Category: Lajme

Prokuroria Speciale e Republikës së Kosovës, përmes një komunikate për media, njoftoi se ka ngritur sot aktakuzë në mungesë në Gjykatën Themelore në Prishtinë – Departamentin Special, kundër tre të pandehurve të nacionalitetit serb, me inicialet L.Č., P.B dhe M.I.

Siç njoftoi PSRK-ja njofton se i pandehuri L.Č., në cilësi të personit zyrtar-Drejtor i burgut të Qarkut në Prishtinë, gjatë periudhës së konfliktit të armatosur, përkatësisht luftës në Kosovë 1998-1999, në Burgun e Prishtinës dhe në paralelen në Lipjan, në bashkëkryerje edhe me zyrtarë tjerë të këtyre burgjeve, në bashkëkryerje ka kryer veprën penale ‘’Krime Lufte Kundër Popullatës Civile’’.

Ndërkaq, të pandehurit P.B dhe M.I., në cilësinë e personave zyrtar-gardian të Burgut të Prishtinës dhe paraleles në Lipjan, gjatë periudhës së konfliktit të armatosur, përkatësisht luftës në Kosovë 1998-1999, në Burgun e Prishtinës dhe në paralelen në Lipjan, në bashkëkryerje edhe me zyrtarë tjerë të këtyre burgjeve, në bashkëkryerje kanë kryer veprën penale ‘’Krime Lufte Kundër Popullatës Civile’.

Kryeministri i Kosovës, Albin Kurti, ka thënë se lansimi i platformës online “Made in Kosova”, paraqet potencialin e vendit drejt një njohje më të gjerë e një tregu ndërkombëtare përmes misioneve diplomatike dhe konsullore, raporton EO.

Kreu i ekzekutivit ka deklaruar se kjo platformë dhe ky kënd synon prezantimin e Republikës së Kosovës, sa më mirë në arenën ndërkombëtare.

“Bukuria e Kosovës e fjetur në shumë vende, në mungesë të një platforme sikur kjo që e vlerësojmë sot. Sot ne vijmë në fund të mungesës së kësaj platforme sot ne nderojmë miqësinë e vendit tonë dhe ata që punuan për vendin. Platforma Mic jo rastësisht nënkupton ‘Made in Kosova’, tregon transparencën, synon të jetë dritarja e parë për ata që duan të mësojmë për vendin tonë. Platforma krijon mundësi komunikimi direkt, që MPJD e lidh me departamentin përkatës, e lansojmë iniciativën e këndit ku sipërmarrësit tanë mund të kyçen e krijon një imazh të besueshëm të Kosovës për të hyrë në tregje të huaja. Kemi dyfishim të eksportit 62.3 për qind krahasuar me vitin e kaluara”, ka thënë Kurti.

Ministrja e Punëve të Jashtme dhe Diasporës, Donika Gërvalla, ka thënë së ky projekt është ambicioz në bashkëpunim më USAID-in, dhe shoqërinë civile. Kjo platformë nxjerr në pah imazhin kulturor për paraqitjen e Kosovës në një mënyrë inovative për të forcuar bizneset vendore me partnerë ndërkombëtarë.

“Bashkë me sektorin privat dhe shoqërinë civile synojmë forcimin e imazhit të Kosovës. Një projekt i tillë tregon qëllimin për arritjet tona të përbashkëta. Si MPJD kemi qenë të hapur për bashkëpunim jonë është që të vazhdojmë bashkëpunimin për të fuqizuar diplomacinë dhe për të qenë konkurrent. Platforma Mic do jetë një ndihmesë për rritjen e ekonomisë, marrjen e përvojave të reja dhe fuqizimin tonë”, ka thënë ministrja.

Ambasadori i ShBA-së në Kosovë, Jeffrey Hovenier, deklaroi se shteti i tij dëshiron që Kosova ta zërë vendin e saj në botë.

“Është e rëndësishme të adresojmë çka i duhet Kosovës, Mezi presim angazhimin tonë të vazhdueshëm e i mirëpresim sukseset e ardhshme”, deklaroi Hovenier.

