Category: Lajme

Zëvendëspresidentja amerikane, Kamala Harris, ka thënë në një sallë të stërmbushur e të entuziazmuar në Atlanta se 98 ditët e ardhshme do të jenë një luftë, porse në fund demokratët do t’i fitojnë zgjedhjet presidenciale, duke e ngacmuar Donald Trumpin, i cili një ditë më parë ka shprehur mëdyshje kur është pyetur për një debat sy më sy në javët e ardhshme, shkruan agjencia e lajmeve, AP.

“Momentumi në këtë garë po ndryshon”, ka thënë kandidatja e mundshme e demokratëve. “Dhe ka shenja se këtë po e ndjen edhe Donald Trumpi”.

Pak më shumë se një javë më parë, Georgia dukej se po u rrëshqiste demokratëve nga duart: Fushata e Joe Bidenit ishte zotuar të përqendrohej më shumë në ruajtjen e mbështetjes në shtetet e “murit të kaltër” të demokratëve dhe sinjalizoi mund të shmangte angazhimin e madh në fushëbetejat e “Sun Beltit”. Por tani që Biden është tërhequr nga kandidimi dhe Harrisi shihet si kandidatja pothuajse e zyrtarizuar, demokratët po shkrehin shpresën e zgjerimit të basenit elektoral.

Në shtetin që i dha Bidenit fitoren më të ngushtë më 2020, Harrisi ka mbajtur një tubim të madh për ta sinjalizuar Trumpin: Një aktivitet i madh, plot me mbështetës që brohorisnin emrin e saj, derisa ajo po ngacmonte rivalin republikan dhe bashkgaruesin e tij JD Vance, duke e quajtur “të çuditshme” politikën e tyre dhe vlerësuar si të prapambetura premtimet e tyre.

Drejtoria Rajonale e Policisë në Mitrovicën e Jugut, me qëllim të vetëdijesimit dhe parandalimit të zhurmës dhe bezdisjes, ka filluar së realizuari aktivitet vetëdijesimi me moton: “Mos shkakto zhurmë-bezdisje”.

Bëhet e ditur se përmes këtij aktiviteti dhe shpërndarjes së fletushkave, synohet të vetëdijesohen qytetarët, e në veçanti veprimtaritë e bizneseve në parandalimin e zhurmës dhe bezdisjes.

“Angazhimet e shtuara policore do të vazhdojnë gjatë gjithë sezonit veror, me prioritet kohor do të jenë orët e mbrëmjes dhe gjatë natës, ku në fokus do të jenë zonat ku operojnë lokalet e natës, restorantet, kafeteritë e diskotekat”.

“Nëse zhurma është e padurueshme dhe ju pengon, thërrisni Policinë në numrin 192”, thuhet në njoftimin e Policisë së Kosovës.

Presidentja e Kosovës, Vjosa Osmani, tha se brenda pak ditëve do të shpallë datën e zgjedhjeve të rregullta.

Pas takimit me liderët politikë të mërkurën, Osmani tha se datat për zgjedhje në bazë të ligjit janë mes 26 janarit, 2 shkurt, 9 shkurt dhe 16 shkurti.

Sipas saj, partitë kishin preferenca të ndryshme brenda këtyre datave.

Duke folur për mungesën e kryetarit të LVV-së, Albin Kurti, njëherësh kryeministrit të vendit, ajo tha se nuk i di arsyet e një veprimi të tillë.

Ajo tha se duke qenë se prezentë ishin të gjithë kryetarët e partive politike, nuk ka dashur të thyejnë këtë parim, pavarësisht kërkesës për të qenë prezentë nënkryetari Glauk Konjufca.

E para e vendit shtoi se caktimi i datës së zgjedhjeve të rregullta nuk nënkupton se nuk mundet të ketë zgjedhje të parakohshme, por theksoi se për një gjë të tillë nuk pa disponim nga partitë politike.

Gjykata Themelore në Pejë ka shpallur aktgjykim dënues ndaj pesë të akuzuarve Nderim, Basri, Agron, Ardit dhe Bahri Gashi, duke i dënuar me 84 vjet burgim (së bashku) për vrasjen e F.H., në Volljakë të Klinës. Ndërsa, i akuzuari Ylli Gashi u lirua nga akuza.

