Kryetari i Prishtinës, Përparim Rama ka thënë se gjithë hapësirën brenda ish-shtëpisë së mallrave “Gërmia” po e lirojnë dhe pastrojë, për ta bërë gati për krijimin e muzeut dhe sallën e koncerteve.
Ai ka shkruar në Facebook se Prishtina po transformohet.
“Gjithë hapësirën brenda ish shtëpisë së mallrave “Gërmia” po e lirojmë dhe pastrojmë, për ta bërë gati për super projektin, krijimin e muzeut dhe sallën e koncerteve. Prishtina po transformohet”, ka shkruar Rama.
Në Bruksel ka përfunduar takimi i përbashkët mes ekspertëve financiarë të Kosovës dhe Serbisë, nën ndërmjetësimin e emisarit evropian për dialogun, Mirosllav Lajçak, lidhur me përdorimin e dinarit serb në Kosovë.
Një rregullore e Bankës Qendrore të Kosovës (BQK), që ka hyrë në fuqi më 1 shkurt, parasheh euron si valutën e vetme për kryerjen e pagesave me para të gatshme në Kosovë, duke ndaluar përdorimin e dinarit serb.
Sipas BE-së, ky vendim ka shkaktuar probleme praktike për komunitetin serb në Kosovë, të cilët kanë përdorur dinarin serb dhe me këtë valutë kanë marrë ndihmë nga Serbia.
Para takimit të përbashkët, Lajçak u takua më herët gjatë 27 shkurtit me delegacionin serb, të udhëhequr nga kryenegociatori Petar Petkoviq. Më pas, emisari evropian u takua me guvernatorin e Bankës Qendrore të Kosovës, Ahmet Ismaili.
Kosova nuk ka dashur që në takimet në Bruksel të dërgojë nivel politik sepse beson se çështja e rregullores së BQK-së për pagesat me para të gatshme nuk duhet të jetë temë e dialogut për normalizimin e raporteve me Serbinë.
Zëvendëskryeministri i Kosovës, Besnik Bislimi, i cili njëherësh është edhe kryenegociator për dialogun me Serbinë, nuk ishte pajtuar që çështja e dinarit serb të ishte pjesë e dialogut. Kjo, pasi Qeveria e Kosovës e konsideron këtë gjë si çështje të brendshme për të cilën kompetenca të pavarura ka BQK-ja.
Bislimi javën e kaluar e kritikoi të dërguarin e posaçëm të BE-së për dialog, Mirosllav Lajçak, për vendosjen e kësaj teme në agjendë të takimeve në Bruksel, pa pajtimin paraprak të Kosovës. Sipas kryenegociatorit kosovar, Lajçak në këtë mënyrë shkeli parimet e dialogut të vendosura vet ai, sipas të cilave, asnjë temë nuk mund të vendoset në rend dite pa pajtimin paraprak të Kosovës dhe Serbisë.
Por, nga BE-ja janë përgjigjur se blloku angazhohen për të gjetur një zgjidhje për problemin, që sipas Brukselit, e ka “shkaktuar Kosova me vendimin e njëanshëm dhe pa konsultime as me partnerët, e as me komunitetin i cili ka pasoja të drejtpërdrejta nga ky vendim”. Sipas BE-së, dialogu është forumi ku duhet të gjendet zgjidhja për të gjitha çështjet e hapura mes palëve dhe këtë e kanë thënë edhe vendet anëtare, por edhe partnerët e tjerë ndërkombëtarë.
Një ditë më parë, nga BQK-ja kanë thënë për Radion Evropa e Lirë se janë të gatshëm të takohen me përfaqësuesit e Bankës Popullore të Serbisë për të lehtësuar transferimin e parave përmes kanaleve bankare.
“Në këtë kuptim, [BQK-ja] edhe i përgjigjet ftesave kur janë të nevojshme, për takime të tilla informuese, siç edhe ka bërë në vazhdimësi edhe me prezencën ndërkombëtare në vend”, u tha në përgjigjen e BQK-së dërguar REL-it.
