ATV

Category: Lajme

  • “Zbatimi i Rezolutës 1325 në nivelin lokal”, kërkohet që të rritet numri i grave në pozita udhëheqëse nëpër komuna

    “Zbatimi i Rezolutës 1325 në nivelin lokal”, kërkohet që të rritet numri i grave në pozita udhëheqëse nëpër komuna

    Është mbajtur të shtunën tryezë e rrumbullakët “Zbatimi i Rezolutës 1325 në nivelin lokal”, në kuadër të konferencës rajonale “Parlamentarizmi dhe Rezoluta 1325: Perspektivat nga Ballkani Perëndimor”, raporton Ekonomia Online.

    Në këtë tryezë u tha se pozita e gruas në vendimmarrje në nivelin lokal është përmirësuar në krahasim me vitet e kaluara, por që ende ka nevojë të madhe që të ketë më shumë gra në pozita udhëheqëse në nivelet komunale.

    Deputetja nga Lidha Demokratike e Kosovës, Vlora Dumoshi, ka thënë se kjo është rezoluta më e mira që është bërë ndonjëherë për gratë, paqen dhe sigurinë

    Ajo tha se rezoluta 1325 e miratuar nga Këshilli i Sigurisë i OKB-së riafirmon rolin e rëndësishëm të grave në parandalimin dhe zgjidhjen e konflikteve, negociatat e paqes, ndërtimin e paqes, paqe ruajtjen dhe thekson rëndësinë e pjesëmarrjes së barabartë të grave dhe përfshirjen e plotë në të gjitha përpjekjet për ruajtjen dhe promovimin e paqes dhe sigurisë.

    Ajo tha se sot shifrat tregojnë se pozita e gruas në vendimmarrje në nivelin lokal shkojnë në orientime pozitive, me gra nënkryetar, drejtoresha dhe kështu më radhë.

    “Në vitin 2009-2010 për herët të parë elektorati ka zgjedhur drejtpërdrejt kryetarin e komunave në Kosovë në këto zgjedhje të gjithë kryetaret ishin meshkuj dhe vetëm 9.4 për qind  ishin nënkryetare pra gra. Kishim këto parametra për pozitën e gruas në vendimmarrje në nivelin lokal, ndërsa sot shifrat shkojnë në orientime pozitive të grave nënkryetar, drejtoresha dhe kështu më radhë. Kemi gra që kanë kapërcyer të gjitha tabutë duke dalim më të votuara se burrat në nivelin lokal”, tha ajo.

    Shefja e Grupit Parlamentar të VV-së, Mimoza Kusari Lila, duke folur për kohën sa ishte kryetare e Komunës së Gjakovës tha se fokus ka pasur evitimin e martesave të hershme dhe largimin nga shkolla të vajzave nga komunitete rom, ashkali dhe egjiptian.

    Ajo tha se nga sa ka qenë kryetare nga 12 drejtori sa ka pasur komuna e Gjakovës, bartës kanë qenë gjashtë gra dhe gjashtë burra. Sipas saj, çdo komunë ka mundësi dhe potencial që të këtë më shumë gra bartëse të dikastereve në nivelin lokal.

    “Gjakova është një komunë e cila përqindjen e ka mjaftë të larët të komunitete rom, ashkali edhe egjiptian, ndërsa ikej nga shkolla të vajzave nga këto komunitet mbete ende shqetësuese. Komunikimi për evitimin i martesave të hershme ka mbetur fokus i imi për katër vite sa kam qenë kryetare e Komunës. Si kryetra kur e kam përfunduar mandatin nga 12 drejtori, bartës kanë qenë gjashtë gra dhe gjashtë burra. Unë mendoj se ka mundësi dhe potencial që secila komunë, jo ti ketë 50-50, por më tepër të këtë gra bartëse të dikastereve në nivelin lokal se sa burra për faktin se edhe kapacitet janë dhe fokusi i grave lidhet aktivitetin e grave profesioniste”, ka thënë ajo.