Shpalljen e këtij aktgjykimi e bëri kryetari i trupit gjykues Shaqë Curri, të mërkurën në Gjykatën Themelore në Pejë, raporton “Betimi për Drejtësi”.

Ndaj të akuzuarit Nderim Gashi, për veprën e parë “Vrasje e rëndë” në bashkëkryerje, gjykata ka shqiptuar dënim me 28 vjet burgim, për veprën e dytë “Vrasje e rëndë në tentativë” me 10 vite, për veprën e tretë “Armëmbajtje pa leje” me 1 vit burgim. Ndaj tij, gjykata ka shqiptuar dënimin unik prej 28 vjet burgim.

I akuzuari Basri Gashi për veprën e parë “Vrasje e rëndë” në bashkëkryerje, u dënua me 11 vjet burgim, për të dytën “Vrasje e rëndë në tentativë” me 6 vite burgim. Ndaj të njëjtit, është shqiptuar dënim unik prej 15 vjet burgim.

I akuzuari i tretë Agron Gashi, për veprën e parë penale “Vrasje e rëndë në bashkëkryerje”, u dënua me 11 vjet burgim, për veprën e dytë “Vrasje e rëndë në tentativë” me 6 vjet burgim. Ndaj tij, është shqiptuar dënim unik prej 15 vjet burgim.

I akuzuari i katërt Ardit Gashi, për veprën e parë “Vrasje e rëndë” në bashkëkryerje u dënua me 10 vjet burgim, për veprën e dytë “Vrasje e rëndë në tentativë” me 5 vjet burgim. Ndaj tij, gjykata ka shqiptuar dënim unik prej 13 vjet burgim.

I akuzuari i pestë Bahri Gashi, për veprën e parë “Vrasje e rëndë” në bashkëkryerje u dënua me 10 vjet burgim, për veprën e dytë “Vrasje e rëndë në tentativë” me 5 vjet burgim. Ndaj tij, gjykata ka shqiptuar dënim unik prej 13 vjet burgim.

I akuzuari i gjashtë Ylli Gashi, u lirua nga akuza për tri vepra penale: “Ndihma në kryerjen e veprës penale vrasje e rëndë”, “Ndihma në kryerjen e veprës penale vrasja e rëndë në tentativë” dhe “Armëmbajtje pa leje”.

Në dënimin burgim, të akuzuarve do t’iu llogaritet edhe koha e kaluar në paraburgim.

Të akuzuarit secili veç e veç obligohen të paguajnë shumën prej 100 euro në emër të shpenzimeve të procedurës penale në afat prej 15 ditësh nga plotfuqishmëria e aktgjykimit. Po ashtu, në emër të paushallit gjyqësor nga 100 euro dhe 50 të tjera për fondin për kompensimin e viktimave të krimit.

Të dëmtuarit, për kërkesën pasurore-juridike u udhëzuan në kontest civil.

Pesë të akuzuarve që u dënuan me burgim, iu vazhdua masa e paraburgimit derisa aktgjykimi të marrë formën e prerë, por jo më gjatë se dënimi i shqiptuar.

Kundër këtij aktgjykimi, palët kanë të drejtë ankese në Gjykatën e Apelit në afat prej 30 ditësh pas pranimit të aktgjykimit.

Aktakuza e Prokurorisë Themelore në Pejë, e përmirësuar më 3 shkurt 2023, ngarkonte gjashtë të akuzuarit: Nderim Gashi, Basri Gashi, Agron Gashi, Ardit Gashi, Bahri Gashi dhe Ylli Gashi, për “Vrasje të rëndë”, “Vrasje të rëndë në tentativë”, “Armëmbajtje pa leje” dhe ndihmë në kryerjen e veprës penale “Vrasje e rëndë”.

Sipas aktakuzës, të pandehurit Nderim, Basri, Agron, Ardit dhe Bahri, më 28 prill 2022, rreth orës 20:30, në fshatin Volljakë, Komuna e Klinës, në parkingun e restorantit “Villa Park”, të përgatitur paraprakisht dhe duke vepruar në bashkëkryerje, e me qëllim të hakmarrjes së paskrupullt, privojnë nga jeta viktimën F.H., duke vënë në rrezik edhe jetën e personave tjerë. Kurse, Ylli Gashi akuzohet se ndihmoi në kryerjen e vrasjes, duke siguruar armën për të pandehurin Nderim.