Zëvendësministrja e Punëve të Jashtme dhe Diasporës, Liza Gashi, ka thënë se përmes kësaj platforme MPJD ka për të treguar potencialin e vendit tonë në fusha të ndryshme.

“Është një rrugëtim i përbashkët të jenë pjesë e rrugëtimit, ajo që na duhet si Republikë është të ndihmojmë njëri-tjetrin Puna e madhe është bërë prapa një strategjie, ne synojmë që këtë strategji mos ta mbajmë në sirtar”, u shpreh ajo.

Projekti i Kosovës për Efiçiencë të Energjisë dhe Energji të Ripërtëritshme financuar nga Banka Botërore përmes kredisë IDA dhe zbatuar nga Ministria e Ekonomisë, u bë inaugurimin e rinovimit të Objektit të Psikiatrisë së Fëmijëve dhe objektit të Psikiatrisë Intensive, raporton Ekonomia Online.

Artane Rizvanolli ministre e Ekonomisë tha se ndërtesat tona publike duhet bërë sa më efiçiente në mënyrë që të kursejmë energjinë sa më shumë që është e mundur, duke mbrojtur kështu edhe ambientin edhe buxhetin e shtetit.

“Me përfundim të investimit të objektit të Psikiatrisë së Fëmijëve dhe investimeve po shënojmë 90 ndërtesa publike të rinovuara përfshirë spitale e të tjera universitete, qendra sociale, zyre të punësimi etj. që janë tani janë më të përshtatshme për nevojat e pacientëve, studentëve, profesorëve, nxënëseve dhe të gjithë qytetareve që i shfrytëzojnë ato. T’ i bëjmë ndërtesat tona publike sa më efiçiente në mënyrë që të kursejmë energjinë sa më shumë që është e mundur duke mbrojtur kështu edhe ambientin edhe buxhetin e shtetit. Mirëpo po ashtu e rëndësishme të rrisim komforin për të gjithë stafin e qytetarët që i shfrytëzojnë hapësirat e këtyre ndërtesave. Rritja e konforit dhe përmirësimi i objektit është kritik në rastet kur qytetarët në këtë rast fëmijët, pacientët tjerë që i shfrytëzojnë këto hapësira janë më të ndjeshëm. Andaj jam e lumtur se gjysma e objekteve të cilat i kemi rinovuar deri më tani 46 sosh janë objekte spitalore ose shëndtësore në të gjithë Kosovën”, ka thënë Rizvanolli.

Ministri i Shëndetësisë, Arben Vitia ka thënë se ky investim i bërë në kuadër të projektit me kredi nga Banka Botërore do të përmirësoj kushtet dhe shërbimet për të gjithë ata që marrin shërbime në këtë klinikë.

“Në këtë Klinikë nga sot shërbimet nuk do të jenë vetëm ambulantore sepse tani është i mundshëm edhe hospitalizomi. Investime në dritare, çati, ndriqim, izolim në sistem e ngrohjes, në hapësirat kanë hapur rrugë që shërbimet të bëhen dhe të jenë më cilësore se sa që kanë qenë deri më tani. Kjo është edhe një hapje tjetër që i është dhënë rëndësi shëndetit mendor. Ndërgjegjësimi me theks të veqantë mbetet angazhim i parreshtur në mes investime që të arrijmë të adresojmë këtë nevojë. Ky investim i bërë në kuadër të projektit me kredi nga Banka Botërore do të përmirësoj kushtet dhe shërbimet për të gjithë ata që marrin shërbime në këtë klinikë”, tha Vitia.

Ndërsa Zt. Massimiliano Paolucci Drejtor i Bankës Botërore në Kosovë ka thënë se duhet të kujdesemi për popullatën e qytetarëve të Kosovës pra duhet të përmirësohet sistemi i shëndetësisë.

