Një ngjarje tronditëse e raportuar në media si dhunim dhe grabitje në Gjilan ka rezultuar të jetë një inskenim. Prokuroria Themelore në Gjilan e ka konfirmuar për ATV-në se incidenti që përfshinte një grua dhe djalin e saj ishte i rremë.
Ngjarja fillimisht u raportua se kishte ndodhur natën mes të premtes dhe të shtunës, kur dy persona të maskuar supozohet se kishin sulmuar gruan dhe djalin e saj, duke kryer tri vepra penale: dhunim, grabitje dhe lëndim trupor. Sipas raportit fillestar, të maskuarit i kishin marrë viktimës stoli ari dhe një shumë parash.
“Prokuroria Themelore në Gjilan, ju njofton se në koordinim të plotë me Policinë e Kosovës – Drejtorinë Rajonale në Gjilan, pas hetimeve intensive ka ndaluar të dyshuarën N.R., për shkak të veprës penale ‘’Lajmërimi apo kallëzimi i rremë’’, të Kodit Penal të Republikës së Kosovës. E dyshuara e lartshënuar më datë 25 Maj 2024, rreth orës 00:56, ka raportuar se derisa kishte qenë duke ecur tek varrezat e qytetit në Gjilan së bashku me djalin e saj, ishte ndaluar nga dy persona të maskuar, të cilët nën kërcenim e kishin tërhequr brenda rrethojës së varrezave, ku pastaj sipas saj e kishin dhunuar seksualisht dhe ia kishin grabitur me forcë stolitë e arit. Prokuroria Themelore në Gjilan, në koordinim të plotë me Njësinë e Hetimeve Rajonale në Gjilan, me qëllim të zbardhjes së këtij rasti kanë ndërmarrë veprime intensive hetimore, ku bazuar në provat e marra, deklarimet e palëve të përfshira në rast, raportet mjekësore nga Instituti i Mjekësisë Ligjore, analizimit të shumë materialeve me video-incizime janë siguruar dëshmi se gjithë ngjarja ka qenë një inskenim dhe e njëjta ka raportuar rrejshëm me rastin e lajmërimit të saj në polici”, i tha Prokuroria ATV-së.
Me urdhër të prokurorit e dyshuara gjendet në ndalim 48 orësh dhe ndaj të njëjtës brenda afatit ligjor do të vendoset rreth masës për sigurimin e pranisë në procedurë penale.
Ditën e raportimit, një qytetar tha se në 50 vitet që jeton në atë lagje, nuk kishte dëgjuar kurrë për raste të tilla.
Po ashtu, edhe drejtori i spitalit rajonal të Gjilanit, Arsim Emini, kishte raportuar për plagët fizike dhe gjendjen e rëndë emocionale të viktimave. Gruaja kishte shenja gjakderdhjeje dhe gërvishtje në kofshë, ndërsa djali kishte marrë trajtim mjekësor për gërvishtje dhe hematoma.
Kjo ngjarje ka ngritur pikëpyetje të mëdha mbi motivet pas inskenimit dhe do të vijojë të hetohet më tej nga autoritetet përkatëse. /atvlive.tv
Kryeministri i Republikës së Kosovës, Albin Kurti, mori pjesë në koncertin “Melodia e Lirisë”, që është e pjesë e përkujtimeve që gjatë këtij viti po zhvillohen në jubileun e çlirimit nga pushtimi nazifashistë, të organizuar nga Ambasada e Republikës së Shqipërisë në Kosovë, nën interpretimin e Orkestrës Frymore e Forcave të Armatosura të Republikës së Shqipërisë.
Në prani të shumë të ftuarve në këtë koncert, kryeministri Kurti, theksoi se fashizmi, në të gjitha variantet e tij, ishte një e keqe e madhe, e keqja absolute që i kundërvihej humanizmit dhe iluminizmit, që ishin pjesa më e vyer e trashëgimisë kulturore evropiane. Ai tha se pushtimi fashist i Evropës ishte një sprovë për vlerat themelore të qytetërimit si i tillë.