Shteti serb ndan miliona euro për serbët në Kosovë pasi ua paguan atyre në dinarë – përmes një sistemi paralel – rrogat, pensionet dhe ndihmën shtesë.
Autoritetet në Kosovë kanë thënë se rregullorja e BQK-së për operacione me para të gatshme do të zbatohet përmes një tranzicioni të lehtësuar, jo më të gjatë se tre muaj, ndërkaq kryeministri Albin Kurti, ka insistuar se vendimi nuk do të zhbëhet.Shtetet e Bashkuara, ndërkaq, i kanë kërkuar Kosovës që të shtyjë zbatimin e vendimit të BQK-së, pasi kanë argumentuar se ai është marrë pa konsultime paraprake dhe pa pasur për bazë ndikimet negative te popullata serbe në Kosovë.
Profesori i ekonomisë, Medain Hashani, në emisionin A LIVE në ATV, tha se çështja e dinarit mund t’i sjellë Kosovës pasoja me sanksione të reja nga bashkësia ndërkombëtare.
“Kur e merr një vendim të një anshëm, është një vendim i pamatur mirë, është një vendim i cili nuk është analizuar ashtu siç duhet dhe mbi bazën e kësaj, unë e konsideroj se një çështje e cila dihet, sepse valuta e vetme në Kosovë e cila përdoret është euro, është e përcaktuar me Ligj, monitorohet vazhdimisht nga Fondi Monetar Ndërkombëtar, përdorimi i valutës që e matë edhe pjesën e politikës monetare, monitorohet vazhdimisht edhe nga ana e Bankës Evropiane Qendrore dhe ky veprim që është ndërmarrë me një rregullore të tillë, tregon që mund të ketë edhe pasojat e veta në aspektin e sanksioneve të reja që mundet me i pasë Kosova si rezultat i këtij vendimi të njëanshëm”, tha Hashani.
Sipas tij, është nonsense që sot është duke u diskutuar në BE për çështjen e dinarit. /atvlive.tv
Intervistën e tij të plotë në A LIVE, e gjeni në videon më poshtë:
Shefja e Grupit Parlamentar të Lëvizjes Vetëvendosje, Mimoza Kusari-Lila, në një prononcim për Ekonomia Online ka thënë se në Bruksel është diskutuar sa i përket çështjes së transfereve të cilat janë të dedikuara për komunitetin serb në Kosovë që vijnë si ndihmë nga Serbia.
Përveç kësaj ajo ka thënë se çështje të tjera nuk pritet që do të diskutohen në këtë takim.
Të hënën në Bruksel janë zhvilluar takime të ndara mes emisarit të Bashkimit Evropian për dialogun Kosovë-Serbi, Miroslav Lajçak, me delegacionit serb të udhëhequr nga kryenegociatori Petar Petkoviq dhe delegacionin kosovar të kryesuar nga guvernatori i Bankës Qendrore të Kosovës, Ahmet Ismaili.
Kusari Lila ka thënë se për t’u vendosur komunikim dhe mënyrën e cila do të jetë tërësisht ndryshe prej asaj se si janë bërë deri tani këto transfere, është duke u diskutuar në Bruksel dhe se përtej kësaj nuk ka çka tjetër të diskutohet në raport me rregulloren e BQK-së.
“Vetëm siç e dini çështja e dinarit ka të bëjë edhe me transferet të cilat janë të dedikuara për komunitetin serb në Kosovë që vijën si ndihmë nga Serbia. Përderisa është e paraparë edhe në ligjin për menaxhimin e financave të pushtetit lokal, që parashihet që këto transfere bëhen zyrtarisht përmes llogarive të veçanta. Për tu vendosur ky komunikim dhe kjo mënyre, e cila do të jetë tërësisht ndryshe prej asaj se si janë bërë transferet po diskutohet, përtej asaj nuk ka çka tjetër të diskutohet në raport me rregulloren e BQK-së. BQK-ja është institucion i pavarur i zgjedhur sipas ligjeve në fuqi prej Kuvendit të Republikës, i raporton Kuvendit, prandaj e vetmja çështje e cila diskutohet mund të jetë transferi i mjeteve që behën nga nja Bankë që në Serbi quhet Banka Popullore tek Banka Qendrore e Kosovës”, ka thënë ajo.