    Zëvendës-Kryetarja e Komunës së Mitrovicës së Veriut, Katarina Adjancic, ka thënë se në këtë komunë nga shatat drejtori sa janë aktualisht, katër prej tyre udhëhiqen nga gratë që sipas saj, janë të suksesshme dhe me përvojë.

    “Kur u vendos emërimi im ju gjithë e dini si ishte situata politike atëherë. Qytetaret më thonin si përnjëherë takoheni me njerëz, ju thoja sa keni ju nevojë për mua kamë nevojë unë për ju, vetëm më thoni si të ja bëjë. Kështu e kuptova që është një punë sikurse ne minierë dhe se ka shumë punë. Kur komuna u krijuar ajo kishte shtatë drejtori. Katër gra drejtoresh të cilat janë të suksesshme dhe me përvoje. Kemi vendimin e kryetarit te komunës ku për çdo fëmije të lindur nga janari i këtij viti nëna e fëmijës do ti merr 300 euro, po ashtu edhe subvencion për qiftet e reja, ky është shembull i mirë edhe për komunat e tjera”, ka thënë ajo.

    Ish-Kryetarja e Komunës së Tetovës, nga Maqedonisë së Veriut,Teuta Arifi, duke folur për sfidat që ka kaluar si kryetare e kësaj komune tha se duhet të punohet brenda partive politike që për kryetare komunash duhet të kandidojnë edhe gratë.

    “Ne bëmë një bashkëpunim të ndihmuar nga NDI dhe OSBE për të bërë një ligj i cili siguronte që çdo e treta grua të jetë anëtare e listave, jo për parlament por për zgjedhjet lokale. Me qenë se qeveria nuk e pranoj amendamentin tonë edhe ligjin u dashtë që ta votojmë në parlament dhe të gjitha grupet parlamentare shkuam lobuma dhe e kaluam. Sfidë është çështja e të qenit kryetar komune. Të dy mandatet i kam fituar më shumë mbështetje”, ka thënë ajo.

    Kjo konferencë është organizuar nga Grupi i Grave Deputete të Kuvendit të Republikës së Kosovës, përmes fascilitimit të Institutit Kombëtar Demokratik (NDI), nëpërmjet përkrahjes së Agjencisë së SHBA-së për Zhvillim Ndërkombëtar (USAID) në Kosovë, Agjencisë Zvicerane për Zhvillim dhe Bashkëpunim (SDC) në Kosovë, si dhe Ambasadës Kanadeze në Kroaci dhe Kosovë.

  • IPK-ja arreston një zyrtar policor në Gjakovë, dyshohet për keqpërdorim të detyrës zyrtare dhe marrje ryshfeti

    IPK-ja arreston një zyrtar policor në Gjakovë, dyshohet për keqpërdorim të detyrës zyrtare dhe marrje ryshfeti

    Inspektorati Policor i Kosovës njoftoi se kanë arrestuar dje një zyrtar policor në Gjakovë, nën dyshimin se ai ka kryer veprën penale të “Keqpërdorim i detyrës zyrtare apo autoritetit” dhe “Marrje ryshfeti”.

    “Bazuar në veprimet hetimore që hetuesit e IPK-së kanë realizuar deri më tani, dyshohet se zyrtari policor ka pranuar 1000 Euro për të plotësuar dy vendime për kundërvajtje (fiktive), njëra me vlerë prej 500 euro, me 3 pikë negative dhe masë mbrojtëse prej 1 viti dhe tjetra në vlerë prej 200 euro duke përdorur të dhënat e pa sakta të qytetarëve”, thuhet në komunikatën e IPK-së.

    Tutje, IPK-ja bëri të ditur se po ashtu në kuadër të këtij hetimi, me udhëzim të Prokurorisë së Gjakovës, është  iniciuar procedurë penale edhe ndaj një ndaj qytetarit me dyshimin se i njëjti ka kryer veprën penale “Dhënia e ryshfetit” (duke i ofruar zyrtarit policor 1000 Euro) dhe “Deklarim i rremë” .