Në fjalën e tij, kryeministri Kurti kujtoi ndihmën e popullit shqiptar për të strehuar dhe mbrojtur ata hebrenj që përndiqeshin në vende të tjera dhe nuk i dorëzoi te pushtuesi, duke theksuar po ashtu se populli shqiptar dha ndihmesën e tij në luftën me armë në dorë kundër nazifashizmit.
“Të rënët shqiptarë në Luftën e Spanjës, Mujo Ulqinaku qysh në vitin 1939, të zhdukurit shqiptarë në kampet e shfarosjes e deri tek ata që ranë në Sanxhak e në Bosnje në vitin 1945 duke ndjekur këmba këmbës nazistët, janë dëshmorët tanë, pra ata që dëshmojnë më së miri rreshtimin tonë kundër fashizmit. Ata nuk janë harruar dhe ne i kujtojmë gjithnjë”, tha ai.
Kryeministri Kurti tha se ndihet krenar që Kosova është rreshtuar me shtetet që po ndihmojnë përpjekjen për liri të popullit ukrainas, nga një tjetër fashizëm, por gjithsesi fashizëm, nga fashizmi rus e që ka lidhje të shumta e ndikim të fuqishëm edhe në rajonin tonë, në fqinjësinë tonë.
Në fund të fjalës, ai shprehu përkushtimin e qeverisë që drejton për marrëdhënie sa më të ngushta e vëllazërore me Republikën e Shqipërisë.
“Qeveritë dhe institucionet e tjera publike të dy shteteve tona e kanë detyrë të bashkëpunojnë sa më ngushtë për interesin e kombit shqiptar dhe në frymën e integrimeve mbarevropiane”, tha kryeministri.
Përfaqësuesi i lartë i BE-së për çështjet e jashtme dhe politikën e sigurisë, Josep Borrell, tha se Evropa po përballet me dy “luftëra brutale” pranë kufijve të saj dhe shumë tensione që mund të dalin lehtësisht jashtë kontrollit.
Borrell, duke folur të mërkurën në fund të Forumit të Sigurisë dhe Mbrojtjes së Schuman në Bruksel, paralajmëroi se disa nga këto kriza mund të përshkallëzohen në një konfrontim të madh global “në një kohë kur bota është bërë multipolare dhe sistemi shumëpalësh që supozohet të ruajtja e paqes është dobësuar thellësisht”.
“Ne evropianët po përballemi me dy luftëra brutale pranë kufijve tanë dhe me shumë tensione që mund të dalin lehtësisht jashtë kontrollit – në Libi, në Sahel, në Ballkanin Perëndimor, në Kaukaz, në Sudan, në Bririn e Afrikës, në kufijtë (Demokratike) të Kongos, në Gji, në Detin e Kinës Jugore, në Azinë Jugore, (dhe) bandat dhe kartelet e drogës në Amerikën Latine dhe Amerikën Qendrore”, tha Borrell.
Ai shtoi se edhe institucionet që janë thelbi i sistemit të Kombeve të Bashkuara, si Gjykata Ndërkombëtare e Drejtësisë (ICJ), mund të dobësohen.
“Nëse vendimet e Gjykatës Ndërkombëtare të Drejtësisë nuk respektohen, bota do të jetë në një situatë shumë më të keqe”. Dhe herën tjetër, ne nuk do të apelojmë përsëri në Gjykatën Ndërkombëtare të Drejtësisë nëse këtë herë vendimi i saj nuk zbatohet – dhe nuk u zbatua. Nuk është”, theksoi Borrell.
Ai shtoi se e di se “gjeografia është e rëndësishme” dhe se “luftërat që janë afër nesh janë më të rëndësishme se luftërat që janë larg”.
“Por të gjitha janë të ndërlidhura. Çdo luftë, çdo krizë kudo prek çdo vend tjetër në botë”, tha Borrell dhe shtoi se të mirat publike janë në rrezik, nga çmimet e energjisë deri te liria e lundrimit.
