Category: Lajme

Gjykata Themelore në Prishtinë e ka dënuar me 15 muaj burgim dhe 12 mijë euro gjobë, Nenad Orloviç, i cili po akuzohej për sulm ndaj KFOR-it dhe Policisë së Kosovës afër objektit të Komunës së Zveçanit më 29 maj 2023.

Aktgjykimi në fjalë u shpall të hënë nga gjykatësja, Valbona Musliu-Selimaj, raporton “Betimi për Drejtësi”.

Për veprën penale “Sulm ndaj personit zyrtar”, i akuzuari Orloviç u dënua me 15 muaj burgim”, ndërsa për veprën penale “Pjesëmarrja në turmë që kryen vepër penale dhe huliganizëm” u dënua me 12 mijë euro gjobë.

“… dënim do të ekzekutohet menjëherë pas plotfuqishmërisë së këtij aktgjykimi, derisa koha e kaluar në masën e paraburgimit nga data 23 qershor 2023 do t’i llogaritet në dënimin e shqiptuar me burgim. Ndërsa, për veprën penale të kryer po ashtu në bashkëkryerje pjesëmarrje në turmë që kryen vepër penale dhe huliganizëm nga neni 404 paragrafi 1 lidhur me nenin 31 të Kodit penal të Republikës së Kosovës ia vërteton dënimin me burgim në kohëzgjatje 6 muaj po konform nenit 44 paragrafi 1 i Kodit Penal të Republikës së Kosovës. Me pëlqimin e të akuzuarit dënimi me burgim i zëvendësohet me dënimin me gjobë në shumë prej 12 mijë euro”, tha gjykatësja Musliu Selimaj.

Sipas aktgjykimit, dënimin me gjobë i akuzuari Orloviç duhet ta paguaj në afat prej 15 ditësh pas plotfuqishmërisë së këtij aktgjykimi. Në të kundërtën, dënimin me gjobë gjykata do t’ia zëvendësojë në dënim me burgim, duke ia llogaritur 20 euro për një ditë burgimi.

Gjykatësja Musliu-Selimaj bëri të ditur se me aktvendim të veçantë të akuzuarit Orloviç do t’i vazhdohet masa e paraburgimit deri në kohëzgjatje të dënimit.

Gjykata po ashtu i akuzuarin Orloviç e obligon që në emër të paushallit gjyqësor të paguaj shumën prej 100 euro si dhe 100 euro për kompensimin e viktimave të krimit.

Meqenëse palët kanë deklaruar se heqin dorë nga e drejta e ankesës aktgjykimi bëhet i plotfuqishëm menjëherë.

Ndryshe, në seancën e kaluar gjykata aprovuar marrëveshjen e pranimit të fajësisë mes Prokurorisë dhe të akuzuarit Orloviç.

Sipas aktakuzës së ngritur më 11 qershor 2024 thuhet se i akuzuari Orloviç më datë 29 maj 2023, në intervalin kohor duke filluar nga ora 06:00 e deri në orët e mbrëmjes, në perimetrin në të cilin gjendet objekti i Komunës së Zveçanit, në koordinim me shumë të pandehur të tjerë të nacionalitetit serb nga Kosova dhe Serbia, kanë marrë pjesë aktive në grupin e personave në kryerjen e veprave penale serioze, në atë mënyrë që përmes përdorimit të dhunës i kanë sulmuar dhe seriozisht i kanë kanosur ushtarët e misionit paqeruajtës të KFOR-it, duke përdorë mjete të forta, mjete shpërthyese të improvizuara si dhe armë të zjarrit, nga të cilat janë lënduar të paktën 30 (tridhjete) pjesëtarë të forcave paqeruajtëse të KFOR-it, 3 (tre) nga ta nga predhat e armëve të zjarrit, si dhe disa pjesëtarë të Policisë së Kosovës, të cilët kane qenë në detyre zyrtare për të garantuar rendin dhe qetësinë publike për të gjithë qytetarët në atë pjesë, nga të cilat veprime kanë rrezikuar seriozisht dhe trupin e këtyre personave zyrtare, e të cilëve edhe u kanë shkaktuar lëndime të rënda trupore.

Me këto veprime i akuzuari Orloviç në bashkëkryerje e ka kryer veprën penale “Sulmi ndaj personit zyrtar”, nga neni 402 par. 5 lidhur me par. 2 dhe 1, e lidhur me nenin 31 të KPRK-së.

