Category: LAJME

Deputetja e LDK-së, Hykmete Bajrami, ka reaguar pas zhvillimeve të fundit në Kuvend, duke akuzuar Vetëvendosjen se po e bllokon formimin e institucioneve të reja të Kosovës.

Bajrami ka thënë se pas zhvillimeve të sotme tashmë është e qartë se kush, sipas saj, po pengon konstituimin dhe funksionalizimin e institucioneve.

Përmes një postimi në Facebook, deputetja e LDK-së ka deklaruar se VV-ja është kundër themelimit të institucioneve të Kosovës.

“Kush po i bllokon institucionet? Sot besoj se e patë të gjithë”, ka shkruar ai.

Arbërie Nagavci e Vetëvendosjes tha se “ndjehet shumë mirë” për punën e saj si Ministre e Arsimit për pesë vite, kur u pyet për rezultatet e rënda në testin PISA për nxënësit kosovar.

Ajo tha se si qeveri kanë bërë shumë investime por se janë “bllokuar” nga komunat për ndërtimin e koçshteve.

“Sa i përket testit PISA, natyrisht se është tejet e rëndësishme që të ketë konsensus mbarëshoqëror për avansimin e arsimit. Për kohën sa kam qenë ministre unë ndjehem shumë mirë sepse kemi pasur investime dhe reforma. Ju besoj e dini që investimet në edukimin e hershëm kanë qenë shumëfish më të mëdja. Ndërkohë që të gjitha studiment tregojnë që edukimi i hershëm është kryesori. Kemi pasur bllokada nga komuna për investim në kopshte,” tha ajo.

Deputetja e LDK-së, Jehona Lushaku, ka kritikuar Lëvizjen Vetëvendosje për mosvazhdimin e procedurës së votimit për nënkryetarët e Kuvendit, raporotn Ekonomia Online.

Lushaku e ka cilësuar situatën si të paprecedentë, duke thënë se grupi më i madh parlamentar po pengon vazhdimin e procesit në mungesë të përkrahjes për propozimet e partive të tjera.

“Kjo është situatë e paprecedentë ku nuk vazhdohet konstituimi në mungesë të përkrahjes nga grupi më i madh për propozimet për nënkryetarë që i kanë bërë partitë e tjera”, tha Lushaku

Ajo tha se LDK-ja e ka propozuar Kujtim Shalën për nënkryetar të Kuvendit, duke vlerësuar se përgatitja e tij do t’i sillte nder Kuvendit të Kosovës.

“Ne si parti politike kemi obligim t’i japim propozimet tona më të mira. E kemi propozuar Kujtim Shalën sepse besojmë që përgatitja e tij i jep nder Kuvendit të Kosovës dhe i kemi qëndruar prapa propozimit tonë”, deklaroi ajo pas përfundimit të seancës konstituive.

Lushaku theksoi se Kosova tashmë është jashtë afateve kushtetuese dhe se, sipas saj, përgjegjësia për mosvazhdimin e procesit bie mbi Vetëvendosjen.

“Grupi më i madh parlamentar po harron që jemi veç jashtë afateve kushtetuese dhe jemi në një situatë ku, për dëshirën e mirë, po ia japim mundësinë Kosovës, dhe sot nuk po bëhet kjo për fajin e VV-së”, tha Lushaku.

Kuvendi i Kosovës e ka shtyrë për të premten vazhdimin e seancës konstituive, pasi deputetët nuk arritën dakordim për mënyrën e votimit të nënkryetarëve.

Pas përfundimit të pauzës, në sallën e Kuvendit pati përplasje mes kryeparlamentares Albulena Haxhiu dhe deputetit të Listës Serbe, Igor Simiq.

Haxhiu i kërkoi Simiqit ta tërheqë fjalimin e mbajtur më herët gjatë propozimit të kandidatit për nënkryetar të Kuvendit.

Pas diskutimeve, Haxhiu tha se mes partive politike nuk është arritur dakordim për mënyrën e votimit të nënkryetarëve.

Ajo theksoi se për këtë çështje “duhet dakordim”, ndërsa seanca u shty për të premten.

Policia Rajonale e Ferizajt ka kërkuar ndihmën e qytetarëve për identifikimin e një personi të dyshuar për një rast të “Shpërdorimit të pasurisë së huaj”, i cili dyshohet se ka ndodhur më 31 korrik 2026, rreth orës 20:00, në qendrën “The Village Shopping & Fun” në Ferizaj.

Me autorizim të Prokurorisë së Shtetit, Policia ka publikuar fotografitë e personit që dyshohet se është i përfshirë në rast.

Përmes një njoftimi, Policia u ka bërë thirrje qytetarëve që, nëse kanë ndonjë informacion që mund të ndihmojë në identifikimin apo lokalizimin e personit, ta raportojnë në numrin emergjent 192, në stacionin më të afërt policor ose përmes aplikacionit “Lajmëro Policinë”.