Ai vlerësoi se Forumi i Sigurisë dhe Mbrojtjes së Schumanit ishte një takim i domosdoshëm dhe i rëndësishëm.
“Është hapi i dytë në drejtim të angazhimit të evropianëve me pjesën tjetër të botës dhe me pjesën tjetër të botës me ne,” tha Borrell.
Dje u mbajt në Bruksel Forumi i dytë Schuman për Sigurinë dhe Mbrojtjen, ku aktorë politikë, vendimmarrës të rangut të lartë, përfaqësues ushtarakë të vendeve anëtare të BE-së dhe më shumë se 60 vendeve partnere, përfshirë Serbinë, si dhe përfaqësues ndërkombëtarë dhe rajonalë. u mblodhën organizatat, organizatat udhëheqëse të think-tank-it dhe komunitetet akademike.
Qëllimi i forumit ishte të hidhte dritë mbi mënyrën se si partneritetet aktuale dhe potenciale të paqes, sigurisë dhe mbrojtjes mund t’i përgjigjen kërcënimeve dhe sfidave më urgjente të sigurisë dhe të kontribuojnë në paqen dhe sigurinë globale, si dhe të mbështesin rendin ndërkombëtar dhe multilateralizmin e bazuar në rregulla.
Zëdhënësi i Dhomave të Specializuara të Kosovës në Hagë, Michael Doyle, ka thënë për Ekonomia Online se ish-krerët e UÇK-së që po gjykohen në Hagë, nuk mund të gjykohen në liri për shkak të rrezikut të arratisjes e pengimit të dëshmitarëve.
Duke folur specifikisht për kërkesën e ish-kryetarit të PDK-së, Kadri Veseli, për gjykim në liri, Doyle ka thënë se ekziston rreziku që i akuzuari mund të “kryejë krime tjera”.
Ndërsa sa i përket zgjatjes së këtij procesi gjyqësor, Doyle është arsyetuar se afati është deri në prill të vitit të ardhshëm.
“Unë nuk do të doja të jepja një vlerësim nëse procesi i Gjykatës është duke shkuar ngadalë, por ajo çka ne e dimë është qe rastet vazhdojnë tash e 13muaj dhe përgjatë këtyre 13 muajve, Paneli Gjykues po ripërsërit kërkesën e tyre drejt palëve duke u kërkuar atyre te mbajnë konferenca, të përshtatin dhe të iniciojnë ligje të reja të cilat për qellim kanë një gjykim jo vetëm me të drejt dhe me të saktë por edhe një gjykim sa më të shpejt të mundshëm. Prokuroria më herët ka dhënë një afat deri ne prill të vitit 2025 për prezantimin e rastit të tyre dhe gjykatësit kanë ndërmarrë hapa së bashku me palët se si të vazhdojnë sa më shpejt të mundën”, ka thënë Doyle.
Zëdhënësi i DhSK-së nuk është fort optimist se ky proces do të përfundojë në vitin 2025, por që kanë kërkuar përshpejtim në marrjen në pyetje të dëshmitarëve.
“Nuk do te doja të spekuloja rreth kësaj por ajo çka kemi dëgjuar se fundmi gjatë kësaj jave në sallën e gjyqit, kemi dëgjuar gjykatësit duke pyetur nëse dhe si po planifikojnë te përfundojnë rastin e tyre përgjatë këtij afati dhe kemi dëgjuar prokurorinë duke thënë se ende janë duke punuar drejt afatit të dhënë për prill të vitit 2024 por ata gjithashtu kane thënë se kanë kërkuar reduktimin dhe përshpejtimin në ecjen e dëshmive”, u shpreh ai.
Sa i përket kërkesës së ish-kryeparlamentarit Kadri Veseli që të gjykohet në liri, Doyle ka thënë se trupi gjykues e ka parë të arsyeshme ta refuzojë për shkak të pengimit të drejtësisë.