Sipas dispozitivit të dytë të njëjtës aktakuzë thuhet se i akuzuari Orloviç në datën dhe kohën e njëjtë si më lartë në koordinim me shumë të pandehur të tjerë të nacionalitetit serb nga Kosova dhe Serbia, kanë marrë pjesë aktive në grupin përkatësisht turmën e personave me qëllim të kryerjes së veprave penale serioze, përmes përdorimit të dhunës kanë tentuar që të pengojnë vendosjen e rendit kushtetues të Republikës së Kosovës në komunat veriore të vendit, ashtu që edhe peërkundër urdhrave të ushtareve të misionit paqeruajtës të KFOR-it për shpërndarje të qetë të turmës dhe refuzim të hyrjes në objektin e komunës, të pandehurit kishin filluar që të ushtrojnë dhunë të pakontrolluar, me mjete të forta, mjete shpërthyese të improvizuara si dhe me armë zjarri, nga të cilat janë lënduar të paktën 30 (tridhjete) pjesëtarë të forcave paqeruajtëse të KFOR-it, 3 (tre) nga ta nga predhat e armëve të zjarrit, si dhe duke shkaktuar dëme materiale të konsiderueshme në automjetet e KFOR-it, Policisë së Kosovës, si dhe në veturat e gazetarëve të cilët kanë mbuluar ngjarjet e kësaj dite, të cilat përfshijnë djegien e plotë të disa automjeteve ose dëmtimin fizik në masë të madhe, duke shkaktuar rrezik në shkallë të gjerë për jetën dhe trupin e shumë njerëzve dhe pasurisë.

Me këto veprime i akuzuari Orloviç në bashkëkryerje e ka kryer veprën penale “Pjesëmarrja në turmë që kryen vepër penale dhe huliganizmi, nga neni 404 (par. 1) lidhur me nenin 31 të KPRK-së.

Shumica e italianëve e njohin nevojën për ndryshime të mëdha për të trajtuar krizën klimatike dhe janë në favor të taksave më të larta mbi të ardhurat dhe pasurinë e të pasurve për të ndihmuar në pagimin e tranzicionit ekologjik, sipas një studimi të ri ndërkombëtar.

Sondazhi Ipsos i 18 vendeve të G20-ës i porositur nga nisma Earth4All dhe Aleanca Global Commons zbuloi se, në Itali, 62% e njerëzve besojnë se bota ka nevojë për veprim në shkallë të gjerë klimatike këtë dekadë.

Për më tepër, 61% e italianëve mbështesin një taksë mbi pasurinë dhe 64% mbështesin taksa më të larta mbi të ardhurat për njerëzit e pasur.

Ekziston gjithashtu mbështetje e fortë për politikat që rishpërndajnë të ardhurat e mbledhura nga taksat e ndotjes, për shembull për emetimet e gazeve serrë, me 71% në favor.

Sondazhi tha gjithashtu se 63% e italianëve të anketuar mbështesin një sistem ekonomik që i jep përparësi mirëqenies së njerëzve dhe natyrës mbi fitimin dhe rritjen e pasurisë.

Një shumicë e madhe e italianëve besojnë se nevojitet një hap gjigant këtë dekadë për të adresuar urgjencën klimatike”, tha bashkëdrejtuesi i Earth4All, Owen Gaffney.

Megjithë ndryshimet e fundit politike, mbetet një mbështetje e fortë për reformat gjithëpërfshirëse për kujdestarinë planetare.

Italianët tregojnë mbështetje të fortë për reformat e drejta tatimore… duke nënvizuar angazhimin e qytetarëve për një tranzicion të drejtë.

“Ka një mandat të qartë për qeverisje të përgjegjshme dhe politika që sigurojnë një transformim të drejtë dhe të qëndrueshëm”.

Gjetjet mund të duken të habitshme duke pasur parasysh sukseset e fundit në kutinë e votimit të koalicionit qeverisës të Italisë të udhëhequr nga kryeministrja Giorgia Meloni dhe partia e saj e krahut të djathtë Vëllezërit e Italisë (FdI), duke përfshirë zgjedhjet evropiane të këtij muaji.

Qeveria e Melonit është shumë kritike ndaj shumë prej politikave të Marrëveshjes së Gjelbër Evropiane, duke argumentuar se nevojitet një qasje më pragmatike në adresimin e krizës mjedisore./ANSA/

Bashkimi Evropian e ka miratuar të hënë një pako të re të sanksioneve kundër Rusisë, për shkak të luftës së saj në Ukrainë.