Presidentja Vjosa Osmani e ka filluar takimin me kryetarët e partive politikë të Kosovës.

Ajo në hyrjen të takimit ka bërë të ditur se arsye për këtë tubim të liderëve të partive vendore është caktimi i një date për zgjedhjet e ardhshme nacionale.

Në këtë takim të pranishëm nuk ishin asnjë përfaqësues i Lëvizjes Vetëvendosje.

Osmani tha se ky takim duhet të ndodhë pasi e thotë edhe Kushtetuta e Kosovës.

“Ftesa për këtë takim me kryetarët e partive politike është bazuar në kompetencat kushtetuese të institucionit të Presidencës së Republikës së Kosovës për shpalljen e zgjedhjeve të Republikës”, ka thënë Osmani.

Instituti i Kosovës për Drejtësi (IKD) ka publikuar raportin për Kuvendin e Kosovës për sesionin pranveror, në të është përmendur edhe raportimi i liderëve të vendit për procesin e dialogut.

Në raportin e lëshuar për media thuhet se me zhvillimet rreth dialogut ndërmjet Kosovës dhe Serbisë, IKD gjen se ka munguar qasja proaktive e kryeministrit Albin Kurti dhe e zëvendëskryeministrit Besnik Bislimi për të raportuar mbi zhvillimet në dialog.

“Mungesa e raportimit të një kryeministri para parlamentit për dialogun ndërmjet shtetit të tij dhe një shteti tjetër, paraqet mangësi të thellë të transparencës, llogaridhënies dhe kontrollit demokratik të institucioneve. Në situatën kur një kryeministër nuk i paraqet parlamentit detaje mbi negociatat, krijohet një hendek në komunikimin dhe përgjegjshmërinë e qeverisë”, thuhet në raport.

Ndër tjera, në këtë sesion, sipas IKD-së, dy ligje të rëndësishme u dorëzuan në Gjykatën Kushtetuese për t’u vlerësuar kushtetutshmëria e tyre: Ligji për Këshillin Prokurorial të Kosovës dhe Ligji për Komisionin e Pavarur të Mediave.

“Kuvendi i Kosovës injoroi vërejtjet dhe komentet e shoqërisë civile në lidhje me miratimin e Ligjit për Komisionin e Pavarur të Mediave.Raporti i IKD-së, për këtë projektligj tregon se pavarësia e garantuar kushtetuese për Këshillin për Mbrojtjen e Mediave (KPM) është kërcënuar nga varësia e tij ndaj partisë në pushtet. Ligji i ri për KPM-në është miratuar pa mbështetje nga opozita, me kritika nga partnerët ndërkombëtarë, mediat, dhe shoqëria civile, duke injoruar standardet e konsultimit publik dhe duke e politizuar këtë institucion, i cili do duhej të mbronte demokracinë dhe lirinë e mediave në Kosovë”, thuhet në raport.

Komitetit Olimpik i Kosovës ka reaguar për sukseset që ka korrur ekipi kosovar në Lojërat Olimpike “Paris 2024”.

Në një postim në Facebook, KOK-u thotë se shteti i Kosovës është i radhitur i 24-ti në botë, por është i pari në shtetet e Ballkanit Perëndimor, sa i përket ranglistës së medaljeve që janë marrë në Paris.

“Në vendin e 24-të nga 206 ekipet Olimpike. Sukses se jo mahi!”.

“Jemi me numër medaljesh më shumë se të gjitha shtetet e Ballkanit. Vetëm 43 shtete kanë fituar medalje deri sot!”, thuhet në njoftimin e KOK-ut.

Kryetari i Komunës së Ferizajt, Agim Aliu ka njoftuar se një shesh në këtë komunë do të emërohet me emrin e “Adem Demaçit”

Sheshi që do të marrë emrin e Demaçit është ai përballë stacionit hekurudhor në Ferizaj.

“Në përvjetorin e amshimit të bacës Adem, sot e gjithmonë ai është i gjallë mes nesh, me veprën e frymëzimin ndër breza” ka shkruar Aliu në njoftimin e tij.

Ky është njoftimi i plotë: