

    “Drejtoria e Arsimit kanë vërejtur disa mungesa të nxënësve si shkak disa shqetësimeve dhe kanë kërkuar që të dërgohen disa ekipe mjekësore në ato shkolla. Janë dërguar 4 ekipe, ku është bërë evidentimiti disa nxënësve me zgjebë, janë kryesisht në disa shkolla në zonat rurale dhe situate është nën kontrollë, Pra, prej datës -09 e deri më sot nuk kemi identifikuar ndonjë rasti të ri, janë vetëm këto 13 raste , janë marrë të gjitha masat, janë dezinfektuar klasat dhe fëmijët e prekur me zgjebë janë të izoluar sipas udhëzimeve të IKShPK-së”, tha ajo./atvlive.tv/

    Për më shumë ndiqni videon e mëposhtme:

  • Paralajmërimi i inteligjencës estoneze: Rusia po bëhet gati për përplasje ushtarake me Perëndimin

    Paralajmërimi i inteligjencës estoneze: Rusia po bëhet gati për përplasje ushtarake me Perëndimin

    Rusia është duke u përgatitur për një përballje ushtarake me Perëndimin brenda dekadës që vjen. Informacionet janë publikuar nga Shërbimi i Inteligjencës së Jashtme të Estonisë, të cilët shtojnë se një përballje e mundshme mund të frenohet nga një kundërngritje e forcave të armatosura.

    Një numër në rritje e zyrtarëve perëndimore kanë paralajmëruar për një kërcënim të mundshëm nga Rusia ndaj vendeve përgjatë krahut lindor të NATO-s, duke bërë thirrje që Evropa të përgatitet duke u riarmatosur.

    Agjencia e lajmeve Reuters citon shefin e shërbimit të inteligjencës të jetë shprehur se vlerësimi bazohet në planet e Rusisë për të dyfishuar numrin e forcave të stacionuara përgjatë kufirit të saj me anëtarët e NATO-s, Finlandën dhe shtetet baltike të Estonisë, Lituanisë dhe Letonisë.

    “Rusia ka zgjedhur një rrugë që është një konfrontim afatgjatë… dhe Kremlini me siguri po parashikon një konflikt të mundshëm me NATO-n brenda dekadës së ardhshme…,” u tha Kaupo Rosin gazetarëve në publikimin e raportit të kërcënimeve të sigurisë kombëtare të Estonisë.

    Një sulm ushtarak nga Rusia është “shumë i pamundur” në trema afatshkurtër, tha ai, pjesërisht sepse Rusia duhet të mbajë trupa në Ukrainë.

    “Nëse nuk jemi të përgatitur, gjasat për një sulm ushtarak do të ishin shumë më të larta se pa ndonjë përgatitje,” shtoi Rosin.

    Estonia dhe shtetet e tjera baltike kanë rritur shpenzimet e tyre ushtarake në mbi 2% të vlerës së ekonomive të tyre pasi Rusia aneksoi Krimenë në vitin 2014 dhe aleatët e NATO-s kanë rritur praninë e tyre në ato vende.

  • (VIDEO) Elefanti futet në oborrin e një shtëpie në Indi dhe shtyp për vdekje pronarin – kamerat e sigurisë filmuan çdo gjë

    (VIDEO) Elefanti futet në oborrin e një shtëpie në Indi dhe shtyp për vdekje pronarin – kamerat e sigurisë filmuan çdo gjë

    Një ngjarje e rëndë është shënuar në Indi, ku një elefant i tërbuar ka arritur të futet në oborrin e një shtëpie private.

    Fillimisht ai ka shkatërruar portën e vogël dhe murin rrethues, e më pas ka hyrë në oborr duke shtypur për vdekje pronarin.

    Njerëzit janë parë duke ecur të tmerruar, për të shpëtuar nga elefanti.

    Ata kanë kapërcyer me shpejtësi, në momentin që kanë parë se elefanti po afrohej.

    Kamerat e sigurisë kanë filmuar çdo gjë, deri në momentin që është larguar.

     

  • Tre prokurorë pensionohen së shpejti – KPK-ja gati procedurat për rekrutim

    Tre prokurorë pensionohen së shpejti – KPK-ja gati procedurat për rekrutim

    Këshilli Prokurorial i Kosovës ka formuar grupin teknik për mbështetjen e komisionit për rekrutimin e prokurorëve të rinj, pasi tre prokurorë do të pensionohen këtë muaj dhe muajin mars, raporton EO.

