Category: Lajme

Presidenti i Shqipërisë, Bajram Begaj, priti sot në një takim Senatorin italian Luciano D’Alfonso të shoqëruar nga një grup sipërmarrësish italianë.

Në takim u theksuan marrëdhëniet shumë të mira dhe të ngushta ndërmjet Shqipërisë dhe Italisë në të gjitha fushat, përfshirë dhe atë ekonomike, të favorizuara edhe nga afërsia gjeografike mes dy vendeve.

Presidenti Begaj theksoi se Italia është porta hyrëse e Shqipërisë për në BE, ndërsa Shqipëria një portë e mirë hyrëse e biznesit italian në Ballkanin Perëndimor.

Intensifikimi i këtyre marrëdhënieve ka sjellë jo vetëm shtimin e investitorëve italianë në Shqipëri, por dhe faktorizimin e biznesit shqiptar në Itali.

Gjykata Themelore në Prishtinë ka vendosur një muaj paraburgim ndaj të pandehurit M.M. për shkak se dyshohet se ka kryer veprën penale Krim i Organizuar lidhur me veprën penale Prodhimi, përpunimi i paautorizuar i narkotikëve, substancave psikotrope dhe analoge ose mjeteve, pajisjeve dhe materialit për narkotik.

Në njoftimin e lëshuar thuhet se të pandehurit M.M i hiqet masa e dorëzanisë dhe caktohet se vlera e mjeteve monetare në shumë prej 30 mijë euro, e deponuar më datë 27.03.2023 në emër të dorëzanisë, të derdhet në Programin për Kompensimin e Viktimave të Krimit.

“Ekziston dyshimi i bazuar se i pandehuri M.M, duke vepruar si pjesë e grupit të organizuar dhe të strukturuar kriminal, me dashje ka vepruar në grup kriminal të organizuar, me qëllim të përfitimit të kundërligjshëm të dobisë pasurore, janë marrë me prodhimin dhe kultivimin e substancave narkotike të cilat i përpunojnë dhe më vonë i shesin, po ashtu edhe kanë blerë me qëllim të shitjes të substancave narkotike të llojit marihuan dhe kokainë, ashtu që me rastin e kontrollit të zbatuar nga pjesëtarët e Policisë së Kosovës me urdhëresë të gjykatës, tek i pandehuri janë gjetur një sasi e substancave narkotike, bimë të mbjellura narkotike, pajisje për përgatitjen e tyre për t’i plasuar në treg, e të cilat janë sekuestruar nga policia me rastin e zbatimit të urdhër kontrollit në shtëpitë dhe lokalet përcjellëse të të pandehurve, me këtë ekziston dyshimi mirë i bazuar se ka kryer veprën penale Krim i organizuar lidhur me veprën penale Prodhimi dhe përpunimi i paautorizuar i narkotikëve, substancave psikotropçe, analoge apo veglave, paisjeve apo materialeve narkotike”, thuhet në njoftim.

Gjykata vlerësoi se e caktimi i masës së paraburgimit është masë e domosdoshme, sepse rreziku i ikjes i referohet faktit se i pandehuri ka qenë nën masën e dorëzanisë, i cili e ka dorëzuar edhe dokumentin e udhëtimit – pasaportën sipas vendimit të gjykatës.

“Por i njëjti është ndaluar në pikën kufitare më datë 27.09.2024 rreth orës 23:00 duke hyrë në Kosovë nga territori i Serbisë, pa dokument të udhëtimit – pasaportë, pasi të njëjtit i është ndaluar në gjykatë sipas vendimit të Gjykatës, e që me këtë nëse i njëjti lihet në liri paraqet rrezik real për ikjen e tij, sidomos në territorin e shtetit të Serbisë, pasi i njëjti ka nënshtetësi serbe, andaj edhe rreziku i ikjes, zvarritja e procedurës penale e potencialisht edhe përsëritja e veprave penale ekziston, ngase i njëjti ka vepruar në grup kriminal të organizuar, atëherë gjykata vlerësoj se kërkesa e prokurorisë është mjaftueshëm e bazuar”.

Gjykata Themelore në Prishtinë, ka vendosur lidhur me kërkesën e Prokurorisë Speciale të Republikës së Kosovës në çështjen penale për të pandehurin M.M, për heqjen e masës së dorëzanisë dhe caktimin e masës se paraburgimit, për shkak të dyshimit të bazuar se ka kryer veprën penale Krim i Organizuar lidhur me veprën penale Prodhimi, përpunimi i paautorizuar i narkotikëve, substancave psikotrope dhe analoge ose mjeteve, pajisjeve dhe materialit për narkotik.

