ATV

Category: Lajme

  • Reagon Klinaku: Aktgjykimi i Speciales ndaj Pjetër Shalës është politik

    Reagon Klinaku: Aktgjykimi i Speciales ndaj Pjetër Shalës është politik

    Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës, Faton Klinaku, ka reaguar pas shpalljes së aktgjykimit ndaj Pjetër Shalës në Hagë.

    Përmes një postimi në rrjetin social Facebook, Klinaku ka thënë se ashtu sikur në aktgjykimet e kaluara, edhe në rastin e Shalës Specialja ka marrë vendime politike.

    “Gjykata Speciale në Hagë në emër të popullit dënon luftëtarët e UÇK-së, por duke u bazuar në dëshmi të pushtuesit serb e me dëshmi të dëshmitarëve të fshehur nga populli.

    Ashtu sikur në aktgjykimet e kaluara, edhe në rastin e bashkëluftëtarit Pjetër Shala, Gjykata Speciale aktgjykimet i merr politikisht”, shkroi ai.

    Trupi gjykues i Gjykatës Speciale ka ka dënuar Shalën me 18 vjet burgim për krime lufte.

    Shala është shpallur fajtor për veprën penale të ndalimit arbitrar, torturës dhe vrasjes së paligjshme, si krim lufte.

    Pjetër Shala dënohet me 18 vjet burgim për krime lufte

  • ​Nagavci dhe Murati do të intervistohen të enjten në Komisionin Hetimor për tekstet shkollore

    ​Nagavci dhe Murati do të intervistohen të enjten në Komisionin Hetimor për tekstet shkollore

    Komisioni Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024 miratoi dinamikën kohore të intervistimit të dëshmitarëve.

    Në mbledhjen e mbajtur të martën, komisioni vendosi që të enjten të ftojë për intervistim, ministren e Arsimit, Arbërie Nagavci si dhe ministrin e Financave, Hekuran Murati. Ndërkaq u vendos që javën e ardhshme të intervistohen përfaqësuesit e DKA-ve dhe shtëpive botuese.

    Propozimin që procesi i intervistimit të fillojë me ministrat e dha deputetja e LVV-së, Arjeta Fejza.

    “Unë propozoj që të fillojmë me propozimin e dëshmitarëve nga dita e enjte. Në ditën e enjte të kemi për intervistim si dëshmitarë ministren e Arsimit, Arbërie Nagavci si dhe ministrin e Financave, Hekuran Murati”, tha ajo.

    Këtë e mirëpriti deputeti i PDK-së, Bekim Haxhiu, i cili tha se Nagavci dhe Murati janë përgjegjësit kryesor mbi çka është themeluar ky komision.

    “Sa herë që propozohet që me ardh në intervistim unë jam gjithmonë për. Ata janë fajtorët për të gjitha këto dyshime të ngritura për themelimin e këtij komisioni hetimor. Ata janë përgjegjësit politik dhe menaxherial për atë se pse është iniciuar ky komision hetimor…Për të përmbushur detyrimin tonë nga Kuvendi ne duhet të bëjmë listën jo veç për ministra, por për të gjithë akterët dhe qysh tash t’iu dërgohet orari atyre se kur kanë me u përgjigjur në komision”, deklaroi Haxhiu.

    Në anën tjetër, deputeti i LVV-së, Mefail Bajqinovci, tha se komisioni duhet të mblidhet çdo ditë për të ftuar dëshmitarët para se të përfundojë sesioni pranveror më 31 korrik.

    “Të rregullojmë një orar që çdo ditë t’i marrim dëshmitarët deri më datën 30 korrik…Duhet të fillojmë çdo ditë dhe dy javët e ardhshëm duhet t’i kemi dëshmitarët në një orar më të zgjatur, pasi përndryshe në këtë mënyrë kemi me mbet gjatë”, tha ai.

    Këtë e mirëpriti edhe kryesuesi i komisionit, deputeti i AAK-së, Shemsedin Dreshaj./kp/

  • Paralajmërohet shi e breshër në Kosovë

    Paralajmërohet shi e breshër në Kosovë

    Vala e të nxehtit që ka hyrë tashmë në ditën e dhjetë, ka shënuar rekorde në parametrat matës si në temperaturat minimale që janë regjistruar madje mbi 30°C në vendet fqinje, e poashtu me maksimalet ekstreme që janë shënuar deri në 43°C.

