Category: Lajme

Intervale më të gjata me diell do të ketë ditën e enjtë, megjithëse vransira kalojnë më shpesh mbi vend, herë herë më të dendura, por pa kushte për të reshura.

Orëve të mëngjesit nëpër ultësira formohen shtresa mjegulle, që deri nga mesdita pritet të shpërndahet. Dominojnë më shumë qetësitë, e ditën frynë e lehtë drejtimesh të ndryshme 1-3m/s. Temperaturat minimale zbresin në 3C e 6C, derisa maksimalet gjatë ditës shkojnë deri në 18C e 20C.

Të premtën kalojnë vransira përgjatë vendit, derisa në fundjavë parashihet mot kryesisht me diell, njofton Prishtina Weather.

Orëve të mëngjesit përgjatë ultësirave, formohen kushte për shtresa mjegulle, që deri nga mesdita shpërndahet. Temperaturat pa ndonjë ndryshim, minimalet zbresin në 2C e 3C, e ato maksimale gjatë ditës shkojnë në 18C e 20C.

Këto kushte të qëndrueshme atmosferike kanë përkeqësuar gjendjen me cilësinë e ajrit, meqenëse ndotësit ajror mbetet të ngujuar pranë sipërfaqes duke çuar indeksin e cilësisë së ajrit në vlera të dobëta, me ngjyrë të kuqe. Sipas parashikimeve edhe ditëve të ardhshme indeksi mbetet në vlera të dobëta, meqë nuk duket si mundësi ndonjë qarkullim i mirë ajror.

Tre njerëz janë vrarë dhe 14 të tjerë janë plagosur të mërkurën, si pasojë e një sulmi në ndërtesën e kompanisë së mbrojtjes dhe hapësirës ajrore të Turqisë, TUSAS, tha ministri i Brendshëm i Turqisë, Ali Yerlikaya.

Yerlikaya nuk dha më shumë hollësi rreth sulmit në TUSAS, e cila është kompani në pronësi të shtetit turk, në periferi të kryeqytetit Ankara.

Nuk është e qartë se kush qëndron pas këtij sulmi.

Televizioni privat NTV raportoi se grup sulmuesish mbërritën në hyrje të ndërtesës së kompanisë me një taksi dhe se sulmuan personelin e sigurisë. Një nga sulmuesit e shpërtheu një bombë, ndërsa të tjerët ia dolën të futen brenda ndërtesës.

NTV-ja raportoi se të shtënat me armë brenda ndërtesës vazhduan dhe se disa punonjës mund të jenë marrë peng.

Vendimi i Sllovakisë për të mbyllur Zyrën Ndërlidhëse në Kosovë po konsiderohet mesazh që ky shtet – i cili ruan marrëdhënie të mira me Serbinë – është larg njohjes së Kosovës. Sipas njohësve të çështjeve politike në vend, vendimi ka të bëjë me politikën anti-kosovare të kryeministrit sllovak, Robert Fico.

Nga Ministria e Jashtme e Sllovakisë thanë për KosovaPress se vendimi është marrë për shkak të riorganizimit të rrjetit diplomatik dhe “zvogëlimit të buxhetit”.

“Sipas vendimit të qeverisë sllovake, Zyra Ndërlidhëse e Republikës së Sllovakisë në Prishtinë do të mbyllet deri më 31 dhjetor 2024 për shkak të riorganizimit të rrjetit diplomatik dhe zvogëlimit të buxhetit”, thuhet në përgjigjen me shkrim nga Bratisllava.

Pavarësisht kësaj, Ministria e Jashtme e Kosovës i tha KosovaPress-it se vendi është i përkushtuar që të forcojë raportet me shtetin sllovak.

Sllovakia është një nga pesë shtetet e bllokut që nuk e njeh pavarësinë e Kosovës. Shtetet e tjera janë Spanja, Qipro, Greqia dhe Rumania.

Sllovakia e konsideron Serbinë partner kyç në Ballkanin Perëndimor.

Njohësi i çështjeve politike, Melazim Koci nuk përjashton mundësinë që vendimi për mbyllje të zyrës të jetë marrë në bashkëpunim me Moskën e Beogradin.

