Category: Lajme

Jakup Krasniqi ndodhet në Kosovë, pasi i ishte lejuar vizita në familje nga Dhomat e Specializuara dhe Zyra e Prokurorit të Specializuar të Kosovës, nën mbikëqyrje.

Me anë të një kumtese, nga ky institucion bëjnë të ditur se për arsye humanitare bindëse, Trupi Gjykues ka udhëzuar Zyrën Administrative që të menaxhojë një vizitë nën mbikëqyrje të Krasniqit në Kosovë për të takuar familjen e ngushtë.

“I akuzuari mbetet në paraburgim të Dhomave të Specializuara. EULEX dhe Policia e Kosovës po mbështesin Dhomat e Specializuara të Kosovës”, thuhet tutje në njoftim.

Më shumë se 3 milionë njerëz në Florida janë pa energji elektrike që nga ora 3:58 (07:58 GMT), sipas Poweroutage.us, i cili gjurmon furnizimet, shkruan Reuters.

Zonat më të prekura janë në bregun perëndimor, veçanërisht Hardee, Manatee, Sarasota, Charlotte dhe Hillsborough.

Guvernatori i Floridës Ron DeSantis raportoi se Milton kishte shkaktuar të paktën 19 tornado që shkaktuan dëme në shumë qarqe, duke shkatërruar rreth 125 shtëpi, shumica prej tyre shtëpi të lëvizshme.

“Në këtë pikë, është shumë e rrezikshme për të evakuuar në mënyrë të sigurt, kështu që ju duhet të strehoheni në vend”, tha DeSantis pasi njoftoi rënien në tokë.

Deputeti Partisë së Demokratike të Kosovës, Bekim Haxhiu, ka kërkuar që deputetes Mimoza Kusari-Lila, t’i merret mandati nga Kuvendi i Kosovës.

Duke iu përgjigjur akuzave të Kusari-Lilës se ai qëndron prapa kompanisë “Lirigzoni” që ka marrë projekte në veri, tha se kjo nuk qëndron.

“Dje kam kërkuar që Mimoza Kuasari-Lila t’ia merr mandatin për shkak të bashkëpunimit të saj me Radoiçiq. Sot jam më shumë i bindur se kur kjo është në gjendje kur një kompani “Lirigzoni” që nuk jam pronar i asaj kompanie dhe asnjë tjetër. Ajo kompani ka qenë kundërshtare e kompanisë “Rade”. Radoijçiq me grupet e tij janë kanë djegur kamionët dhe kanë sulmuar me armë “Lirigzoni” kompani… kjo është fëlliqësira e Mimoza Kusari-Lila që me pshtu vetën. Kjo është gjendje me akuzu edhe UCK-në se kanë bashkëpunim e Serbinë. Kjo është logjika e saj që se meriton me qenë deputete, pasi e flliqë edhe mandatin e deputetit”, tha ai.

Deputeti i pavarur, Haki Abazi deklaroi se Grupi Parlamentar i Lëvizjes Vetëvendosje ka prishur punë me deputetët e kësaj partie për të kërkuar vota nga Lista Serbe.

Në seancë plenare ku është kërkuar nga PDK debat parlamentar pas publikimit të audio-incizimeve mes Mimoza Kusari Lilës dhe Millan Radojiçiqit, Abazi tha se deputetët e partisë në pushtet nuk kanë fytyrë të kërkojnë vota.

“Nuk e di a më ka ndejt më mirë ndonjëherë përshkrimi-mbiemri i pavarur. Nuk kisha dashur për asnjë sekondë t’i takojë një grupit parlamentar si që është ky (Lëvizja Vetëvendosje), për të cilin kam thënë para dy viteve që janë pazaret e pista për të hapur pompat të benzinës për të futur familjarë në punë, për të futur njerëz të afërt nëpër Gjykata Kushtetuese, për t’i bërë anëtarë të bordeve e të drejtorëve për interesa të vogla të cilat LVV ka kritikuar pushtetet e kaluara”, deklaroi Abazi.

Shefi i Grupit Parlamentar të Lidhjes Demokratike të Kosovës, Arben Gashi deklaroi se koordinimi me terroristin Milan Radojiçiq është fatkeqësi për Kosovën. Në deklarimin e tij pas kërkesës për debat parlamentar nga PDK, Gashi deklaroi se kryeterroristi Radoiçiq ka kryer terrorist ndaj shtetit të Kosovës.