  • Parandalohet kontrabandimi i disa mallrave nga Serbia në Zubin Potok, Dogana tregon se çka u gjet

    Parandalohet kontrabandimi i disa mallrave nga Serbia në Zubin Potok, Dogana tregon se çka u gjet

    Policia e Kosovës në koordinim me Njësitë Antikontrabandë të Doganës së Kosovës sot kanë ushtruar kontroll tek një subjekt tregtar në Zubin Potok.

    Gjatë kësaj kontrolle janë gjetur mallra të paligjshme si: 100 copë pije të forta alkoolike, 150 copë plazma, 9 kg duhan të grirë dhe 4200 copë cigare.

    “Ky operacion është një dëshmi e përkushtimit të Doganës së Kosovës dhe Policisë së Kosovës në luftën kundër kontrabandës. Dogana angazhohet në përforcimin e ligjit dhe të rendit dhe në mbrojtjen e interesave të qytetarëve dhe të ekonomisë së vendit tonë”, thuhet tutje në komunikatën për media.

  • Ekzekutori tregon si e planifikuan vrasjen e babait: Ishte i shtrirë në njërën dhomë, e qëllova 4 herë

    Ekzekutori tregon si e planifikuan vrasjen e babait: Ishte i shtrirë në njërën dhomë, e qëllova 4 herë

    Hysen Meta i ka treguar Policisë së Durrësit të gjithë dinamikën e vrasjes së babait të tyre Pëllumb Meta 49 vjeç, që u ekzekutua më 10 Shkurt 2024 nga fëmijët e tij në shtëpinë e tyre në Shënavlash.

    KlanNews ka siguruar dëshminë e Hysen Metës para grupit hetimor, i cili akuzohet si personi kryesor që ka shkrepur armën.

    Sipas tij, krimin e kishin planifikuar dhe vendosën ta realizonin ditën e shtunë më 10 Shkurt.

    “Qëllova mbi të. E qëllova disa herë. Nuk u përmbajta më. Bashkë me motrën e futëm në plastmas. Donim të fshihnim gjurmët. E zhveshëm dhe e mbështollëm me plastmas. Më vonë në mbrëmje e çuam te kasollja ku hapëm gropën dhe aty e varrosëm. E zhvendosa makinën e tij te sektori Rinia dhe u ktheva me vëllain që kishte marrë mjetin e një të njohuri e më kishte ndjek. Mbrëmjen e 13 shkurtit u paraqita në polici dhe denoncova humbjen e kontakteve me babain. Ishte e rëndë, por ndodhi. As frymë nuk merrnim dot lirisht në shtëpi po të mos donte ai.”, tha ai.

    Ai thotë se e kishte planifikuar bashkë me motrën Hygerta Meta 19 vjeç, ndërsa vëllai tjetër 22-vjeçar ndihmoi në fshehjen e kufomës.

    Hysen Meta ka përjashtuar të ëmën nga përgjegjësia penale, duke thënë se ajo nuk kishte dijeni për krimin.

  • Policia konfiskon substanca narkotike në Burgun e Dubravës

    Policia konfiskon substanca narkotike në Burgun e Dubravës

    Substanca narkotike janë konfiskuar gjatë muajit shkurt në Qendrën Korrektuese Dubravë.

    Policia përmes raportit 24-orësh bën të ditur se substancat narkotike janë gjetur gjatë kontrollimit të hapësirave brenda Qendrës Korrektuese.

    Në rastin e parë, më 12 shkurt janë gjetur 3 gramë marihuanë e ndarë në katër copa letre.

    “Qendra Korrektuese Dubravë, 12.02.2024-14:00. Bazuar në raportin e bastisjes të përpiluar nga oficerët korrektues, raportohet se gjatë kontrollimit të hapësirës në mes të pavijonit 5 dhe 6 është gjetur 3 gram marihuanë e ndarë në katër copa letre. Me vendim të prokurorit rasti vazhdon të hetohet tutje nga anti-droga e Pejës”, thuhet në njoftim.

    Kurse, më datë 17 shkurt, policia po ashtu ka konfiskuar 4 gramë marihuanë.