Në njoftim thuhet se gjyqtari i procedurës paraprake ka aprovuar kërkesën e Prokurorisë Speciale të Republikës së Kosovës, të pandehurit M.M i është caktuar masa e paraburgimit në kohëzgjatje prej një muaji dhe i është hequr masa e dorëzanisë.

“Të pandehurit M.M i hiqet masa e dorëzanisë dhe caktohet se vlera e mjeteve monetare në shumë prej 30,000.00 (tridhjetëmijë) euro, e deponuar më datë 27.03.2023 në emër të dorëzanisë, të derdhet në Programin për Kompensimin e Viktimave të Krimit. Ekziston dyshimi i bazuar se i pandehuri M.M, duke vepruar si pjesë e grupit të organizuar dhe të strukturuar kriminal, me dashje ka vepruar në grup kriminal të organizuar, me qëllim të përfitimit të kundërligjshëm të dobisë pasurore, janë marrë me prodhimin dhe kultivimin e substancave narkotike të cilat i përpunojnë dhe më vonë i shesin, po ashtu edhe kanë blerë me qëllim të shitjes të substancave narkotike të llojit marihuan dhe kokainë, ashtu që me rastin e kontrollit të zbatuar nga pjesëtarët e Policisë së Kosovës me urdhëresë të gjykatës, tek i pandehuri janë gjetur një sasi e substancave narkotike, bimë të mbjellura narkotike, paisje për përgatitjen e tyre për ti plasuar në treg, e të cilat janë sekuestruar nga policia me rastin e zbatimit të urdhër kontrollit në shtëpitë dhe lokalet përcjellëse të të pandehurve, me këtë ekziston dyshimi mirë i bazuar se ka kryer veprën penale Krim i organizuar lidhur me veprën penale Prodhimi dhe përpunimi i paautorizuar i narkotikëve, substancave psikotropçe, analoge apo veglave, paisjeve apo materijaleve narkotike”, thuhet në njoftim.

Më tej thuhet se gjykata ka vlerësuar se caktimi i masës së paraburgimit është masë e domosdoshme, sepse rreziku i ikjes i referohet faktit se i pandehuri ka qenë nën masën e dorëzanisë, i cili e ka dorëzuar edhe dokumentin e udhëtimit – pasaportën sipas vendimit të gjykatës, por i njëjti është ndaluar në pikën kufitare më datë 27.09.2024 rreth orës 23:00 duke hyrë në Kosovë nga territori i Serbisë, pa dokument të udhëtimit – pasaportë, pasi të njëjtit i është ndaluar në gjykatë sipas vendimit të Gjykatës, e që me këtë nëse i njëjti lihet në liri paraqet rrezik real për ikjen e tij, sidomos në territorin e shtetit të Serbisë, pasi i njëjti ka nënshtetësi serbe, andaj edhe rreziku i ikjes, zvarritja e procedurës penale e potencialisht edhe përsëritja e veprave penale ekziston, ngase i njëjti ka vepruar në grup kriminal të organizuar, atëherë gjykata vlerësoj se kërkesa e prokurorisë është mjaftueshëm e bazuar.

Marine Le Pen, udhëheqësja e partisë së ekstremit të djathtë në Francë, Tubimi Kombëtar (RN), do të paraqitet në gjyq më 30 shtator në Paris, së bashku me 26 persona të tjerë dhe vetë partinë RN, për akuzat për keqpërdorim të fondeve të Bashkimit Evropian.

Pothuajse një dekadë pas fillimit të hetimeve, gjyqi mund t’ia ndalojë Le Pen të mbajë poste publike për deri në 10 vjet shkaku i akuzave, të cilat ajo i mohon.

Le Pen, e cila prej kohësh ka punuar për ta pastruar imazhin e partisë së saj, humbi përballë Emmanuel Macronit në raundin e dytë të zgjedhjeve presidenciale të Francës në vitet 2017 dhe 2022. Ajo shihet gjerësisht si një nga favoritet kryesore për zgjedhjet e ardhshme më 2027.

Zyrtarët dhe punonjësit e partisë, ish-deputetë dhe asistentë parlamentarë akuzohen se kanë përdorur paratë e destinuara për punë parlamentare të BE-së për ta paguar stafin që punonte për RN-në, që në atë kohë quhej Fronti Kombëtar.