Pakoja e 14-të e sanksioneve kundër Rusisë përfshin ndalimin e rimbushjes së gazit të lëngshëm natyror të Rusisë në BE për qëllime të dërgimit të tij në vendet e treta.

Kjo pako i ofron gjithashtu BE-së më shumë mjete për ta luftuar shmangien e sanksioneve.

Sanksionet përfshijnë po ashtu masa kufizuese ndaj 116 individëve dhe subjekteve të tjera për shkak të veprimeve të tyre kundër Ukrainës.

“Sanksionet e reja vënë në shënjestër sektorë të vlerës së lartë të ekonomisë ruse si, energjia, financat dhe tregtia, si dhe e bëjnë tejet të vështirë shmangien e sanksioneve të BE-së”, tha Këshilli i BE-së në një komunikatë.

Pakoja e re përfshin edhe ndalimin e përdorimit të Sistemit për Transfer të Mesazheve Financiare (SPFS), një lloj sistemi SWIFT me bazë në Moskë.

Për më tepër, partitë politike dhe organizatat, si dhe OJQ-të nuk do të lejohen më të pranojnë financim nga Rusia, tha Këshilli.

“Sanksionet ua ndalojnë mediave të BE-së, partive politike dhe organizatave analitike të marrin fonde nga burime ruse. Janë vendosur masa edhe kundër kompanive nga Kina, Kazakistani, Kirgistani, Turqia dhe Emiratet e Bashkuara Arabe për anashkalimin e sanksioneve kundër Rusisë”, thuhet në deklaratë.

Në njoftim theksohet tutje se Këshilli i BE-së i ngarkon kompanitë evropiane që të sigurojnë që partnerët e tyre në vendet e treta të mos i shkelin sanksionet evropiane.

“BE-ja kufizon regjistrimin e të drejtave të pronësisë intelektuale në bllok për qytetarët dhe kompanitë e Rusisë”, thuhet në njoftim.

Lufta në Ukrainë ka nisur më 24 shkurt të vitit 2022.

Presidenti rus, Vladimir Putin, e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL/

Kryeministri i Izraelit, Benjamin Netanyahu, ka thënë se është i gatshëm të pranojë vetëm marrëveshje për armëpushim të “pjesshëm”, e cila nuk do t’i jepte fund luftës në Rripin e Gazës.

Në një intervistë të transmetuar të dielën mbrëma në kanalin izraelit 14, i cili është proliderit izraelit, Netanyahu tha se është i gatshëm të bëjë “marrëveshje të pjesshme – kjo nuk është diçka e fshehtë – e cila do të na i kthente neve disa prej njerëzve”, duke iu referuar rreth 120 pengjeve që po mbahen ende në Gazë.

“Por, ne jemi të përkushtuar për ta vazhduar luftën pas një pauze, në mënyrë që ta përmbushim synimin tonë për eliminimin e Hamasit [grupit të shpallur organizatë terroriste nga SHBA dhe BE]. Nuk jam i gatshëm të heq dorë nga kjo”, theksoi Netanyahu.

Komentet e fundit të Netanyahut nuk dallojnë shumë nga ajo çfarë kishte thënë ai në të kaluarën për kushtet që kërkonte për një marrëveshje.

Megjithatë, ai i bëri ato në një kohë të ndjeshme, sepse Izraeli dhe Hamasi duket se po largohen çdo herë e më shumë nga propozimi më i fundit për armëpushim.

Komentet e Netanyahut gjithashtu dallojnë shumë me kushtet e marrëveshjes së detajuar në fund të muajit të kaluar nga presidenti amerikan, Joe Biden, i cili e cilësoi planin si izraelit dhe të cilit disa në Izrael iu referuan si “marrëveshja e Netanyahut”.

Komentet e tij mund t’i tensionojnë edhe më shumë marrëdhëniet mes Izraelit dhe SHBA-së, aleatit kryesor të tij.

Plani me tri faza kërkon lirimin e të gjitha pengjeve të mbetura në shkëmbim të lirimit të qindra palestinezëve të burgosur në Izrael. Por, ka mosmarrëveshje dhe mosbesim mes Izraelit dhe Hamasit për mënyrën se si do të zbatohej marrëveshja, REL.