“Jam shumë i kënaqur që jemi këtu për të përuruar kompletimin e suksesshëm të punëve me energji efiçente diçka që është e dedikuar për shërbimin e fëmijëve. Për më shumë këto si ndërtesa të tilla ku ne kursejmë para kjo redukton energji në përmirësimin e të gjitha shërbimeve të familjeve tona. Jemi të kujdesshëm sa i përket buxhetit të energjisë pastaj do të kemi edhe ndryshime në këto. Sidomos temperaturën përbrenda objekteve e cilat do të jetë shumë e mirë. Ne jemi shumë të gëzuar që jemi duke rinovuar këtë jo vetëm në spitalin tuaj. Ne e kemi bërë këtë me 25 përqind të arritshmërisë dhe përmirësimin e kushteve sa i përket energjisë efiçiente që do të thotë që jemi shumë krenarë për këtë”, ka thënë ai.

Kompania Rajonale e Ujësjellësit “Prishtina” ka paralajmëruar se të mërkurën do të zhvillojë një aksion të gjerë, për shkyçjen e siç kanë thënë borxhlinjve të mëdhenj të ujit dhe konsumatorëve ilegalë.

“Nuk ka ujë të pijshëm pa paguar faturat e ujit! Nesër 15 maj 2024, e mërkurë duke filluar nga ora 10:30 do të kemi aksion të madh me disa ekipe të shkyçjes dhe inspektorë, me fokus konsumatorët që kanë borxhe tejet të mëdha në komunën e Prishtinës”, thuhet në njoftimin e kompanisë.

Në këtë aksion thuhet se do të asistojë edhe Policia e Republikës së Kosovës.

Një aksident trafiku ka ndodhur mesditën e sotme në Sllatinë ku u përfshi një automjet. Për pasojë, shoferi i automjetit ka vdekur.

Lajmin e ka konfirmuar zëdhënësi i policisë, Baki Kelani.

“Sot, në mesditë është raportuar për një aksident trafiku të ndodhur në Rrugën Pejë-Prishtinë, konkretisht në Sllatinë. Në këtë rast është përfshirë një automjet, në të cilin drejtuesi i mjetit ka ndërruar jetë, vdekjen e të cilit e kanë konstatuar mjekët kompetent. Në lidhje me rastin në vendngjarje kanë dalë njësitet relevante policore, ekipi mjekësor dhe prokurori kompetent, përderisa trupi i pajetë është dërguar në IML”, ka thënë ai.

Ministrja e Arsimit, Shkencës, Teknologjisë dhe Inovacionit, Arbërie Nagavaci, ka kërkuar që të miratohet statuti i ri të Universitetit Publik “Hasan Prishtina”, që të hapet rrugë për ndryshime tejet të rëndësishme në universitete, pasi që sipas saj, kjo është një nevojë emergjente për përmirësimin e performancës së arsimit të lartë.

Në mbledhjen e Komisionit për Arsim, ku u shqyrtua vendimi i Qeverisë për miratimin e Statutit të ri të UP-së, Nagavci ka thënë se statuti sjell një mori vendimesh e reformash që do ndikojë direkt në përmirësimin cilësisë së punës së Universitetit të Prishtinës.

“Ne si ministri e kemi miratuar statutin në shtator të vitit të kaluar në të njëjtin draft sikurse e kanë sjell nga Universiteti dhe të njëjtin e kemi dërguar për votim në Qeveri dhe po ashtu edhe nga ana e Qeverisë është miratuar ashtu si e kanë finalizuar Universiteti i Prishtinës. Jemi shumë të lumtur që ky statut sjell një mori vendimesh e reformash, që do ndikojë direkt në përmirësimin e cilësinë e punës së Universitetit të Prishtinës, dhe besoj pas kësaj jemi duke pritur të filloj një proces i unifikimeve të të gjitha niversiteteve tjera publike se besoj që kjo sjell përmirësimin e cilësisë së punës në arsimin e lartë dhe një performancë më të mirë. Me aq sa kam njohuri është marr për bazë dhe është shqyrtuar i gjithë legjislacioni që është në fuqi. Ne si ministri, si qeveri, si kuvend, duhet të bëjmë përmirësime të perfomancës në arsimin e lartë, por ju ftoj, ju lus ta miratoni sa më parë këtë statut edhe të hapni rrugë për ndryshime tejet të rëndësishme në universitete,” ka thënë Nagavci.