Kusari Lila duke ju përgjigjur kritikave të opozitës se VV-ja është duke shkelur premtimet se çështjet e brendshme nuk do të diskutohen ne dialogun me Serbinë, tha se në këtë rast nuk ka shkelje të premtimeve por realizim të mandatit të plotë dhe të ushtrimit të detyrës të secilit institucion.
“Jo në fakt nuk e shohë shkelje të premtimeve e shohë realizim të mandatit të plotë dhe të ushtrimit të detyrës të secilit institucion, prej institucioneve të pavarura siç është BQK-aj e deri tekë qeveria e Republikës si institucioni ekzekutiv përgjegjës për dialogun ashtu siç është paraparë edhe e thënë në aktgjykimin e Gjykatës Kushtetuese”, ka thënë ajo.
Profesori i ekonomisë, Median Hashani, në emisionin A LIVE në ATV, tha se nuk ka pasur fare nevojë që të nxirret rregullorja ana e BQK-së për çështjen e dinarit, për shkak se sipas tij, ekziston Ligji në të cilin trajtohet se si valutë e vetme në Kosovë është euro.
Ai tha se ky problem është më shumë politik.
“Rregullorja e cila është nxjerrë nga ana e BQK-së, nuk ka pasur nevojë fare me u nxjerrë, për arsye se ka ekzistuar ligji që në kuadër të Ligjit, është e trajtuar që si valutë e vetme në Kosovë është euro. Ky problem, më shumë është problem politik për arsye se në fillim, Qeveria doli në konferencë për media për çështjen e dinarit dhe nuk ka qenë kompetencë e Qeverisë me dalë në konferencë e me e trajtu çështjen e dinarit. Pas reagimit nga ana e bashkësisë ndërkombëtare, ambasadorët e QUINT-it në Kosovë, të cilët reaguan në mënyrë mjaft të vrazhdë, erdhën në atë përfundim se ne nuk jemi ata të cilët e kemi bërë këtë rregullore, këtë rregullore e ka bërë BQK-ja dhe një problem i cili nuk do të duhej të ndodhte fare në Kosovë, ndodhi si rezultat i vendimeve të cilat vendime është duke i marrë kjo Qeveri, unë gjithmonë i konsideroj si vendime ad-hoc, për arsye se janë probleme të cilat janë iniciua edhe si rasti i targave, po ashtu edhe çështja e dinarit është dashur që të ndërmerren hapa më të lehtë në këtë drejtim duke pasur parasysh se është kontribuuar aq shumë te procesi i integrimit të komunitetit serb në Kosovë dhe me veprime arbitrare e me vendime të cilat janë marrë arbitrare, normal se krijohen pakënaqësi në nivel ndërkombëtarë sikurse kanë qenë edhe vendimet e tjera që policët e integruar e lanë punën në pjesën veriore”, tha Hashani.
Ai thotë se të gjitha veprimet të cilat janë bërë të një anshme, kanë shkaktuar trazira në nivel të përgjithshëm të situatës politike në Kosovë. /atvlive.tv
Intervistën e tij të plotë e gjeni në videon më poshtë:
Ministrja e Ekonomisë, Artane Rizvanolli, ka deklaruar se është ulur kërkesa për energji elektrike nga ana e amvisërisë, ndërsa është rritur konsumi nga ana e bizneseve, për të cilën vlerësoi se e gjithë kjo reflekton në rritjen e aktivitetit ekonomik.
Gjatë raportimit të saj në komisionin për Ekonomi lidhur me realizimin e projekteve të ministrisë për vitin 2023 dhe planin e punës për vitin 2024, ajo ka thënë se në bazë të kontrolleve në terren që ka kryer KEDS-i vitin e kaluar, janë identifikuar një numër i madh i vjedhjeve të energjisë elektrike.