Parlamenti Evropian e ka vlerësuar dëmin në 3.5 milionë euro.

Ligjvënësve të BE-së u alokohen fonde për të mbuluar shpenzimet, përfshirë asistentët e tyre, por nuk duhet t’i përdorin ato për të financuar aktivitetet partiake.

Shumë parti politike evropiane – veçanërisht ato më të vogla që përfitojnë më pak financim kombëtar – kanë përdorur paratë e BE-së për të punësuar talente premtuese si ndihmës të ligjvënësve të BE-së.

Udhëheqësi aktual i partisë RN, Jordan Bardella, që është gjithashtu anëtar i Parlamentit Evropian, dikur ka punuar në një rol të tillë asistent. Ai nuk është akuzuar për keqpërdorim.

Partia e Marine Le Pen – që është në grupin kryesor të partive euroskeptike dhe nacionaliste në Parlamentin Evropian dhe argumenton për politika nacionaliste në çështje që variojnë nga imigracioni, tregjet e energjisë dhe bujqësia – i mohon akuzat.

Marine Le Pen përballet me akuza si për rolin e saj si udhëheqëse partie, ashtu edhe si një ligjvënëse e BE-së në atë kohë, që thuhet se ka punësuar asistentë fiktivë.

Prokurorët thonë se një tjetër nga të pandehurit, Thierry Legier, në të vërtetë ka punuar si truproje për Le Pen dhe babain e saj, Jean-Marie Le Pen, themeluesin e Frontit Kombëtar, ndërsa merrte një pagë si asistent parlamentar midis viteve 2005 dhe 2012.

Ligjvënësi i RN-së dhe zëdhënësi i partisë, Laurent Jacobelli, i tha Reuters javën e kaluar se Marine Le Pen, tani ligjvënëse në parlamentin francez, nuk është e shqetësuar për gjyqin.

“Ajo e di që ajo për të cilën akuzohemi është një kuptim i ndryshëm, si një parti franceze, i asaj se çfarë është roli i një asistenti, krahasuar me kuptimin e Parlamentit Evropian”, tha ai.

Nëse shpallet fajtore, Le Pen dhe të pandehurit e tjerë mund të përballen me një dënim potencial me burg deri në 10 vjet dhe një gjobë prej një milion eurosh. Përveç kësaj, ata si Le Pen që ishin zyrtarë të zgjedhur në kohën e veprave të dyshuara rrezikojnë të përjashtohen nga postet publik për deri në 10 vjet. Ata që nuk ishin zyrtarë të zgjedhur mund të përjashtohen deri në pesë vjet.

Prokuroria publike e Parisit hapi një hetim në vitin 2016, nxitur nga një raport i presidentit të Parlamentit Evropian drejtuar ministrit të drejtësisë së Francës, i ndjekur nga një hetim policor.

Gjyqi do të zgjasë deri më 27 nëntor.

RN-ja është nën një hetim tjetër paraprak, të nisur në korrik nga prokuroria e Parisit, për financimin e paligjshëm të pretenduar të fushatës së saj presidenciale të vitit 2022./REL

Policia e stacionit në Shtime ka nisur sot një aksion në rrugët e Shtimes për largimin e veturave nëpër vend parkingje të ndaluara me shenja të komunikacionit rrugor.

Ky aksion ka ardhur nga disa ankesa të qytetarëve të Shtimes , të cilët vazhdimisht janë ankuar se shoferët e ndryshëm po e pengojnë qarkullimin e lirë të këmbësorëve nëpër trotuaret e dedikuar për ta.

Aksioni ka për qëllim lirimin e trotuareve dhe të rrugëve nga parkingjet e parregullta.

Veç, vërejtjeve të shumta policore për drejtuesit e automjeteve, sot gjatë ditës policia ka shqiptuar 15 gjoba për kundërvajtje në komunikacion, kryesisht për parkingje të parregullta .

“Policia e stacionit në Shtime do të vazhdojë edhe në ditët në vijim, me synim që trotuaret në qytetin e Shtimes të jeni të lira për këmbësorë. Ndërsa, ftojmë qytetarët që të bashkëpunojnë më policinë. Për të gjitha kundërvajtjet që shkaktohen në komunikacionin rrugor, të njoftojnë menjëherë policinë përmes aplikacionit digjital ‘Lajmëro Policinë’ dhe në numrat kujdestarë : 192,0290/326-250 & 0290/322-406”, thuhet në komunikatë.