    “Bazuar në raportin e bastisjes të përpiluar nga oficerët korrektues, raportohet se gjatë kontrollimit të hapësirës në mes të pavijonit 5 dhe 6 është gjetur 4 gram marihuanë e ndarë në shtatë copa letra”.

    Ndërkaq, më 22 shkurt është gjetur 15 gramë marihuanë.

    “Bazuar në raportin e bastisjes të përpiluar nga oficerët korrektues, raportohet se gjatë kontrollimit të hapësirës së pavijonit 6 është gjetur një qese e zezë me 15 gram marihuanë e ndarë në 14 qese të vogla”, thuhet në raportin e policisë.

    Me vendim të prokurorit rastet vazhdojnë të hetohen tutje nga anti-droga e Pejës.

  • Parandalohet kontrabanda me cigare të prodhuara në Serbi me vlerë të tregut rreth 60 mijë euro

    Parandalohet kontrabanda me cigare të prodhuara në Serbi me vlerë të tregut rreth 60 mijë euro

    Policia e Kosovës në bashkëpunim me Doganën e Kosovës, në zbatim të masave për parandalim dhe luftimin e kontrabandës, kanë shtuar kontrollet taktike dhe operacioneve në teren.

    Sipas Policisë, sot në fshatin Smirë-Viti, policia ka identifikuar dhe më pas ndaluar automjetin pa targa.

    Gjatë kontrollit të automjetit i cili drejtohej nga i dyshuari A. S., (viti i lindjes 1997, mashkull kosovar), është vërejtur se kishte të ngarkuar cigare pa banderola të Kosovës.

    “Gjatë kontrollit të automjetit, policia ka hasur të ngarkuar cigare të llojit ‘Monus Slims ‘: 58 paketime të mëdha me gjithsej 29 000 pako cigare. Malli dyshohet të jetë i prodhuar në Serbi dhe vlera e tregut është rreth 60.000 euro. I dyshuari së bashku me automjetin dhe mallin e kontrabanduar është dërguar në Stacionin Policor për Mbikëqyrje të Kufirit-Zhegër për procedim të mëtutjeshëm të rastit. Lidhur me rastin të gjitha veprimet janë ndërmarrë në bashkëpunim me Prokurorinë e Shtetit, ku me urdhër të prokurorit kompetent i dyshuari ndalohet për 48 orë, ndërsa malli i kontrabanduar dhe automjeti sekuestrohen dhe dërgohen në terminalin doganor-Dheu i Bardhë”, thuhet në komunikatë.

  • Rreth 300 milionë euro të bllokuara nga masat e BE-së, po ndikojnë edhe te investitorët

    Rreth 300 milionë euro të bllokuara nga masat e BE-së, po ndikojnë edhe te investitorët

    Sanksionet ekonomike të Bashkimit Evropian ndaj Kosovës kanë dëmtuar vendin me rreth 300 milionë euro, derisa kjo shifër mund të rritet, pasi janë mbi tetë muaj nga vendosja e tyre. Kështu vlerësojnë disa njohës të ekonomisë, të cilët i bëjnë thirrje BE-së, t’i heqin ato.

    Të njëjtit vlerësojnë se nga këto masa, Kosova është duke humbur investitorë të huaj, pasi hezitojnë të investojnë në një vend që është i sanksionuar nga Bashkimi Evropian. Ndërsa thonë se është esenciale që të gjendet një zgjidhje para se BE të futet në ciklin e vet zgjedhor, pasi do të rrezikonte që këto masa të zgjasin me muaj të tërë. Megjithatë, kritikojnë edhe reformat e dobëta nga ana e qeverisë në ekonominë e vendit.

    Kryetari i Odës Ekonomike (OEK), Lulzim Rafuna thotë se nga sanksionet e BE-së, janë rreth 300 milionë euro, projekte të bllokuara.

    Rafuna derisa bënë thirrje institucioneve të BE-së që këto masa të hiqen, kërkon edhe nga institucionet e vendit që t’i plotësojnë kushtet, dhe të jenë në koordinim me BE-në, në mënyrë që Kosova mos të jetë e sanksionuar.

    Ai thotë se projektet kanë qenë të dedikuara në shpenzime ose investime kapitale që do të ndikonin drejtpërdrejt në rritjen ekonomike dhe ngritjen e mirëqenies sociale për qytetarët e Kosovës.

    “Kërkesa jonë është edhe për institucionet e BE-së, që të largohen sa më shumë këto masa, ndërsa kërkesa tjetër shkon për institucionet e vendit tonë që t’i plotësojnë kushtet në mënyrë që sa më të shpejtë këto masa të padrejta të na hiqen, dhe Kosova si çdo vend tjetër ta gëzojë të drejtën që të marrë pjesë në të gjitha forumet, gjitha fondet, iniciativat pa qenë e detyruar që mos të marrë pjesë si rezultat i këtyre masave. Masat padyshim që e dëmtojnë ekonominë e vendit në dy drejtime, në atë material për arsyeje se deri më sot kemi përafërsisht rreth 300 milionë euro, projekte të cilat janë bllokuar, konkretisht janë 292 milionë projekte, të cilat janë të bllokuara, mirëpo kjo shumë e këtyre projekteve do të shkojë duke u rritur në muajt në vazhdim, për arsyeje se kanë qenë projekte të parapara të implementohen dhe nuk do të mund të implementohen si rezultat i masave ndëshkuese. Këto projekte kanë qenë të dedikuara në shpenzime ose investime kapitale, që do të ndikonin drejtpërdrejt në rritje ekonomike dhe ngritje të mirëqenies sociale për qytetarët e Kosovës”, thotë Rafuna.

    Rafuna vlerëson se BE duhet të vendosë masa ndëshkuese ndaj Serbisë, për agresionin që bëri në Banjskë gjatë vitit të kaluar.

    Ai rithekson se ka grante të cilat Kosova nuk ka mundësi t’i marrë më, siç është Fond për digjitalizimin, ku sipas tij, të gjitha vendet e Ballkanit Perëndimor morën hisen e vet, ndërsa vendi ynë ishte i përjashtuar pikërisht për shkak të masave që i kishim.

    Se këto masa janë duke e dëmtuar ekonominë e vendit e thotë edhe drejtori ekzekutiv i Institutit Riinevst, Alban Hashani.

    Hashani derisa thotë se masat e vendosura nga BE, janë të padrejta, shton se vendi është duke humbur edhe shumë investitorë të huaj.

    “Masat e BE-së kundër Kosovës vlerësoj se janë të padrejta duke pas parasysh gjithë konstilacionin dhe rrethanat që janë krijuar. Megjithatë, BE i ka arsyet e veta për vendosjen e tyre dhe në anën tjetër të njëjta masa krijojnë disa telashe në Kosovë, sepse dërgojnë sinjale jo të mira, jo vetëm tek institucionet e BE-së, por gjithashtu edhe te investitorët, sepse kemi parasysh se një vend i cili përballët me masa të tilla dërgon sinjale jo të mira për investitorët. Fjala e këtyre projekteve është për pjesëmarrjen e Kosovës në programet kornizë të BE-së, e kufizon qasjen në disa lloj financime, qofshin ato që janë të ndërlidhura me fondet e para anëtarësimit, por edhe me fonde të tjera që lidhen me programin e investimeve të Ballkanit Perëndimor, e në të cilin do të mund të kishin qasje jo vetëm sektori publik, por edhe privat”, thotë Hashani.

    Hashani vlerëson se është esenciale që të gjendet një zgjidhje para se BE të futet në ciklin e vet zgjedhor, pasi sipas tij, do të rrezikonte që këto masa të zgjasin me muaj të tërë.

    “Kërkesat e BE-së deklaritavisht janë të qarta. Sipas Qeverisë së Kosovës ato janë përmbushur, megjithatë ende nuk janë zhbllokuar masat. Është esenciale që të gjendet një zgjidhje para se BE të futet në ciklin e vet zgjedhor, sepse do të rrezikonte që këto masa të vazhdoheshin derisa cikli zgjedhor në BE, që do të mund të zgjaste edhe me muaj të tërë. Sipas vlerësimeve të Qeverisë, masat do duhej të largoheshin për shkak se ato kanë qenë të ndërlidhura me de-eskalimin në veri dhe sipas qeverisë këto kushte veçse janë përmbyllur, megjithatë vlerësimi i BE-së, është që këto ende nuk janë përmbyllur, dhe siç duket ka një ndërlidhje të këtyre masave edhe me rrjedhën e procesit të dialogut, normalizimin e marrëdhënieve me Serbinë”, shton Hashani.

    Anën tjetër, njohësi tjetër i ekonomisë, Florin Aliu vlerëson se ekonomia e vendit ka ngecur për shkak reformave jo të mira nga Qeveria, dhe jo për shkak të masave nga ana e BE-së.

    “Zhvillimi nuk varët prej këtyre sanksioneve, varet më shumë prej reformave që merren brenda Qeverisë së Kosovës, reforma që ajo i vendos për ekonominë tonë. Në atë aspekt po shoh ngecje, ndërsa sa i përket sanksioneve, besoj se janë kriteri bazë që e determinon zhvillimin apo një kriter shumë i parëndësishëm në zhvillimin tonë”, thotë Aliu.

    Kujtojmë se këto masa nga Bashkimi Evropian kundër Kosovës kanë ardhur për shkak të mospërfilljes së kërkesave për hapa të menjëhershëm nga Qeveria e Kosovës për uljen e tensioneve në veri.

  • U pa me armë në hapësirat e shkollës, arrestohet i mituri në Prishtinë

    U pa me armë në hapësirat e shkollës, arrestohet i mituri në Prishtinë

    Policia e Kosovës e ka arrestuar dje një të mitur në Prishtinë, pas raportimeve se i njëjti është parë në hapësirat e shkollës së mesme me një armë.

    Pas intervistimit, i njëjti është liruar.

    “Prishtinë 23.02.2024-17:30. Është raportuar se në hapësirat e shkollës së mesme është parë një person me një armë. Është arrestuar i dyshuari i mitur mashkull kosovar dhe nga ai është konfiskuar një revole. Me vendim të prokurorit pas intervistimit i dyshuari është liruar dhe rasti shkon në procedurë të rregullt”, thuhet në raport.

  • Kanoset një zyrtare e Qendrës për Punë Sociale në Lipjan, arrestohet një e dyshuar

    Kanoset një zyrtare e Qendrës për Punë Sociale në Lipjan, arrestohet një e dyshuar

    Një zyrtare e Qendrës për Punë Sociale për të Mitur, është kanosur nga një vajzë e cila ishte për vizitë në këtë qendër.

    Në raportin 24 orësh të Policisë, thuhet se kjo e fundit është dërguar në mbajtje.

    “Lipjan 23.02.2024 – 10:00. Viktima femër kosovare, zyrtare e QPS-së për të mitur, ka raportuar se ishte kanosur nga e dyshuara femër kosovare, e cila ishte në vizitë në këtë qendër. Me vendim të prokurorit e dyshuara është dërguar në mbajtje”, raporti i plotë i Policisë.

  • Një dekadë nga themelimi i partisë Nisma Socialdemokrate

    Një dekadë nga themelimi i partisë Nisma Socialdemokrate

    Pikërisht para një dekade është themeluar partia Nisma Socialdemokrate.

    Me rastin e ditëlindjes së 10-të të kësaj partie, sot do të mbahet një aktivitet në Hotel “Emerald” duke filluar nga ora 18:00.

    Ky subjekt politik u themelua nda dy ish-anëtarët e Partisë Demokratike të Kosovës, Jakup Krasniqi dhe Fatmir Limaj, ku në fillim quhej Nisma për Kosovës.

    Kryetar i Këshillit Drejtues të Partisë ishte zgjedhur, Fatmir Limaj, i cili është kryetar i Nismës.

    Ndërsa Jakup Krasniqi u zgjodh kryetar i Këshillit Kombëtar, i cili nuk mund të jetë i pranishëm në festën e sotshme, për shkak se ai po përballet me drejtësinë në Hagë.