Duke folur për konsumin me energji elektrike, Rizvanolli ka thënë se po vidhen edhe konsumatorët tjerë që e paguajnë atë.
“Jo vetëm që është stabilizuar kërkesa e amvisërive, mirëpo edhe që po shkon mesatarisht duke u ulur, e që është shumë pozitive dhe në fakt është arritje përtej asaj çfarë kemi shpresuar kur i kemi për kampanjat edhe për Efiçiencë edhe për konsum të energjisë. Në anën tjetër, tek konsumi, gjithnjë më shumë po vjen prej bizneseve që reflekton rritjen e aktivitetit ekonomik. Kemi edhe ulje të humbjeve teknike komisiale që është tejet me rëndësi…Kemi kërkuar nga kompania e distribucionit KEDS që të ketë kontrolle shtesë për vjedhje të energjisë elektrike, dhe ata i kanë raportuar në baza javore përgjatë vitit të fundit i kanë pasur rreth 250 vizita për çdo muaj dhe janë identifikuar prej tyre rreth 30. Janë identifikuar një nëmur i madh i vjedhjeve të energjisë…po vidhen konsumatorët tjerë që e paguajnë”, tha Rizvanolli.
Sa i përket uljes së konsumit të energjisë, kryetari i këtij komisioni nga Partia Demokratike e Kosovës (PDK), Ferat Shala ka thënë se kjo lidhet me numrin e madh të qytetarëve të migruar përgjatë dy viteve të fundit.
“Meqenëse po flasim për indikatorët, këtë që e thoni tek çështja e amvisërisë, duhet ta keni parasysh edhe indikatorin që shumë ekonomi familjare më nuk janë, vetëm dy vitet e fundit kemi mbi qindra mijëra njerëz që kanë dalë nga Kosovadhe indikatori i largimit të njerëzve nga Kosova ka bërë që ta stabilizojë konsumin e energjisë së familjeve. Pra nuk mund të shohim shumë si rezultat nëse nuk e kemi edhe indikatorin e të larguarve dhe atyre që kanë pasivizuar çështjen e konsumit familjar e sot janë në perëndim, sepse ata konsumojnë, veçse në perëndim, jo në Kosovë, nuk e kemi këtë shifër”, tha Shala.
Deklaratën e deputetit Shala e ka kundërshtuar, ministrja Rizvanolli, e cila tha se edhe po të përfshihen ata që e kanë konsumin zero, ka një ulje prej 7 për qind vetëm brenda dy viteve në sektorin e energjisë.
“Jo nuk është në fakt ky efekt i emigrimit…Edhe po t’i përfshijmë ata që e kanë konsumin zero, prej një situate ku kemi pasur rritje mesatare prej 17 për qind në ulje prej 7 për qind brenda veç dy viteve, është e pakontestueshme dhe në fakt ky mund të jetë lajmi më i mirë në sektor të energjisë në dekadën e fundit”, tha Rizvanolli.
Ajo gjatë raportimit në Komisionin për Ekonomi, mes tjerash ka thënë se tek kompania “Iber Lepeci”, është një ndërmarrje që ndër vite ka pasur humbje rreth 2 apo 3 milionë euro, për çfarë tha se për herë të parë pas vitit 2008 ka pas fitim gjatë vitit të kaluar.
Pas takimeve të ndara, në Bruksel po zhvillohet takimi i përbashkët mes ekspertëve financiarë të Kosovës dhe Serbisë, nën ndërmjetësimin e emisarit evropian për dialogun, Mirosllav Lajçak, lidhur me përdorimin e dinarit serb në Kosovë.
Një rregullore e Bankës Qendrore të Kosovës (BQK), që ka hyrë në fuqi më 1 shkurt, parasheh euron si valutën e vetme për kryerjen e pagesave me para të gatshme në Kosovë, duke ndaluar përdorimin e dinarit serb.
Sipas BE-së, ky vendim ka shkaktuar probleme praktike për komunitetin serb në Kosovë, të cilët kanë përdorur dinarin serb dhe me këtë valutë kanë marrë ndihmë nga Serbia.