“Trupi gjykues çdo dy muaj duhet të vlerësojnë nëse arsyet justifikojnë dënimin e të akuzuarit ato duhet te vlerësojnë nëse ekziston rreziku se personi do të arratiset, nëse do te pengojnë drejtësinë ose rrezikojnë që i akuzuari të bëjë krime tjera, të gjitha këto rishikime bëhen çdo dy muaj. Deri tani trupi gjykues ka konstatuar se ekziston rreziku i pengimit te vazhdimësisë dhe mundësisë për krime tjera. Ka pasur indikacione, të dhëna qe disa gjera janë komunikuar në dhomën e dënimit për dëshmitarë të mbrojtur dhe deri me tani gjykatësit thonë se rreziku që i akuzuari mund të pengoj procesin dhe te kryej krime tjera”, theksoi ai.
I pyetur nëse gjatë këtij procesi ka prani të dëshmive nga pala serbe, Doyle është arsyetuar se Prokuroria e Gjykata janë të ndara. Ai ka thënë se është Prokuroria ajo që mundohet t’i gjejë provat dhe ta bind gjykatën për një proces të tillë.
“Mënyre se si provat dhe dëshmitë funksionojnë është që Prokuroria që është e pavarur nga Gjykata është neutrale. Prokuroria heton dhe mundohet të gjejë fajtorin, mbrojtja mundohet të tregoj që prokuroria nuk ka paraqitur si duhet provat dhe gjykata është ne mes andaj ajo gjykon vetëm nëse provat janë te vlefshme autentike relevante për rastin por është prokuroria ajo qe sjellë provat në Gjykatë”, u shpreh ai.
Numri i rasteve të dhunës në familje në vendin tonë ka marrë përmasa shqetësuese. Çdo ditë raportohen raste ku viktima zakonisht janë gratë dhe vajzat që përjetojnë dhune psikike e fizike nga bashkëshortët e tyre dhe anëtarët tjerë të familjes, raporton Gazeta Sinjali.
Një rast i tillë ka ndodhur dje në një familje në Shtime, ku një 43-vjeçar po dyshohet se ka ushtruar dhunë ndaj bashkëshortes së tij.
Sinjali mëson se rasti ka ndodhur në shtëpinë e tyre, kur pas një debati verbal, i dyshuari ka ushtruar dhunë fizike dhe psikike ndaj gruas, duke i shkaktuar lëndime trupore, por edhe shqetësim e frikë.
Përballë kësaj situate, viktima e ka denoncuar rastin në Polici, ku ka rrëfyer detajet e asaj që kishte ndodhur.
Si rezultat i raportimit, i dyshuari është arrestuar dhe është shoqëruar në stacion policor për intervistim.
Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit dhe të iniciohet rasti nën dyshimet për kryerjen e veprës penale ‘Dhunë në familje’.
Presidentja e Kosovës, Vjosa Osmani ka shkruar për sulmet e 29 majit ndaj ushtarëve të NATO-s në veri të Kosovës, ku u plagosën 93 ushtarë.
Osmani tha se ende vrapojnë të lirë nëpër Serbi autorët e grupeve kriminale dhe krerët e bandës.
“Dje u bë një vit nga sulmet e 29 majit ndaj ushtarëve të NATO-s në veri të Kosovës. Siç dëshmohet qartë nga pamjet video dhe hetimet kriminale të kryera nga agjencitë e zbatimit të ligjit, 93 ushtarë u plagosën, disa me lëndime të rënda, përmes sulmeve nga grupet e krimit të organizuar serbë me urdhra të qarta politike nga regjimi i Vuçiqit dhe krerët e bandës së tij. Autorët, të cilët ende vrapojnë të lirë nëpër Serbi dhe të mbrojtur nga regjimi i Vuçiqit, duhet të mbajnë përgjegjësi!’, ka shkruar presidentja në platformë “X”.
Yesterday marked one year since the May 29th attacks on NATO soldiers in the north of Kosovo.
As clearly proven by video footage and criminal investigation conducted by law enforcement agencies, 93 soldiers were injured, some with life-altering injuries, through attacks by Serb… pic.twitter.com/IxgC3K1bSs
Kompania për Distribuimin e Energjisë Elektrike në Kosovë (KEDS) njofton se sot do të kryhen punime të domosdoshme për siguri të sistemit energjetik dhe nga palë të treta.