    Agjencia e Shërbimeve të Navigacionit Ajror (ASHNA) ka bërë të ditur se që nga e mërkura mbasdite, e deri të shtunën, në një situatë kur kemi temperatura shumë të larta në përplasje me një valë rrymimesh ajrore më të ftohta, do të kemi zhvillime stuhishë të përcjellura me rrebeshe shiu, vende vende edhe breshëri dhe erërash të fuqishme që do të ndikojnë në një rënie prej 3 – 5°C të temperaturave maksimale, e që do të na shoqërojnë deri në mesin e javës së ardhshme.

    Sipas ASHNA-s temperaturat maksimale në vendin tonë do të arrijnë në mes 28°C – 33°C, ndërsa minmalet do të luhaten ndërmjet 17°C – 22°C. Erërat do të jenë drejtimesh të ndryshme të dominuara kryesisht nga veriu me shpejtësi nga 02 – 12 m/s.

  • Pjetër Shala dënohet me 18 vjet burgim për krime lufte

    Pjetër Shala dënohet me 18 vjet burgim për krime lufte

    Ish-anëtari i Ushtrisë Çlirimtare të Kosovës, Pjetër Shala, pseudonimi i të cilit ishte komandant “Ujku”, është dënuar të martën nga Gjykata Speciale, me seli në Hagë, me dënim unik prej 18 vitesh, në të cilin dënim i është llogaritur edhe koha e kaluar në paraburgim.

    Në vendimin për secilën akuzë, Shala u dënua me gjashtë vjet burgim për ndalim arbitrar, 16 për torturë dhe 18 për përfshirje në një vrasje. Dënimi i njësuar ishte 18 vjet burgim.

    “Krimet për të cilat akuzohet z. Shala u kryen përafërsisht midis 17 majit 1999 dhe 5 qershorit 1999, kundër personave që u mbajtën të ndaluar në fabrikën e metalit në Kukës (Shqipëri), që pretendohet se përdorej prej Ushtrisë Çlirimtare të Kosovës”, tha kryetarja e trupit gjykues, Mappie Veldt-Foglia, duke shtuar se krimet janë kryer ndaj shqiptarëve.

    Ndryshe, Shala është arrestuar më 16 mars 2021 në Belgjikë dhe është transferuar në objektin e Gjykatës Speciale, në Hagë të Holandës, më 15 prill 2021.

    Shala ishte deklaruar i pafajshëm për akuzat që rëndojnë mbi të, duke i konsideruar akuzat ndaj tij si “të fabrikuara”.

  • I konfiskohet pompa e benzinës Milan Radojçiqit

    I konfiskohet pompa e benzinës Milan Radojçiqit

    Para pak minutave inspektorët së bashku me pjesëtarët e policisë ia kanë vënë shiritin pompës së benzinës ‘Nis Petrol’ në veri të Mitrovicës, duke e konfiskuar kështu edhe një pasuri që dyshohet të jetë e Milan Radojçiqit.

    Në kohën kur po raportojmë, në vendin e ngjarjes ndodhen pjesëtarët e policisë së Kosovës, dhe gjithçka është duke u zhvilluar qetë dhe pa ndonjë incident.

    KosovaPress-i ka provuar të kontaktojë me u.d. të drejtorit të policisë për rajonin e veriut Veton Elshanin, por i njëjti nuk është përgjigjur.

  • Dyshimet për blerjen e teksteve shkollore, të enjten intervistohen dy ministra

    Dyshimet për blerjen e teksteve shkollore, të enjten intervistohen dy ministra

    Komisioni Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024 ka miratuar listën e dëshmitarëve.

    Komisioni të enjten do të fillojë intervistimin me ministren e Arsimit, Arbërie Nagavci dhe ministrin e Financave, Hekuran Murati.

    Ndërkaq, javën e ardhshme do të pasohet me përfaqësuesit e DKA-ve dhe shtëpitë botuese.

  • Osmani uron Metsolen për rizgjedhjen në krye të PE: Mezi pres të vazhdojmë bashkëpunimin e shkëlqyer

    Osmani uron Metsolen për rizgjedhjen në krye të PE: Mezi pres të vazhdojmë bashkëpunimin e shkëlqyer

    Presidentja Vjosa Osmani ka uruar presidenten e Parlamentit Europian, Roberta Metsola, për rizgjedhjen e saj në këtë post.

    Osmani tha se mezi pret që të vazhdojë bashkëpunimin me të për rrugën e Kosovës drejt BE-së.

    “Urime, e dashur Roberta Metsola në rizgjedhjen tuaj si Presidente e Parlamentit Europian. Ndërsa ju vazhdoni të udhëhiqni Shtëpinë e Demokracisë së Europës në këto kohë sfiduese, mezi pres të vazhdojmë bashkëpunimin tonë të shkëlqyer dhe të avancojmë rrugën e Kosovës drejt BE-së”, ka shkruar Osmani.