Ndërsa, Rektori i UP-së, Qerim Qerimi ka shtuar se ka pasur një konsensus të gjerë që statuti ka nevojë të ndryshohet, si rezultat i praktikës operacionale i konkurseve me radhë, problemeve të njëpasnjëshme që ka observuar si institucion.

“Ka pasur një konsensus të gjerë disa raste shumë gjerë që statuti ka nevojë të ndryshohet. Ky si rezultat i praktikës operacionale i konkurseve me radhë, i problemeve të njëpasnjëshme që i kemi observuar si institucion…15:20 Ne kemi marrë statutet e atyre universiteteve evropiane që kanë shërbyer në radhë të parë si model për hartimin e statuteve të mëparshme të universitetit dhe ekspertet tanë janë përqendruar kryesisht në identifikimin e ndryshimeve dhe plotësimeve që kanë pësuar statutet e këtyre Universiteteve, në mënyrë që edhe ne të bëjmë përpjeke dhe të përshtatim standardin tonë, që kanë lëvizur qartazi me standardet që kanë pësuar universitetet që në radhë të parë kemi ndërtuar statutet paraprake”, ka shtuar Qerimi.

Deputeti nga Partia Demokratike e Kosovës, Ardian Kastrati në emër të PDK-së ka vijuar se do të jenë kundër ndërrimit të emrit të UP-së i cili i mllefosur tha se do të ishte më mirë që ministri i punëve të brendshme Xhelal Sveçla, të ndërrojë emrin e UP-së në Mitrovicë i cili është ilegal në kuadër të Republikës së Kosovës, e të heq tabelën e saj.

“Ne do të jemi kundër qe të ndërrohet emri i Universitetit Hasan Prishtina. Ai Xhelal Sveçla në vend që të heq disa tabelë në disa fshatra me shkua me e heq tabelën e UP-së të serbëve atje i cili është ilegal në kuadër të RKS…26:50 Në emër të PDK-së ne do të jemi kundër ndërrimit të këtij emri pavarësisht që nuk votojmë nëpër komisione për shkak të vendimit që e kemi në këshill drejtues, dhe e dyta do të kishte mundësi shumë më të mira që pushteti të shkoj të ndërroj emrin e UP-së në Mitrovicë dhe me na liruar neve nga kjo barrë e përgjegjësisë”, ka vijuar ai.

Po ashtu, deputetja nga LDK, Vlora Dumoshi, ka theksuar se çdo qeveri që vjen hap rrugën për të ndërruar emrat dhe të hiqen emrat kombëtar nga institucionet, prandaj duhet të merret një vendim sepse sipas saj, kjo është për keqardhje.

“3000 studentë kanë nënshkruar një peticion, 3000 studentë është armatë e madhe. Ne kemi universitetin e Pejës “Haxhi Zeka”, “Isa Boletini”, “Ukshin Hoti”, “Kadri Zeka”, krejt këto figura janë shume të mëdha kombëtare, me këtë propozim a keni menduar edhe për këto universitete tjera me i heq emrat? Është shumë lehtë me vendos emra, por është shumë e dhimbshme me i hekë. Për mua është keqardhje shumë e madhe, që ne si shoqëri çdo qeveri që vjen e hapim rrugën me i ndërruar emrat, me i heq emrat kombëtar prandaj duhet të merret një vendim, për hatër të 3000 studentëve na jepni një përgjigje “, ka theksuar Dumoshi.

Ndërkaq, Ministrja Nagavci, e pyetur nga deputetja e LDK-së, Dumoshi se a është për ndryshimin e emrit të UP-së është përgjigjur se nuk ka asnjë diskutim apo dilemë për këtë çështje.