“Pushteti i kryeministrit Robert Fico, kryeministrit të Sllovakisë, është i orientuar komplet pro Moskës. Këtë, kohëve të fundit nuk e fsheh pavarësisht që janë vend anëtar i Bashkimit Evropian dhe NATO-s. Ky regjim i tij është komplet i dirigjuar nga Moska dhe unë nuk e përjashtoj mundësinë që vendimi të jetë marrë në bashkëpunim me Moskën dhe gjithsesi me Beogradin. Kjo nuk duhet të shqetësojë Kosovën, nuk duhet të shqetësojë Kosovën sepse ka të bëjë me relacione të tjera që kanë të bëjnë me implikimet ndërkombëtare dhe është problem më i madh për Bashkimin Evropian dhe NATO-n që brenda radhëve të veta ka kalin e Trojës siç është Sllovakia, siç është Hungaria dhe të tjera. Nuk e përjashtoj mundësinë që të ketë edhe një vend tjetër, të bëjë lëvizje të tillë”, deklaron Koci.

Mbylljen e Zyrës Ndërlidhëse në Prishtinë, Koci e konsideron hap prapa drejt njohjes nga shteti sllovak.

“Është largim, dërgojnë mesazhin që jo vetëm që nuk do të mbajmë zyrën por njohja është shumë larg, gati e pamundur. Por edhe kjo mendoj që nuk duhet të shqetësojë Kosovën sepse është evidente që Kosova si rast sui-generis do të duhej të gjejë rrugë të tjera për afirmim ndërkombëtar dhe të bashkëpunojë me ata që janë aleatë të vërtetë të Kosovës. Është evidente që brenda Bashkimit Evropian ka shumë zëra që nuk janë në favorin e Kosovës dhe kjo ndoshta nuk është keq edhe për të dalluar kush janë aleatët tanë të vërtetë dhe e dyta mendoj se është sinjal për udhëheqësit e Kosovës dhe për të gjithë klasën politike që të bashkëpunojnë më shumë me ata që janë aleatët tanë të vërtetë”, shton ai.

Edhe Besar Gërgi nga Grupi për Studime Juridike dhe Politike (GLPS) konsideron se vendimi i shtetit sllovak ka të bëjë me politikën e përgjithshme anti-kosovare.

“Kjo [vendimi për mbyllje të zyrës në Kosovë] ndërlidhet me politikën e përgjithshme të qeverisë sllovake, të kryeministrit Robert Fico që ka qenë dukshëm anti-kosovare. Duhet të kujtojmë që ai ka qenë kryeministër edhe në vitin 2008 kur e kemi shpallur pavarësinë dhe ai ka qenë vendimtar në mos-njohjen e pavarësisë. Dhe në ditët e fundit kemi pasur shumë lëvizje në aksin Beograd-Bratislavë. Fillimisht ministri i Jashtëm sllovak, Juraj Blanar vizitoi Beogradin ku kishte takime me ministrin serb dhe sipas të gjitha gjasave edhe kjo çështje u diskutua aty dhe po ashtu dje dhe pardje me vizitë në Bratislavë ka qenë presidenti serb Vuçiq së bashku me kryeministrin hungarez, Viktor Orban ku me sa shihet këto dy takime të shpejta kanë pasur ndikim që Sllovakia të marrë këtë qëndrim pak më radikal, pak më antagonist kundër Kosovës”, shprehet ai.

Për më tepër, ai thotë se mund të ketë regres me marrëdhëniet sllovake dhe shkëputje të marrëdhënieve zyrtare me Qeverinë e Kosovës.

“Kjo [vendimi] pa dyshim që ka një mesazh politik që bart në vete dhe që është se shteti sllovak nuk dëshiron të ketë marrëdhënie zyrtare me Qeverinë e Kosovës… Pa dyshim do të ketë ndikime negative, sepse nuk është që kanë qenë marrëdhënie shumë të zhvilluara, kanë qenë në fazat më të hershme. Kemi pasur disa takime në nivele të drejtuesish teknik të ministrive të vendit tonë dhe Sllovakisë. Dhe me këtë vendim politik nga ana e Bratisllavës do të ketë një regres në marrëdhëniet sllovake dhe me gjasë do të na duhet të presim që të vije një qeveri e ardhshme që të jetë më pro-perëndimore se kjo e tanishmja”, përfundon Gërgi.

