Category: Lajme

Është arrestuar personi i dytë si i dyshuar për përfshirje në arratisjen e Faton Hajrizit nga burgu i Smrekonicës.

Të shtunën, policia ka arrestuat të dyshuarin e parë si i dyshuar për veprën e njëjtë ndërsa të dielën është ndaluar edhe personi i dytë i përfshirë.

Lajmin e ka konfirmuar zëdhënësi i Prokurorisë Themelore në Mitrovicë, Valon Preteni, i cili ka bërë të ditur se i dyshuari është arrestuar në Mitrovicë.

“Po, është arrestuar personi i dytë në Mitrovicë, që dyshohet se e ndihmoi Faton Hajrizin të arratiset nga burgu i Smrekonicës,” ka deklaruar Preteni për Insajderin.

I arrestuari i parë është dërguar në mbajtje për 48 orë.

Policia dhe Prokuroria po vazhdojnë hetimet për të zbardhur të plotë rrethanat e arratisjes së Hajrizit, i cili më pas u vra nga policia serbe pas dyshimeve për përfshirjen e tij në vrasjen e një polici serb në Loznicë të Serbisë.

Gjatë javës së ardhshme në Kosovë do të mbajë mot me diell, ku nga mesi i javës temperaturat do të bien deri në 26 gradë Celsius.

Sipas Institutit Hidrometeorologjik të Kosovës, këtë javë nuk do të mungojnë as vranësirat.

Në disa vende parashihen edhe reshje shiu, bën me dije IHMK-ja.

Njoftimi i Institutit:

E hënë-Mot me diell dhe pjesërisht i vranët. Temperaturat minimale do të lëvizin ndërmjet 15-19 gradë Celsius, ndërsa maksimalet e ditës parashihen të lëvizin ndërmjet 29-33 gradë Celsius. Do të fryjë erë e lehtë deri mesatare nga drejtimi i veriperëndimit.

E martë-Mot kryesisht me diell dhe i qetë. Vranësirat më të fokusuara parashihen për rreth relievit malor. Temperaturat minimale do të lëvizin ndërmjet 14-18 gradë Celsius, ndërsa maksimalet e ditës parashihen të lëvizin ndërmjet 28-32 gradë. Do të fryjë erë kryesisht nga verilindja e lehtë deri mesatare.

E mërkurë-Mot me diell dhe vranësira të shpërndara. Vranësirat gjatë pjesës së dytë të ditës parashihen të sjellin riga shiu dhe shkarkime rrufesh. Temperaturat minimale do të lëvizin ndërmjet 14-17 gradë Celsius, ndërsa maksimalet e ditës parashihen të lëvizin ndërmjet 27-29 gradë Celsius. Do të fryjë erë nga drejtimi i jugperëndimit me shpejtësi 1-7m/s.

E enjte-Mot me diell dhe vranësira të shpërndara. Vranësirat vende-vende parashihen ë sjellin riga shiu dhe shkarkime rrufesh. Temperaturat minimale do të lëvizin ndërmjet 14-17 gradë Celsius, ndërsa maksimalet e ditës parashihen të lëvizin ndërmjet 24-27 gradë Celsius. Do të fryjë erë nga drejtime i juglindjes me shpejtësi 1-5m/s.

E premte-Mot me diell dhe pjesërisht i vranët. Vranësirat gjatë ditës vende- vende mund të sjellin riga shiut. Temperaturat minimale do të lëvizin ndërmjet 13-16 gradë Celsius, ndërsa maksimalet e ditës parashihen të lëvizin ndërmjet 23-26 gradë Celsius. Do të fryjë erë nga drejtimi i jugperëndimit me shpejtësi 1-4m/s.

Një 56-vjeçare shqiptare është nxjerrë pa ndjenja nga zona detare e plazhit të Artemisë në Greqi pasditen e së shtunës.

56-vjeçares i është dhënë ndihma e parë nga një roje plazhi dhe më pas është dërguar me ambulancë në Spitalin e Përgjithshëm të Athinës, ku është konstatuar vdekja e saj, raporton Top Channel.

Autoriteti Qendror Portual i Rafinës, që kryen hetimet paraprake, ka urdhëruar kryerjen e autopsisë në Laboratorin e Mjekësisë Ligjore dhe Toksikologjisë të Universitetit të Athinës.

Qendra Kombëtare për Menaxhim Kufitar ka përditësuar të dhënat mbi fluksin në kufi.

Aktualisht pritjet më të gjata për të hyrë në Kosovë janë në Merdar- 90 minuta.

Derisa pikat tjera pritjet janë 3 deri në 5 minuta, në Merdarë mërgimtarët po presin deri në 30 minuta, ndërsa në Mutivodë deri në 10 minuta.

Agjencia e Ushqimit dhe Veterinarisë ka reaguar pas njoftimit të lëshuar nga Ministria e Bujqësisë dhe Blegtorisë (Mapa) në Brazil për disa shtete ne mesin e tyre njofton edhe Republikën e Kosovës, për suspendimin e përkohshëm të certifikimit për eksportet e mishit të shpendëve dhe produkteve të tij.