Shefi i Grupit Parlamentar të Lidhjes Demokratike të Kosovës, Arben Gashi tha se debati publik ka arritur në pikën e degjenerimit, për çka shtoi se është fatkeqësi për Kosovën.

“Është për keqardhje se ku ka arrit debati publik në Kosovë. Debati publik sot në Kosovë ka arritur në pikën e degjenerimit të vet se sa është i përfshirë terroristi Millan Radoiçiq në Qeverinë dhe Parlamentin e Kosovës. Kjo është fatkeqësi për Kosovën, fatkeqësi e cila e dëmton sakrificën e secilit qytetar të Kosovës. E dëmton besimin e secilit qytetar të Kosovës. Sot çfarë po dëgjojmë këtu dhe ajo çka pamë dje është në vazhdën e logjikës të cilën LVV e ka ndërtuar si logjikë e përbaltjes dukje qenë vet e zhytur deri në fyt me kriminelë si Millan Radojiçiq. Ky është tmerri i demokracisë në Kosovë. Ky është tmerri i përfaqësimit në Kosovë. Çfarë përcaktimi është ky? Çfarë përfaqësojnë këta deputetë kur kryetarja e tyre e grupit tyre parlamentar akuzon para, mbrapa, anash, djathtas, majtas, pështynë në tëra anët dhe këta entuziazmohen”, deklaroi ai.

Gashi shtoi se mentaliteti që është ndërtuar në këtë qeverisje është i gabuar dhe se interesi i Kosovës nuk është koordinimi me Millan Radoiçiqin.

“Çfarë është ky entuziazëm? Kush po gëzohet? Për çka po gëzohet? Po gëzoheni se kush është më tradhtar se tjetri? Po gëzoheni se kush i ka shërbyer më shumë Serbisë se tjetri, çka po gëzoheni, çka po duartrokitni? Kush kujt po i duartroket këtu? Ai është një terrorist i cili ka kryer akt terrorist ndaj shtetit të Kosovës. Ai terrorist ka vrarë një polic të Kosovës. Dhe ju dilni këtu sot dhe pa pikën e pafytyrësisë dhe mburreni”, shtoi Gashi.

Gjatë deklarimit të tij, ka pasur reagime të deputetëve të Lëvizjes Vetëvendosje, për çka janë përfshirë edhe bashkëpartiakët e Gashit.

“Koordinimi me një terrorist është fatkeqësi kombëtarë, në rastin më të lehtë nëse jo koordinim për tradhti kombëtare. Dhe nuk duhet t’i duartrokitet një fatkeqësie kombëtare”, përfundoi Gashi. /KP

Shefja e Grupit Parlamentar të Lëvizjes Vetëvendosje, Mimoza Kusari-Lila, ka thënë se biseda e publikuar dje mes saj dhe ish-nënkryetarit të Listës serbe, terroristit Millan Radoiçiq është e fabrikuar.

Ajo akuzoi opozitën se po tentojnë ta linçojnë atë dhe t’ia humbin kredibilitetin qeverisë Kurti, derisa theksoi se s’ka pasur asnjë bisedë me Milan Radoijçiq për pagën minimale në Kosovë. Përkitazi me këtë, ajo theksoi se Radoiçiq është përndjekur në Kosovë dhe s’ka shansa të kthehet në Kosovë, përveç duar-lidhur. Duke iu drejtuar deputetëve opozitarë, ajo përmendi publikimin e disa fotove të përurimit të shtëpisë së Milan Radoiçiq, dhuratat që i janë bërë fëmijëve të Radoiçiqi nga siç tha ajo zyrtarë dhe udhëheqës.

“Për keqardhje është të dëgjosh në Kuvendin e Kosovës, jo vetëm shpifje, fabrikim por gjithashtu edhe nxitje dhe cytje për urrejtje dhe linçim. Tash ajo çka dua të them është se këtu duhet të jenë një ose dy argumente kryesore që grupi parlamentar i PDK-së i ka në këtë hallë. E para është se në asnjë formë ose mënyrë nuk po mundeni me pasqyruar ose atribuuar bashkëpunimin që e keni pas ju me Listën Serbe dhe barazu. Prandaj po duhet me shku me shpifje dhe falsifikime. Ndërsa e dyta është fakti që aq shumë po iu mungojnë se nuk janë prezentë këtu se 28 muaj me qeverinë Kurti. Kuvendi po funksionon pa Listën Serbe, ndërsa ju në pamundësi me i pas ata me iu ndihmu po fabrikoni. Çka bëni ju i thirrni bashkëpunëtorët, bashkëpronarët e Millan Radoiçiqit për me fabriku materiale dhe me i sjell ata këtu”, tha ajo.