Pavarësisht vendimit për mbyllje, Ministria e Jashtme e Kosovës tha më herët të mërkurën se vendi është i përkushtuar që të forcojë raportet me Sllovakinë, qoftë përmes “Zyrës ndërlidhëse por edhe përmes takimeve në forume të tjera në nivel rajonal, evropian e global”.

“Ministria e Punëve të Jashtme dhe e Diasporës e Republikës së Kosovës, bazuar edhe në sqarimet e këtij njoftimi, vlerëson se vendimi është pjesë e një riorganizimi të brendshëm të rrjetit diplomatik të Sllovakisë. Ristrukturimet e tilla të rrjeteve diplomatike në përputhje me objektivat strategjik dhe resurset e kufizuara janë evidente edhe në shtete të tjera. Kosova mbetet e përkushtuar për të ruajtur dhe forcuar marrëdhëniet që ka zhvilluar me Sllovakinë qoftë përmes zyrës ndërlidhëse qoftë përmes takimeve në forume të tjera në nivel rajonal, evropian dhe global”, thuhet në këtë përgjigje të MPJD-së.

Edhe gjatë tetorit janë duke vazhduar aksionet për shkyçje për konsumatorët që nuk i kanë përditësuar të dhënat e tyre në KESCO, sipas afatit të përcaktuar nga legjislacioni në fuqi.

Të gjithë konsumatorët të cilët furnizohen me energji elektrike nga KESCO, e kanë obligim ligjor që të lidhin kontratë të furnizimit me kompaninë. Rregullimi i marrëdhënieve kontraktuale me furnizuesin është process i thjeshtë dhe i lehtë për të gjithë konsumatorët anekënd Kosovës. Mjafton të vizitohet pika më e afërt dhe aty do t’u sqarohet i gjithë procesi.

Përpos konsumatorëve të amvisërisë, KESCO ka vazhduar edhe takimet me konsumatorët biznesorë për t’i informuar sa më shumë rreth këtij procesi, sepse ata që përfitojnë më së shumti nga kjo padyshim që janë vet konsumatorët. Në rradhë të parë rregullohet komunikimi konsumator – kompani, pastaj kemi një adresë të saktë për dorëzim të faturave, kemi numrin e saktë të telefonit për të ndarë informata rreth planifikimit nga rrjeti i shpërndarjes, askush nuk mund të ju lë borxhe sepse njehsori vendoset në emrin e atij\asaj që e shfrytëzon energjinë elektrike, e shumë të tjera.

Kushdo që nuk e bën këtë brenda dy javësh që nga data e informimit prej furnizuesit, në këtë rast KESCO-s, shkyçet nga rrjeti elektrik. Këtë e bëjmë në vazhdimësi, posa të kalon ky afat i përcaktuar nga legjislacioni, dhe do të vazhdojmë të bëjmë aksione të tilla edhe ditëve në vazhdim.

Marrë parasysh rolin e rëndësishëm që kanë të dhënat e sakta dhe të përditësuara në sektorin e energjisë, KESCO po ndërmerr masa proaktive për të rritur efikasitetin operacional, për të siguruar kënaqëshmërinë e konsumatorëve dhe për të mbështetur pajtueshmërinë rregullative.

Misioni i KESCO-s është të krijojë partneritet me konsumatorët, ku ofrimi i zgjidhjeve të besueshme energjetike për ta dhe mbajtja e të dhënave të sakta janë dy nga parakushtet thelbësore për t’u arritur këto tu fuqizuar sa më tepër ky partneritet.

Themeluesi i Microsoft-it, Bill Gates, ka dhuruar rreth 50 milionë dollarë për një organizatë joqeveritare që mbështet kandidaten demokrate për president Kamala Harris, shkruan New York Times.