Para takimit të përbashkët, Lajçak u takua më herët gjatë 27 shkurtit me delegacionin serb, të udhëhequr nga kryenegociatori Petar Petkoviq. Më pas, emisari evropian u takua me guvernatorin e Bankës Qendrore të Kosovës, Ahmet Ismaili.
Kosova nuk ka dashur që në takimet në Bruksel të dërgojë nivel politik sepse beson se çështja e rregullores së BQK-së për pagesat me para të gatshme nuk duhet të jetë temë e dialogut për normalizimin e raporteve me Serbinë.
Zëvendëskryeministri i Kosovës, Besnik Bislimi, i cili njëherësh është edhe kryenegociator për dialogun me Serbinë, nuk ishte pajtuar që çështja e dinarit serb të ishte pjesë e dialogut. Kjo, pasi Qeveria e Kosovës e konsideron këtë gjë si çështje të brendshme për të cilën kompetenca të pavarura ka BQK-ja.
Bislimi javën e kaluar e kritikoi të dërguarin e posaçëm të BE-së për dialog, Mirosllav Lajçak, për vendosjen e kësaj teme në agjendë të takimeve në Bruksel, pa pajtimin paraprak të Kosovës. Sipas kryenegociatorit kosovar, Lajçak në këtë mënyrë shkeli parimet e dialogut të vendosura vet ai, sipas të cilave, asnjë temë nuk mund të vendoset në rend dite pa pajtimin paraprak të Kosovës dhe Serbisë.
Por, nga BE-ja janë përgjigjur se blloku angazhohen për të gjetur një zgjidhje për problemin, që sipas Brukselit, e ka “shkaktuar Kosova me vendimin e njëanshëm dhe pa konsultime as me partnerët, e as me komunitetin i cili ka pasoja të drejtpërdrejta nga ky vendim”. Sipas BE-së, dialogu është forumi ku duhet të gjendet zgjidhja për të gjitha çështjet e hapura mes palëve dhe këtë e kanë thënë edhe vendet anëtare, por edhe partnerët e tjerë ndërkombëtarë.
Një ditë më parë, nga BQK-ja kanë thënë për Radion Evropa e Lirë se janë të gatshëm të takohen me përfaqësuesit e Bankës Popullore të Serbisë për të lehtësuar transferimin e parave përmes kanaleve bankare.
“Në këtë kuptim, [BQK-ja] edhe i përgjigjet ftesave kur janë të nevojshme, për takime të tilla informuese, siç edhe ka bërë në vazhdimësi edhe me prezencën ndërkombëtare në vend”, u tha në përgjigjen e BQK-së dërguar REL-it.
Shteti serb ndan miliona euro për serbët në Kosovë pasi ua paguan atyre në dinarë – përmes një sistemi paralel – rrogat, pensionet dhe ndihmën shtesë.
Autoritetet në Kosovë kanë thënë se rregullorja e BQK-së për operacione me para të gatshme do të zbatohet përmes një tranzicioni të lehtësuar, jo më të gjatë se tre muaj, ndërkaq kryeministri Albin Kurti, ka insistuar se vendimi nuk do të zhbëhet.
Shtetet e Bashkuara, ndërkaq, i kanë kërkuar Kosovës që të shtyjë zbatimin e vendimit të BQK-së, pasi kanë argumentuar se ai është marrë pa konsultime paraprake dhe pa pasur për bazë ndikimet negative te popullata serbe në Kosovë. /REL
Që nga fundi i vitit 2023 dhe fillimin e këtij viti 2024, Gjermania ka filluar t’i japë jetë motiveve të Euro2024-s, aktiviteti më i madh futbollistik i kontinentit të vjetër.
Kuqezinjtë, të kualifikuar për herë të dytë në finalet e një Evropiani, pas Francë 2016-ës, këtë herë konsiderohen si skuadra surprizë duke qenë se u kualifikuam të parët e grupit tonë, duke lënë pas skuadra më të mëdha si Republika Çeke dhe Polonia.