AUV ngrit nivelin e masave të kontrollit i detajuar i secilës ngarkesë.

“Pasi është konfirmuar shpërthimi i sëmundjes së Newcastle (NCD) në komunën e Anta Gorda, në Rio Grande do Sul. AUV menjëherë ka urdhëruar ngritjen e masave të kontrollit për të gjitha ngarkesat qe vijnë nga Brazili. Ku përfshihet kontroll i detajuar i secilës ngarkesë. Për verifikim të hollësishëm për të siguruar që ngarkesa është në përputhje me rregullat ligjore qe përjashtojnë çdo dyshim rreziku pas situatës se re te krijuar nga shpërthimi i sëmundjes NEW CASTLE”, thuhet në njoftim.

Sipas njoftimit, në mesin e produkteve janë mishi i shpendëve i freskët, i ftohtë ose i ngrirë i cili tregtohen në vendet e rajon ku përfshihet edhe Kosova.

“Njoftimi i autoritetit shtetërorë të Brazilit përfshin dhe njeh entitetin e shtetit të Republikës se Kosovës. Në zbatim të rregullave ndërkombëtare për tregtimin e shpendëve dhe produkteve të tyre i cili garanton transparencë ndaj vendeve që importojnë produktet e tyre. Certifikimi i eksporteve është një marrëveshje dypalëshe midis vendeve dhe autoriteti Brazilian pezullon Certifikatën Ndërkombëtare të Shëndetit në mënyrë që të përmbushë garancitë dhe kërkesat për siguri të produkteve. Në mesin e produkteve janë mishi i shpendëve i freskët, i ftohtë ose i ngrirë i cili tregtohen në vendet e rajon ku përfshihet edhe Kosova. Ne zbatim të procedurave dhe rregullave ligjore masatë e nivelit të kontrollit do të jenë në përputhje me standardet ndërkombëtare të tregtimit të produkteve ushqimore për menaxhim bazuar në situatë”, thuhet tutje.

“Agjencia e Ushqimit dhe Veterinarisë në bashkëpunim dhe koordinim me agjencitë në kuadër të Menaxhimit të Integruar të Kufirit, Policinë e Kosovës dhe Doganat e Kosovës, në kapacitet të plotë do të ekzekutojnë masat sipas urdhrit njoftues, për parandalim të hyrjes se ngarkesave nga zonat e prekura me sëmundjen e Newcastle. Kjo sëmundje është një infeksion i shpendëve shtëpiake dhe specieve të tjera të shpendëve me virusin virulent të sëmundjes Newcastle (NDV). Nuk është shqetësuese për sigurinë ushqimore apo shëndetin publik. Qytetaret si konsumatorë nuk kanë nevojë për shqetësim. Sëmundja është e karakterit social-ekonomik e cila rrezikon vetëm sektorin e fermave të shpeztarisë.”

Gjatë ditës së djeshme në qytetin e Pejës kishte ndryshim të motit me shi të madh, breshër dhe shkarkime rrufeshë që qytetarëve atje i solli telashe, raporton Sinjali.

Në fshatin Treboviq nga shkarkimi i fuqishëm i rrufesë, një trup arre është rrëzuar dha ka dëmtuar dy vetura në një shtëpi banimi.

Nga pamjet e siguruar, shihet se veturat janë dëmtuar dukshëm, por që nuk raportohet për persona të lënduar.

Para pak minutash është hedhur një mjet shpërthyes afër Liqenit të Ujmanit.

Lajmin e ka konfirmuar zëvendëskomandanti i Policisë, Veton Elshani.

Ai ka njoftuar se nga ky shpërthim janë dëmtuar së paku dy vetura, derisa sipas tij nuk dihet ende se a ka qenë granatë dore apo ndonjë mjet tjetër.

“Ka pas një shpërthim. Ka dëme materiale në dy vetura. Nuk ka të lënduar. Policia është duke u marr me rastin.”- tha Elshani.

Siç raportohet hedhja e mjetit shpërthyes është bërë pak minuta pas kalimit të autoblindës së policisë.

Mjeti shpërthyes dyshohet të jetë hedhur pak metra larg vendit ku po lahen qytetarët në Ujman.

Një burrë në Pejë është arrestuar nga policia pas dyshimeve se ka rrahur motrën e tij, raporton Ekonomia Online.

Sipas raportit 24-orësh të Policisë së Kosovës, thuhet se vajza ka marrë trajtim mjekësorë për dëmtimet e marrë nga sulmi.

Ndërsa i dyshuari, është dërguar në mbajtje në pritje të hetimit të mëtejshëm, sipas një njoftimi nga prokuroria lokale.

Policia ka njoftuar se çështja është nën hetim.

“Është arrestuar i dyshuari mashkull kosovar pasi që, i njëjti ka sulmuar fizikisht motrën e tij viktimën femër kosovare. Viktima ka pranuar tretman mjekësor, ndërsa i dyshuari me vendim të prokurorit është dërguar në mbajtje”, thuhet në raportin e policisë.