I akuzuari Agron Vllasaliu gjatë dhënies së mbrojtjes të hënën në Gjykatën Themelore në Prishtinë, ka shprehur keqardhje për familjarët e të ndjerit N.S dhe tha se asnjëherë nuk ka qenë qëllimi që t’ia marrë jetën dikujt.

“Më vjen keq për krejt familjen e të ndjerit, ju kërkoj falje prindërve të tij për këtë që kam bo, asnjëherë nuk ka qenë arsyeja me ia marrë jetën dikujt”, tha i akuzuari Vllasaliu.

Këtë deklarim, Vllasaliu e bëri në rastin ku së bashku me të akuzuarin Arlind Ahmeti po ngarkohen se pas marrëveshjes paraprake më 24 nëntor 2017 në qendër të Prishtinës kishin vrarë N.S., raporton “Betimi për Drejtësi”.

I akuzuari Vllasaliu ka deklaruar se në natën kritike, përveç tani të akuzuarit Arlindit që e ka njohur, personat tjerë nuk i ka njohur më parë, e as nuk ka pasur të bëjë asgjë me ta dhe se as nuk e di arsyen pse i ka sulmuar.

Ai po ashtu deklaroi se në natën kritike kur kanë mbërritur te “Kafet e vogla”, në veturë ka hyrë Behar Salihu, me të cilin kanë biseduar aq kohë sa për një xhiro të shkurtër me veturë.

Vllasaliu ka thënë se herën e dytë kur janë kthyer te “Kafet e vogla”, Behari erdhi duke e goditur nga dritarja e veturës duke tentuar që ta nxjerrë nga vetura.

Sipas tij, në momentin kur ka shtënë me armë përballë ka pasur vetëm Beharin dhe se pa dashur ta lëndojë dikënd, ka shtënë në drejtim të asfaltit.

“Vjen i fut dy duart në veturë, një person që kurrë në jetë s’e kam pa, më godet dhe munohet me aq fuqi sa ka me më nxjerrë nga vetura duke më kapur për tesha”, ka deklaruar i akuzuari Vllasaliu.

Gjtihashtu, lidhur me bisedën e zhvilluar në veturë mes Beharit dhe Arlindit, i akuzuari theksoi se “me sa e di kërkesa e Beharit ka qenë droga”, ndërsa Arlindi i ka thënë se nuk ka drogë.

Vllasaliu tha se pas atij rasti nuk e ka takuar as të akuzuarin Arlind dhe as nuk ka qenë në dijeni se dikush ka humbur jetën. Tha se këtë e ka kuptuar kur është arrestuar në Francë dhe e kanë njoftuar se akuzohet se për vrasje.

I pyetur nga mbrojtësi i palës së dëmtuar, avokati Fanol Krasniqi, i akuzuari ka thënë se lidhur me atë nëse dikush dikujt i ka kërkuar besë, sot është hera e parë që e dëgjon këtë, pasi që për asnjë moment nuk është kërkuar besa.

Mbrojtësi i tij, avokati Florent Latifaj ka kërkuar nga gjykata të sqarohet edhe koha sa ka qenë i mbrojturi i tij në paraburgim në Francë gjatë kohës së ekstardimit, pasi që nuk është llogaritur deri më tani.

Për këtë, trupi gjykues i kryesuar nga gjykatësi Alban Ajvazi kërkoi që Prokuroria t’ua sigurojë këtë informacion, ndërsa prokuror Bashkim Zeqaj kërkoi kohë që ta sigurojë këtë informatë.

Më pas, seanca e sotme është ndërprerë për të vazhduar për një datë tjetër.

Fillimisht, Gjykata Themelore në Prishtinë më 16 prill 2019, pasi që kishte bërë rikualifikimin e veprës penale, të akuzuarin Arlind Ahmeti e kishte shpallur fajtor për shtytje në vrasje të rëndë, duke shqiptuar dënim unik prej 17 vjetësh burgim. Kurse, Vllasaliu gjendej në arrati.

Por, Gjykata e Apelit, në nëntor të vitit 2019, kishte vendosur që ky rast të gjykohet sërish nga gjykata e shkallës së parë, me arsyetimin se aktgjykimi i 16 prillit 2019, është në kundërshtim me dispozitat ligjore.