Në një prononcim për gazetën amerikane, Gates as nuk i konfirmoi dhe as nuk i mohoi akuzat për dhurimin, por tha se “këto zgjedhje janë ndryshe”. Gates është i shqetësuar për politikat ekonomike të kandidatit republikan për president Donald Trump dhe shkurtimet e mundshme të planifikimit familjar dhe programeve globale të shëndetit, të cilat janë çështje kyçe për Fondacionin Bill & Melinda Gates.

Ish-gruaja e Bill Gates, Melinda, gjithashtu mbështeti Harris dhe bëri një donacion të madh për fushatën e saj. Pretendimet për dhurimin e Gates vijnë pasi parashikimet po ndryshojnë në lidhje me shanset e Kamala Harris për të mundur Trumpin në zgjedhjet e ardhshme presidenciale.

Platforma Polymarket (Polymarket), e cila merret me parashikimin e rezultateve të zgjedhjeve bazuar në tregun e basteve, parashikoi se Trump ka një shans 64 për qind për të fituar zgjedhjet, të cilat do të mbahen më 5 nëntor. Miliarderi Stanley Druckenmiller tha javën e kaluar në një intervistë me Bloomberg se ekspertët e tregut po llogarisin në fitoren e Trump.

Presidentja e Komisionit Europian, Ursula von der Leyen, ka mbërritur në Tiranë, për të zhvilluar vizitën e saj të parë në Shqipëri, në kuadër të turit në Ballkanin Perëndimor.

Në pamjet e siguruara nga Report Tv, shihet momenti kur Von Der Leyen takohet me kryeministrin Rama dhe më pas përshëndet edhe ministrat socialist dhe presidentin Bajram Begaj.

Vizita e Presidentes së KE-së vjen pak ditë pas çeljes së negociatave për grup-kapitullin e parë mes Shqipërisë dhe Unionit.

Fondi për të Drejtën Humanitare në Kosovë ka bërë prezantimin e librit me poezi “E gjihkohshmja Andërr”, nga autorja Donika Dabishevci, raportin EO. Poetja Dabishevci ka lexuar poezi të përzgjedhura nga libri, dhe tutje është vazhduar me një bisedë me autoren rreth ballafaqimit me të kaluarën nëpërmjet krijimeve artistike.

Sipas saj, libri “E gjithkohshmja Andërr” është i ideuar si homazh poetik kushtuar viktimave civile të luftës ku një kapitull i dedikohet edhe fëmijëve në luftë gjë që ndërthuret me ekspozitën “Na ishte një herë që kurrë mos qoftë”.

Ajo sqaroi se ky libër me poezi flet për përjetimet e luftës, për të vrarët, për refugjatët, për shtëpitë e braktisura, për varfërinë, për shkatërrimin që sjell lufta dhe përmbyllet me poezinë “Gja s’ka ndrrue!”, duke reflektuar edhe në luftërat që po ndodhin tani nëpër botë.

“Secila poezi i kushtohet luftës, mizorisë së luftës, është shpresa që mbetet gjallë, pikërisht kjo dëshirë për me mbet gjallë. Andrra për me mbet gjallë”.

“Ky libër vjen 24 vjet pas luftës, unë kam menduar që me krijuar një farë distance emocionale, jetike prej kohës së luftës në mënyrë që me i përjetuar ato emocionet sepse secili prej nesh ndoshta i ka përjetuar ato emocionet i kanë edhe ato traumat brenda”, tha autorja Dabishevci.

Ky libër sivjet u vlerësua si libri më i mirë me poezi në Panairin e Librit në Prishtinë. Donika Dabishevci është, poete, studiuese e letërsisë dhe botuese. Ka doktoruar në letërsi, ndërsa përvoja e saj profesionale shtrihet përveç fushës artistike edhe në atë akademike dhe të medias.

Ka botuar librat: “Dashnisë së nji nate” (poezi, 2020); “Kam me ardhë si deka”, (poezi, 2015); “Proza e poetizuar- F.Konica, M.Frashëri, E.Koliqi, M.Camaj, M.Hanxhari” (studim monografik, 2015), “Imazhe të brishta”( poezi, 2004), “Krizantema të plasura” (poezi,1996) etj, ndërsa poezitë e saj janë të përkthyera në 11 gjuhë.