Category: Lajme

Deputeti i LDK-së, Avdullah Hoti ka thënë se çdo fillim marsi, Ditët e Epopesë së UÇK-së na përkujtojnë rëndësinë e lirisë që e gëzojmë.

Ai ka shkruar se për popullin tonë, vendosmëria dhe sakrifica e Familjes Jashari u shndërruan në forcën që ndryshoi rrjedhën e historisë.

“Epopeja e UÇK-së – moment lavdie e përkulje për të rënët, moment inspirimi për të ardhmen tonë si shtet i lirë e i pavarur, i integruar në BE e NATO, e në fqinjësi të ngushtë me SHBA-në. Çdo fillim marsi, Ditët e Epopesë së UÇK-së na përkujtojnë rëndësinë e lirisë që e gëzojmë.

Frymëzuesi i lëvizjeve për të drejtat civile dhe lirinë në të gjithë botën, Mahatma Gandhi thotë: “Një grup i vogël i shpirtrave të vendosur, të pushtuar nga një besim i pashuar në misionin e tyre, mund të ndryshojë rrjedhën e historisë”. Për popullin tonë, vendosmëria dhe sakrifica e Familjes Jashari u shndërruan në forcën që ndryshoi rrjedhën e historisë. Familja Jashari u kthye në simbolin e sakrificës për liri, e cila u bë pjesë e historisë botërore të sakrificës së popujve për liri”, ka thënë ai.

Tutje, Hoti ka thënë se cdo përvjetor i Epopesë së UÇK-së duhet të na shtojë përgjegjësinë në detyrat që kemi, pavarësisht dallimeve.

“ Vetëm kështu mund ta kemi ndërgjegjen të qetë se jemi duke nderuar të rënët për lirinë që e gëzojmë sot e përjetë.Të lartësuar qofshin gjithmonë të rënët për liri”, ka shkruar Hoti.

Ministri i Mbrojtjes, ministri Ejup Maqedonci, në 26-vjetorin e Epopesë së Ushtrisë Çlirimtare të Kosovës, ka thënë se Shaban Jashari dhe të bijtë Ademi e Hamza së bashku me të gjithë anëtarët e familjes, dhanë shembullin e një rezistence totale, duke vazhduar luftën deri në frymën e tyre të fundit.

Ai ka theksuar se ata u bënë simbol i lirisë dhe një epopeje që shënoi historinë e Ushtrisë Çlirimtare të Kosovës.

Edhe pas 26 vitesh, ministri Maqedonci, ka thënë se rezistenca e Jasharëve është burim frymëzimi për ushtarët e Forcës së Sigurisë së Kosovës.

“Që nga atëherë para 26 viteve dhe deri sot, rezistenca dhe lufta e Jasharëve të Prekazit, është kthyer në burim frymëzimi për të gjithë luftëtarët e UÇK-së në luftën e tyre për liri, duke u trashëguar deri te ushtarët e Forcës së Sigurisë së Kosovës, në misionin e tyre për ta ruajtur këtë liri. 26 vjet përpjekje për ta kultivuar luftën e drejtë për liri dhe për ta frymëzuar me të luftën për shtetndërtim. 26 vjet Epope e UÇK-së: 26 vjet lavdi!”, ka shkruar ministri Maqedonci në Facebook.

Po ashtu, ai ka thënë se gjatë 5, 6 dhe 7 marsit të vitit 1998, fshati Prekaz bëhet dëshmi e një rezistence të palëkundur dhe heroike.

Pak minuta më parë, ka pasur sërish gjuajtje me armë në Lagjen e Muhaxhirëve në Prishtinë.

ATV mëson se forca të shumta të policisë kanë dalë në vendin e ngjarjes.

Ende nuk dihen më shumë detaje rreth kësaj ngjarje.

Kujtojmë se gjatë ditës së sotme, pikërisht në këtë lagje ka ndodhur një rrahje dhe plagoje me armë zjarri.

ATV do t’ju të informuar me detajet e reja.

Komuna e Mitrovicës Veriore ka vendosur të ndajë subvencione për fëmijët e lindur në vitin 2024 si dhe për çiftet e reja.

Familjet e fëmijëve të lindur në vitin 2024 do të subvencionohen me 300 euro, ndërsa çiftet e reja me 500 euro.

Për këtë ka njoftuar Komuna e Mitrovicës së Veriut përmes një njoftimi në Facebook.

KFOR-i ka njoftuar se sot ka vdekur në gjumë një ushtar turk i KFOR-it, që ishte në Ekipin Monitorues Ndërlidhës të Gjilanit. KFOR ka thënë se ushtari ka vdekur në gjumë dhe shkaqet e sakta të vdekjes së tij nuk janë bërë të ditura.

“Ushtari shërbeu me dallueshmëri dhe kontribuoi me shërbimin e tij të përditshëm në përpjekjet e vazhdueshme të KFOR-it drejt sigurisë së qëndrueshme në Kosovës. Përkushtimi i tij ndaj misionit gjithmonë do të mbahet në mend dhe do të nderohet”, ka thënë KFOR.

KFOR ka treguar se janë njoftuar familjarët e të ndjerit.

Komandanti i KFOR-it, gjeneralmajori Ozkan Ulutash, ka ofruar ngushëllime.

“Shpreh ngushëllimet e mia të sinqerta për këtë humbje tragjike. Mendimet e mia janë me familjarët dhe shokët e ushtarit të vdekur. Humbja e tij ndihet në gjithë komunitetin e KFOR-it. Ne do ta nderojmë kujtimin e tij me angazhimin tonë të palëkundur për misionin e KFOR-it”, ka thënë Ulutash.