“Respektoj plotësisht draftin e statutit që ka sjellë UP. Duhet të jemi të kujdesshëm dhe të përgjegjshëm për secilën çështje të rëndësishme që ndikon edhe në performancën e universitetit, në rangimet edhe ndërkombëtare derisa të eliminohen probleme të shumta të trashëguara për arsye të ndryshme nga e kaluara. Ne duhet të bëjmë këto zgjidhje që konsideroj që në mënyrë shumë të qëlluar i ka propozuar UP-ja. Emri “Hasan Prishtina” nuk ka asnjë diskutim e dilemë për këtë çështje, mendoj që në këtë pikë universiteti ka bëtë zgjedhjen më të mirë të mundshme”, është shprehur Nagavci.

Lidhur me këtë çështje, Fondacioni “Hasan Prishtina”, para se të fillojë komisioni për arsim, ka organizuar një tubim paqësor, para Kuvendit të Kosovës, për të kundërshtuar heqjen e emrit të Heroit Kombëtar Hasan Prishtina nga Universiteti i Prishtinës “Hasan Prishtina”.

Mbi 900 raste të dhunës në familje janë raportuar nga janari deri në prill të këtij viti në Policinë e Kosovës, ku prej tyre viktima femra kanë qenë 770.

Kështu u tha në komisionin për të Drejtat e Njeriut ku u diskutua lidhur me rastet e dhunës në familje me përfaqësuesit nga Policia e Kosovës.

Drejtoresha e Drejtorisë së Policisë në Bashkësi dhe Preventivë, Zylfije Dema tha se janë aktivizuar 28 dhoma mike ku merren dëshmitë e viktimave në Policinë e Kosovës.

“Raportimi i rasteve të dhunës në familje janar- prill 2024 numri i rasteve është 927, numri i viktimave 989, viktima femra 770, viktima meshkuj 219, persona të ndalur 48. 341 urdhra mbrojtës të lëshuar nga gjykatat, 447 urdhra për mbrojte të përkohshme emergjent të shqiptuar nga policia”, tha ajo.

Ajo u pyet edhe për shkaktarët e dhunës në familje, për çka tha se 104 raste janë për tradita të vjetra, 412 për shkaqe xhelozie dhe 493 për shkak të marrëdhënieve të çrregullta brenda familjes.

Nënkolonelja Luljeta Limani tha se policët me mjete vetanake shpesh ju blejnë fëmijëve qumësht në mungesë buxheti.

Lidhja Demokratike e Kosovës ka kërkuar dorëheqjen e kryeministrit Albin Kurti dhe pastaj si rrjedhojë, shpërbërjen e Kuvendit.

Përmes një komunikate, LDK thotë se kryeministri i Kosovës ka zgjedhur instrumentalizimin e opozitës si shpëtim individual nga dështimi i madh.

“LDK-ja nuk e pranon këtë instrumentalizim në asnjë rrethanë. LDK-ja është e gatshme të kërkojë besim qytetar, e gatshme të marrë përgjegjësinë para sfidave, e gatshme të implementojë ‘Rrugën e Re’ si program zhvillimor, të djathtë e euroatlantik. Për këtë, duhet dorëheqja e Kryeministrit, si rruga e duhur drejt shpërbërjes së Kuvendit dhe shkuarjes në zgjedhje të parakohshme. Dorëheqja, më pas shpërbërja dhe në fund data. Ky është rendi i gjërave”, thuhet në njoftim.

LDK-ja konsideron se, në këto ditë vendimtare, fokusi i institucioneve dhe i partive politike duhet të jetë te çështja e anëtarësimit të Kosovës në Këshillin e Evropës, proces të cilin, sipas këtij subjekti me papërgjegjshmërinë e tij, e ka rrezikuar rëndë vetë Kryeministri.