Si rezultat, në disa lokalitete do të ketë ndërprerje të rrymës.
Ky është orari sipas rajoneve:
Prishtinë
1.
NS 220/35/10[kV] Podujeva
Nga Dalja 10[kV] Fshatrat 2 do të ndërprehet:
NS 10/0.4[kV] Shakovicë shkolla 1 (kodi: 14000010098 ) prej orës 10:30 deri në ora 15:00
Vendet: Koliq, Ballaban dhe Nishevc.
Arsyeja: Ndërprerje për shkaqe sigurie, shtirja e kabllos ABC 0.4 kV.
1.
Nga TS 220/35/10(20)[kV] Podujeva do të ndërprehet:
Dalja 10kV Llausha (kodi: 14000013) nga ora 10:00 deri 13:00
Vendet: Dumnicë, Llaushë, Doberdol, Zakut, Kërpimeh, Metehi, Repë, Tashevc, Pollatë, Dvorishtë, Arsyeja: punët që duhet te kryhen sipas pëlqimit elektro-energjetik dhe projektit të aprovuar, si dhe rekomandimeve nga komisioni i pranimeve teknike.
2.
Nga TS 110/35/10kV Palaj do të ndërprehet:
Dalja 10kV Qyteti (Obiliq) (kodi: 18024002) nga ora 11:00 deri 15:00
Vendet: qyteti i Obiliq (një pjesë), Mazgit i Epërm dhe i Ulët, rr. Magjistrale Prishtinë – Mitrovicë, Subotiqi dhe Kijaci.
Arsyeja: Punët që duhet të kryhen sipas pëlqimit elektro-energjetik dhe projektit te aprovuar, si dhe rekomandimeve nga komisioni i pranimeve teknike.
Prizren
1.
Nga TS 110/35/10 kV Theranda do të ndërprehet:
Dalja 10kV Rr.Reqanit (kodi: 32000005) në dy termine nga ora 08:00 deri 09:00 dhe nga ora 16:00 deri 17:00.
Vendet: pjesët periferike të Therandës (rr.Reqani); Banesat e Benafit, Banesat e Inxhinieringut, Banesat te Viva, lagjja Hoxha I dhe II.
Arsyeja: Projekte investive, punime në rrjet projekte investive.
2.
Nga TS 110/35/10 kV Theranda do të ndërprehet:
Dalja 10 kV Reshtani (kodi: 32000017) nga ora 08:30 deri 09:00
Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve, dhe pastrimi i trasesë.
Punime në projekte investive
1.
Nga TS 110/35/10kV Ferizaj 1 do të ndërprehet:
Dalja 10 kV Fshatrat (kodi: 40000002) në dy termine nga ora 09:00 deri 09:30 dhe nga ora 17:00 deri 18:00
Vendet: Fshati i Vjetër, Dardania, Sojeva, Mirosala, Bibaj dhe Zllatari.
Arsyeja: Krijimi i kushteve të punës pa tension, largimi i STM.
2.
Nga TS 110/35/10kV Ferizaj 1 do të ndërprehet:
TS Zllatar (Ismajli)- (kodi: 40000002162) nga ora 09:00 deri në ora 18:00
Vendet: TS Zllatar (Ismajli).
Arsyeja: Projekte investive, montimi i ormanit në TS Zllatar Ismajli – Lot 7 Ferizaj.
3.
