Category: Lajme

Ministria e Punëve të Jashtme dhe Diasporës, ka hapur aktivitetet tërë ditore që i dedikohen mërgatës, në 25 vjetorin e çlirimit të Kosovës, në shenjë falënderimi dhe mirënjohje, për kontributin e jashtëzakonshëm të tyre, raporton EO.

Në sheshin “Skënderbeu”, janë hapur tashmë tendat me lojëra atraktive për fëmijë, tendat e informimit, ku qytetarët mund të informohen rreth aktiviteteve që MPJD i ka dedikuar mërgatës, si platforma Shijo Kosovën, platforma Made in Kosova (MIK).

Pjesëtari i programit për Diplomacinë Qytetarë në kuadër të MPJD-së, Arlind Alidema ka bërë thirrje të gjithë diasporës që të kthehen në Kosovë dhe të investojnë në vendlindjen e tyre.

“Këtu në këtë pjesën që jemi duke promovuar që çdo gjeneratë duke ikë çdo ditë e më shumë, gjithashtu janë edhe programe të tjera të cilat jemi duke promovuar, po ashtu edhe regjistrimin e popullsisë për diasporës. Kemi edhe kadet ‘Made in Kosova’, dhe kështu po e presim mërgatën po i tregojmë që gjeneratat e reja të kthehen në vendlindje dhe me i ndihmuar Kosovën. Ka interes të madh nga mërgata, unë për veti kam qenë në New Yourk, dhe kam qenë i fascinuar këtu, por kam shumë shokë që vijnë nga vendet të tjera në Kosovë, prej Gjermanisë, Holandës dhe prej të gjithave vendeve. Ditën e parë kanë qenë më pak persona kurse në ditën e dytë është rritur edhe më shumë. Këta janë të gjithë profesionist të diasporës, secili që ka pasur një profesion të fushave të ndryshme jemi kthyer në Kosovë dhe jemi sistemuar nëpër dikastere të ndryshme nëpër ministri të ndryshme. Mesazhi për mërgatën është se kthehuni sot jeta është më mobile, sot Kosova është vend ku ka mundësi për të investuar”, u shpreh Alidema.

Jon Gjini i cili jeton në Francë, për Ekonomia Online ka thënë se Kosova po e pret mirë, po ashtu ai shtoi se e ka kryer edhe çështjen e regjistrimit.

Po ashtu, ai la mesazh për bashkatdhetarët që t’i kenë sytë nga Kosova.

“Jetoj në Lion, jam studentë i juridikut, vijë shpesh në Kosovë deri në vitin e kaluar jam ardhur nga dy tre muaj verës, më pak dimrit. Në varësisht se sa kemi pasur kohë dhe mundësi kemi ardhur, por sivjet ka një vjet që nuk kam ardhur. Super na ka prit Kosova dhe Shqipëri, jemi regjistruar në fazën e parë ishte një regjistrim i lehtë. Besoj që është e rëndësishëm që të ketë statistika të besueshme që më vonë të ketë politikë të besueshme. Politika që vepron me statistika të besueshme funksion më mirë. Besoj që mërgata është ende më e gjerë. Për mërgatën kam mesazh që t’i kenë sytë nga Kosova dhe Shqipëria.

Kurse qytetarja nga New York, Ajshe Hoti ka thënë se po i pëlqen shumë Kosova se si e ka pritur dhe se sa ka përparuar.

“Vij nga New Yorku, po kalojmë shumë mirë kemi ardhur që një muaj. Shumë po bëhet sidomos tani po më pëlqen, qysh i kanë zbuluar organizata për neve po bëjnë shumë por edhe për popull shumë më shumë se përpara. Me rini me muzika, të gjitha po më pëlqejnë. Ende nuk jam regjistruar sot jam duke pritur për tu regjistruar. Ndoshta e qojë jetën në mërgim por më vonë dua të jetojë këtu, Të vijnë në Kosovë te vendlindja shumë e bukur, duhet me i zbuluar të gjitha gjërat se i kemi të bukura që i kemi krijuar sidomos rinia dhe gratë dhe jam shumë e kënaqur”, ka thënë Hoti.

Ministria e Punëve të Jashtme dhe Diasporës, ka bërë hapjen e aktiviteteve tërë ditore që i dedikohen mërgatës, në 25 vjetorin e çlirimit të Kosovës, në shenjë falënderimi dhe mirënjohje, për kontributin e jashtëzakonshëm të tyre.