“LDK-ja e refuzon farsën e darkave si mbulesë të një uniteti politik që u përbuz kur u ofrua tash e tre vjet e gjysmë. LDK-ja thërret për një unitet të djathtë gjithëkombëtar, si lidhje përtejpartiake, si lëvizje shpëtimtare. Gjendja e tanishme, politike, ekonomike, diplomatike e sociale kërkon lidership të ri në Kosovë. Rëndesa ekonomike, pagat e ulëta, çmimet e larta, sistemi shëndetësor i rrënuar e arsimi i mbetur prapa, sikurse dhe ngecjet enorme integruese për në BE e anëtarësuese për në NATO, po shkaktojnë çdo ditë zbrazjen e Kosovës, me nga 173 qytetarë duke u larguar nga vendi ynë çdo ditë e secilën ditë”, thuhet tutje.

LDK-ja ka shtuar se nuk do të bëhet pjesë e asnjë marrëveshjeje të prearanzhuar prapa dyerve të mbyllura e darkave.

“LDK-ja fton të gjitha palët politike, që në këtë kohë, të kërkojnë dhe të punojnë vetëm në drejtim të dorëheqjes legale të Kryeministrit, sepse ajo faktike tashmë ka ndodhur”, përundon njoiftimi.

Me rastin e 76-vjetorit të Ditës së Pavarësisë së Izraelit, Shkëlqesia e Saj znj. Tamar Ziv, Ambasadore e Shtetit të Izraelit në Republikën e Kosovës, e ka falënderuar Kosovën për mbështetjen për Izraelin, veçanërisht marrë parasysh vështirësitë që po kalon vendi.

“Me rastin e 76-vjetorit të Pavarësisë së Izraelit, dua të falënderoj miqtë e mi nga të gjitha fushat e jetës në Kosovë për mbështetjen e tyre për Izraelin, veçanërisht në kohët e vështira që po kalojmë. Ju faleminderit! Hvala vam! #YomHaatzmaut #Israel76,” ka shkruar ambasadorja Ziv në platformën “X”.

On the occasion of the 76th anniversary of #Israel's 🇮🇱 Independence , I want to thank my friends from all walks of life in #Kosova 🇽🇰 for their support for Israel, especially in the difficult times we have been going through. Ju faleminderit! Hvala vam!#YomHaatzmaut #Israel76 https://t.co/h5pWHTFq1t

— Tammy Ziv 🇮🇱 (@AmbTammyZiv) May 14, 2024

Presidentja e Republikës së Kosovës, Vjosa Osmani ka deklaruar se Serbinë kohët e fundit po dëshmohet se është një përfaqësues shumë besnik rus që po përpiqet të luajë sipas skemës së Putinit duke destabilizuar Ballkanin Perëndimor dhe nga ana tjetër të hapë një front të ri kundër Perëndimit.

Osmani në Samitin e Kopenhagës për Demokraci, i cili është mbajtur sot në Mbretërinë e Danimarkës, e në të cilin ajo diskutoi mbi përpjekjet e Kosovës për mbrojtjen dhe forcimin e demokracisë, si dhe për rëndësinë e integrimit të Kosovës dhe të vendeve tjera aspiruese në institucionet euroatlantike në dritë të zhvillimeve gjeopolitike.

Osmani i tha të pranishmëve se vendosmëria jonë për të mbrojtur lirinë mbetet e palëkundur, por sedemokracia nuk është dhe nuk mund të jetë një përpjekje e pavarur, por kërkon aleanca.

“Prandaj për Kosovën e ardhmja në familjen Euroatlantike është realiteti që do të forcojë demokracinë dhe sigurinë në vend, në rajonin tonë, dhe më gjerë. Duke hapur dyert e këtyre aleancave për vendin tim, ju fitoni një partner të palëkundur, një partner që nuk e merr kurrë si të mirëqenë demokracinë dhe lirinë dhe është i gatshëm të paguajë çdo çmim për t’i mbrojtur ato. Në këtë përpjekje, ne nuk kërkojmë rrugë të shkurtra. Ne kemi bërë hapa të mëdhenj nga forcimi i qeverisjes demokratike deri te luftimi i korrupsionit dhe mbrojtja e shtetit ligjor. Republika e Kosovës me të vërtetë është shndërruar në një reformatore kryesore. Në historinë tonë, ne kurrë nuk kemi sulmuar asnjë vend tjetër. As edhe një herë”, tha ajo.