  • Hovenieri e sheh Dritaren për Investime të Diasporës si mundësi të mirë për Kosovën

    Hovenieri e sheh Dritaren për Investime të Diasporës si mundësi të mirë për Kosovën

    Ambasadori amerikan, Jeffrey Hovenier, e ka përgëzuar Kosovën pas hapjes së “Dritares për Investime të Diasporës”, përcjell albinfo.ch.

    “Ne e kuptojmë mundësinë e rrallë që bizneset nga diaspora mund ta paraqesin. E dimë që kur të vijnë mërgata për të investuar tregojnë idetë më të mira dhe më bashkëkohore”, ka thënë Hovenieri në ceremoni.

    “E dimë se si duket suksesi dhe hapja e kësaj platforme krijon vende punës përmes shkathtësive të reja dhe për të ngritur profilin e Kosovës”.

    “Më lejoni të ju inkurajoj për të zhvilluar këtë investim, për t’i nxitur, tërhequr dhe treguar shkathtësie e tyre dhe për të investuar në Kosovë. Për të nxitur rritjen ekonomike të Kosovës dhe për të mundësuar një të ardhme të begatshme të Kosovës. Duam të shohim një ekonomi e cila ua mundëson një begati të gjithë qytetarëve të Kosovës. Kjo është mundësi dhe sfidë jemi këtu për të mbështetur shtetin e Kosovës për të përqafuar dhe për të kaluar këtë sfidë”.

  • Arrestohen dy persona në Vushtrri, dyshohen për mashtrim dhe ushtrim të kundërligjshëm të veprimtarisë mjekësore ose farmaceutike

    Arrestohen dy persona në Vushtrri, dyshohen për mashtrim dhe ushtrim të kundërligjshëm të veprimtarisë mjekësore ose farmaceutike

    Drejtoria për Hetimin e Krimeve Ekonomike dhe Korrupsionit e Policisë së Kosovës ka arrestuar dy persona në Vushtrri.

    Prokuroria Themelore në Mitrovicë, përmes një komunikate për media njoftoi se dy personat me iniciale N.M,. dhe P.I., me dyshimin se kanë kryer veprat penale “Ushtrimi i kundërligjshëm i veprimtarisë mjekësore ose farmaceutike“ nga neni 256 i KPRK dhe “Mashtrimi” nga neni 323 i Kodit Penal të Republikës së Kosovës.

    “Të dyshuarit, me aktvendim të prokurorit gjenden në ndalim 48 orësh, dhe “Gjatë ditës së sotme (16 korrik) Prokuroria Themelore në Mitrovicë do të i paraqesë Gjykatës Themelore – Dega Vushtrri kërkesë për caktimin e masës së sigurisë – masës së paraburgimit ndaj të dyshuarve”, thuhet mes tjerash në komunikatën e Prokurorisë.

  • Roberta Metsola në krye të Parlamentit Evropian edhe për një mandat

    Roberta Metsola në krye të Parlamentit Evropian edhe për një mandat

    Me 562 vota për, Parlamenti Evropian, që ka 720 ulëse e ka zgjedhur politikanen nga Malta, Roberta Metsola, për presidente të PE-së, kjo duke i dhënë edhe mandatin e dytë në krye të institucionit ligjëvënës të Bashkimit Evropian.

    Në fjalimin e saj pas marrjes së detyrës, Metsola, u zotua se do punojë që Bashkimi Evropian, të mbetet fuqi botërore, dhe se unioni duhet të luftoj diktaturat që sipas saj janë në fqinjësi, sikur edhe rreziqet që BE-ja po përballët që ajo i quan “shumë reale”.

    Me patjetër ajo foli për zgjerimin e bashkimit që për momentin ka 27 vende e që sipas saj kjo duhet të ndryshoj shpejt. Në veçanti ajo përmendi edhe gjashtë shtetet e Ballkanit Perëdnimor, duke thënë se progresi i tyre drejt BE-së, u është mohuar shumë gjatë dhe se kjo duhet të ndryshojë.

    Kundërkandidatja e Metsolës, politikanja majtiste nga Spanja Irene Moreno, mori vetëm 61 vota në procesin e votimit.

    Parlamenti Evropian, është i vetëmi institucion i unionit që e pranon Kosovën, shtet të Pavarur dhe Sovran. Për shkak të pesë shteteve mosnjohëse një gjë të tillë nuk e bënë Komisioni dhe Këshilli Evropian.