Në sheshin “Skënderbeu”, janë hapur tashmë tendat me lojëra atraktive për fëmijë, tendat e informimit, ku qytetarët mund të informohen rreth aktiviteteve që MPJD i ka dedikuar mërgatës, si platforma Shijo Kosovën, platforma Made in Kosova(MIK).

Presidenti serb Aleksandar Vuçiq ka uruar sot presidentin e Venezuelës Nicolas Maduro për fitoren e tij në zgjedhje dhe i ka uruar sukses në përpjekjet e tij “profesionale” dhe në sfidat në drejtimin e këtij vendi.

“Ju përgëzoj për fitoren në zgjedhje. Kohët në të cilat jetojmë sigurisht nuk janë të lehta dhe ju uroj suksese në përpjekjet tuaja profesionale dhe sfidat në udhëheqjen e Republikës Bolivariane të Venezuelës”, thuhet në urimin e Vuçiqit të kumtuar nga shërbimi i tij për media.

Vuçiqi ka theksuar se Serbia vlerëson që Venezuela “tregon respekt për parimet e së drejtës ndërkombëtare, Kartën e OKB-së, Rezolutën 1244 të Këshillit të Sigurimit të OKB-së, duke mbështetur në këtë mënyrë integritetin territorial dhe sovranitetin e Serbisë”.

Organizata jo-qeveritare QIKA ka kritikuar kryeministrin e Kosovës, Albin Kurti, për mbështetjen e ofruar ndaj xhudistit Akil Gjakova. Kjo, pasi që ai është nën hetime për dhunë në familje.

“Kryeministri Kurti nga Parisi glorifikoi shpirtin luftarak të Akil Gjakovës, derisa në Kosovë i njëjti është nën hetime për dhunë në familje dhe gjykata i ka vendosur masë ndalese që t’i mos afrohet bashkëshortes në distancë prej 50 metrash për periudhë kohore një vjeçare”, thuhet në komunikatën e tyre.

“Ne, në QIKA, jemi të vetëdijshme për faktin që rasti i xhudistit Akil Gjakova është duke u trajtuar nga institucionet e drejtësisë dhe respektojmë parimin e prezumimit të pafajësisë, megjithatë kosiderojmë se përkrahja publike e një personi që është nën hetime për dhunë në familje dhe i cili fillimisht ka ikur nga përgjegjësia dhe është shpallur “person në kërkim” nga policia është krejtësisht e papranueshme”, vijon komunikata.

“Amnistia e vazhdueshme e kryeministrit për Gjakovën inkurajon abuzuesit e grave dhe përjetëson kulturën ku kryerësit apo të denoncuarit për vepra penale gjejnë strehë dhe mbështetje nga personat publik, ndërkohë që viktimat mbesin në margjina dhe të cenuara. Kjo qasje dërgon një mesazh të rrezikshëm se dhuna ndaj grave mund të minimizohet apo edhe të justifikohet, nëse kryesi i veprës ka arritje sportive apo të tjera”.

Mësohet se një i ri shqiptar nga Kosova ka ndërruar jetë për shkak të një aksidenti në Itali, përcjell albinfo.ch.

Familja Zogaj nga Malisheva ka marrë një lajm të kobshëm ditën e djeshme, pasi djali i tyre ka humbur jetën si pasojë e një aksidenti.

I ndjeri jetonte në Itali, atje ku edhe është aksidentuar për vdekje.

Lajmin e kanë ndarë familjarët e viktimës, teksa për ceremoninë e varrimit kanë thënë se do të njoftojnë me kohë.

Ministrja e Punëve të Jashtme dhe Diasporës, Donika Gërvalla, ka falënderuar diasporën për pjesëmarrjen e tyre në aktivitetet “Faleminderit Mërgatë”, që nga ora 10:00 e mëngjesit në sheshin “Skënderbeu” në Prishtinë.

Në një postim në Facebook, ajo ka pohuar se i mirëpresin të gjithë.

“Ejani dhe bëhuni pjesë e shumë aktiviteteve rekreative, promovuese dhe informuese, ku mund të shijoni ushqimet tona tradicionale dhe të regjistroheni në platformën e-diaspora”.

“Festa do të vazhdojë deri në orën 18:00, kur do të nisë koncerti me artistë nga Kosova dhe mërgata jonë. Mos e humbisni këtë ditë të veçantë plot energji pozitive”, ka thënë Gërvalla.