Nga NS 35/10 kV Shtime
LP 10kV Koshare në stabiliment tek Faton Sadiku do të ndërprehet:
TS N.T.P. “INTERCON” (kodi: 41046005150) nga ora 09:00 deri në ora 17:00
TS Dremjak – Malok (kodi: 41046005144) nga ora 09:00 deri në ora 17:00
TS Dremjak – Bakraktart (kodi: 41046005145) nga ora 09:00 deri në ora 17:00
TS Dremjak – shkolla (kodi: 41046005146) nga ora 09:00 deri në ora 17:00
TS Dremjak – Dani (kodi: 41046005147) nga ora 09:00 deri në ora 17:00
TS-Dramjak (Lagjja e Muhaxherëve) (kodi: 41046005207) nga ora 09:00 deri në ora 17:00
TS Dremjak – Pompat e ujit (kodi: 41046005219) nga ora 09:00 deri në ora 17:00
TS-Dramjak (Lagjja Shahini) (kodi: 41046005224) nga ora 09:00 deri në ora 17:00
TS GREENCHILD L.L.C. (kodi: 41046005272) nga ora 09:00 deri në ora 17:00
Vendet: fshatrat Dramjak dhe Lloshkobare, nga një pjesë.
Arsyeja: Projekte investive, vendosja e transformatorit dhe ormanit të tensionit të ulët në LOT 8 (2022) Dremjak Dani.
Mitrovicë
1.
Nga TS 110/10 kV Mitrovica do të ndërprehet:
Dalja 10 kV Ujësjellësi i Vjetër (kodi: 70000010) nga ora 10:00 deri 15:00
Vendet: Qendra e qytetit.
Arsyeja: Mirëmbajtje preventive, vendosja e shtyllave 10 [kV].
2.
Nga TS 110/10(20) kV Skenderaj do të ndërprehet:
Dalja 10kV Tërrnavci (kodi: 74000012) nga ora 10:30 deri 14:30
Vendet: Klinë e Mesme, Klinë e Epërme, Kline e Ulët, Tërnavc dhe Kuçicë.
Arsyeja: Mirëmbajtje preventive, pastrimi i trafove kontrollimi për vaj.
Punime nga palët e treta
1.
Nga TS 220/35/10(20)[kV] Podujeva do të ndërprehet:
Dalja 10kV Llausha (kodi: 14000013) nga ora 10:00 deri 13:00
Vendet: Dumnicë, Llaushë, Doberdol, Zakut, Kërpimeh, Metehi, Repë, Tashevc, Pollatë, Dvorishtë, Arsyeja: punët që duhet te kryhen sipas pëlqimit elektro-energjetik dhe projektit të aprovuar, si dhe rekomandimeve nga komisioni i pranimeve teknike.
2.
Nga TS 110/35/10kV Palaj do të ndërprehet:
Dalja 10kV Qyteti (Obiliq) (kodi: 18024002) nga ora 11:00 deri 15:00
Vendet: qyteti i Obiliq (një pjesë), Mazgit i Epërm dhe i Ulët, rr. Magjistrale Prishtinë – Mitrovicë, Subotiqi dhe Kijaci.
Arsyeja: Punët që duhet të kryhen sipas pëlqimit elektro-energjetik dhe projektit te aprovuar, si dhe rekomandimeve nga komisioni i pranimeve teknike.
Gjakovë
1.
Nga TS 110/35/10 kV Rahoveci do të ndërprehet:
Dalja 10kV Qyteti II (kodi: 82000004) nga ora 10:00 deri 14:00
Vendet: rr.409 Sylejman Vokshi, rr.486 Xhelal Hajda-Toni, rr.487 UÇK-së, rr.488 Mizair Isma, rr.489 Avdullah Bugari, rr.490 Gëzim Hamza-Piktori, rr.491 Vëllezrit Frashëri, Rr.492 Agom Çelaj, rr.493 Hasan Prishtina, rr.494 Bekim Sylka, rr.496 Mexhit Mustafa, rr.497 Shkelzen Krasniqi, Rr.500 28 Nëntori, rr.502 Sylejman Vokshi, rr.510 Bujar Thaqi, rr.512 Ali Sokoli, rr.513 Sheh Hilmi Maliqi, rr.514 Bajram Veliu, rr.516 Vëllezrit Frashëri, rr.525 Kuvendi i Manastirit, rr.526 Rifat Dina, rr.527 Sabit Shabandula, rr.528 Fitim e Enver Duraku, rr.529 Ramiz e Xhevdet Krasniqi, rr.530 Agim Kelmendi, rr.531 Selim Berisha, rr.532 Bekim Isma, rr.533 Sakip Bellaga, rr.534 Viktimat e Korrikut, rr.535 Prof.Hamdi Berisha, rr.540 Jeton e Besim Kabashi, rr.541 Dëshmorët e Zatriqit, rr.542 Musë Rahoveci, rr.544 Shkelzen e Luan Krasniqi, rr.545 Ismail e Besim Gashi, rr.546 Fahredin Hoxha, rr.547 Tafil Zyberi, rr.548 Mark Sopjani, rr.554 Viljam Voker, rr.555 Shkelzen Zllanoga, rr.557 Bedri Berisha, rr.558 Jahë Hoti, rr.608 Hamdi Berisha dhe rr.Luftëtari.