    Prokurorët që pensionohen në muajin shkurt dhe mars janë: Merita Lumezi dhe Besa Limani nga Prokuroria Themelore në Prishtinë dhe Shefik Ahmeti nga Prokuroria e Gjilanit.

    Propozimi i Kryeprokurorit të Prokurorisë Themelore në Prishtinë për caktimin e udhëheqësit në Departamentin të Përgjithshëm u propozua Arianit Salihu, më ç’rast një kundërshtim e pati zëvëndëskryesyesja Jehona Grantolli ku si pas saj nuk duhej të ngarkohej askush përtej normës.

    Në këtë mbledhje u propozuan edhe Kryeprokurorët e Prokurorive Themelore në Pejë dhe Gjakovë për mentor në Akademinë e Drejtësisë.

    Në Pejë si propozim për mentor në kuadër të trajnimit fillestar u propozua Arlinda Nallbani-Gacaferi si mentor të Prokurorit Ermal DemHasaj ndërsa kryeprokurori i Prokurorisë në Gjakovë e ka propozuar kryeprokurorin Kastriot Mema si mentor të Prokurores Uridia Cakaj.

  • DASh konfirmon: Kosova mund t’i vazhdojë procedurat për blerjen e “Javelin”-ve

    DASh konfirmon: Kosova mund t’i vazhdojë procedurat për blerjen e “Javelin”-ve

    Departamenti Amerikan i Shtetit ka konfirmuar se ka përfunduar periudha 30 ditore e njoftimit të Kongresit Amerikan rreth kërkesës së Kosovës për të blerë sistemin anti-tank “Javelin”.

    Një zëdhënës i DASH-it, në një përgjigje për Klankosova.tv tha se tani i takon Kosovës që të vendosë lidhur me planet e tyre për blerjen e “Javelin” nga ShBA.

    Këtij lajmi iu gëzua edhe ministri i Mbrojtjes, Ejup Maqedonci. Ai tha se janë në pritje të ofertës nga Shtetet e Bashkuara.

    “Javelin, sistem me të cilin do të pajiset FSK, tashmë fakt i kryer”, shkroi Maqedonci në Facebook.

    Sistemi anti-tank “Javelin”

    Më 11 janar, Departamenti Amerikan i Shtetit konfirmoi se Kosova ka bërë kërkesë për blerjen e raketave “Javelin”, që kap vlerën e 75 milionë dollarëve.

    Po të njëjten ditë, ambasadori i Shteteve të Bashkuara të Amerikës në Serbi, Cristopher Hill, e kishte njoftuar presidentin e Serbisë, Aleksandar Vuçiq, rreth këtij hapi të ndërmarrë nga Kosova, të cilin Vuçiq sipas raportimit të mediave se kishte pritur fare mirë.

    Nëse gjithçka do të shkojë mirë, Forca e Sigurisë së Kosovës do t’i ketë në radhët e arsenalit të vet, 246 raketa anti-tank “Javelin”, të prodhuara nga Shtetet e Bashkuara të Amerikës.

  • Profesori rus dënohet me pesë vjet burg për kritikat ndaj Putinit

    Profesori rus dënohet me pesë vjet burg për kritikat ndaj Putinit

    Një gjykatë ruse dënoi me pesë vjet burgim një profesor dhe shkencëtar politik, i cili shprehu një qëndrim kritik ndaj regjimit në pushtet, njoftuan agjencitë ruse.

    Boris Kagarlicki fillimisht u dënua me një gjobë prej rreth 6,160 euro për shkak të “thirrjeve publike për terrorizëm”.

    Në procedurën e apelit, gjykata e ndryshoi dënimin me pesë vjet burg.

    Kagarlitsky, profesor në Shkollën e Lartë të Shkencave Sociale dhe Ekonomike në Moskë, u mor në paraburgim nga salla e gjyqit.