Hamasi ngul këmbë se nuk do t’i lirojë pengjet e mbetura, nëse nuk ka armëpushim të përhershëm dhe tërheqje të plotë të forcave izraelite nga Gaza. Kur Bideni e njoftoi propozimin në fund të majit, tha se marrëveshja i përfshin të dyja këto.

Por, Netanyahu thotë se Izraeli është i përkushtuar për ta shfarosur Hamasin dhe për t’u siguruar se ky grup nuk do të kryejë kurrë më sulm një më 7 tetor.

Plani përfshin tri faza për t’i dhënë fund luftës me një plan shumëvjeçar për rindërtimin e Gazës, e cila është rrënuar pothuajse plotësisht si pasojë e luftimeve.

Izraeli e nisi luftën në Gazë si përgjigje ndaj një sulmi nga Hamasi në jug të Izraelit më 7 tetor, ku u vranë 1.200 njerëz, kryesisht civilë, dhe u rrëmbyen rreth 250 të tjerë.

Izraeli thotë se më shumë se 100 pengje po mbahen ende në Gazë, së bashku me trupat e pajetë të rreth 30 të tjerëve.

Prej atëherë, lufta izraelite në Gazë i ka vrarë më shumë se 37.000 palestinezë, gjysma e të cilëve fëmijë dhe gra, sipas zyrtarëve shëndetësorë palestinezë.

Njësia e Specializuar Shumëkombëshe e misionit të NATO-s në Kosovë, KFOR ka zhvilluar aktivitete trajnimi për kontrollin e trazirave të turmave në Prishtinë.

KFOR ka publikuar edhe disa fotografi teksa shihen pjesëtarët e karabinierit italian duke u trajnuar.

Për herë të parë në Kosovë po mbahet konferenca e 14-të e kryetarëve të Gjykatave Supreme të Evropës Qendrore dhe Lindore, ku nikoqire është Gjykata Supreme e Kosovës.

Kryetari i Gkykatës Supreme, Fejzullah Rexhepi tha se kjo konferencë është mundësi unike për diskutim.

“Kjo konferencë organizohet për herë të parë në Kosovë. Kjo konferencë është një mundësi unike për diskutim, ku mund të flasim për sukseset dhe dështimet e sistemit gjyqësor të Kosovës. Pavarësia e gjyqësorit është baza e të gjithë shtetit të së drejtës”, deklaroi ai.

E kryetarja e Gjykatës Kushtetuese, Gresa Caka Nimani tha se pavarësia e gjyqësorit është baza e sundimit të ligjit.

“Më lejoni të vë theks në dy pika parësore, rëndësinë e dialogut gjyqësor dhe nevojën që përtej shkëmbimit të përvojave ky dialog të përçoj një mesazh esencial, ata të rëndësisë së pavarësisë së pushtetit gjyqësor”, tha ajo.

Themelues i Institutit CEELI, Homer E.Moyer theksoi se forcimi i sundimit të ligjit është i rëndësishëm për vendin.

E gjyqtari i lartë i qarkut, John Wolker tha se në historinë në tërë botën, qytetarët kanë marrë hapa të rëndësishëm për të avancuar sundimin e ligjit.

Një person dyshohet se është gjetur pa shenja jete brenda një veture me targa të Shqipërisë në Sllatinë.

Në pamjet e siguruara nga KosovaPress, shihet se në vendin e ngjarjes kanë arritur ekipet e policisë të cilët po inspektojnë lokacionin.

KosovaPress ka kontaktuar me Policinë e Kosovës për rastin në fjalë dhe do të iu mbajë të informuar në lidhje me rastin.

Policia e Kosovës ka konfiskuar një armë gjatë një ahengu familjar në Mitrovicë.

Policia kishte pranuar informatën në orët e mbrëmjes të datës 23 qershor.

Poashtu policia ka njoftuar se ka identifikuar vendin nga ku ishin dëgjuar të shtënat, me ç’ rast në vendin e ngjarjes, në një aheng familjar nga i dyshuari në cilësi të provave materiale është konfiskuar një armë e llojit pistoletë me tre fishek.

“Për të shtëna me armë është intervistuar i dyshuari m/k/sh, shtetas i Republikës së Kosovës, ku pas intervistimit me urdhër të prokurorit të rastit i dyshuari është liruar në procedurë të rregullt”, thuhet në njoftim.

Ndaj tij poashtu është iniciuar rast për veprën penale “Mbajtje ne pronësi, kontroll, posedim të pa autorizuar të armës dhe përdorim i armës’’.