Arsyeja: Mirëmbajtje preventive, montimi i ndërprerësit 0.4kVA në TS Rahoveci XV 82000004009 dhe verifikimi për vaj.
Gjilan
1.
NS 110/10kV Kamenica do të ndërprehet:
Dalja 10 [kV] Berivojcë (kodi: 62000003) nga ora 10:00 deri 14:00
Vendet: fshatrat: Berivojcë (një pjesë) dhe Ruboc.
Arsyeja: Mirëmbajtje preventive, ndërrim i shtyllave të tensionit të mesëm dhe kalimi i rrjetit nga shtylla e vjetër në shtyllën e re.
2.
Nga NS 110/35/10[kV] Gjilani 1 do të ndërprehet:
Dalja 10[kV] Industriali i ri (kodi: 60062018) prej orës 10:30 deri në ora 14:00
E njohur për përkushtimin e saj ndaj cilësisë, Korporata Rugove, së fundmi ka lansuar në treg tri produkte të reja nga fabrika e sapondërtuar e Qumështores Rugove me standardet më të larta evropiane.
Produktet e qumështit kanë qenë gjithmonë pjesë e kulturës së ushqimit në sofrat tona, teksa Korporata Rugove në vitin 2009 krijoi një central prodhimi të djathit pranë atij të ujit në Drelaj dhe lansoi në treg djathin e bardhë, i cili është shumë popullor në Kosovë dhe ka konsumim të lartë.
Me ndërtimin e fabrikës së re në Sigë të Pejës, Qumështorja Rugove ka shtuar kapacitetet e saja të prodhimit dhe tashmë ka lansuar në treg tri produkte të reja 100% natyrale nga qumështi i freskët që mblidhet në malet e Rugovës.
Qumështi i Freskët me afat 9 ditësh nga data e prodhimit, Jogurti dhe Ajrani i freskët, janë produktet e reja që tashmë janë shtuar në gamën e produkteve të Korporatës Rugove.
Qumështi i Freskët Rugove
Produkti më i veçantë që është lansuar në treg nga Qumështorja Rugove është qumështi i freskët. Ky qumësht është i përshtatshëm për konsum direkt, pasi që nuk ka fare nevojë të vlohet sepse nuk i humbasin vlerat ushqyese. Është njësoj si të marrësh qumësht direkt nga ferma çdo mëngjes. Pas hapjes duhet të ruhet në frigorifer dhe të konsumohet brenda 2 ditëve.
Qumështi i freskët Rugove nga fermat vendase është shumë i përshtatshëm dhe i dobishëm për shumicën e grupmoshave plus 1 vjeç. Ndërkaq, nuk rekomandohet për moshën 0 deri 12 muaj, për personat me alergji ndaj proteinës, dhe personat intolerant ndaj laktozës.
E veçanta e qumështit të freskët Rugove është ruajtja e nutrienteve, vitaminave dhe mineraleve. Gjithashtu është burim i shkëlqyer i kalciumit, proteinave me cilësi të lartë, dhe acideve yndyrore të cilat ndihmojnë në përmirsimin e shëndetit dhe mirëqënies.
Jogurt i freskët Rugove
Ky jogurt siguron një sasi mbresëlënëse proteinash, minerale, dhe vitamina. I njohur për përmbajtjen e madhe të kalciumit, ai është i domosdoshëm për dhëmb dhe kocka sa më të shëndetshme.