Sipas saj, paqartësia rreth rrugës së Kosovës drejt integrimit euroatlantik krijon një zbrazëti shumë të rrezikshme e cila shtron terren për Rusinë dhe përfaqësuesit e saj për të minuar të gjitha arritjet tona kolektive.

“Kosova kufizohet me Serbinë, një vend që jo vetëm kohët e fundit, por veçanërisht kohët e fundit po dëshmohet se është një përfaqësues shumë besnik rus që po përpiqet të luajë sipas skemës së Putinit duke destabilizuar Ballkanin Perëndimor dhe nga ana tjetër të hapë një front të ri kundër Perëndimit. Sepse padyshim ky efekt i përhapur përmes të cilit Rusia do të arrinte të largonte vëmendjen e Perëndimit nga Ukraina, është pikërisht ajo që do t’i duhej në këtë pikë. Prandaj, puna që po bëjmë së bashku me aleatët tanë, sepse siç e dini, ne kemi një prani të NATO-s në Kosovë për t’u siguruar që Kosova të mbetet e sigurt, paqësore dhe stabile është absolutisht diçka që po bëjmë 24/7, dhe ne kemi rritur bashkëpunimin dhe koordinimin me aleatët tanë për t’u siguruar që çdo synim destabilizues në kufirin verior të Kosovës të realizohet me sukses. Vitin e kaluar, ne kemi pasur një sulm të tillë. Ishte një sulm paraushtarak i Serbisë, por ne ia dolëm menjëherë ta mposhtim atë pavarësisht nga përmasat e tij, sepse punuam së bashku me aleatët tanë. Por kjo nuk do të thotë se ata nuk do të provojnë më në të ardhmen, çfarë do të thotë se ne do të kemi sukses dhe do t’i ndalojmë në orët e para të mundshme”, tha ajo.

Osmani shtoi se është jashtëzakonisht e rëndësishme që vendet e Ballkanit Perëndimor që përmbushin kriteret të ecin shpejt përpara me një agjendë të fuqishme të integrimit euroatlantik.

“Ne kemi aplikuar për anëtarësim në Bashkimin Evropian por aplikimi nuk është shqyrtuar ende, i cili është një mesazh shumë i vështirë për t’u gëlltitur për njerëzit e Ballkanit Perëndimor, sepse Kosova tani së bashku me disa vende të tjera në rajonin tonë është në një linjë të 100-të me të gjithë Bashkimin Evropian, vendimet e politikës së përbashkët të sigurisë dhe mbrojtjes, ne kemi miratuar sanksione kundër Rusisë, e para në rajon që e bëri këtë kundër Iranit, dhe natyrisht, jo vetëm politikën e sanksioneve, por politikën ekonomike, reformat e sundimit të ligjit dhe çdo reformë tjetër që Bashkimi Evropian ka kërkuar nga ne, ne e kemi ndërmarrë, dhe një garë shumë të shpejtë të veçantë në tre vitet e fundit. Dhe përkundër gjithë kësaj, ne nuk e shohim që Bashkimi Evropian t’i tregojë popullit të Kosovës, të paktën se ka shpresë se ka një rrugë të qartë. …Kosova deri më tani ka qenë krejtësisht e lirë nga ndikimi keqdashës nga Rusia dhe Kina dhe ku i vetmi vend shembull që nuk është pjesë e iniciativës së Kinës…Kështu që unë mendoj se Bashkimi Evropian është duke ofruar në kuptimin që të sigurohet që Kosova të marrë një status kandidat është rruga përpara dhe të sigurohet që të gjashtë vendet e Ballkanit Perëndimor të ecin drejt asaj që mendoj se është rruga e vetme për një Evropë të tërë, të lirë dhe në paqe”, tha ajo.

Përndryshe, përgjatë vizitës në Mbretërinë e Danimarkës, presidentja Vjosa Osmani do të zhvillojë takime me liderë shtetëror por edhe do ta takojë edhe mërgatën shqiptare në këtë shtet. /kp