Baza kuqezi në Gjermani do të jetë në afërsi të Dortmundit, SportCentrum Kaiserau dhe atje përfaqësuesja e Shqipërisë do të jetë atje nga 10 qershori.
Edhe pse në Dyseldorf kuqezinjtë do të luajnë ndeshjen e fundi të grupit, atë ndaj Spanjës më 24 qershor, që tani me sa duket qyteti i ka dhënë mirëseardhjen Shqipërisë, në gjuhën shqipe dhe me flamurin tonë të dizenjuar në metro.
Ndërkohë Shqipëria do të startojë finalet e Evropianit me ndeshjen ndaj Italisë në Dortmund më 15 qershor dhe më 19 qershor ndaj Kroacisë në Hamburg. Përpara ndeshjeve zyrtare Shqipëria do të zhvillojë edhe dy ndeshje miqësore me Kilin në Parma të Italisë dhe në Solna përballë Suedisë.
Pikërisht për këtë të fundi, takim që do të zhvillohet më 25 mars në stadiumin “Friend Arena”, sot kanë dalë biletat në shitje, rreth 1500 do të jen në dispozicion për tifozët shqiptarë dhe do të kushtojnë rreth 9000 lekë. Ndërkaq ditën e sotme Federata Suedeze e Futbollit ka zyrtarizuar në krye të pankinës ish-sulmuesin danez të Milanit, John Dalh Tomason si trajnerin e parë.
47-vjeçari hynë në histori si trajneri i parë i huaj që merr drejtimin e përfaqësueses së Suedisë. Ai do të debutojë në miqësoren me Portugalinë, më 21 mars, ndërsa katër ditë më vonë Suedia do të luajë me Shqipërinë./tch/
Komanda amerikane në Evropë ka thënë se bashkë me udhëheqësit e Departamentit amerikan të Mbrojtjes janë takuar me ministrin e Mbrojtjes së Kosovës, Ejup Maqedonci.
Ky takim thuhet se është bërë për të forcuar bashkëpunimin në siguri dhe për të mbështetur tranzicionin e FSK’së në forcë mbrojtëse territoriale, multietnike të ndërveprueshme nga NATO që i nënshtrohet kontrollit civil.
“Udhëheqësit nga DoD & USEUCOM u takuan për diskutime me Ministrin e Mbrojtjes të Kosovës për të forcuar bashkëpunimin në siguri dhe për të mbështetur tranzicionin e FSK në një forcë mbrojtëse territoriale, multietnike të ndërveprueshme nga NATO që i nënshtrohet kontrollit civil.”
Departamenti amerikan i Mbrojtjes dje ka njoftuar për vizitën e drejtorit kryesor për Politikat Europiane të NATO-s, Alton Buland në Kosovë.
Departamenti amerikan i Mbrojtjes njoftoi përmes një postimi në “X” se ai pati “konsultime dypalëshe të mbrojtjes SHBA-Kosovë” me ministrin kosovar të Mbrojtjes, Ejup Maqedonci.
Koordinatori për Financa në kuadër të Kabinetit për Qeverisje të Mirë të PDK-së, Arben Mustafa ka thënë se nga Pakoja për Ringjallje Ekonomike, nga 90.4 milionë euro gjithsej, vetëm 7.8milionë euro janë ndarë si mbështetje për bizneset, teksa 69 milionë euro janë shpenzuar për transferet prej 100 euro si shtesa për fëmijë dhe pensionistë.
Sipas Mustafës kjo nuk ta bëjë me zhvillim e as ringjallje, por me stagnim e degradim.
“Nga 90.4 milionë euro të shpenzuara në kuadër të programit për Ringjallje Ekonomike, vetëm rreth 7.8 milionë euro janë destinuar si mbështetje për bizneset, ndërsa 69 milionë euro janë shpenzuar për transferet prej 100 euro si shtesa për fëmijë dhe pensionistë. Ky është shteti “zhvillimor” i Vetëvendosjes, që nuk ka të bëjë me zhvillim e as ringjallje, por vetëm me stagnim e degradim!”, ka shkruar ai në një postim në “Facebook”.