Vlerat e larta ushqyese në përbërësit e tij natyrorë ju japin energji jetësore dhe përfitime në shëndetin tuaj duke e bërë kështu zgjedhjen e duhur e të gjithë atyre që duan të ndjehen mire gjatë tërë ditës.
Ajran i freskët Rugove
Produkti tjetër i mrekullueshëm dhe i domosdoshëm në tryezat tuaja është Ajrani Rugove. Përzierja e ujit me jogurtin krijon një teksturë të butë dhe të lëngshme e cila është e lehtë për t’u konsumuar. Ajo ka poashtu edhe shumë përfitime shëndetësore, njëra ndër to është që probiotiket në ajran ndihmojnë në përmirsimin e tretjes dhe parandalimin e problemve të zorreve.
Produktet e reja nga Qumështorja Rugove tregojnë përkushtimin e kompanisë për të krijuar produkte qumështi që nuk janë vetëm të shijshme, por edhe ushqyese. Nga qumështi i freskët tek jogurti dhe ajrani freskues, produktet e reja të Rugove do të bëhen elemente kryesore në familjet që kërkojnë opsione të shijshme, të shëndetshme dhe freskuese të qumështit.
Të gjitha këto produkte tani i keni të disponueshme në çdo market!
Forcat izraelite kanë marrë nën kontroll një zonë neutrale përgjatë kufirit mes Gazës dhe Egjiptit, tha të mërkurën ushtria e Izraelit, duke i dhënë këtij vendi autoritet praktik në tërë kufirin tokësor të enklavës palestineze.
Izraeli gjithashtu i vazhdoi bastisjet vdekjeprurëse në qytetin Rafah pavarësisht nga një urdhër i Gjykatës Ndërkombëtare të Drejtësisë për t’u dhënë fund sulmeve atje, ku gjysma e popullsisë së Gazës ishte strehuar më parë, raporton agjencia “Reuters”.
Përmes një konference të transmetuar në televizion, zëdhënësi kryesor i ushtrisë izraelite, Daniel Hagari, tha se forcat izraelite e kishin marrë kontrollin “operacional” në “Korridorin Filadelfi”, duke e përdorur emrin e koduar të ushtrisë izraelite për korridorin 14-kilometërsh përgjatë kufirit të vetëm të Rripit të Gazës me Egjiptin.
Hagari nuk tregoi se çfarë kontrolli “operacional” po i referohej, por një oficer ushtarak izraelit më herët tha se kishte “çizme [izraelite] në tokë” përgjatë disa pjesëve të korridorit.
Kufiri i Gazës me Egjiptin ishte i vetmi kufi tokësor që Izraeli nuk e kontrollonte drejtpërdrejt.
Më herët të mërkurën, Izraeli dërgoi tanke gjatë bastisjeve në Rafah. Ato ishin vendosur në “zemër” të qytetit për herë të parë të martën pavarësisht nga urdhri i gjykatës më të lartë të OKB-së për t’i ndalur menjëherë sulmet në atë vendbanim.
Banorët e Rafahut thanë se tanket izraelite ishin futur në Tel Al-Sultan, në perëndim, dhe në Yibna e afër Shaboura-s, në qendër të qytetit, para se të tërhiqeshin drejt një zone neutrale në kufirin me Egjiptin.
Zyrtarët shëndetësorë palestinezë thanë se 19 civilë ishin vrarë nga sulmet ajrore dhe bombardimet izraelite në mbarë Gazën.
Ministri palestinez i Shëndetësisë, Majed Abu Raman, u bëri thirrje Shteteve të Bashkuara që t’i bëjnë trysni Izraelit për ta hapur pikëkalimin kufitar në Rafah për futjen e ndihmave, duke thënë se nuk ka shenja se autoritetet izraelite do ta bëjnë këtë së shpejti dhe se pacientët në Gazën e rrethuar po vdisnin për shkak të mungesës së trajtimit.