Kurse, më 13 dhjetor 2022, Gjykata Themelore në Prishtinë sërish e kishte shpallur aktgjykim dënues ndaj të akuzuarve Agron Vllasaliu dhe Arlind Ahmeti, duke i dënuar me nga 21 vjet burgim për vrasje të rëndë në bashkëkryerje të tani të ndjerit N.S, në vitin 2017 në Prishtinë.

Ndërsa, Gjykata e Apelit më 23 mars 2023, me rastin e ankesave të përfaqësuesit të palëve të dëmtuara, avokatit Nexhmedin Sejdiu, mbrojtësve të të akuzuarit Arlind Ahmeti, avokatit Asdren Hoxha dhe avokatit Fitim Malokaj, si dhe mbrojtësit të të akuzuarit Agron Vllasaliu, avokatit Florent Latifaj, ka anuluar aktgjykimin e Gjykatës Themelore në Prishtinë dhe çështjen ia ka kthyer gjykatës së shkallës së parë në rigjykim.

Sipas aktakuzës së ngritur më 13 korrik 2021, Agron Vllasaliu akuzohet se më 24 nëntor 2017, në bazë të marrëveshjes paraprake me të pandehurin Arlind Ahmeti, kanë privuar nga jeta tani të ndjerin N.S dhe kanë rrezikuar jetën e tani të dëmtuarve, Behar Sahiti, Lumbardh Kukaj, Freskim Farizi, R. K. dhe Mërgim Kqiku.

Kryetari i Kuvendit të Republikës së Kosovës, Glauk Konjufca, ka pritur sot në takim Sindikatën e Bashkuar të Arsimit, Shkencës dhe Kulturës.

Në bazë të Ligjit për nisma legjislative, kryetari Konjufca pranoi në mënyrë solemne nismën legjislative të nënshkruar nga qytetarë, me propozimin për ndryshimin dhe plotësimin e Ligjit për skemat pensionale të financuara nga shteti, të dorëzuar nga përfaqësues të sindikatës SBAShK.

Rreth 200 pjesëtarë të Forcës Aleate të Reagimit të NATO-s do të dislokohen në Ballkanin Perëndimor nga 30 shtatori deri më 16 tetor për të kryer stërvitje që synojnë rritjen e gatishmërisë dhe mbështetjen e misionit të NATO-s në Kosovë, KFOR.

Në komunikatën për media të lëshuar nga KFOR-i thuhet se kjo është hera e parë që një njësi e ARF-së dislokohet që nga themelimi i saj në korrik të këtij viti.

“Një kontingjent ushtarak prej rreth 50 pjesëtarësh do të jetë në Kosovë dhe një nyje komanduese e përparme prej rreth 150 pjesëtarësh do të vendoset në Maqedoninë e Veriut. Personeli i dislokuar do të kryejë aktivitete stërvitore për të ruajtur nivelin e lartë të gatishmërisë dhe për të testuar aftësitë e tyre. Një pjesë e shtabit të ARF-së do të integrohet përkohësisht në strukturat komanduese dhe kontrolluese të misionit të KFOR-it, me detyrën për të identifikuar kërkesat e mbështetjes logjistike, infrastrukturore dhe operacionale për KFOR-in, në rast të një përforcimi të konsiderueshëm të qëndrimit të tij”, thuhet në komunikatë.

Ky dislokim i ARF-së, së bashku me vendosjen e vazhdueshme të Forcës Rezervë Strategjike (SRF) në Kosovë, dërgon mesazh të qartë të vendosmërisë dhe angazhimit të fortë të NATO-s për të ruajtur paqen dhe stabilitetin në rajon.

Kryetari i Kryeqytetit, Përparim Rama bashkë me nënkryetaren, Jehona Lushaku, kanë vizituar shkollën “Faik Konica” në Prishtinë, ku kanë parë nga afër nisjen e mësimit gjithëditor, raporton EO.

Kreu i Prishtinës tha se implementimi i këtij programi është pozitiv për fëmijët, ndërsa meritat ia atribuon drejtoreshës së Arsimit, Jehona Lushaku-Sadriu. Rama tha se edhe ushqimi në këtë program është i veçantë për fëmijë.