Kusari-Lila akuzoi edhe deputetin e PDK-së, Bekim Haxhiu, që sipas saj përmes kompanisë “Lirigzoni” ka marrë mbi 2 milionë euro të punëve që i ka kryer në veri.

Derisa po fliste ajo deputeti i pavarur Haki Abazi vendosi disa shirita të policisë rreth foltores së Kuvendit ku po fliste ajo.

“A ju kujtohet bashkëpunimi dhe përurimi i shtëpisë. Kjo çka ka dal dje është fabrikë i plotë. Imagjinoni kur të dalin fotot e përurimit të shtëpisë së Radoiçiqit. Imagjinoni kur të dalin dhuratat për fëmijët e Radoiçiqit nga zyrtarë dhe udhëheqës. Imagjinoni kur të dalin kush e ka vizituar dhe kush ka pasur biznese…Një kompani në pronësi “Lirigzoni” të deputetit të juaj zotëri Haxhiu, mbi dy milionë euro të tërhequra të pareve të punëve drejtpërdrejtë në veri. Çka po kujtoni ju se këto si fakte munden me u gjuajt nalt e poshtë. Lista Serbe se ka asnjë ndikim të vetme në Kuvendin e Kosovës, prej qershorit të vitit 2022. Ajo bisedë dje është tërësisht e fabrikuar. Rasti është në polici”, theksoi Kusari-Lila.

Sa i përket kërcënimit të PDK-së se nuk do të merr pjesë në asnjë votim në Kuvend derisa Kusari-Lila të jetë shefe e deputetëve të LVV-së./KP/

Kryetari i Aleancës për Ardhmërinë e Kosovës (AAK), Ramush Haradinaj, ka thënë se vendi po udhëhiqet nga një spiun i Serbisë, kryeministri i vendit, Albin Kurti.

Ai para gazetarëve u shpreh se terroristi Millan Radojiçiq ka pasur gisht në vendosjen e pagës minimale në vend, në këtë drejtim ai tha. se kjo është bëtë prapa shpinës së Kosovës, bë mënyrë të fshehtë.

Shefi i Grupit Parlamentar të Partisë Demokratike të Kosovës (PDK), Abelard Tahiri ka thënë se Millan Radoiçiq së bashku me Lëvizjen Vetëvendosje kanë bashkëpunuar për vendosjen e pagës minimale.

Në një konferencë për media, Tahiri derisa ka akuzuar Mimoza Kusari-Lila, se ka gënjyer dhe dezinformuae për rolin e PDK-së në votimin e ligjit për pagën minimale me Listën Serbe, ka thënë se sot në seancë do të kërkohet të diskutohet kjo çështje.

Në këtë drejtim ai tha se deputetet duhet të diskutojnë se si terroristit, Milan Radoiciq ka vendosur për pagën minimale të vendit.

Qindra qytetarë serbë janë duke protestuar sot para objektit të policisë në veri të Mitrovicës, kundër arrestimit të liderit të ‘Demokracisë serbe’, Aleksandar Arsenijeviq që ka ndodhur të mërkurën pasdite.

Ata duke fishkëlluar vazhdimisht e herë-herë me thirrje kundër policisë, kanë kërkuar lirimin e menjëhershëm të Arsenijeviqit, ndërsa mbanin në duar pankarta me mbishkrime në gjuhen serbe dhe anglisht me përmbajtje “EULEX cila rregull është kjo”, “A është BE e shqetësuar”, “Veç le të shkoj me radhë” , pankartë kjo me fotografi të kryeministrit Kurti, etj.

Protestuesit, në mesin e të cilëve edhe zyrtarë të “Listës serbe”, nuk kanë lejuar qarkullimin e automjeteve në këtë rrugë.