  • ​SBAShK: Mësimdhënësve t’u njihet përvoja si kontributdhënës në vitet e 90-ta

    ​SBAShK: Mësimdhënësve t’u njihet përvoja si kontributdhënës në vitet e 90-ta

    Sindikata e Bashkuar e Arsimit (SBAShK) ka kërkuar që Ligji për Skemat Pensionale të ndryshohet në mënyrë që mësimdhënësve t’u njihet përvoja si kontributdhënës qysh nga vitet e 90-ta.

    Kryetari i kësaj sindikate, Rrahman Jasharaj, në një intervistë për KosovaPress ka deklaruar se punonjësit e arsimit janë të pakënaqur me ndryshimin e ligjit për skemat pensionale. Sipas Jasharaj me këtë ndryshim të gjithë mësimdhënësve puna në vitet e 90-ta nuk do t’u numërohet si pension, por vetëm si numër.

    “Nuk kemi pasur qasje kur është punuar në ndryshimin e skemave pensionale të financuara nga shteti. Ato fjalë që kanë qenë ne i kemi duartrokitur duke menduar sepse edhe jemi angazhuar që përveç punëtorëve të arsimit, që ligji që ishte aktual u ka pranuar vitet e 90-ta vite kontributdhënëse, duke u bazuar në faktin se ata edhe në atë kohë kanë punuar dhe e kanë mbrojtur sistemin arsimor shqip. Duke u bazuar në një vendim të Hekuran Muratit kemi analizuar se këto ndryshime nuk janë bërë për të mirë, për të keq e veçmas për punëtorët e sektorit të arsimit, të pensionuarit por edhe ata që do të pensionohen, ngase vitet 90-ta ndryshimeve të ligjit e largon që e përcakton sa vite kontribut dhënëse i’u njihen punëtorëve të arsimit që kanë punuar. Vitet 90-ta tani më edhe atyre edhe neve na numërohen vetëm si numra, ndërsa përshkallëzimi dhe vlera e pensionit bazohet vetëm në vitet që kinse të punësuarit paskan dhënë kontribute gjatë ekzistimit të krahinës autonome të Kosovës”, potencoi Jasharaj.

    Jasharaj tregoi se si sindikatë kanë paraqitur ankesën e tyre tek Avokati i Popullit dhe se presin që kjo çështje të adresohet te Gjykata Kushtetuese në mënyrë që e gjithë puna e mësimdhënësve të vlerësohet si pension.

    “Kemi pas takime me Avokatin e Popullit dhe i kemi adresuar këto ankesa tona. Problem tjetër është dhe viti 2001 deri në vitin 2002 kur ka filluar trusti pensional nuk janë përfshirë, kanë mbetur në vakuum dhe se këto vite duhet pranuar si kontributdhënëse, njerëzit duhet të dalin me pensionin e merituar e jo vetëm për një javë dhe një muaj të humbin këtë të drejtë. Jemi të bindur se Avokati Popullit do të dërgojë në Kushtetuese çështjen dhe prapë do të obligojë qeverinë që të përmirësojë këto lëshime që të njihen si vite kontribuuese vitet e 90-ta. Ne nuk kemi faj pse dikush nuk e krijoj në atë kohë as trustin e as ndonjë sistem tjetër për të ndal kontributin për ato vite”, tha Jasharaj.

  • Komandanti amerikan pyetet nëse Serbia duhet të ndihet e rrezikuar që SHBA po i shet “Javelin” Kosovës, kështu përgjigjet

    Komandanti amerikan pyetet nëse Serbia duhet të ndihet e rrezikuar që SHBA po i shet “Javelin” Kosovës, kështu përgjigjet

    Komandanti i Gardës Kombëtare të Ohajos, John Harris, është pyetur nga mediat serbe nëse Serbia duhet të shqetësohet me faktin që SHBA-ja po e armatos Kosovën me raketat “Javelin”.

    Harris ka thënë se pajisjet ushtarake amerikane mund të gjenden kudo.

    Ai tutje ka shtuar se është e rëndësishme që partneriteti të ndërtohet mes ushtrive dhe politika t’iu lihet politikanëve.

    “Gjëja më e rëndësishme është që ne ushtarët të qëndrojmë pranë njëri-tjetrit dhe të ndërtojmë partneritetin tonë mbi këtë, dhe ua lëmë politikën politikanëve”, ka thënë Harris për Tanjug në Uashington, ku mori pjesë në një pritjen e organizuar me rastin e ditës së shtetësisë së Serbisë.