Policia ka theksuar se të gjitha informacionet do të trajtohen me konfidencialitet të plotë.

Gjatë seancës konstituive të Kuvendit të Kosovës, deputeti i Listës Serbe, Igor Simiq ka propozuar Slavko Simiqin për pozitën e nënkryetarit të Kuvendit.

Simiq tha se kandidatura është bërë në emër të popullit serb, me nënshkrimet e 9 nga 10 deputetët që mbajnë vendet e rezervuara për komunitetin serb.

“Në emër të popullit serb, me nënshkrimet e shumicës së deputetëve që mbajnë vendet e rezervuara për komunitetin serb, përkatësisht 9 nga 10 deputetë, propozojmë zotin Slavko Simiq si kandidat për nënkryetar të Kuvendit”, deklaroi ai.

Ky propozim ka nxitur reagime të shumta nga deputetët e Lëvizjes Vetëvendosje.

Ministrja në detyrë e Drejtësisë, Donika Gërvalla, ka reaguar duke thënë se deputeti i Listës Serbe, sipas saj, ka sulmuar Kushtetutën dhe Republikën nga foltorja e Kuvendit.

“E tash pritini këta që na tregojnë që nuk paska rëndësi që deputeti i Listës Serbe sulmon Kushtetutën dhe Republikën nga foltorja e Kuvendit”, ka shkruar Gërvalla.

Edhe deputeti i LVV-së, Andin Hoti, ka reaguar ndaj deklaratës së Simiqit, duke thënë se Lista Serbe nuk përfaqëson të gjithë popullin serb në Kosovë.

“Duhet të jetë e qartë: Lista Serbe nuk është populli serb”, ka shkruar Hoti.

Ai ka theksuar se kandidati nga komuniteti serb për nënkryetar të Kuvendit propozohet nga shumica e deputetëve të komunitetit serb, sipas rregullave kushtetuese të Kosovës.

Hoti e ka akuzuar gjithashtu Listën Serbe për, siç pretendon ai, shndërrimin e të drejtave të komunitetit në instrument të politikës së presidentit serb Aleksandar Vuçiq.

“Kosova nuk është Serbi. Kuvendi i Kosovës nuk është Beograd”, ka përfunduar Hoti. /Telegrafi/

Gjykata Themelore në Pejë, Departamenti për Krime të Rënda, i ka caktuar masën e paraburgimit prej një muaji personit B.Z., nën dyshimin e bazuar se ka kryer veprën penale “Vrasje e rëndë” dhe veprën penale “Vrasje e rëndë e mbetur në tentativë”.

Vendimi është marrë nga gjyqtari i procedurës paraprake, Armend Lokaj, pas shqyrtimit të kërkesës së Prokurorisë Themelore në Pejë – Departamenti për Krime të Rënda.

Paraburgimi ndaj B.Z. është caktuar për periudhën nga 6 shtatori deri më 6 tetor 2026.

Sipas vendimit të gjykatës, personi B.Z. do ta mbajë masën e paraburgimit në Institucionin e Kujdesit Shëndetësor.

Masa është caktuar në bazë të dispozitave për paraburgimin të përcaktuara në Kodin e Procedurës Penale të Kosovës.

Policia ka arrestuar në veri të Mitrovicës një person të kërkuar nga Gjykata Themelore në Mitrovicë, i cili ishte dënuar me 7 muaj burgim efektiv për veprën penale “Vjedhje në tentativë”.

Sipas Policisë, më 9 shtator 2026, në Stacionin Policor Mitrovicë Veri është paraqitur personi H.B., i lindur në vitin 2001.

Ai paraprakisht ishte kërkuar në vendbanimin e tij, pasi Policia kishte pranuar informacione nga qytetarët se ndodhej në territorin e Republikës së Kosovës.

Pas përfundimit të procedurave të nevojshme policore, personi është shoqëruar dhe dërguar në vuajtje të dënimit, në përputhje me urdhër-arrestin e gjykatës.

Policia ka falënderuar qytetarët për bashkëpunimin dhe i ka ftuar që të raportojnë çdo informacion për persona të kërkuar në numrin 192, në stacionin më të afërt policor ose përmes aplikacionit “Lajmëro Policinë”.

Drejtoria Rajonale e Policisë Mitrovicë Veri ka bërë të ditur se do të vazhdojë zbatimin e urdhëresave të gjykatave ndaj personave të kërkuar.

Pak para nisjes së seancës konstituive të Kuvendit të Kosovës, deputetët e Partisë Demokratike të Kosovës (PDK) kanë vendosur në foltoren e Kuvendit një mbishkrim me mesazhin “UÇK na bashkon”.

Ky veprim vjen në prag të shpalljes së aktgjykimit ndaj ish-krerëve të Ushtrisë Çlirimtare të Kosovës (UÇK), të cilët po gjykohen në Dhomat e Specializuara në Hagë.

Aktgjykimi ndaj ish-krerëve të UÇK-së pritet të shpallet më 16 shtator. /Telegrafi/