“Sot filluam me mësimin tërëditor, është vazhdimësi e dy shkollave të mëparshme tashmë jemi këtu në ‘Faik Konicë’ dhe do të shkojmë në shkollën e radhës. Desha të vijë dhe me përjetuar mënyrën e mësimit tërëditorë dhe ndryshimet që janë vërë pas një pune të madhe që është bërë prej administratës së kryeqytetit në krye me drejtoreshën Jehonën. I gjithë stafi kanë qenë pjesë e këtij procesi. Shujtat të cilat janë nutricione janë të mirë-dizajnuar për shëndetin e fëmijëve tanë. Përveç këtyre shujtave, pamë edhe klasë të ndryshme, si klasa e filmit që kanë mundësi nxënësit me shikuar dhe diskutuar për atë film me qenë kritik. Po ashtu në klasën e biologjisë ku i pamë një numër të madh të nxënësve duke mësuar për prindërit. Me pajisjet digjitale të cilat i mundëson nxënësve që të ndërlidhen me çfarëdo mësimi në formën digjitale për informata shtesë. Vizituam edhe klasën ku bëhet mësimi tërëditor”, deklaroi Rama.

Rama shpreson që mësimit tërëditor të implementohet në të gjitha shkollat e Kryeqytetit, por që kërkon investime për shkolla të reja.

“Ne në Kosovë është e re dhe po shfrytëzojmë këtë sistem që nxënësit tanë të kenë mundësinë që ato që i lexojnë dhe t’i kuptojnë dhe t’i diskutojnë. Kjo krijon një sistem më të mirë që të thellohet edukata. Ishin të gjithë nxënësit e entuziazmuar dhe shpresojmë që të vazhdojmë në të gjithë territorin e Prishtinës, planifikimet janë bënë por na duhet investime të tjera për shkollat e reja. Jemi zotuar që çdo klasë të ketë edhe panelet teknologjike. Transformim në kryeqytet në edukimin arsimor në shkollat fillore dhe të mesme do të jetë një element që do ta marrë e gjithë Kosova, me një sistem fantastikë për të ardhmen tonë”, u shpreh Rama.

Drejtoresha e Arsimit në Komunë e Prishtinës, Jehona Lushaku-Sadriu, ka potencuar se hapja e një shkolle me mësim tërëditor është ditë e rëndësishme pasi “ngritë cilësinë e arsimit në kryeqytet”.

“Është e rëndësishme që sot ne po vazhdojmë hapjen edhe të një shkolle me mësim tërëditor. ‘Faik Konica’ është një shkollë ikonike dhe kur shënohet këtu janë shënuar shumë reforma të arsimit, dhe kjo është një lloj përmbushje të misionit në funksion të fëmijëve dhe të planifikimit të prindërve. Është bërë për qëllimet më të mira që ngritja cilësisë së arsimit të ndodh në qendër të Prishtinës. Kemi përdorur një model të ndarjes së shkollës, paralelet gjashtë deri nëntë kanë shkuar në një shkollë tjetër, në shkollë tjetër të afërt dhe kemi përdorur hapësirat e mbetura për të krijuar hapësira për klasat e para dhe të pesta”, tha Lushaku-Sadriu.

Po ashtu ajo foli edhe për ushqimin që do ta kenë këta nxënës.

“Kryeqyteti ka ndarë edhe buxhetin për kuzhinën qendrore dhe do të jap shujtat e ngrohta për të gjithë nxënësit e shkollës ‘Faik Konica’. Me këtë ne po e përmbushim dhe po e shendojmë shkollën në një vend lumturie krahas një vendi ku edhe aplikohet mësimdhënia me metoda bashkëkohore”, shtoi ajo.

Drejtoresha e shkollës ‘Faik Konica’, Jehona Uruqi tha se nxënësit e kanë mirëpritur mësimin gjithëditor, teksa konsideron se kjo kurrikulë ka krijuar hapësira për aktivitet të ndryshme shtesë.

“I gjithë procesi ka shkuar ashtu siç është planifikuar, përveç mësimit të rregullt janë realizuar edhe aktivitete shtesë të cilat plotësojnë mësimin tërë ditor dhe mundësojnë realizimin e kutikulës bazë. Në shkollë është bërë një riorganizim i tërësishëm ku përveç klasave aktuale janë përdorur edhe hapësira të cilat ndihmojnë realizimin e aktiviteteve në hapësira të ndryshme të cilat do të ndihmojnë edhe realizimin e kilikues. Nxënësit e kanë pritë me entuziazëm ashtu siç e kemi pritur edhe ne tani është dita e parë dhe vërehet një buzëqeshje e tyre, dhe besoj që edhe ditëve në vijim do të ambientohen më të gjitha hapësirat e shkollës”, tha Uruqi.