Category: Lajme

Deputetja nga radhët e Lidhjes Demokratike të Kosovës, Hykmete Bajrami, ka kritikuar Qeverinë Kurti lidhur me investimet kapitale, ku ka thënë se nga 859 milionë euro të parapara, deri në shtator janë shpenzuar vetëm 159 milionë euro, raporton Express.

Sipas Bajramit, kjo shifër, që thotë se është e dhënë e Ministrisë së Financave, tregon se ka mospunë.

Për pjesën e shpenzuar, Bajrami ka thënë se një pjesë janë “kontrata njëburimore me korrupsion”.

“Derisa qytetarët shpenzojnë kohë në kolonat me pluhur, shpenzojnë karburant dhe amortizojnë automjetet e tyre në rrugët për Podujevë, Mitrovicë, Pejë e Gjilan partia në pushtet prej 859 milionë eurove të parapara për investime kapitale në buxhetein e vitit 2024, deri me 1 shtator ka arritur të shpenzoj vetëm 159 milionë euro (ndërsa komunat me krejt pengesat nga Ministria e Financave kanë shpenzuar 120 milionë euro për investime kapitale deri me 1 shtator). Këto të dhëna janë të Ministrisë së Financave”, ka shkruar Bajrami.

“Në anë tjetër mbi këtë qeveri rëndon barra e 273 milionë tenderëve sekret, taksa tonat këto të shpenzuara në kundërshtim me Ligjin e Prokurimit Publik, duke dëmtu buxhetin e duke favorizu kompani në dëm të konkurrencës së lirë në treg. E pamë mospunën tuaj, prandaj s’mund të fshiheni më prapa mashtrimeve e propagandës”, ka shkruar tutje Bajrami.

Ushtria izraelite ka thënë se ka vrarë liderin e Hezbollahut, Hassan Nasrallahun, pas sulmit në Bejrut të premten.

Sipas “REL”, ushtria ka thënë se gjatë sulmit janë vrarë edhe Ali Karki, komandant i Frontit Jugor të Hezbollahut, dhe komandatë të tjerë të Hezbollahut.

Ndryshe, sulmi ndaj selisë qendrore të Hezbollahut erdhi vetëm pak pasi kryeministri izraelit, Benjamin Netanyahu paralajmëroi se veprimet ndaj organizatës së shpallur terroriste nuk do të ndalen.

“Ne po vazhdojmë që ta sulmojmë Hezbollahun me forcë të plotë dhe nuk do të ndalemi derisa t’i arrijmë qëllimet tona – kryesorja në mesin e tyre rikthimi i banorëve të veriut në mënyrë të sigurt në shtëpitë e tyre” – tha Netanyahu.

Netanyahu ndërpreu vizitën e tij në ShBA dhe do të kthehet menjëherë në Izrael.

Zëdhënësja e Pentagonit, Sabrina Singh ka deklaruar se Shtetet e Bashkuara të Amerikës nuk kanë qenë të njoftuara për sulmin e Izraelit.

“SHBA-ja nuk ka qenë e përfshirë në këtë operacion dhe ne nuk kemi pasur paralajmërim paraprak.” – ka thënë ajo për mediat.

Ministri i Punëve të brendshme, Xhelal Sveçla është shprehur i lumtur për raportin e fundit të kompanisë amerikane Gallup, ku Kosova u rendit në top 10 vendet e botës me vlerën më të lartë të indeksit të Ligjit dhe Rendit dhe në mesin e vendeve më të sigurta në glob për qytetarët e saj.

Sveçla thotë se kjo renditje vjen si rezultat i dëshirës së qytetarëve për qetësi, rend dhe nga vullneti i institucioneve e agjencive ligjzbatuese që kjo të plotësohet.

“U jam falënderues të gjithëve për këtë arritje të Republikës sonë. Le të punojmë edhe më shumë që të renditemi në 5shen e parë”, shkruan ministri në facebook.

Të paktën 43 njerëz kanë vdekur dhe miliona kanë mbetur pa energji të premten, derisa uragani Helene u përhap në juglindje të SHBA-së.

Zyrtarët vazhduan shpëtimin me varka, helikopterë dhe automjete të mëdha për të ndihmuar të bllokuarit në ujërat e përmbytjeve – duke përfshirë rreth 50 punëtorë dhe pacientë që u grumbulluan në çatinë e një spitali të përmbytur në Tenesi, raporton BBC.

Ishte stuhia më e fuqishme në rekord që goditi Big Bend të Floridës dhe u zhvendos në veri në Gjeorgji dhe Karolina.

Siguruesit dhe institucionet financiare thonë se dëmi i shkaktuar nga stuhia mund të arrijë në miliarda dollarë.

Një e mitur në Suharekë dyshohet se është dhunuar nga Policia e Kosovës.

Përmes raportit 24 orësh, Policia ka bërë me dije se një nga të dyshuarit është i mitur. Njëri nga të dyshuarit është arrestuar tashmë, e tjetri gjendet në arrati.

Rasti dyshohet se ka ndodhur para dy ditësh.

“DHUNIM – Suharekë 26.09.2024 – 20:30. Viktima femër kosovare e mitur, dyshohet se është dhunuar nga dy të dyshuar meshkuj kosovar (njëri i mitur). Viktima është dërguar për ekzaminim mjekësor. Njëri nga të dyshuarit është arrit të arrestohet dhe me vendim të prokurorit të dërgohet në mbajtje, ndërsa i dyshuari tjetër gjendet në arrati”, thuhet në raport.

Shefi i Punëve të Jashtme të BE-së, Josep Borrell thotë se asnjë fuqi, përfshirë SHBA-në, nuk mund ta “ndalojë” kryeministrin izraelit Benjamin Netanyahu.

Josep Borrell u tha gazetarëve në Nju Jork se “ndërkombëtarët po rrisin presionin për një armëpushim, por askush nuk duket se është në gjendje ta ndalojë Netanyahun, as në Gaza dhe as në Bregun Perëndimor”.

Borrell tha se Netanyahu e kishte bërë të qartë se izraelitët “nuk ndalojnë derisa Hezbollahu të shkatërrohet”.

“Nëse shkatërrimi është i njëjtë si me Hamasin, atëherë ne do të shkojmë për një luftë të gjatë,” tha ai, cituar nga agjencia e lajmeve AFP.

• Të premten, zyrtarët libanezë thanë se gjashtë persona u vranë dhe 91 u plagosën në një sulm ajror, ndërsa zyrtarët lokalë thanë se rreth 800 njerëz janë vrarë në sulmet izraelite në Liban që nga e hëna.

PËRGATITI: KRENARE MULLIQI   

Me vëmendje po dëgjojnë ligjëratat e profesionistëve, në lidhje me sëmundjen e kancerit të gjirit, nxënësit e shkollës fillore dhe të mesme “The British School ofKosova”.

Ky aktivitet po mbahet në kuadër të javëve për ndërgjegjësim, lidhur me kancerin e gjirit.

Për simptomat e këtij kanceri dhe rëndësinë e zbulimit sa më të hershëm të kësaj sëmundjeje, nxënësit u informuan më në detaje nga doktoresha Vjollca Zeqiri.

Ndërkaq, sipas Drejtorit të shkollës “The BritishSchool of Kosova”, gjeneratat e reja mund të jenë misionarë të fushatave vetëdijesuese.

Sipas të dhënave ndërkombëtare, çdo e 8 grua vuan nga kanceri i gjirit dhe çdo e 33-ta grua vdes nga kjo sëmundje.