Kryeministri i Kosovës, Albin Kurti, edhe një herë i ka uruar mirëseardhje mërgatës kosovare.

Ai poashtu ka bërë të ditur se sot nga ora 10:00 deri në orën 23:00 do të mbahen aktivitete në sheshin “Skënderbeu” në nderim të diasporës.

“Ju mirëpresim sot në Sheshin “Skënderbeu” në Prishtinë”, ka shkruar Kurti në një postim në llogarinë e tij në Facebook ku në videon e bashkangjitur shihen përgatitjet e sheshit për ditën e sotme.

Tutje, ai ka falënderuar mërgatën për kontributin e tyre.

“Mirë se vini dhe ju falënderojmë për kontributin e pareshtur”, është shprehur ai.

Videon e gjeni KETU

Ligjvënësit në Turqi kanë miratuar të martën një ligj të ri për largim të miliona të qenve endacakë nga rrugët e vendit, por mbrojtësit e kafshëve frikësohen që kjo masë do të rezultojë me vrasje të shumë qenve apo neglizhim të tyre në strehimore të mbingarkuara.

Disa besojnë që ligji mund të përdoret për të shënjestruar opozitën, e cila ka shënuar fitore të mëdha në zgjedhjet lokale, të mbajtura muaj më parë.

Deputetët e Asamblesë së Madhe Kombëtare të Turqisë, e kanë miratuar legjislacionin pas një seance maratonë, meqë Qeveria ka kërkuar që legjislacioni të miratohet para pushimit veror të Parlamentit.

Ndërkohë nëpër qytetet turke janë mbledhur mijëra protestues, të cilët kanë bërë thirrje për mosmiratim të ligjit, i cili mundëson që për disa kafshë endacake të përdoret eutanazia – vdekje e asistuar.

Ligjvënësit opozitarë dhe grupet për mbrojtje të kafshëve, e kanë quajtur dokumentin si “ligj për masakër”, shkruan Radio Evropa e Lirë.

Presidenti turk, Recep Tayyip Erdogan, ka thënë se ligji i ri është i domosdoshëm për t’u përballur me “problemin e qenve endacakë” në nivel vendi.

Qeveria vlerëson që rreth 4 milionë qen endacakë lëvizin nëpër rrugët e Turqisë dhe në zonat rurale.

Ndonëse shumica prej tyre janë të parrezikshëm, ka raste kur ata kanë lëvizur në tufa dhe kanë sulmuar njerëzit.

Në projektligj nuk janë përfshirë macet, të cilat janë gjithandej nëpër rrugët e Turqisë./REL

Ministria e Punëve të Jashtme dhe Diasporës, ka bërë hapjen e aktiviteteve tërë ditore që i dedikohen mërgatës, në 25 vjetorin e çlirimit të Kosovës, në shenjë falënderimi dhe mirënjohje, për kontributin e jashtëzakonshëm të tyre.

Përmes një komunikate për media, thuhet se në sheshin “Skënderbeu”, janë hapur tashmë tendat me lojëra atraktive për fëmijë, tendat e informimit, ku qytetarët mund të informohen rreth aktiviteteve që MPJD i ka dedikuar mërgatës, si platforma Shijo Kosovën, platforma Made In Kosova(MIK).

Gjithashtu tek këndet e Informimit qytetarët kanë hapësirë për tu njoftuar për shërbimet konsullore që ofrohen nga MPJD dhe misionet diplomatike nëpër botë, vizat, si dhe uljen e tarifave për shërbimet konsullore, vendim ky që ka hyrë në fuqi pak ditë më parë.

“Të gjithë qytetarët nga diaspora që ende nuk janë regjistruar, mund ta kryejnë regjistrimin online, i cili për mërgatën është i hapur deri më 31 gusht të këtij viti” thuhet tutje në komunikatë.

Përveç pikave informuese në shesh janë hapur edhe këndë për ushqim dhe pije. Të gjitha këto kënde do jenë të hapura gjatë tërë ditës së sotme. Përmbyllja e këtyre aktiviteteve bëhet në mbrëmje kur edhe fillon koncerti ‘Faleminderit Mërgatë’ që nis nga ora 18:00 deri në orën 23:00 dhe hyrja do të jetë falas për të gjithë. Këtë koncert do ta pasurojnë përformancat e artistëve të skenës sonë përfshirë: Dafina Zeqiri, Ardian Bujupi, Luiz Ejlli, Mc Kresha, Lyrical Son dhe Fisnikët.

Pas disa video incizimeve të postuara në rrjetet sociale, Policia e Kosovës gjatë kontrollit në shtëpinë e të dyshuarit në fshatin Pozheran ka gjetur dhe konfiskuar një armë AK-47.

I dyshuari është intervistuar dhe me vendim të prokurorit është liruar në procedurë të rregullt.

Gjykata Supreme e Dhomave të Specializuara të Kosovës (DhSK) në Hagë, ka anuluar pjesën e aktgjykimit të Apelit që ka të bëjë me dënimin prej 22 vitesh burgim ndaj Salih Mustafës.

Me këtë rast, Supremja e ka kthyer përsëri këtë çështje tek Apeli për t’u shqyrtuar ulja e dënimit bazuar në arsyetimin e paraqitur në vendimin e Panelit të Supremes, raporton “Betimi për Drejtësi”.

“Paneli i Gjykatës Supreme e miratoi pjesërisht kërkesën e tij dhe anuloi pjesën e aktgjykimit të apelit që ka të bëjë me dënimin e z. Mustafa me 22 vjet burg. Paneli i Gjykatës Supreme ia ktheu çështjen përsëri Panelit të Apelit në përputhje me rregullën 194 (1) (b) të Rregullores, për të shqyrtuar uljen e dënimit bazuar në arsyetimin e paraqitur në vendimin e Panelit të Gjykatës Supreme”, thuhet në njoftimin e DhSK-së.

Aktgjykimi ndaj Mustafës në shkallë të parë, ishte shpallur më 16 dhjetor 2022, me të cilin Mustafa është dënuar me 26 vite burgim. Ndaj këtij vendimi, ai kishte paraqitur ankesë në Apel, kurse Apeli i Speciales më 14 dhjetor 2023 ka shpallur aktgjykim ndaj Salih Mustafës, me të cilin e dënoi me dënim unik prej 22 vite burgim për krime lufte.

Sipas DhSK-së, Salih Mustafa kishte bërë kërkesë për mbrojtje të ligjshmërisë dhe vendimi mbi këtë kërkesë është marrë më 29 prill 2024.

“Në kërkesën e tij për mbrojtje të ligjshmërisë z. Mustafa ngriti pesë pika, të cilat lidheshin me përkthimin e aktgjykimit të apelit në gjuhën shqipe, shpalljen e tij fajtor për vrasje si krim lufte, si edhe me masën e dënimit”, thuhet në njoftimin e DhSK-së.

Kërkesën për mbrojte të ligjshmërisë, Mustafa e kishte dorëzuar më 13 mars 2024 me ç’rast kishte kërkuar nga Gjykata Supreme e DhSK-së që të modifikojë aktgjykimet e shkallës së parë dhe të dytë, duke anuluar dënimet për ndalim arbitrar, torturë dhe vrasje, kështu duke e shpallë të pafajshëm ose t’i anulojë tërësisht aktgjykimet dhe ta kthejë çështjen në rigjykim.

Mustafa ka parashtruar pesë pika, me anë të së cilave ka kundërshtuar vendimin e Apelit i cili e dënoi me 22 vite burgim.

Tek pika e parë e paraqitur në kërkesën e Mustafës, thuhet se është bërë shkelje ligjore dhe Kushtetuese. Mustafa ka rikujtuar se Apeli iu është drejtuar argumenteve të tij lidhur me parimet lex mitior që do të thotë se nëse ka ndryshuar ligji që ka të bëjë me veprën penale të të akuzuarit duhet të zbatohet ligji më pak i rëndë. Sipas Mustafës, lex mitior i Apelit është i kufizuar dhe i gabuar.

Ashtu si në pikën e parë edhe në pikën dy dhe tre, Mustafa ka parashtruar se vendimi i Apelit ka pasur shkelje të Ligjit, Kushtetutës dhe Konventës Evropiane për të Drejtat e Njeriut.

Ndërsa, në pikën katër, në kërkesë thuhet se Mustafa ka theksuar se deklarohet i pafajshëm në të gjitha pikat dhe këtë qëndrim e mban edhe sot. Tutje, thuhet se edhe pse shkalla e parë dhe e dytë e dënuan Mustafën për arrest arbitrar, torturë dhe vrasje, në lidhje me këtë të fundit ai ka pohuar se nuk ishte gjykuar siç duhet në rastin e tij.

Në kërkesën për mbrojtje të ligjshmërisë në Supreme, Mustafa ka thënë se shkalla e parë dhe e dytë e gjykatës e kanë interpretuar vetëm në mënyrë teorike krimin e vrasjes që më pas e dënuan për atë.

Mustafa ka pohuar se të dy aktgjykimet përfshijnë shkelje thelbësore të rregullave dhe nuk mund të përbëjnë vrasje siç është në bazë të nenit 14 të Ligjit.

“Trupi gjykues arriti në përfundimin se Mustafa dhe vartësit e tij të BIA-s ishin përgjegjës kryesor për keqtrajtim të rëndë dhe refuzim të ndihmës mjekësore, që çoi në vdekjen e viktimës. Megjithatë, sa i përket vrimave të plumbave në trupin e viktimës, kishte paqartësi nëse ato ishin shkaktuar nga pjesëtarë të BIA-s apo nga forcat serbe. Duke zbatuar parimin ‘in dubio pro reo’ (favorizimi i të akuzuarit në rast dyshimi), trupi gjykues supozoi se forcat serbe qëlluan viktimën. Përkundër këtij supozimi, Apeli sugjeron që trupi gjykues duhet të kishte marrë parasysh nëse ndërhyrja e forcave serbe përbënte një veprim të palës së tretë që thyente zinxhirin e shkakësisë, siç u ngrit në apel”, thuhet ndër tjerash në kërkesën për mbrojtje të ligjshmërisë së Mustafës në Supreme.

Ndërsa, në pikën e pestë, Mustafa ka pretenduar se ka shkelje të të drejtave të tij të cilat ia garanton Kushtetuta. Sipas tij, që kur ishte shpallur aktgjykimi i Apelit ndaj tij, drafti i përkthyer në gjuhën e të akuzuarit ishte i disponueshem nga data 12 shkurt 2024.

Në kërkesën e tij për mbrojtje të ligjshmërisë, Mustafa ka thënë se mungesa e gjykimit në gjuhën e tij në një fazë të hershme cenon të drejtat pasurore dhe kohën për përgatitjen e mbrojtjes së tij. Aty thuhet se kjo situatë u komplikua edhe më shumë nga fakti që vendimi për emërimin e një mbrojtësi të ri të tij ishte anuluar. Sipas tij, kjo ishte konfuze dhe dëmtoi aftësinë e tij për t’u përgatitur siç duhet për mbrojtjen e tij.

Në këtë kërkesë, Mustafa ka pohuar se ka të drejtë të informohet për aktgjykimin ndaj tij në një gjuhë që ai e kupton dhe kjo gjë duhet të bëhet në kohën e duhur e që për rrjedhojë ai pretendon se janë shkelur të drejtat e tij.

Ndryshe, më 6 prill 2023, Salih Mustafa u urdhërua që të paguajë 207 mijë euro për zhdëmtim të viktimave.

Aktgjykimi ndaj Mustafës në shkallë të parë, ishte shpallur më 16 dhjetor 2022, me të cilin Mustafa është dënuar me 26 vite burgim. Ai kishte paraqitur në Panelin e Gjykatës së Apelit 51 pika kundër vendimit dënues të Themelores së Speciales ndaj tij.

Kurse, Gjykata e Apelit të Speciales më 14 dhjetor 2023 ka shpallur aktgjykim ndaj Salih Mustafës, me të cilin e dënoi me dënim unik prej 22 vite burgim për krime lufte.

Në arsyetimin e aktgjykimit, kryetarja e panelit të Apelit, Michele Picard tha se trupit gjykues i shkallës së parë kishte bërë një gabim të dallueshëm në dënimin e dhënë për Salih Mustafën. Po ashtu, ajo shtoi se një dënim i njehësuar prej 22 vitesh burgim, duke e llogaritur edhe kohën e kaluar në paraburgim, pasqyron në tërësi veprimtarinë kriminale të Mustafës.

Ndërsa, prokurorja e specializuar, Kimberly West e quajti ‘fitore për drejtësinë’ vendimin e Apelit ndaj Salih Mustafës.

Ndryshe, aktakuza ndaj Mustafës ishte konfirmuar më 12 qershor 2020.