Protesta ka filluar në ora 10:00 dhe është duke vazhduar edhe në këto momente kur po raportojmë, dhe deri tani nuk ka ndonjë incident./kp

Presidenti i Turqisë, Recep Tayyip Erdogan, po qëndron për vizitë në Shqipëri. Me ceremoni zyrtare Erdogan të enjten u prit nga presidenti i Shqipërisë, Bajram Begaj. Të dy krerët e shteteve fillimisht do të zhvillojnë një takim kokë më kokë, dhe më pas do t’u bashkohen edhe delegacionet nga të dyja palët.

Më vonë, Erdogan pritet të takohet me kryeministrin Edi Rama. Kurse, më pas do të zhvillohet mbledhja e Këshillit të Bashkëpunimit të nivelit të lartë Shqipëri-Turqi dhe në përfundim të saj pritet edhe nënshkrimi i disa marrëveshjeve që lidhen me arsimin, bujqësinë dhe median.

Marrëveshja për krijimin e këtij Këshilli u nënshkrua në janar të vitit 2021, ndërsa mbledhja e parë u mbajt në shkurt të këtij viti.

Në Ankara, gjatë vizitës së kryeministrit Edi Rama atje më 20 shkurt, u nënshkruan gjashtë marrëveshje dhe memorandume mirëkuptimi në fushën e mjedisit, bujqësisë, medias dhe ushtarake.

Ministri i Mbrojtjes, Niko Peleshi, deklaroi në mars të këtij viti gjatë një fjalimi në Kuvend, se Turqia është një shtet ‘me të cilin kemi një bashkëpunim intensiv në fushën e sigurisë mbrojtjes dhe emergjencave civile’.

Ai bëri të ditur se aktualisht është duke u zbatuar mbështetja e grantit prej 100 milionë lirash turke për modernizimin e Forcave të Armatosura dhe se mbi këtë marrëveshje u siguruan edhe tre dronët Bayraktar.

Prej ardhjes në pushtet të partisë Socialiste, kryeministri Rama e ka cilësuar Turqinë partner strategjik dhe ka deklaruar se bashkëpunimi ndërmjet dy vendeve do të arrijë në nivele të panjohura më parë.

Turqia është ndër investitorët më të mëdhenj në Shqipëri me rreth 3.7 miliardë euro, ndërsa më shumë se 15 mijë shqiptarë janë të punësuar nga 830 kompanitë turke që operojnë në Shqipëri.

Rreth mesditës, presidenti Erdogan dhe kryeministri Edi Rama pritet të dalin me një deklaratë të përbashkët.

Ndërkaq, ceremonia e përurimit të xhamisë së Namazgjasë do të mbahet pasdite, para orës 17:00.

Në këtë ceremoni të rëndësishme për besimtarët myslimanë, nuk do të marrë pjesë kreu i Komunitetit Mysliman Shqiptar, Bujar Spahiu, dhe as drejtues të tjerë. Komuniteti do të përfaqësohet nga myftiu i Tiranës, Gazmend Teqja, i cili do të jetë edhe drejtues i xhamisë së Namazgjasë.

Në shtator të këtij viti u bë publike në media një letër e KMSH-së, ku theksohej se ky institucion jep pajtimin që Xhamia e Namazgjasë të administrohet nëpërmjet një fondacioni, i cili do të jetë “autoriteti i vetëm në këtë aspekt” dhe do të ketë si qëllim të veçantë të tij “marrjen përsipër të menaxhimit, administrimit, funksionimit dhe përdorimit pa afat të xhamisë, si dhe të kompleksit përreth saj”.

Ndërtimi i xhamisë nisi në vitin 2015 dhe themeli u vendos nga presidenti turk, Erdogan. Ai pati deklaruar në atë kohë se organizata FETO ka strukturat e saj edhe në Shqipëri, dhe se u kishte kërkuar krerëve të institucioneve “eliminimin” e tyre.

Punimet u tha se do të përfundonin për tre vjet, por u deshën rreth nëntë vjet që xhamia të përurohet.

Xhamia e Namazgjasë ka një sipërfaqe prej 10.000 metrash katrorë dhe ka kapacitet për 5.000 besimtarë. Pjesë e saj janë edhe bibliotekat, qendra kulturore, parkingu, kursi i librit të shenjtë, Kuranit, salla e ekspozitave, mensa, salla e konferencave etj. /REL